Þjóðviljinn - 30.11.1963, Blaðsíða 12

BAZAR KVENFÉLAGS SÓ SÍALISTA ER í DAG

iíííSS-:
Álifs Ingólfs Jónssonar flugmálaráSherra:
Ekki raunhæft að byggja
nýjan flugvöil á Álftanesi
□ Á fundi með blaðamönnum í gær lýsti flug-
málastjóri þeirri skoðun Ingólfs Jónssonar, flug-
málaráðherra, að ekki komi til greina að byggja
nýjan flugvöll á Álftanesi.
| | Er kostnaður talinn of mikill, en áætlað er, að heild-
arkostnaður við byggingu slíks flugvallar yrði 320—420
milljónir. Ráðherrann telur. að Reykjavíkurflugvöllur
hljóti áfram að þjóna erlendu og innlendu flugi. Endur-
bæta þurfi flugvöllinn, en það muni kosta brot af kostn-
aði við nýjan flugvöll. Þotuflug muni enn um sinn fara
fram um Keflavíkurflugvöll.
Að sögn flugmálastjóra hefur I
Flugráð enn ekki tekið afstöðu
í málinu. Agnar Koefod kvað
flugmálaráðherra hafa haft að-
gang að sömu gögnum og flug-
málastjómin. er hann myndaði
sér skoðun. Má því fullvíst telja,
að nú sé endanleg ákvörðun tek-
in í þessu máli.
Ella ræddi flugmálastjóri gagn-
rýni. sem fram hefur komið á
flugmálastjórnina fyrir „algjört
stefnuleysi". Ekki kvað flug-
málastjóri þessa gagnrýni á
rökum reista, stefnuna hefðu
þeir, en vantaði afl þeirra hluta,
er gera skai, nefnOega fjármagn.
Nefndi flugmálastjóri máli sínu
til sönnunar, að frá því ríkis-
valdið hóf afskipti af flugmál-
um árið 1936 og til ársloka
1963 hafi verið veittur til flug-
mála tæpar 99 milljónir, eða
nánar tiltekið 98.899.550 kr. —
að viðbættum 88 aurum.
Rakti síðan nokkuð, hvað gert
hefði verið við þetta fé, og
kvaðst efast um, að aðrir hefðu
fengið meira út úr ekki meiri
fjárframlögum. „Fátæktn var
mín fylgikona" getur flug-
málastjóri sagt með nokkrum
rétti.
Ýmislegt fleira kom fram á
þessum blaðamannafundi. M.a.
ræddi flugmálastjóri um nauð-
syn varavallar, en slíkan völl
kvað hann heppilegast að reisa
í Aðaldal. Þá gaf flugmálastjóri
bær athyglisverðu upplýsingar.
að fyrir tæpum tíu árum hefði
hann fengið vilyrði hjá flug-
málaráðherra Bandaíkjanna fyrir
5 milljóna dollara framlagi —
óafturkræfu — til þessa vallar,
en frá því hefði verið horfið
að taka því boði. Ekkl kvað
hann þetta mundu standa til
boða nú!
í DAG heldur Kvenfélag sósíal-
ista bazar í Tjarnargötu 20
og verða þar að venju á boð-
stólum fjölmargir eigulegir
munir, m.a. prjónavörur ým-
iskonar, svo sem hosur, peys-
ur af mörgum gerðum, og
smáfatnaður, ennfremur
svuntin: og dúkar og margt
fleira er of langt er
upp að telja. Er þarna ágætt
tækifæri til að eignast góða
muni til jólagjafa-
MEÐ ÞVÍ að sækja bazarinn
og kaupa muni styrklð þið
Iíka starfsemi félagsins en
bazarinn er ein helzta tekju-
Iind þess. Heldur félagið uppi
margvíslegri starfsemi sem
vert er að Ieggja lið.
MYNDIN HÉR að ofan er tck-
in í gær er verið var að
koma bazarmununum fyrir og
sézt þar nokkur hluti þeirra.
— (Ljósm. Þjóðv. A. K.).
AÐALFUNDUR L.Í.Ú. HÉLT
ÁFRAM í GÆRDAG
Eins og frá var skýrt hér í
blaðinu í gær hófst fundur
Landssambands íslenzkra út-
vegsmanna í fyrradag. Lýstu
fulltrúar hinna ýmsu sambands-
félaga tillögum félaga sinna á
fundinum í fyrradag og reifuðu
þær en síðan var þeim vísað
til nefnda. Stóð fundurinn til
kl. að verða 1 eftir miðnætti.
