Þjóðviljinn - 05.06.1973, Blaðsíða 15

Þriöjudagur 5. júni 1973. ÞJÓÐVILJINN — StÐA 15
Þingmaður
Framhald af bls. 6.
kennilegt að þetta gæti gerzt á
sama tima og freigátur væru
sendar hingað, til að vinna á móti
tslendingum sem að hans áliti
væru einungis að vinna að við-
haldi fiskistofnsins og gert sér
fært aö lifa áfram i landi sinu.
Þar er hann að ræða framtiðina
og segir, að þessi margumtalaða
alþjóðlega fiskveiðiráðstefna,
sem átti að vera 1973 og veröur
svo ekki fyrr en 1974 hafi þann
framkvæmdargalla, að jafnvel
þótt einhverjar merkilegar
ákvarðanir verði teknar þar á
næsta ári þá gæti það dregizt
mjög að þær komist i gegnum allt
skrifstofubáknið og til fram-
kvæmda, að hans mati allt að 5
ár. Og á þeim tima gætu allir
hamazt i að veiða i kringum
landið, þannig að allt væri
uppurið þegar til framkvæmda
kæmi.
Yfir 30 riki hafa einhliða fært út
landhelgi sina lengra en
Islendingar og þá allt upp i 200
milur. Eric tók fram aö þessar
þjóðir væru þó engin eins háð
fiskveiðum sínum og Islendingar.
A sama tima og Bretar senda
herskip til aðstoðar veiðiskipum
sem stunda veiðar innan 50 milna
landhelgi Islendinga, sem þeir
neita að viðurkenna, þá hafa þeir
sjálfir fært út lögsögu sina yfir
auðævum sjávarbotnsins i 150
milur til þess að geta nýtt auð-
lindir á sjávarbotni, td. unnið
oliu, sem er i dag a.m.k. mjög
mikilvæg auðlind, vegna nýrrar
stefnu aðalframleiðanda. Þótti
Eric að vonum rökrétt að ef
Englendingar ætlast til að aðrar
þjóðir virði rétt þeirra til að nýta
þessar auðlindir sjávarbotnsins
allt að 150 milur, sem meira að
segja ganga einhvern tima til
þurrðar, þá ættu þeir aö viður-
kenna rétt Islendinga til útfærslu
i 50 milur, og þá ekki siður þar
sem fiskurinn er ekki eins og
olian, heldur er hægt að hafa
alltaf jafn mikið eftir handa
komandi kynslóðum ef og það er
stórt ef, haldið er rétt á málum og
t.d. hrygningarsvæði friðuð.
Þá tekur hann fyrir vandamálið
með veru tslands i NATO og segir
Islendinga vilja vera hlutlausa
þjóð eins og td. nágrannar þeirra
Sviar. Það er þess vegna sem þeir
vilja ekki leyfa brezkum NATO-
flugvélum að nota NATO-flug-
völlinn á íslandi.
Að siðustu segir Eric að hann
vilji hvetja enska sósialista og
verkalýösfélög til þess að styðja
kröfu Islands um útfærslu land-
helginnar, þvi það sé öllum fyrir
beztu.
Islendingar eru lýðræðisþjóð
með elzta þing i heimi. Við eigum
vissulega að ræða við fulltrúa
þeirra við samningaborðið, segir
greinarhöf. — og kalla heim her-
skipin samstundis.
(Or „Morning Star” 26. mai
1973.)
3. júníinn
Framhald af bls. 1.
Skipstjóri verður Halldór Hall-
dórsson, sem um langa hrið hefur
verið skipstjóri á öðrum togara
Bæjarútgerðarinnar, Mai. Yfir-
vélstjóri verður Óskar Guðjóns-
son, og ísti stýrimaður Guð-
mundur Jónsson. Júni heldur á
veiðar eftir nokkrar lagfæringar
og tilfærslur i vinnslusal eftir
hálfan mánuð eða svo.
Fyrsti togari Hafnfirðinga sem
bar nafnið Júni strandaði á ön-
undarfirði 1948. Mannbjörg varð.
Annar togarinn með þessu nafni
var seldur til Grikklands 1964.
Fréttamenn fengu i gær tæki-
færi til að skoða togarann þar
sem hann lá i Hafnarf jarðarhöfn.
