Þjóðviljinn - 18.05.1974, Blaðsíða 9

Laugardagur 18. mai 1974. ÞJÓÐVILJINN — SÍÐA 9
STYKKISHÓLMUR
— í jafnt ört vaxandi
bæ sem Stykkishólmi má
segja að verkefni sveitar-
félagsins séu ótæmandi,
sagði Einar Flygenring,
sveitarstjóri í Stykkis
hólmi er við báðum hann
að segja okkur frá því
helsta sem þar er á döf-
inni frá hendi hins opin-
bera á þessu ári.
— Það verða mörg og dýr
verkefni sem unnið verður að á
þessu ári. íbúum i Stykkishólmi
hefur fjölgað jafnt og þétt siðan
1970, og er þar um að ræða
meira en meðalfjölgun i þorpum
á landinu, þar sem ibúar voru
hér 1033 árið 1970 en eru nú 1103.
Það gefur þvi auga leið að
margt kallar að i verklegum
framkvæmdum hjá 'sveitarfé-
laginu.
Höfnin í Stykkishólmi er ein sú besta á landinu frá náttúrunnar hendi, en nú er hún oröin of litil.
Verkefni nær ótæmandi í svo
ört vaxandi bæ
Einar Flygenring
Það sem þar ris einna hæst i
ár er að ljúka framkvæmdum
við vatnsveitulögnina. A sl. 2 ár-
um hefur verið unnið fyrir 20
milj. við þessa vatnsveitu, sem
er eflaust sú dýrasta á öllu land-
inu miðað við ibúafjölda. Hún
verður 9 km löng, lögð yfir holt
og hæðir. Hennar er orðin mikil
þörf, enda er hér vatnsskortur
verulegur, einkum yfir vertið-
ina, en þá verður að loka fyrir
vatnið frá kl. 23.30 á kvöldin til
kl. 8 á morgnana. Gamla leiðsl-
an flytur alls ekki nóg vatn á
þessum árstima, enda er vatns-
notkun þá mikil. Þá er og al-
gengt að vatnslitið sé eftir há-
degið i þeim húsum sem hæst
standa i þorpinu.
Með lagningu nýju vatnsveit-
unnar leysum við tvennt i einu,
fáum gott vatn og nóg vatn, en
það verður tekið úr Svelgsár-
hrauni. Eins og áður sagði var
byrjað á verkinu 1972, en haust-
ið 1973 gekk verktakinn, sem tók
það að sér að leggja leiðsluna,
frá verkinu þannig að nú verð-
um við að taka við þvi sjálfir og
ljúka þvi i sumar. Þetta er mjög
dýr framkvæmd. En samkvæmt
lögum greiðir rikið helming af
kostnaði við lagningu veitunnar
að bæjarlandinu, en eftir það
verðum við að taka við, og
sveitarfélagið greiðir allan
kostnað við dreifinguna innan-
bæjar. Við vonumst fastlega til
þess, að geta lokið þessu verk-
efni á árinu 1974.
Þá er næst til að taka, að i ár
er áætlað að verja 4,5 milj. kr.
til byrjunarframkvæmda við
nýtt skólahús i þorpinu. Það
skólahús sem nú er notað fyrir
skyldunámið var byggt árið
1934, og geta þvi allir séð hve
mikil þörf er orðin á nýju hús-
næði. Byrjað er að teikna nýja
húsið, og við vonumst til að geta
byrjað að grafa grunn þess i ár.
Þá er að nefna það, að hér er i
byggingu stórt og glæsilegt fé-
lagsheimili sem auk þess á að
verða hótel þar sem verða 28 2ja
manna herbergi. Húsið er orðið
meira en fokhelt, og hefur þegar
kostað 37 milj. kr., og ég hygg
að annað eins vanti til að ljúka
byggingu þess. Um hótelið hefur
þegar verið stofnað hlutafélag,
en ýmis félög hér á staðnum
standa að félagsheimilinu.
1 sumar verður hafist handa
um undirbúning fyrir varanlega
gatnagerð i Stykkishólmi og er
sveitarfélagið þar i samvinnu
við hin þorpin á nesinu, sem
ætla að hafa samvinnu um var-
anlega gatnagerð i þorpunum.
En hér er afar vont að leggja
oliumöl, vegna þess að götur
liggja hér yfir holt og kletta, og
þarf þvi eflaust mikið að
sprengja fyrir götum eða þá að
skipta mikið um jarðveg, en
hvort sem er verður afar dýrt.
En alla vega verður hafist
handa um undirbúning i sumar.
— Er ekki mikið byggt af
ibúðarhúsum hér sem annars
staðar á Snæfellsnesi?
— Jú, mikil ósköp, hér er
mikið byggt. Á sl. ári voru 17
ibúðarhús i byggingu hér, og ég
reikna með að úthlutað verði
um 25 lóðum á þessu ári. Við er-
um nýbúnir að skipuleggja nýtt
ibúðarhúsahverfi fyrir 20 hús,
sem byggt verður að einhverju
leyti i sumar.
