Þjóðviljinn - 18.05.1965, Blaðsíða 3
Þrxðjudagur 18. mai 1965
H6ÐVILIINN
SÍÐA 3
Gífurleg sprenging á flugvellinum í Bien Hoa:
40 bandarískar flugvélar
skemmdar eða eyðilagðar
SAIGON 17/5 — Á sunnudag varð mikil keðju-
sprenging á flugvellinum í Bien Hoa í Suður-
Vietnam með þeim afleiðingum, að 27 menn lét-
ust og 103 saerðust en meir en 40 bandarískar flug-
vélar eru eyðilagðar eða skemmdar. Nefnd sér-
fræðinga kom frá Bandaríkjunum í dag til þess
að rannsaka þessa sprengingu, en ekki er vitað
um orsakir hennar.
Á mánudag sprakk einnig 225
kg. sprengja í þessari sömu
flugstöð, en ekki varð í það
skipti tjón á mönnum né mann-
virkjum. Fjórar sprengjur voru
til öryggis gerðar óvirkar. Af
þeim er særðust í sprenging-
unni á sunnudag, eru allmargir
svo hætt komnir, að óttazt er
um líf þeirra.
Stonnahlc.
Bandaríkjamenn gerðu á s.l.
sunnudag engar sprengjuárásir
á Norður-Víetnam og er þetta
fimmti dagurinn í röð, sem þeir
láta slíkt ógert. Hins vegar
gerðu bandarískar flugvélar enn
sem fyrr sprengjuárásir á
meintar stöðvar Víetkong.
Harðir bardagar.
Harðir bardagar voru háðir
um helgina í Suður-Víetnam og
Sambandi slitið
KHARTOUM 17/5 — Súdan
-sleit um helgina formlega
stjórnmálasambandi við Vest-
ur-Þýzkaland og hafa þá alls
tíu arabaríki stigið það skref.
Af arabaríkjunum eru það nú
aðeins Túnis, Marokkó og
Líbýa, sem halda enn stjórn-
málasambandi við stjórnina í
Bonn.
Fær heimsókn
í fangelsið
MOSKVU 17/5 — Sovézk y'f-
irvöld leyfðu það um helgina
að frú Barbara Brooke fengi
að heimsækja mann sinn,
enska kennarann Gerald
Brooke, sem situr í fangelsi
í Moskvu sakaður um undir-
róðursstarfsemi. Það var 25.
apríl sl. sem Brooke var
handtekinn, og hefur enn
ekki verið nánar skýrt frá
því en þetta, hvað honum sé
gefið að sök.
Rekinn úr landi
LA PAZ 17/5 — Juan Lecin,
fyrrum varaforseti Bolivíu,
hefur nú verið fluttur úr
landi og er honum gefin und-
irróðursstarfsemi að sök að
því er innanríkisráðherrann,
Oscar Quiroga, sagði í La
Paz á sunnudag.
Flugvélasmíði
LONDON 17/5 — Enska og
franska stjórnin urðu á mánu-
dag sammála um samvinnu
milli iandanna um smíði her-
flugvéla. Undanfarið hafa
enskir og franskir ráðamenn
setið á fundum í Lundúnum
og rætt þessi mál, og er þetta
samkomulag árangur þeirra
xiðræðna.
virðist ýmsum hafa veitt betur.
Stjórnarherinn kvaðst hafa fellt
39 Víetkongliða og tekið 13 til
fanga á sunnudag suður af Sai-
gon, en fellt 25 aðra í þetta
skipti vestur af borginni. Hafi
í það skiptið bandarísk flug-
vél verið skotin niður, en flug-
maður sloppið. Á laugardag
gerði herlið Víetkong árás á
vopnabúr um 80 km norður af
Saigon og segist stjórnarherinn
við það tækifæri hafa misst 47
menn en tveir bandarískir „ráð-
gjafar” hafi fallið. 1 þessari á-
rás sprengdu skæruliðar í loft
upp 13 vörubíla hlaðna skot-
færum, en höfðu einn á brott
með sér og var hann hlaðinn
handsprengjum.
Agizkanir.
Fréttaritarar í Saigon velta
því nú mjög fýrir sér, hvort
þetta árásarhlé merki það að
Bandaríkjastjórn hyggist leita
samninga. í Washington er
hins vegar svo opinberlega skýrt
frá, að þetta stafi einfald-
lega af því, að bandarísk hern-
aðaryfirvöld vilji rannsaka það,
hve miklir skaðar hafi orðið á
skotmörkum flugvélanna. —
Stjómin í Hanoi hefur lýst
þessu hléi á árásunum sem nýrri
tilraun Bandaríkjamanna til að
blekkja almenningsálitið um
heim allan og villa á sér heim-
ildir.