Er þetta hið glæsilegasta skip i
alla staði, og klefar skipverja all-
ir fyrsta flokks vistarverur.
Smiðasamningur skipsins hljóð-
aði upp á 1,7 miljónir dollara eða
tæplega 160 miljónir. Meðal nýj-
unga i togaranum má geta þess,
að auk þess trolls sem er i sjó bið-
ur annað með bobbingum og öllu
tilheyrandi tilbúið i hafið ef það
sem upp'er dregið er óklárt eða
rifið, svo enginn togtimi tapast þó
vinna þurfi að viðgerð á trollinu.
Ahöfn Júni verður 24 menn,
miöað við isfiskiri.
— úþ.
Enn sigruðu
Framhald af bls. 11.
eyringa, á höfði og lá að þvi er
virtist hálfrotaður eftir samstuð
viö Keflviking úti i teignum. Guð-
mundur dómari sá einhverra
hluta vegna ekki ástæðu til að
stöðva leikinn, og sóttu Keflvik-
ingar þvi i lengri tima á „mann-
laust markið”. Þarna skapaðist
þvi stórhætta, en varnarmanni
tókst að bjarga á marklinu með
þvi að beina boltanum út fyrir
endamörk og gera þannig horn-
spyrnu. Þá fyrst stöðvaði dómari
leikinn.
A 25. minútu áttu heimamenn
hörkuskot fyrir utan vitateig, sem
fór i varnarmann og siðan i
stöng. 1 siðari hálfleik jafnaðist
leikurinn nokkuð og Keflvikingar
héldu uppteknum hætti við að
misnota færi sin. Stéinar var sér-
lega iðinn við það, en það ber
einnig að hafa i huga að Arni Ste-
fánsson markvörður varði hreint
snilldarlega á köflum.
A 27. minútu áttu Akureyringar
gott tækifæri til að hirða annað
eða bæði stigin úr þessum leik.
Eyjólfur Agústsson átti þrumu-
skot i vinstra markhornið sem
Jón Sveinsson, sem lék fyrir Þor-
stein i Keflavikurmarkinu, varði
fallega, en hélt ekki boltanum
sem skoppaði út að vitapunkti.
Sigurbjörn Gunnarsson skaut þar
i tómt markið, en á undraverðan
hátt var Jón þá „upprisinn” og
bjargaði.
Mark Keflvikinga skoraði Ólaf-
ur Júliusson á 35. minútu eftir að
hafa fengið sendingu inn að
markteig.
Geta Keflvikinga olli vonbrigð-
um i þessum leik, en dugnaður
Akureyringa kom að sama skapi
á óvart. Þeir hefðu með örlitilli
heppni getað fengið þarna 2 stig,
og sá maður er vandfundinn sem
hefði þorað að spá þvi fyrir leik-
inn.
GSP.
Ufsi hækkar
Framhald af bls. 3.
Eftir 15. febrúar 1971 var ufsinn
aðeins flokkaður i tvo stærðar-
flokka, ufsi stærri en 57 cm, og
minni en það. Siðan hefur sótt i
það horfið að verð á stórufsa,
stærri en 90 cm., hefur færzt niður
að tiltölu, þannig að nú er verð á
ufsa yfir 57 cm kr. 12.10, skipta-
verð og hefur þvi aðeins hækk-
að um 1 krónu og 90 aura á
stærsta ufsanum. Hins vegar er
verð á þorski, yfir 57 cm, nú kom-
ið langt upp fyrir ufsaverðið, en
skiptaverð á kg., slægðu, er nú
21,15 krónur á þorski. Hefur þvi
skiptaverð á þorski hækkað um 11
krónur og 40 aura, eða 117%,
meðan verð á stórufsa, vegna
þess að hætt er að greiða sérstak-
lega fyrir ufsa sem stærri er en 90
cm, hefur aðeins hækkað um 1,90
aura, eða 18,6%.
Ekki tókst að ná i fulltrúa sölu-
samtaka i gær til þess að fá upp
hvernig sölu á ufsa er háttað út úr
landinu.
