Þjóðviljinn - 28.02.1974, Qupperneq 3

Fimmtudagur 28. febrúar. 1974. t»JÓDVILJINN — SIÐA 3
Helgi Tómasson.
Þriðjudaginn f immta
mars n.k. kemur hingað til
lands á vegum Þjóðleik-
hússins ellefu manna
dansflokkur frá New York
City Ballet undir forustu
Helga Tómassonar.
Hér á landi dvelur flokkurinn til
ellefta mars og sýnir á þeim tima
daglega i Þjóðleikhúsinu og suma
daga tvisvar, en alls verða
sýningarnar sex. New York City
Kay Mazzo.
ballet er nú almennt talinn meðal
þeirra bestu í heimi, og Helgi
Tómasson er tvimælalaust meðal
bestu túlkandi listamanna, sem
islendingar hafa cignast. 1 grein i
New York Times nýlega var hann
talinn meðal fjögurra bestu
baliettdansara, sem nú eru uppi.
Mótdansari Helga verður Kay
Mazzo, sem einnig er meðal
frestu listdansara i heimi. Hún er
fædd i Chicago, hefur starfað við
New York City Ballet siðan 1962
Mesti ballettviðburður hérlendis:
Helgi Tómasson
kemur við ellefta
mann frá New York
og verið þar sólódansari siðan
1965. Hún hefur fengið margs-
konar viðurkenningu fyrir list
sina, fékk til dæmis
Mademoiselle Merit Award 1970.
Aðrir dansarar með i förinni eru
einnig úr hópi þeirra bestu, sem
ballettinn hefur á að skipa.
A efnisskránni hjá þessum
heimsfræga dansflokki i Þjóðleik-
húsinu eru meðal annars verk
eftir George Balanchine, Jerome
Robbins og John Clifford við tón-
list eftir Donizetti, Debussy,
Stravinsky, Tsjaikovský og fleiri.
Meðal verkanna er Siðdegi
skógarpúkans eftir Robbins, við
tónlist eftir Debussy, en efalaust
kannast einhverjir við það siðan
Ballet USA sýndi það i Þjóðleik-
húsinu fyrir fimmtán árum.
Balanchine er einn mesti dans-
hönnuður okkar tima og á heiður-
inn af þvi öllum öðrum fremur að
hafa mótað New York City Ballet,
sem nú er fremsti ballett i Banda-
rikjunum. Þá Robbins ber nú
hæst meðal danssmiða þar i
landi, en ferill þeirra hefur verið
gerólikur. Balanchine hefur alltaf
byggt á klassiskum ballett, en
grundvöllur Robbins var negra-
tónlistin.
Öhætt mun að fullyrða að hér sé
um að ræða mesta ballettviðburð
hérlendis til þessa. — Aðgöngu-
miðasala á sýningar dansflokks-
ins'hefst kl. 1.15 á föstudag, og
hafa styrktarfélagar tslenska
dansflokksins forgangsrétt að
miðunum.
ÁLIT MANNA Á KJARASAMNINGUNUM
Sitt sýnist hverjum
Verkamannafélagið
Dagsbrún hélt fund um
samningana í Háskóla-
bíói á þriðjudaginn var
eins og kunnugt er, en
þar voru samningarnir
samþykktir með öllum
greiddum atkvæðum
gegn 28.
Nokkur hundruð verkamenn
höfðu safnast til staðar og var
mikið um samningana rætt I
anddyri biósins áður en fundur
hófst.
t anddyrinu var Verkfalls-
verðinum dreift, fjölrituðu
blaði um samningamálin, svo
og áliti Kommúnistasamtak-
anna, en það álit bar yfir-
skriftin: Segjum neivið svika-
Guðinundur Hallvarðsson
samningunum! Tökum málin i
eigi@ hendur!
Blaðið spurði tvo verka-
menn álits á samningum, þá
Guðmund Hallvarðsson og
Andrés Guðbrandsson.
Kerfisbundinn af-
sláttur á kaupkröfunum
Guðmundur Hallvarðsson
sagði, að eftir þeim upplýsing-
um, sem hann hefði aflað sér,
sýndist honum að 1200 króna
kauphækkunin að viðbættum
átta prósentunum gerði um
16,4% hækkun á 1. og 8. taxta
með þeim taxta tilfærslum
sem gert væri ráð fyrir. Þetta
sagði Guðmundur að hefði
verið afsláttur frá upphaflegu
kröfunni um allt að 24
prósentustig þvi að upphaf-
lega hækkunarkrafan var 40%
og 35 þúsund króna lágmarks-
mánaðarlaun.
— Þetta er léleg útkoma,
sagði Guðmundur, og ástæðan
Andrés Guöbrandsson
er meðal annars sú, að það var
ekki ætlunin að beita samtök-
um verkalýðsins, og til verk-
falls þann 19. átti aldrei aö
koma.
Þessi kerfisbundni afsláttur
á kaupkröfunum, sem verka-
lýðsforystan gaf meðan á
samningunum stóð, er eðlileg
afleiðing þeirrar stefnu verka-
lýðsforingjanna að nota ekki
mátt verkalýðsfélaganna til
að knýja á um betri kjör.
Það er dæmigert fyrirniður-
lægingu verkalýðshreifingar-
innar, að ráðherrar skyldu
hafa svo mikil afskipti af
þessari samningsgerð nú,
sagði Guðmundur að lokum.
