Þjóðviljinn - 23.07.1963, Page 4

4 SÍÐA
H6ÐVILIINN
Þriðjudagur 23. júlí 1953
Ctgefandl: Sameiningarflokkur alþýðu — Sósíalistaflokk-
urinn. —
Ritstjórar: Ivar H. Jónsson, Magnús Kjartansson (áb.),
Siguröur Guðmundsson.
Fréttaritstjórar: Jón Bjamason. Sigurður V. Friðþjófsson.
Ritstjóm. afgreiðsla, auglýsingar. prentsmiðja: Skólavörðust. 19.
Sími 17-500 (5 linur). Áskriftarverð kr. 65 á mánuði.
Mælikvariinn
JTyrir nokkrum dögum var vakin á því athygli
hér í blaðinu að það væri Morgunblaðinu síð-
ur en svo nokkurt fagnaðarefni, þótt horfur væru
á að samkomulag myndi takast í Moskvu um tak-
markað bann við tilraunum með kjarnorkuvopn.
í>ver't á móti hefur blaðið látið í ljós miklar á-
hyggjur af þessu tilefni og varað Kennedy mjög
eindregið við því að semja við Krustjoff, þótt hin
góðu ráð Morgunblaðsins muni að vísu aldrei kom-
ast til áfangastaðar. Þetta eru ekkert ný viðbrögð
í Morgunblaðinu; lesendur hafa fengið að kynnast
þeim alla daga síðan 1951 að hernámið var endur-
nýjað. Hliðstætt viðhorf birtist ljóslega í vor þeg-
ar almenningur fékk vitneskju um þá skýrslu sem
yfirmaður almannavarna, dr. Ágúst Valfells, hafði >
samið um afleiðingar hernámsstefnunnar. Þar var
ljóslega sannað að öll fræðileg rök mæltu gegn
hemámi íslands, það yki ekki öryggi landsmanna
heldur spillti því, það drægi ekki úr hæ'ttunni
heldur magnaði hana. En Morgunblaðið lét allar ,
þvílíkar röksemdir eins og vind um eyru þjóta og I
svaraði skætingi einum, líkt og það lætur sig einu !
gilda þau almennu rök sem virðast þó vera að
sveigja leiðtoga stórveldanna til aukins samkomu-
lags.
jþessi viðbrögð eru afleiðing af því hvernig leið-
togar Sjálfstæðisflokksins hugsa. Almennar
röksemdir hrína ekki á þeim frekar en vatn á
gæs, niðurstöður vísindamarma um hætturnar af
vígbúnaðarkapphlaupi og helsprengjutilraunum
er langf fyrir utan sjóndeildarhring þeirra, alvar-
legar hugleiðingar um framtíð íslendinga snerta
þá ekki. Þeir sjá aðeins eina röksemd, nálæga og á-
þreifanlega: Hernámið er gróðalind, og þá upp-
sprettu þarf að hagnýta sem lengst og bezt. Her-
námið hefur fært íslenzkum ríkiss’tjórnum hundr-
uð milljóna króna í mútufé í rúman áratug, það
hefur opnað leiðtogum hernámsflokkanna leiðir að
hverskyns efnahagslegri fyrirgreiðslu; það hefur
gert hermangsfyrirtækjunum í Sameinuðum verk-,
tökum kleift að mata krókinn; auk þess sem her-
námsflokkarnir, málgögn þeirra og forustumenn
hafa átt vísan f járhagslegan bakhjarl ef þeir,
þurftu á að halda. Það er þessi nákomna stað-
reynd sem markar afstöðu Morgunblaðsins til
allra alþjóðamála; sú stefna er góð sem fesfir her-
námið í sessi og eykur það; hin slæm sem kynni
að draga úr því og afmá það.
Y^sir kunna að draga í efa að efnishyggjan sé
svona rótgróin hjá Morgunblaðinu sem gjam-
an hefur viljað kenna sig við aðrar eigindir. En
hún er í sjálfu sér eðlileg afleiðing af trúnni á
auðvaldsþjóðfélagið, af því sjónarmiði að gróðinn
sé öruggur mælikvarði á það hvað sé rétt og rangt.
Alkunnugt er úr sögunni að sá mælikvarði getur
gert menn svo nærsýna að þeir koma ekki auga
á þær staðreyndir sem blasa við hverjum þeim
sem gefur sér tóm til að líta upp. — m.
