Þjóðviljinn - 08.04.1975, Blaðsíða 4

4 SIÐA — ÞJÓÐVILJINN Þriðjudagur 8. apríl 1975.
PJOBVIUINN
MÁLGAGN SÓSÍALISMA
VERKALÝÐSHREYFINGAR
OG ÞJÓÐFRELSIS ,
(Jtgefandi: (Jtgáfufélag Þjöðviljans
Framkvæmdastjóri: Eiður Bergmann
Hitstjórar: Kjartan Ólafsson,
Svavar Gestsson
Fréttastjóri: Einar Karl Haraidsson
Umsjón með sunnudagsbiaði:
Vilborg Harðardóttir
Ritstjórn, afgreiðsla, auglýsingar:
Skólavörðust. 19. Sími 17500 (5 linur)
Prentun: Blaðaprent h.f.
SÖGULEGT HLUTVERK GYLFA Þ. GÍSLASONAR
Ferill Alþýðuflokksins i sex áratugi er
ömurlegt dæmi um það hvernig eldur
nýrra hugsjóna getur kulnað og orðið að
ösku, hvernig barátta fyrir réttlætismál-
um getur snúist i andhverfu sina. Enginn
ber meiri ábyrgð á þessari gerbreytingu
Alþýðuflokksins en Gylfi Þ. Gislason, og
hann heldur þessari iðju áfram enda þótt
siðustu kosningar sýndu að hann er að þvi
kominn að leggja flokk sinn gersamlega
að velli. Dæmi um það hvilikir umskipt-
ingar ráðamenn Alþýðuflokksins eru
orðnir hafa orðið ákaflega ljós undanfarn-
ar vikur.
Þannig telur Alþýðublaðið það nú brýn-
asta baráttumál sitt að hamast gegn
frumvarpi sem Magnús Kjartansson og
Eðvarð Sigurðsson hafa flutt á þingi þess
efnis að söluskattur verði felldur niður af
matvælum. Svo sem kunnugt er hafa mat-
væli hækkað meira en nokkrar aðrar vör-
ur i tið núverandi rikisstjórnar, og bitnar
sú stefna langþyngst á þeim sem naumast
hafa fjárráð til annars en matarkaupa,
láglaunafólki, barnmörgum fjölskyldum,
öldruðu fólki og öryrkjum. Ef frumvarp
Alþýðubandalagsins yrði samþykkt
myndu matvæli lækka um 17%, en það tel-
ur Alþýðublaðið hina argvitugustu fjar-
stæðu. Rök blaðsins eru þau að slik lækkun
á matvælum mundi koma hinum tekju-
hæstu að mestu gagni. Blaðið virðist
þannig telja að ef einhver hefur tifalt
hærri tekjur en annar noti hann umfram-
kaupgetuna til þess að kýla vömb sina,
stéttaskiptingin sé i þvi fólgin að sumir éti
margfalt meira en aðrir. Þvi sé sjálfsagt
að matvæli séu sem allra dýrust og sölu-
skattur af þeim sem hæstur!
Annað dæmi um andlegt ásigkomulag
Alþýðuflokksleiðtoganna er afar sérstæð
tillaga sem Gylfi Þ. Gislason gerði nýlega
grein fyrir á þingi. Hann hefur sem kunn-
ugt er stutt hverja ráðstöfun núverandi
rikisstjórnar með þeim rökum að allt sé
hinni illu vinstristjóm að kenna. Hann
hefur lýst þeirri skoðun sinni að atvinnu-
rekendur geti ekki borið neinar kaup-
hækkanir en jafnframt haft uppi hræsnis-
fullt tal um að launafólk þyrfti á kaup-
hækkunum að halda. Þessar andstæður
hefur hann svo reynt að brúa með þvi að
leggja til að rikið stórauki hugmyndir sin-
ar um skyldusparnað og klófesti þannig
hálfan annan miljarð króna af þegnunum.
Þessa fúlgu á rikisstjórnin siðan að lána
hinum blásnauðu atvinnurekendum til
nokkurra ára með góðum kjörum. Svo
eiga atvinnurekendur að nota lánið til þess
að hækka kaupið, svo að þegnarnir geti
staðið undir skyldusparnaðinum! Hókus,
pókus, filiókus. Fjarstæðuleikrit hafa ver-
ið i tisku um nokkurt skeið, og þar hafa
margir hugkvæmir menn lagt hönd að
verki. Ekki er höfundi þessarar greinar þó
kunnugt um neinn sem komið hafi tánum
þangað sem Gylfi hefur hælana á sviði
hins pólitiska fáránleika. Jafnvel tón-
smiðar hans blikna við hliðina á þessari
leikrænu hugkvæmni.
Hinn alvarlegi tilgangur Gylfa og rit-
stjóra Alþýðublaðsins er sá að reyna að
fela fyrir mönnum megineinkenni stétta-
þjóðfélagsins, andstæðurnar milli launa-
vinnu og auðmagns, milli þeirra sem selja
vinnu sina og hinna sem kaupa hana og
hirða af henni arð. 1 staðinn er reynt að
beina athygli manna að rikisvaldinu sem
einhverju dularfullu kerfi, utan og ofan
við þjóðfélagið, sem leyst geti öll vanda-
mál með efnahagslegum hundakúnstum.