— Er mikið um það að fólk ut-
an af landi vilji koma hingað og
setjast hér að?
— Já, það stendur ekki á þvi.
Ég er viss um að hér væri ekki
vinnuaflsskortur ef nóg ibúðar-
húsnæði væri fyrir hendi, en á
það hefur vantað, svo ekki sé
sterkara til orða tekið.
— Er ekkert um það að fólk
byggi hér fjölbýlishús?
— Nei, það hefur ekki verið
neitt um það fyrr en nú i ár, að
sótt hefur verið um lóð fyrir 8
ibúða hús. Og þessi umsókn
hefur nýverið hlotið samþykkt,
og má búast við að sá aðili sem
sótti um þessa lóð hefjist handa
nú i vor um byggingu hússins.
Þá hafa 12 sótt um ibúðir i
verkamannabústöðum, en enn-
þá hefur ekki verið hafist handa
um byggingu verkamannabú-
staða hér, en það gæti þó orðið á
þessu ári.
— Þurfið þið ekki að hefjast
handa um nýjar hafnarfram-
kvæmdir á næstunni?
— Jú, þess er orðin mikil
þörf. Það hefur verið ákveðið að
endurgera höfnina, en þau mál
öll eru enn i höndum hafnar-
málastjóra. En við vonumst til
að geta byrjað á þessu verki
strax i ár, enda var til þess veitt
á siðustu fjárlögum 17,3 milj.
kr., en áætlað er að endurgerðin
kosti milli 37 og 47 milj. kr. Eins
og ég sagði áðan er þörfin orðin
mikil, enda eykst flotinn ár frá
ári, og höfnin'hér, þótt góð sé frá
náttúrunnar hendi, er orðin allt-
of litil.
— En ef við snúum okkur dá-
litið að ferðamálunum. Stykkis-
hólmur er mjög vinsæll ferða-
mannabær, eruð þið með nokkr-
ar áætlanir á prjónunum um að
gera ferðamannastauminn að
stórri atvinnugrein hér i
Stykkishólmi?
— Ekki get ég sagt það.
Stykkishólmur er vissulega orð-
inn mjög vinsæll ferðamanna-
bær, og hér er afar mikil umferð
yfir sumarið. Sumarhótelið sem
hér hefur verið starfrækt hefur
verið fullbókað undanfarin
sumur. Ég veit ekki hvað væri
hægt að gera sérstaklega til
þess að gera ferðamálin að
stærri atvinnugrein hér en þau
eru. Þó er ljóst að gera mætti
meira i þvi að skipuleggja ferðir
út i Breiðafjarðareyjar yfir
sumarið. Þær eru mjög vinsæl-
ar, og eflaust verður eitthvað
gert til að skipuleggja þær betur
en verið hefur. Hins vegar er á
það að lita, að ferðamannatima-
bilið stendur svo stutt hér hjá
okkur, kannski 3 til 4 mánuði á
ári, að mjög erfitt er að byggja
upp stór þjónustufyrirtæki að-
eins fyrir ferðamenn. Hvað á
svo að gera við þau hina 8 til 9
mánuði ársins? Ef hægt væri að
nýta þau þann tima lika, þá
væri það engin spurning að
koma hér upp ýmsu sem ferða-
málunum viðkemur.
Það er til að mynda eitt sem
við höfum haft mikinn áhuga
fyrir, en það er að fá hingað til
Stykkishólms eitthvað af þeim
erlendu ferðamannaskipum
sem koma til Reykjavikur ár
hvert. Og nú standa vonir til að
þessi ósk okkar rætist i ár. Mér
er sagt að nú sé væntanlegt
hingað i sumar skemmtiferða-
skip og ég held ég megi segja að
öllum hér finnist þetta mjög góð
hugmynd og vonandi að fram-
hald geti orðið á þessu i framtið-
inni.
— Ef við snúum okkur þá að-
eins að atvinnuástandinu i
Stykkishólmi?
— Já, þvi er fljótsvarað, hér
er yfirdrifin atvinna allan árs-
ins hring og vinnuaflsskortur
mikill, einkum yfir vetrarmán-
uðina. Og það er sama sagan
hér og viðar á Snæfellsnesi, okk-
ur vantar ibúðarhúsnæöi. Ef
það væri fyrir hendi, væri
vandalaust að fá fólk til að flytj-
ast hingað og starfa.
— Er það algengt hér, að hús-
mæður vinni utan heimilis?
— Já, mjög svo. Það er óhætt
að fullyrða, að þær séu uppi-
stöðuvinnuaflið i fiskiðnaðinum.
og án þeirra gæti til að mynda
frystihúsið ekki starfað og ekki
heldur skelvinnslan. En það
dugar samt ekki til, þótt þær
vinni utan heimilisins. okkur
vantar hér fólk i flestar starfs-
greinar og fáum það ekki fyrr
en húsnæðismálin hafa verið
leyst.
—S.dór.
Rætt yið Eínar Flygenring sveitarstjóra í Stykkishólmi