Heimsmet Brumels hápunktur
landskeppninnar í Moskvu
Mörg frábær afrek voru unnin um helgina á
Lenín-leikvangi í Moskvu, er þar var háð sjötta
landskeppni Sovétríkjanna og Bandaríkjanna í
frjálsum íþróttum. Hæst ber þó afrek Valeríjs
Brumel, sem enn bætti heimsmet sitf í hástökki,
stökk nú 2,28 metra, einum sentímetra hærra en
gildandi met hans.
Keppnin I karla-
flokknum var nú mun
jafnari og harðari en
nokkru sinni áður,
en Bandaríkjamönnum
tókst enn að tryggja
sér sigurinn með 5 stiga
mun, 119 stigum gegn
114. í kvennaflokki
unnu Sovétríkin með
mun meiri yfirburðum
en búizt hafði verið við
eða 75 stigum gegn 28,
þannig að hin óopin-
bera heildarstigatafla
landanna í kcppninni
varð þessi: Sovétríkin
89 — Bandaríkin 147.
Hér verður getið helztu úr-
slita fyrri keppnisdaginn:
I 100 metra hlaupi karla
sigraði Bandaríkjamaðurinn
Bob Hayes á 10.2 sekúndum, en
Edvin Ozolin, Sovétríkjunum,
varft annar á 2/10 sek. lakari
tíma.
f 110 metra grindahlaupi
gerðist það óvænta, að Anatolín
Mikhajlof frá Sovétríkjunum
sigraði á 13.8 sek., en Banda-
ríkjamaðurinn Lindgren varð
síónarmun á eftir í mark.
Lenoníd Ivanof, Sovét., sigr-<j>
aði í 10 km. hlaupi á 29.10,2
mín. og landi hans Jefímof
varð annar.
f stangarstökki tryggðu
Bandaríkjamenn sér tvöfaldan
sigur. Uelses sigraði, stökk 4.90
en Pennel stökk 4.70 m.
Jim Dupace, Bandaríkjunum
vann 800 m hlaupið á 1.47,8
mín. en Buliséf, Sovétr. varð
annar á 1.48,0.
Bandaríkjamennirnir hlutu
tvöfaldan sigur í kúluvarpi,
Williams vann 400 m hlaupið
á 46.2 sek., Connolly sigraði i
sleggjukasti, kastaði 66.75 m.
í 20 km. kappgöngu sigraði
Sólodoff Sov. á 1.33,40 mín.
í 4x100 metra boðhlaupi
urðu Bandaríkjamennirnir á
undan sovézku keppinautunum
í mark, en voru dæmdir úr leik
vegna ólöglegrar skiptingar
þeirra Pauls Drayton og Hayes.
Sovézka sveitin hljóp á 40.2
sekúndum.
Sem fyrr segir sigruðu sov-
ézku konumar þær bandarísku
með miklum yfirburðum. Fyrri
daginn sigruðu þær sovézku i
öllum keppnisgreinum: Popova
í 100 m hlaupi á 11.7 sek.,
Tsjitsik í hástökki .stökk 1.73
m. Tamara Press vann kringlu-
kastið með 55.61 m. kasti. Ozo-
lína spjótkastið, kastaði 54.41
metra. Þá unnu sovézku stúlk-
umar 4x100 m. boðhlaup á 45
sekúndum.
Síðari dag keppninnar urðu
helztu úrslit þessi:
f þrístökki unnu Rússar tvö-
faldan sigur; fyrstur varð Fé-
doséff, stökk 16.11 metra. í 3000
m. hindrunarhlaupi varð einn-
ig tvöfaldur sovézkur sigur, en
tvöfaldur bandarískur sigur í
kringlukasti, Silvester kastaði
lengst 61.44 metra.
Vfirburðir sovétkvenna í 80
m grindahlaupi (1. Kulkova á
10.9) og í 800 m hlaupi (1. Dmit-
éva á 2.07,8) voru miklir.