— “Þ-
Valur-KR
Framhald af bls. 10.
færi, en inn vildi boltinn ekki. Svo
var það á 9. minútu að hinn snjalli
leikmaður Helgi Benediktsson
komst einn inn fyrir KR-vörnina
og stóð á markteig, en hitti ekki
markið. Fimm minútum siðar lék
Hermann sig i gegn um KR-
vörnina mjög laglega og stóö á
markteig fyrir miðju marki og
aðeins Magnús Guðmundsson
markvörður til varnar, og Her-
mann skaut beint i fangið á hon-
um. Rétt á eftir hitti Hermann
ekki boltann er hann hugðist
skjóta úr tilvöldu marktækifæri.
En þessi þunga pressa hlaut þó
að enda með marki og það kom á
19. minútu. Jóhannes Eðvaldsson
lék upp kantinn og gaf vel fyrir
markið þar sem Hermann kom
aðvifandi og skallaði i netið 1:0.
Vel að verki verið hjá þeim báð-
um.
Við þetta mark lifnaði um stund
enn meira yfir Vals-liðinu, en
fleiri mörk skoraði það ekki i
fyrri hálfleik. En er um það bil 15
minútur voru eftir af fyrri hálf-
leik tóku KR-ingarnir sig mikið á
og sóttu stift án þess þó að skapa
sér veruleg marktækifæri. A 40
minútu áttu þeir eitt sitt bezta
slikt tækifæri er Atli Héðinsson
átti i kapphlaupi viö Sigurð
Dagsson markvörð Vals um
boltann innan vitateigs. Sigurður
varð á undan á boltann með þvi
aö kasta sér fyrir hann, en Atli
sótti að, og Sigurður meiddist. svo
hann varð að yfirgefa völlinn, en i
markiö kom hinn kunni
badmintonleikmaður Sigurður
Haraldsson, og sýndi að hann
kann svo sannarlega fleira fyrir
sér en badminton-spil. Hann átti
snilldarleik i markinu það sem
eftir var.
Framan af siöari hálfleik var
leikurinn nokkuð jafn og án
marktækifæra. En á 67. minútu
komst Hermann enn einu sinni i
„dauðafæri”, stóð einn og
óvaldaður á markteig en enn
varði Magnús skot hans.
Aðeins tveimur minútum siðar
átti Isfirðingurinn i KR-liðinu
Jóhann Torfason gott skot að
marki sem fór i stöng og út aftur.
Óheppni það.
Svo á 78. minútu gerði bezti
maður Vals-liösins Hörður
Hilmarsson útum leikinn er hann
skoraði siðara mark Vals með
skoti frá vitateigshorni alls
óverjandi fyrir Magnús
Guðmundsson. Þetta var mjög
fallegt mark, eitt af þeim glæsi-
legustu sem maður sér.
Fimm minútum siðar var
dæmd óbein aukaspyrna á Val á
markteig. Úr henni skoruðu KR-
ingar en dómarinn Guðjón Finn-
bogason sá eitthvað athugavert
við framkvæmd hennar og lét
endurtaka hana, en þá tókst Vals-
mönnum að verjast. Á 87. minútu
voru KR-ingar enn nálægt þvi að
skora er Hörður Hilmarsson
bjargaði á linu, en þá höfðu KR-
ingar sótt mjög stift um tima, þar
eð Valsmenn lögðu alla áherzlu á
að verjast og halda 2ja marka
forskoti. En fleiri urðu mörkin
ekki, og verður þessi sigur Vals
að kallast sanngjarn miðað við
marktækifæri liðanna i leiknum.
Hörður Hilmarsson var að min-
um dómi bezti maður Vals-liðsins
og hann ásamt Jóhannesi
Eðvaldssyni, sem einnig átti
mjög góðan leik, átti mestan þátt
i sigri Vals. Þá áttu Bergsveinn
Alfonsson og Helgi Benediktsson
góðan leik. Hermann fór mjög illa
með tilvalin marktækifæri, en
markið sem hann skoraði var lag-
lega gert.
Magnús Guðmundsson var
maður KR-liðsins, og hann
bjargaði liði sinu frá enn stærra
tapi með góðri markvörzlu. Þá
átti Halldór Björnsson góðan leik,
sem og þeir Alti Héðinsson og
Björn Pétursson. —S.dór.
Lúðvík
Framhald af 9. siðu.