1 gærmorgun sátu nefndir að
störfum en fundur hófst að
nýju kl. 2 e.h. SWluðu nefndir
þá áliti og nokkrar tillögur voru
samþykktar.
Kl. 5 síðdegis hélt Emil Jóns-
son sjávarútvegsmálaráðherra
ræðu en að henni lokinni var
haldið áfram umræðum um
nefndarálit.
f gærkvöld áttu nefndir að
starfa en fundarstörf heíjast að
nýju í dag.
Aðalfundur
Sósíalistafélags Kópa-
vogs verður haldinn mið-
vikudaginn 4. des 1963
að Þinghól.
Dagskrá: Yenjuleg að-
ilfundarstörf.
EINN TÍMIAÐ
MORGNI DAGS
Nokkur útburðarhverfi losna nú um mánaða-
mótin. Afgreiðsla Þjóðviljans, sími 17 - 500.
TVÆR ÍSLENZKAR
SKÁLDSÖSUR Á
FORLAGIIÐUNNAR
Bókauppskeran hjá Iðunni er mikil að vöxtum í ár.
Forlagið gefur út nýja skáldsögu eftir Indriða G. Þor-
steinsson, en nú eru sex ár síðan hann lét síðast bók
frá sér fara — það var smásagnasafnið Þeir sem guðimir
elska.
Skáldsagan heitir Land og
synir. Sagan gerist í sveit á
kreppuárunum og segir frá líf-
striði föður og sonar — fað-
irinn fellur frá í miðri sögu og
síðan greinir frá þeirri baráttu
sem sonurinn á í við sjálfan
sig og umhverfið um það hvort
Indriði G. Þorsteinsson.
hann á að yfirgefa starf og
land feðra sinna og fara á möl-
ina. Og þar að auki koma við
sögu dóttir nágrannans, hrepp-
stjórinn, kaupfélagsstjórinn og
annað það fólk sem nauðsynlegt
er í eymd þess tíma.
Höfundur segist hafa haft
söguna í smíðum síðan 1959 og
hafi hún ekki fajðzt harmkvæla-
laust vegna sjálfsgagnrýni. Hann
segir einnig að ýmisleg tengsl
megi finna milli þessarar sögu
og 79 af stöðinni — hin síðari
gæti verið nokkurskonar for-
spjaU að hinni fyrri, sonurinn
í Land og synir gæti sem bezt
verið Ragnar bílstjóri.
Iðunn apfur einnig út nýja
skáldsögu eftir Óskar Aðalstein
og nefnist hún Vonglaðir veiði-
menn. Þetta er gamansaga um
fjóra garpa sem freista veiði-
gæfunnar í nyrztu héruðum
landsins. Halldór Pétursson
myndskreytti bókina, sem er
hin ellefta frá hendi þessa höf-
undar.
Þá gefur forlagið út bók eft
ir Jóhann Hjaltason sem nefn-
ist Frá djúpi og ströndum. I
henni segir frá vermönnum og
verstöðvum við Isafjarðardjúp,
frá hákarlaveiðum frá Gjögri á
Ströndum og fleiri þættir eru
í bókinni þjóðfræðalegs og hér-
aðssögulegs eðlis, nokkur hluti
þessa efnis hefur áður birzt
í samnefndri bók höfundar, en
hér er mjög bætt við og víða
breytt. I bókinni eru allmarg-
ar teikningar af seglabúnaði, á-
höldum og veiðafærum.
Einnig er komin út hjá Ið-
unni skemmtisaga eftir Alistair
MacLean, Til móts við gull-
skipið, en þessi höfundur hefur
verið tölvert þýddur á íslenzku
síðustu ár. I bókaflokknum Sí-
gildar sögur Iðunnar koma út
þrjár vel þekktar sögur: Kofi
Tómasar frænda eftir Harriet
Beecher Stove í þýðingu Am-
heiðar Sigurðardóttur, Ivar HIú-
jám eftir Walter Scott í þýð-
ingu Andrésar Kristjánssonar.
AUar eru þessar bækur mynd-
skreyttar.
