Þjóðviljinn - 29.08.1963, Blaðsíða 3
I
Fimintudagur 29. ágúst 1963
ÞIÖÐVILIINN
SÍÐA 3
Havnar
Hornorkestir
Lúðrasveit Reykjavíkur og Föroyingafelagið í Reykjavík
gangast fyrir kveðjuhófi á Hó^el Borg, fimmtudaginn 29.
ágúst, kL 9. öllum heimiil aðgangur. Miðar seldir við
innganginn.
STJÓRNIR FÉLAGANNA.
Bækur — Tímarít
Kaupi ávallt gamlar og nýjar íslenzkar bækur
og tímarit og alls konar smápésa. Hátt verð
fyrir fágætar bækur. Einnig kaupi ég notuð
íslenzk frímerki, Fyrsta dags umslög og laus
merki.
BALDVIN SIGVALDASON,
Hverfisgötu 16A.
Péstkúsið /
Reykjavík
óskar eftir nokkrum reglusömum mönnum til
bréfaútburðar. Byrjunarlaun kr. 6.000.00 á mán.,
miðað við 42 stunda vinnuviku.
Allar nánari upplýsingar gefur deildarstjóri
’oréfapóststofunnar Sveinn G. Bjömsson.
FÉLAG ÍSLENZKRA RAFVIRKJA
Námskeið fyrir
rahirkja ■ •
verklegt og bóklegt samkvæmt 16. grein samn-
ings við F.L.R.R. hefst við Iðnskólann í Reykja-
vík, 15. sept. n-k. Þeir félagsménn, sem hafa
hug á að sækja umrætt námskeiö, gefi sig fram
1 skrifstofu félagsins eigi síðar en 6. sept. n. k.
FÉLAG ÍSLENZKRA RAFVIRKJA.
AugEýsing
um lausar lögregluþjónsstöður
í Reykjavík
Nokkrar lögregluþjónsstöður í Reykjavík eru
lausar til umsóknar. Umsóknir skulu ritaðar á
þar til gerð eyðublöð, er fást á skrifstofu minni
og hjá lögreglustjómm úti á landi.
Laun samkvæmt hinu almenna launakerfi opin-
berra starfsmanna.
Umsóknarfrestur er til 28. september næstkom-
andi.
Lögreglustjórinn í Reykjavík, 28. ágúst 1963
SIGURJÓN SIGURÐSSON.
Krústjoff enn
á eynni Brioni
BELGRAD 28/8. — Krústjoff,
forsætisráðherra Sovétríkjanna,
og Tito, forseti Júgóslavíu, eyddu
deginum á Brioni-eynni, en
mánudag og þriðjudag áttu þeir
viðræður og urðu sammála um
öll meginatriði alþjóðastjóm-
mála. Fyrri hluta dags fóru þeir
í gönguferðir og stuttar bílferðir
um eyna, en stigu síðan á skip
og héldu til annarar eyjar í
nágrenni Brioni.
Á þriðjudag kom forsetinn í
ítalska senatinu, Cesare Merzag-
ora, með konu og börn til Brioni,
og átti viðræður við Krústjoff
og Tito. Konur þeirra Titos og
Krústjoffs hafa einnig dvalizt á
eynni.
Mannráni mófmælt
LONDON 28/8 — Enska stjómin
lýsti því yfir í dag, að hún liti
mjög alvarlegum augum á mann-
rán það, er framið var á dögun-
um í Bechuanalandi. Þá var
enska blökkulækninum Kenneth
Abrahams rænt. og hann fluttur
til Suður-Afríku. Abrahams hafði
áður flúið frá Suður-Afríku, en
þar er hann sakaður um að hafa
egnt til uppreisnar.
Hinn stöðugi vöxtur á utanríkisverzlun Kínverska alþýðulýðveldisins hefur haft það í för með sér
að Kínverjar byggja nýjar hafnir samkvæmt kröfum nútímatækni, jafnframt því er þeir endur-
bæta gamlar. Höfnin í Tangku, sem Iiggur í Norður-Kína við Chili-flóann, hefur þannig verið tví-
vegis stækkuð frá því 1949. Hefur höfnin verið stækkuð og dýpkuð, og búin nýtízku tækjum.
Fjölmenni mikið í Washington
Bandarískir svertingjar fara
f jöSmenna mótmælagöngu
SKIPAUTGCRB RIKISINS
SKJALDBREIÐ
fer vestur um land til Akureyr-
Iar 30. þ.m. Vörumóttaka í dag
til Vestfjarða, Húnaflóa- og
Skagafjarðarhafna og Ölafsfjarð-
I
ar.
WASHINGTON 28/8. — Gífurlegur fjöldi banda-
rískra blökkumanna lók þátt í göngu, sem efnt
var til í mótmælaskyni við kynþáttamisréttið 1
Bandaríkjunum og til að undirstrika kröfur
blökkumanna um aukin réttindi. Undanfarið hafa
þúsundir blökkumanna hvaðanæva að úr Banda-
ríkjunum streymt til Washington til að taka þátt
í göngunni, og jafnframt hefur miklu lögreglu-
liði, hvífu jafnt og blökku, verið boðið út til að
sjá um að allt fari vel fram. Gangan í dag tókst
með ágætum, og ekki kom til teljandi óspekta.