Allar þjóðir, sem stunduðu
veiðar á fiskimiðunum við Island,
aðrar en Bretar og Vestur-Þjóð-
verjár, hafa i reynd viðurkennt 50
milna landhelgi okkar. Og afli
Breta og Vestur-Þjóðverja hefur
stórlega minnkað og þó sérstak-
lega sé miöað við sambærilega
sókn fyrir og eftir útfærsluna.
Vestur-Þjóöverjar fiska hér
orðið sáralitiö, flest skip þeirra
eru að yfirgefa miðin. Og Bretar
munu fljótlega gefast upp, á þvi
leikur enginn vafi.
íslenzkir sjómenn
i fylkingarbrjósti
Sá timi nálgast nú óðum, að við
Islendingar fáum i okkar hendur
fullnaðarstjórn á nýtingu fiski-
miðanna við landið.
Það vald þurfum við að fara vel
með. Við verðum að sýna, aðvið
getum hagnýtt fiskimiðin við
landið af fyrirhyggju, þannig að
öruggt sé, að aldrei sé tekið
meira af neinum fiskistofni, en
hann getur gefið með eðlilegum
hætti. Nú er unnið að því, að við
setjum okkar fyrstu reglúr um
þessa hagnýtingu. Hætt er við, að
einhverjúm þyki sinn hlutur
skertur frá því sem verið hefur,
fyrst i stað, en reynslan mun sýna
okkur, að það er hagkvæmast
fyrir alla, þegar til lengdar læt-
ur, að fastar friðunarreglur séu
virtar og fiskistofnarnir nýttir
samkvæmt ráðleggingum okkar
færustu fiskifræðinga.
Barátta okkar fyrir stækkun
fiskveiðilandhelginnar og fyrir
verndun fiskistofnanna við land-
ið, er landvarnar og sjálfstæðis-
mál. Með 50 milna landhelgi eig-
| um við að geta tryggt að dýrmæt-
ustu auðlindir landsins verði hag-
nýttar skynsamlega og i þágu
þjóðarheildarinnar. A þann hátt
erum við að treysta efnahagslegt
sjálfstæði þjóöarinnar á komandi
árum.
Góöir Islendingar.
A þessum hátiðisdegi sjó-
mannastéttarinnar, sem um leiö
er hátiðisdagur allrar þjóðarinn-
ar, treystum við raðir okkar i
landhelgismálinu, þjöppum okk-
ur enn fastar saman og sýnum
þeim, sem við eigum i höggi við,
að á okkur er enginn bilbugur, —
að við erum sigurviss og höldum
ótrauð áfram okkar baráttu.
Sú stefna, sem við höfum mark-
að okkur og allir islenzkir sjó-
menn styðja af alhug er skýr.
Við tryggjum þjóðinni óum-
deilanlegan rétt yfir auðæfum
hafsins i kringum landið.
Fyrsti áfangi okkar er 50 milna
fiskveiðilandhelgin.
Við leggjum grundvöll að aukn-
um fiskveiðum, án ofveiði; Við
endurnýjum fiskiskipaflota okkar
og dreifum honum sem hyggileg-
ast um landið með það fyrir aug-
um að nýta öll okkar fiskimið, og
koma jafnan með góðan afla að
landi og vinna hann þar á full-
komnasta hátt.
Við höfum þegar gert stórátak i
þessa átt.
Og nú einbeitum við okkur að
endurnýjun frystihúsanna og efl-
ingu f iskiðnaðarins i öllum
sjávarbæjum landsins.
A þennan hátt ætlum við að
margfalda okkar framleiðslu,
stórauka þjóðartekjurnar og
skapa grundvöll að auknum
framförum og bættum lifskjörum
allra landsmanna.
Sjómannastétt okkar á að njóta
aukins öryggis á betri skipum, á
að fá bætt launakjör með vaxandi
framleiðslu, á að njóta viður-
kenningar og virðingar fyrir
hennar þýðingarmiklu störf i
þágu þjóðarheildarinnar.