Stendur til bóta
— Ég er ánægður með það
sem ég hef séð og heyrt af
samningunum, sagði Andrés
Guðbrandsson, en ég hef að
visu ekki farið náið i þá enn
sem komið er.
Best lýst mér á taxtatil-
færslurnar, og er það mikil
lagfæring fyrir þá sem unnið
hafa og vinna i fiski. Þetta
stendur allt til bóta, sýnist
mér, með þessum samning-
um.
Ég held að vel hafi verið
unnið að þessum samningum.
Nú eru allir samningar búnir
þegar upp er staðið og ekki
þarf aðevinna að málunum
eftirá.
48 STOFNA
FÉLAGIÐ
LISTIÐN
í janúar sl. var stofnad í
Reykjavík félagið Listiön
og voru stofnendur 48, list-
iðnaðarmenn, iðnhönnuðir
og arkitektar. Meðal
starfsheita félaga má
nefna arkitekta, auglýs-
ingateiknara, tískuteikn-
ara, húsgagnaarkitekta,
gullsmiði, leirkerasmiði,
vefara, textilhönnuði og
Ijósmyndara.
A fundi með fréttamönnum
ræddu stjórnarmenn tilgang fé-
lagsins, en hann er m.a. að stuðla
að bættu listmati og betri fram-
leiðsluháttum islensks listiðnað-
ar; kynna islenskan listiðnað hér
á landi og erlendis með sýning-
um, útgáfustarfsemi og annarri
fræðslu; og stuðla að bættum skil-
yrðum til menntunar i listiðnum
hér á landi. Ennfremur að gæta
hagsmuna þeirra er starfa að is-
lenskum listiðnaði.
Listiðnaöarmiöstöö
Félagið hyggst með ýmsum
ráðum vinna að þessum mark-
miðum og telur æskilegt að sem
fyrst verði komið upp listiðnaðar-
miðstöð, þar sem ólikum sjónar-
miðum i listiðn, iðnhönnun og iðn-
aði verði stefnt saman til umræðu
og úrbóta og nýrra hugmynda
leitað. 1 raun verði slik miðstöö
jákvæður starfsvettvangur, sem
stuðlaði að betri framleiðslu og
auknum listrænum gæðum.
Listiðnaðarsýning
Félagið hyggst einnig koma
upp vandaðri listiðnaðarsýningu,
sem yrði eins konar úttekt á stöðu
listiðnaðar i landinu, þar sem al-
menningi gæfist kostur á að kynn-
ast þvi, sem best er gert á þessu
sviði listar hérlendis. Einnig mun
félagið leitast við að taka þátt i
sambærilegum sýningum erlend-
is.
1 fyrstu stjórn félagsins eiga
sæti: Hörður Agústsson formað-
ur, Gisli B. Björnsson gjaldkeri
og Guðmundur Kr. Kristinsson
meðstjórnandi. 1 varastjórn eiga
sæti Sigriður Jóhannsdóttir og
Stefán Jónsson. Heimilisfang fé-
lagsins er að Skipholti 1.
Segja má að þessi félagsstofnun
hafi verið lengi á döfinni, en
tvisvar áður hafa verið stofnuð
félög sem höfðu svipað markmið
— það fyrra árið 1952, Myndlist og
listiðnaöur h.f.,og hið siðara, Is-
Þau ræddu viö fréttamenn, taliö frá vinstri: Sigrlöur Jóhannsdóttir, Höröur Agústsson, Tove Kjarval,
Stefán Snæbjörnsson og GIsli B. Björnsson.
lensk listiön, árið 1955.
1 félagið geta fleiri gengiö en
þeir sem hafa til þess próf, og ef
slikt fólk óskar eftir inngöngu i fé-
lagið leggur það fram verk sin og‘
mun sérstök matsnefnd úrskurða
um hæfni umsækjandans.
Þar sem félagið er svo mjög
tengt Myndlista- og handiðaskól-
anum verður eitt af verkefnum
þess að hraða uppbyggingu skól-
ans og vikka starfssvið hans.sj
Lítil veiði
Allar loðnubrœðslur farnar í gang
Engin loönuveiði var I fyrrinótt
vegna brxlu á miöunum. 1 gær
var þó farið að lægja og fengu
fjórir bátar afla undan
Suðausturlandi. Voru nokkrir
bátar þá farnir að kasta á Faxa-
flóa. Fyrir austan fengu Eldborg
500 tonn og Jón Finnsson 400 og
fóru bæði skipin á Austfjarða-
hafnir, einnig fóru Hanna og
Ásver með slatta til Eyja i
fr.ystingu.
Allar verksmiðjur á landinu eru
nú farnar i gang aftur eftir verk-
fall. Siðust varð sildarverksmiðja
rikisins á Seyðisfirði sem fór i
gang á hádegi i gær. Tafðist
vinnsla þar nokkuð vegna
bilunar.
Litið þróarrými er nú laust. 1
gærdag var rými fyrir 1800 tonn i
Þorlákshöfn, 2800 á Raufarhöfn
og 1500 i Reykjavik en aðrir staðir
með minna rými. Verður þvi litið
um dýrðir ef fer að veiðast og
hætt við að löndunarbiö lengist.
—ÞII
KDRNELfUS
JÚNSS0N