Laugardagsleikrít Útvarpsins kynnt
Tónlistardcild útvarpsins hef-
ur tekið upp þá nýbreytni
að senda dagblöðunum til
birtingar stutta kynningu á
laugardagsleikritum þeim er
flutt verða í útvarpinu. Fer
fyrsta kynningin hér á eftir
en hún er á leikriti því er
flutt verður í kvöld: Rætur
eftir Arnold Wesker.
„Leikritið „Rætur“ er samið
af Amold Wesker, en hann er
einn þeirra þriggja ungu höf-
unda í Englandi sem á síðustu
árum hafa getið sér mest
frægðarorð sem skáld leik-
hússins. Hinir tveir eru John
Osbome og Harold Pinter.
Fyrir nokkrum árum flutti
Þjóðleikhúsið eitt af leikrit-
um Osbomes, ,,Horfðu reið-
ur um öxl“ og eftir Pinter
flutti útvarpið leikritið
,,Mömmudrengur“ 1962 og var
það endurflutt á þessu ári.
Með leikritinu „Rætur“
verður i fyrsta sinn fkitt hér
verk eftir Amold Wesker.
Þessi ungi höfundur, er
fæddur 1932 og því aðetns
rúmlega þrítugur að aldri,
hefur á síðustu fimm árum
samið 5 leikrit. ▼
Wesker er fæddur í Gyð-
ingahverfinu í Austur-Lon-
don. Þar byrjaði hann sex-
tán ára gamall að vinna fyr-
ir sér við hin ólíklegustu
störf, hann var trésmiður,
bóksali, blýsmiður, landbún-
aðarverkamaður, starfsmaður
í eldhúsi á veitingastað og
bakari, síðan í breska flug-
hemum í tvö ár til 1958 er
hann gerðist rithöfundur.
Reynsla hans við þessi marg-
breyttu störf og kynni hans
af margskonar fólki hafa
orðið efnið og uppistaðan í
leikritum hans.
1 íormála fyrir þrfleik sín-
um kemst hann svo orði:
,,Ég er eitt með þessu fólki.
Það versta er að ég er óá-
nægður með það og með sjálf-
an mig“. Með þessari athuga-
semd orðar hann sfcilmerki-
lega innsta kjama sjálfs sín
sem leikritaskálds. Sú vitund
og vissa að hann er að lýsa
því sem hann gjörla þekkir
gefur leikritum hans það sér-
stæða gildi og þá mannlegu
dýpt sem einkennir þau öðru
fremur og sú grundvallarhug-
sjón er inntak allra leikrita
hans að gefa þessum fáfróðu
hversdagsmanneskjum tæki-
færi til skilnings og þroska,
ekki sízt með því að þær fái
að njóta listanna, og fyrir
því hefur hann barist einn'g
í verki með stofnun samtaka
sem að því miða.
Þýðinguna gerði Geir Krist-
jánssom.
Leikstjóri er Baldvin Hall-
dórsson.
Aðalhlutverkiin leika: Briet
Héðinsdóttir (Beatie Bryant),
og er þetta fyrsta stóra hlut-
verkið sem þessi unga leik-
kona leikur í útvarp. Helga
Valtýsdóttir, móður hennar
Mrs. Bryant, Valur Gíslason,
föður hennar, Mr. Bryant,
Herdís Þorvaldsdóttir systur
hennar, Jenny Beales, Róbert
Arnfinnsson, mág hennar,
Jimmy Beales o.fl.“
Fullveldis-
fagnaðeir ÆFR
er í kvöld
Æskulýðsfylkingin í Reykjæ
vík heldur fullveldisfagnað í Fé-
lagsheimili Kópavogs i kvöid
kl. 9.
Meðal skemmtiatriða verður
upplestur Ástu Sigurðardóttur,
ávarp og fleira.
Félagar eru hvattir til að
mæta vel og stundvíslega og
taka með sér gesti. Allir vel-
komnir.
Miðar verða seldir við inn-
eanginn og í skrifstofu ÆFR
frá kl 2—7 i dag.
Bifreið stolið
í fyrrinótt var blfreiðinni
R-13235 stolið af bílastæði við
Laugaveg 90. Bifreiðin er sex
manna fólksb'freið árgerð 1950,
Chevrolet. Hún er svört að ofan
«n grá að neðan.