A þessum hátiðisdegi sjó-
manna, vil ég flytja þeim öllum
minarbeztu árnaðaróskir um leið
og ég þakka þeim fyrir mikið og
gott starf. Sérstaklega vil ég
flytja sjómönnum frá Vest-
mannaeyjum, sem i vetur urðu að
yfirgefa heimabyggð sina, minar
beztu óskir um að þeir megi flytja
sem fyrst heim aftur og hefja
þaðan sin fyrri störf. Ég veit að
islenzkir sjómenn hafa staðið, og
munu standa i fylkingarbrjósti i
baráttu okkar fyrir fullum sigri i
landhelgismálinu. Það mun þvi
vera að þeirra skapi, að i dag
stigum við öll á stokk og strengj-
um þess heit, að i landhelgismál-
inu, lifshagsmunamáli þjóðarinn-
ar, skulum við öll standa saman
sem einn maður, og vikja frá okk-
ur öllum efasemdum, öllu hiki,
öllum úrtölum, en stefna mark-
visst að fullum sigri, — aö full-
kominni viöurkenningu á okkar 50
milna fiskveiðilandhelgi.
Samgönguáætlun
Framhald af bls. 3.
framari við fyrirhugað fiskiðjuver
á Siglufirði. Þá er hugmyndin að
stórbæta hafnaraðstöðu á
Drangsnesi, en þaðan eru gerðir
út nokkrir rækjubátar.
Eftir kjördæmum skiptist
heildarfjármagniö þannig: Vest-
fjarðarkjördæmi 7%, Norurland
vestra 54% og Norðurland eystra
39%.
Framkvæmdaþörfin er látin
ráða án tillits til sérstakra hags-
muna kjördæma eða héraða.
Ragnar
Framhald af bls. 16.
stofnuninni i Osló flutti mjög
skeleggt erindi um ýmsar
hættur i sambandi við þessa
öryggisviðleitni. Til dæmis
varaði hann við þvi, að stór-
veldi notuðu niðurskurð á
hefðbundnum vigbúnaði til að
hefja kapphlaup á sviði enn
ómannúðlegri vopna. Hann
varaði einnig við þeirri hættu
að menn settu niður deilur
austurs og vestur með þeirri
niðurstöðu helztri, að það
myndaöist enn dýpra bil og
andstæður milli hins rika
norðurs og hins fátæka suðurs.
Meðal þeirra sem tóku þátt i
umræðum voru Norð-
maðurinn Sigmund Kvalhöj
sem ræddi samstarfsmál i
íengslum við umhverfismál,
Jónas Arnason sem ræddi um
friðlýsingarhugmyndir, Finn
Gustavsen frá Noregi og
Urban Karlsson, sænskur
þingmaður, tóku vel undir
islenzkan málstað i land-
helgismálum og svo að þvi er
varðar fr i ð 1 ýsingar-
hugmyndir.
1 gærkvöld áttu að starfa
þrjár nefndir. Átti ein að fjalla
um tillögur um umræðuefni á
ráðstefnu friðarafla i Moskvu i
haust, önnur um ályktun
fundarins, hin þriðja um séris-
lenzk málefni. 1 dag er full-
trúum boðið til forseta
Islands, en i kvöld lýkur ráð-
stefnunni.
Læknaritarar
Stöður læknaritara á ýmsum deildum Borgarspitalans eru
lausar til umsóknar.
Umsækjcndur þurfa að geta hafið starf 1. júll n.k. Stú-
dcntspróf eða önnur hliðstæð menntun svo og vélritunar-
kunnátta áskilin.
Laun skv. kjarasamningi.
Umsóknir ásamt upplýsingum um nám og fyrri störf svo
og meðmæli, ef fyrir hendi eru, sendist skrifstofu Borgar-
spitalans fyrir 14. júni n.k.
Reykiavik, 4. júní 1973.
Borgarspitalinn.
Sjúkraliðaskóli
verður starfræktur á vegum Borgarspitaians og hefst 1.
október n.k. Námstimi er 12 mánuðir.
Upplýsingar gefnar og umsóknareyðublöð afhent á skrif
stofu forstöðukonu. Umsækjendur skulu vera fullra 18 ára
og hafa lokið lokaprofi skyldunáms.
Umsóknir skulu hal'a borizt forstöðukonu spitalans fyrir
25. júni n.k.
Reykiavik, 4. iúni 1973.
Heilbrigðismálaráð Reykiavikurborgar.
öllum þeim, sem sýndu mér vinarhug i tilefni af áttatiu
ára afmæli minu 20. marz sl„ sendi ég beztu þakkir og
kveðjur.
ÁSMUNDUR SVEINSSON
myndhöggvari