Diplómat
flúinn
BERLÍN 17/5 — Háttsettur
pólskur diplómat, Vladiskav
Tykocinsky að nafni, hefur
beðizt hælis í Vestur-Berlín
sem pólitískur flóttamaður.
Hann var hernaðarlegur
ráðunautur og hefur nú verið
fluttur með flugvél tii Vest-
ur-Þýzkalands. — Enn er
mál þetta haria óljóst og seg-
ir norska fréttastofan NTB
að það hafi komið yfirvöld-
um í V-Berlín svo og hernað-
aryfirvöldum vesturveldanna
mjög á óvart er Tykocinsky
birtist og baðst hælis.
Björn Lundahl
Lundahl fyrir
rétt á morgun
STOKKHÓLMI 17/5 — Nýnaz- '
istaleiðtoginn sænski Björn Lun-
dahl, veröur á miðvikudag dreg-
inn fyrir rétt í Stokkhólmi og
sakaður um að hafa tekið þátt
í vopnuðu samsæri með það
fyrir augum að reka glæpastarf-
semi gegn ríki og einstaklingum.
Verði nýnazistaleiðtoginn sekur
fundinn, á hann á hættu allt að
tíu ára fangelsi. — Auk Lun-
dahls eru nú sex menn í haldi
vegna þessa máls.
Forsætisráðherra
fylgist með 17.
maí í Osléborg
Bjarni Benediktsson forsætis-
ráðherra kom síðdegis á laugar-
dag til Oslóar í opinbera heim-
sókn og eru með honum í för
kona hans, frú Sigríður Björns-
dóttir, og dóttir þeirra hjóna,
Anna. Búa þáu í gestahúsi norsku
stjórnarinnar í Parkveien í Osló.
Á sunnudagskvöld hélt norska
stjórnin íslenzka forsætisráð-
herranum veizlu í hinum forna
kástala Akershus og hélt Bjarni
Benediktsson ræðu við það
tækifæri, svo og Einar Gerhard-
sen, forsætisráðherra Noregs. Á
mánudag fylgdust svo íslenzku
gestirnir með hátíðahöldunum í
Ósló vegna þjóðhátíðardags
Norðmanna, 17. maí og Anna
Biarnadóttir, sem er 10 ára að
aldri, gekk með i hinni frægu
barnaskrúðgöngu.
f
I
^mingo
SAN DOMINGO 17/5 — Að-
fararnótt mánudags kom til
harðra bardaga í Dómíníkan-
lýðveldinu milli uppreisnar-
manna annars vegar en herliðs
herforingjaklíkunnar hinsvegar.
Var beitt bæði hervögnum og
sprengjuvörpum og er haft eftir
góðum heimildum að 70 manns
að minnsta kosti — mest ó-
breyttir borgarar — hafi látizt
í átökunum.
Þá hefur bandaríska stjórnin
formlega boðizt til þéss að láta
OAS í té herlið sitt í Dómíník-
anlýðveldinu. McGeorge Bundy,
sérlegur sendimaður Johnsons
forseta, kom á sunnudagskvöld
til Santo Domingo, en ekkert
hefur verið látið uppi um það,
hve lengi hann verði í landinu.
Gífurlegt mann-
tjón í Pakistan
DACCA 17/5 — Enn er engar
fullnaðartölur að fá um það,
hve margir menn hafi látið líf-
ið í hvirfilbylnum í Austur-Pak-
istan í síðustu viku, en þegar
er vitað um 5.492 sem farizt
hafa. Það eru talsmenn stjórnar-
innar, sem frá þessu skýra en
aðrir gizka á, að endanieg tala
muni nálgast tíu þúsund.
í Barisal-héraðinu, sem var
einangrað frá umheiminum dög-
um saman eftir ofsaveðrið, hafa
4.692 látið líf sitt og fastlega er
búizt við því, að sú tala eigi
enn eftir að hækka. Mikill hluti
héraðsins er enn undir vatni en
mikil flóð urðu þar vegna veð-
urofsans. Opinber embættismað-
ur í Dacca, sem er helzta borg-
in í Austur-Pakistan, skýrir svo
frá, að það hafi verið eins og
kjarnorkusprengja spryngi yfir
Austur-Pakistan. Hann bætti því
við, að íbúarnir hefðu sýnt að-
dáunarverða ró í þessum nátt-
úruhamförum öllum, og fólk sé
þegar tekið til við að reisa
heimili sín úr rústum. Ayub
Khan, forseti, hefur tilkynnt,
að ríkisstjórnin muni veita sem
svarar níu miljónum íslenzkra
króna til þess að bæta úr brýn-
ustu neyðinni á stormasvæðun-
um.