Hápunktur keppninnar síðari
daginn var hið nýja heimsmet
Brumels í hástökki sem fyrr
segir. Annar í hástökki varð
Bandaríkjamaðurinn Johnson,
stökk 2.15 metra. f 1500 m hl.
sigraði Bandaríkjamaðurinn
Burleson á 3.41,0 mín. Lusséf,
Sov. sigraði í spjótkasti kastaði
83.09, BandaTÍkjamenn unnu
4x400 m boðhlaupið á
3.04,4 mín. í kúluvarpi kvenna
sigraði Tamarra Press, varpaði
17.59 metra.
Sigurvegari í 5000 metra hl.
varð Túrín, Sovétríkjunum, á
13.50,0 og landi hans Ivanoff,
í öðru sæti á 4/10 sek. lakari
tíma en Bandaríkjamennimir
langt á eftir.
f tugþrautinni sigraði Rúss-
inn Kuznetsoff. hlaut 7666 stig.
Valerí Brumel
Drumchapel og úrvalið
gerðu jafntefli, 1:1
Á sunnudagskvöldið léku
skozku annars flokks piltamir
síðasta leik sinn að þessu sinni
hér og kepptu þá við úrval úr
féiögunum hér. Úrvalsliðið var
þannig skipað:
Gylfi Hjálmarsson Val, Þór-
lákur Hemiannsson Val, Ár-
sæll Kjartansson KR, Þórður
Jónsson KR, Þorgeir Guð-
mundsson KR, Friðjón Guð-
mundsson Val, Helgi Númason
Fram, Hinrik Einarsson Fram,
Guðjón Sveinsson Fram, Theo-
dór Guðmundsson KR og Hörð-
ur Markan.
Þetta lið Reykjavíkur féll
heldur vel saman og það sýndi
John Uelses
baráttuvilja allan tímann. Þeir
sköpuðu sér fyrsta opna tæki-
færið í leiknum, sem kom á 15
mínútu. Var Hinrik þá kominn
innfyrir alla og hafði engan við
að kljást nema markmanninn
sem hafði hlaupið fram; ætl-
aði hann þá að lyfta knettinum
yfir markmanninn en það var
ekki nógu nákvæmt og fór
hann langt aftur fyrir.
Annað tækifæri fengu þeir á &
30. mínútu á alveg sama hátt,
en þá var það Guðjón Einars-
son sem hafði tækifærið, en
hann skaut beint á markmann-
inn sem var kominn út fyrir
vítateiginn. Lenti skotið í
brjósti markmanns.
Skotar voru hættulegir á 17
mín.. en Gylfi varði vel og
forðaði marki.
í síðari hálfleik léku Skot-
ar undan vindinum og lá held-
ur á Úrvalinu sem þó sýndi við
og við laglegan samleik. og á
13. mín. skorar Theodór mark
fyrir úrvalið og var það um 25
m. skot sem fór í horn marks-
ins. Það ruglaði markmanninn
að knötturinn breytti um
stefnu. er hann snerti vamar-
mann, og hafði hann ekki
möguleika til að verja.
A 20. mín, sækia Skotar hart
og eiga skot rétt framhjá
marki. og 10. mín. sfðar bjarg-
ar Gylfi vel hörkuskoti af
stuttu færi.
Drumchapels-menn gefast
ekki upp, og eru oft æði nær-
göngulir, og á 35. mín. sækja
þeir allhart að marki úrvals-
ins. Lauk þessu með því að
vinstri útherji sendir knöttinn
yfir til útherjans hægra megin,
sem þar beið frír og skorar ó-
verjandi fyrir Skota. Þannig
lauk leik þessum með jafntefli
1:1: sem eftir gangi hans er
ekki svo ósanngjarnt.
Framhald á 8. síðu.
Breiðablik
í úrslHum
2. deildar
Á sunnudaginn fór fram í
Vestmannaeyjum leikur í ann-
arri deild, og léku þar saman
Breiðablik og Vestmannaeyjar.
Leikar fóru þannig að jafn-
tefii varð 2:2. Eyjamenn áttu
miklu meira í leiknum og
höfðu mörg tækifæri sem ekki
notuðust, en Breiðablik nýtti
þá möguleika sem þeim buðust.
Þessi leikur geröi út um það að
Breiðablik fer nú í úrslitin
milli riðlanna í annarri deild.
Verður ekki annað sagt en að
bað sé góð frammistaða hjá
Breiðabliki.
Ekki er fullvíst hvaða lið
vinnur hinn riðilinn en margt
bendir til þess að það verði
Þróttur.
1
t