Er talið, að um tvö hundruð þúsund blökkumenn
hafi tekið þátt í göngunni, en einnig var nokkuð
um hvíta menn.
Göngumenn söfnuðust saman
við minnismerki Washington for-
seta. Fluttu þar ræður þeir Mart-
in Luther King, fyrir blökku-
menn, og Walter Reuther, verka-
lýðsleiðtogi, fyrir hvíta. Blíðskap-
arveður var um daginn. og lá vel
á göngumönnum, en mikill hluti
þeirra var ungt fólk. Áður en
gangan lagði af stað voru m.a.
söngvararnir Lena Horne og
Bobby Darin kynnt göngumönn-
um, svo og baseball-stjarnan
Jackie Robinson og ameríski
sósíalistaleiðtoginn Norman
Thomas, sem sex sinnum hefur
verið í framboði við forsetakosn-
ingar í Bandaríkjunum.
Við minnismerki Washingtons
var gerð tilraun til að koma á
óspektum. Var þar að verki um
60 manna fasistahópur undir for-
ustu bandaríska fasistaleiðtogans
Rockwell. Ekki voru fasistar i
þetta sinn klæddir einkennisbún-
ingum sínum. Lögreglulið kom
þegar á vettvang og skipaði fas-
istunum að hafa sig hæga. Karl
Allen, nánasti samstarfsmaður
Rockwells, reyndi þó að halda
æsingaræðu. Var hann óðara
handtekinn. og ákærður fyrir að
hafa reynt að halda ræðu á úti-
fundi, án leyfis yfirvaldanna.
Skömmu síðar var kona nokkur
handtekin, er hún þreif kröfu-
spjald af einum þátttakenda, og
reyndi að eyðileggja það.
Frá minnismerki Washingtons
hélt gangan til minnismerkis
Lincolns forseta, en hann veitti
blökkumönnunum að nafninu til
frelsi fyrir hundrað árum.
Sungu göngumenn til skiptis
ættjarðarsöngva og frelsis-
söngva, og mátti sjá í hópnum
marga kunna stjórnmálamenn,
svo og listamenn og rithöfunda.
Var gengið í tveim fylkingum,
og telur lögreglustjóri Washing-
tonborgar, að 175 til 200 þúsund
manns hafi tekið þátt í göng-
unni. Göngunni var enn ekki
lokið er síðast fréttist. Hafði þá
allt farið hið bezta fram.
Veir Walter Reuther og Mart-
in Luther King gengu á fund
Kennedy forseta. Fullvissuðu
þeir hann um fullan stuðning í
baráttu hans fyrir að auka
mannréttindi blökkumanna í
landinu. Þá hefur Kennedy birt
efni ræðu þeirrar, er hann
hyggst halda á bandarískum há-
tíðisdegi innan skamms. Kveðst
hann þá muni leggja á það á-
herzlu, að öllum hljóti nú að
vera ljóst, að bandarískir borg-
arar séu og eigi að vera jafn
réttháir. Einnig lætur hahn í
Ijós þá ósk. að beim sigrum,
er unnizt hafi, verði aldrei snú-
ið upp í ósigur.
Kínverjum neitað
um kjarnorkuvopn
16250 VÍNNINGAR!
Fjórði hver miði vinriur að meðaltali!
Hæstu vinningar 1/2 rhilljón krpnur.
Lægstu 1000 krónur.
Dregið 5. hvers mánaðar.
Reykvíkingar!
Norrænu sundkeppninni
lýkur 15. september.
Sundeild KR skorar á alla
þá Reykvíkinga, sem enn
hafa ekki synt 200 metr-
ana, að Ijúka því nú þegar.
Gcrum hlut Reykjavíkur
sem stærstan í heildarsigri
landsins.
SUNDDEILD K R
MOSKVU 28/8. — Tímaritið
Nýi tíminn, sem gefið er út í
Moskvu, birtir í dag grein um
deilur Kommúnistaflokka Kína
og Ráðstjórnarríkjanna. Segir
þar, að andstaða Kínverja við
Moskvusamkomulagið um tak-
markað bann við kjarnorkuvopn-
um, stafi af gremju yfir því, að
VONDUÐ
F
m u r
Sýuzþórjónsson &co
Jíafna&trœti 4-
Sovétríkin hafi ekki látið Kín-
verjum kjarnorkuvopn í té.
Tímaritið Nýi tíminn er gefið
út á fjölmörgum tungumálúm.
í tímaritsgreininni segir enn-
fremur, að þó Kínverjar geti
ekki fyrirgefið Sovétríkjunum
þessa afstöðu, sé hér ekki um
einkamál að ræða, heldur mál,
s'em allan heiminn varði. Ef
Sovétríkin hefðu látið til leiðast
að láta bandamönnum sínum
kjarnorkuvopn í hendur, hefðu
Bandaríkin að sjálfsögðu gert hið
sama við bandamenn sína. Segir
í greininni, að þá hefði verið
skammt til kjamorkustyrjaldar.
Þetta er í fyrsta skipti, sem
viðurkennt er opinberlega í Sov-
étríkjunum að Kínverjum hafi
verið neitað um kjamorkuvopn.
Hefur þetta lengi verið haft fyr-
ir satt, en ekki verið staðfest
fyrr en nú.
v/Miklatorg
Sími 2 3136
V
K