Narðfirðingi fagnað
Framhald af 12. síðu.
til Norðfjarðar og fyrir rúmu
ári hefði verið keypt vél bein-
línis ætluð í þetta flug. Það kom
fljótt í ljós að hún reyndist of
lítil til að anna þessu öllu. Og
nú væru Norðfirðingar að fagna
nýrri og stærri vél, sem flutt
gæti helmingi fleiri farþega og
miklu meira af vörum.
Vélin er keypt með beinni að-
stoð Norðfirðinga, bæjarstjórn
gengur í ábyrgð fyrir 70°/n - af
andvirði vélarinnar og Síldar-
vinnslan h.f. lánar nokkurt fé
til kaupanna. Okkur var ljóst,
sagði Bjarni, að þessi mál yrðu
ekki leyst nema fyrir tilstuðl-
an Norðfirðinga sjálfra.
Að lokinni móttökuathöfninni
á flugvellinum var boðið til
kaffidrykkju í félagsheimilinu
Egilsbúð. Þar flutti Lúðvík Jós-
efsson ræðu og ræddi um sam-
göngumál Norðfirðinga, sagði m.
a. að margt kallaði á auknar
samgöngur bæði Norðfirðinga
vegna og annarra. Gat hann þess
m.a. að rætt hefði verið um
jarðgöng á Oddsskarðsvegi. Að
lokum þakkaði Lúðvík Flugsýn-
armönnum dugnað þeirra og
sagði þá hafa unnið þrekvirki
og vonaði að þeim farnaðist vel.
Næstur tók til máls Ingólfur
Jónsson, flugmálaráðherra. Hann
kvaðst hafa reynt að gera sér
grein fyrir hinum erfiðu sam-
göngum sem víða væri við að
stríða, m.a ekið um allt Austur-
land. Krafa allra væri að ein-
angrunin væri rofin, ekki aðeins
við næsta byggðarlag heldur
einnig við allar höfuðstöðvar
landsins. Mikið fé hefði verið
lagt í flugvöllinn á Norðfirði og
því raunalegt ef hann yrði ekki
notaður, en svo hlaut að fara
og væri það að þakka samvinnu
milli Norðfirðinga og Flugsýnar.
Næsta verkefni væri að fullgera
flugvöllinn og vonaði hann að
það mætti takast hið fyrsta.
Að lokum tók til máls Jón
Magnússon, stjórnarformaður
Flugsýnar. Hann sagði að þetta
væri mjög stór dagur fyrir þá
Flugsýnarmenn, og hefði þá ekki
dreymt um að svo fljótt yrði
komin flugvél sem þessi á þessa
flugleið. Jón rakti síðan
hvernig gengið hefði þessa 13
mánuði sem Flugsýn hefði hald-
ið uppi flugi til Norðfjarðar
með litlu vélinni. Hún hefðifar-
ið 278 ferðir, flutt um 3500 far-
þega og nær 100 tonn af vörum
og verið í 1200 klst. á lofti.
Þetta sýndi bezt þörfina á góð-
um flugsamgöngum við Norð-
fjörð.
• Afgreiðsla Flugsýnar hefur
verið í höndum bæjarsjóðs Nes-
kaupstaðar og hafa tveir starfs-
menn bæjarins unnið við hana,
nú verður nokkur fyrirkomu-
lagsbreyting á afgreiðslunni og
hefur Örn Scheving, sem áður
var bæjargjaldkeri, verið ráðinn
umboðsmaður Flugsýnar,
I
Ódýrt - Góð kaup
1
NYKOMIÐ
Kvenbuxur ......
Telpnabuxur 2— 8
Telpnabuxur 10—12
Náttföt barna 2— 6
Náttföt barna 8—10
kr. 29,00
kr. 27,00
kr. 29,00
kr. 78,00
kr. 92,00
NYGENstriginn er
STAL
AÐEINS
GENERAL HJOLBARÐINN ER
MEÐ NYGEN STRIGA
INTERNATIONAL
hjólbarðinn hf,
LAUGAVEG 17S SÍMI 35260
Nauðungaruppboð
verður haldið að Laugavegi 168, hér í borg, eftir
kröfu Agnars Gústafssonar hrl., o.fl. miðvikudag-
inn 19. maí n.k. kl. 2 e.h..
Seld verður stillitækjasamstæða (O.M.Z.), renni-
bekkur (Walker Turner), borvél, logsuðutæki, pen-
ingakassi, sjónvarpstæki o-fl.
Greiðsla fari fram við hamarshögg.
Borgarfógetaembættið í Reykjavík.
Skrífstofuhúsnæði
200—250 ferm. skrifstofuhúsnæði óskast sem fyrst.
Áríðandi að góð bifreiðastæði séu fyrir hendi.
Hagtrygging h.f.
Bolholti 4. — Símar 38580 og 38581.
Aug/ýsingusimi ÞfóðvUjans
er 17-500