Stétt með stétt gegn einhverju óskil-
greindu rikisvaldi virðist vera hið nýja
kjörorð Gylfa Þ. Gislasonar. Hann hefur
endanlega sagt skilið við þær grundvallar-
hugmyndir sem voru lengi burðarás Al-
þýðuflokksins, og með þeirri iðju hefur
honum tekist að hrekja frá flokknum æ
fleiri þeirra sem i raun aðhyllast hugsjón-
ir sósialisma og lýðræðis. Sögulegt hlut-
verk Gylfa Þ. Gislasonar er orðið það að
sanna að Alþýðubandalagið eitt er póli-
tiskur málsvari hinnar sósialisku verka-
lýðshreyfingar á íslandi, og sist ætti Þjóð-
viljinn að vanmeta þann stuðning.
—m.
Stj ómarfrumvarp iun
almenningsbókasöfn
pingsjá
i gær var lagt fram á al-
þingi stjórnarfrumvarp
um almenningsbókasöfn.
Slíkt frumvarp var einnig
lagt fram á alþingi i fyrra
en varð þá eigi útrætt.
1 1. grein frumvarpsins segir:
„Almenningsbókasöfn skulu
starfa i öllum byggðum landsins
til sjávar og sveita. Almennings-
bókasöfn eru mennta-, upplýs-
inga- og tómstundastofnanir fyrir
almenning. Þau skulu gefa fólki
sem bestan kost á að lesa og færa
sér i nyt bækur og veita afnot af
nýsigögnum svo sem hljómplöt-
um, segulböndum og öðrum miðl-
unargögnum til fræðslu og
dægradvalar”.
I 8. grein er kveðið á um lág-
marksfjárframlög sveitarfélaga
til reksturs almenningsbókasafna
. Þar segir?
,,a) Til bæjarbókasafns greiðir
bæjarsjóður kr. 1000.- á hvern
ibúa kaupstaðarins.
b) Til bæjar- og héraðsbókasafns
greiðir bæjarsjóður kr. 1000.- á
hvern ibúa kaupstaðarins.
önnur sveitarfélög i umdæm-
inu greiða kr. 100 á hvern ibúa
og stendur sýslusjóður skil á
þessari greiðslu.
c) Til héraðsbókasafns greiðir
sveitarsjóður, þar sem safnið
er, kr. 1000 á hvern ibúa
hreppsfélagsins. önnur
sveitarfélög i umdæminu
greiða til safnsins kr. 100,- á
hvern ibúa og stendur sýslu-
sjóður skil á þeirri greiðslu.
d) Til hreppsbókasafna greiðir
viðkomandi hreppssjóður kr.
750,- á hvern ibúa hreppsins.
Þessi lágmarksfjárframlög
sveitarfélaganna skulu endur-
skoðuð árlega og færð til sam-
ræmis við verðlag i landinu, sam-
kvæmt útreikningum Ilagstofu
tslands”.
1 9. grein frumvarpsins er svo
kveðið á um, að rikissjóður skuli
greiða rekstrarframlag til al-
menningsbókasafna og skuli það
nema þriðjungi af lögboðnum
rekstrarfjárframlögum sveitar-
félaga.
Fjölbrautaskóli og
gatnagerðargjöld
t gær voru stuttir fundir i deild-
um á alþingi. t efri deild mælti
Ilalldór E. Sigurðsson, landbún-
aðarráðherra fyrir tveimur
stjórnarfrum vörpuin um land-
græðslu og heftingu sandfoks.
Ragnar Arnalds mælti fyrir
þingsályktunartillögu, sem hann
flytur um fjölbrautaskóla á Norð-
urlandi vestra.Við munum siðar
skýra frá framsöguræðu Ragnars
um málið.
1 neðri deild voru fjögur mál
tekin til umræðu. ólafur G.
Einarsson gerði grein fyrir
nefndaráliti og breytingartillögu
(Jtför móður okkar
Rannveigar Bjarnadóttur,
Stórholti 26, fer fram frá Dómkirkjunni fimmtudaginn 10.
aprll kl. 13.30.
Jón R. Ásmundsson,
Björn R. Asmundsson, Reynir R. Asmundsson,
Hilmar Sv. Asmundsson, Sigurður S. Asmundsson.
við frumvarp til laga um gatna-
geröargjöld. I upphaflegu frum-
varpi, sem flutt var fyrr i vetur af
félagsmálanefnd neðri deildar að
beiðni Sambands islenskra
sveitarfélaga var gert ráð fyrir,
að heimila sveitarstjórnum að
innheimta gatnagerðargjöld af
öllum fasteignum við þær götur,
sem bundið slitlag hefur verið
sett á og gangstéttir lagðar, óháð
þvi hve langt sé um liðið siðan
þannig var frá götum og gang-
stéttum gengið.
Þegar málið kom nú aftur frá
nefnd til 2. umræðu, hafði félags-
málanefnd hins vegar breytt til-
lögunni þannig, að „enda sé eigi
lengri timi en fimm ár liðinn frá
þvi slitlag var sett eða gangstétt
lögð”.
Með þessari breytingu var mál-
ið afgreitt til þriðju umræðu með
samhljóða atkvæðum.
Þá mælti Pálmi Jónsson fyrir
frumvarpi i neðri deild um heilsu-
gæslustöð á Skagaströnd,
en frumvarpið er flutt af öllum
þingmönnum Norðurlandskjör
dæmis vestra. Halldór F.
Sigurðsson mælti fyrir stjórnar-
frumvarpi um afréttarmálefni og
itölu og ólafur Jóhannesson,
dómsmálaráðherra
stjórnarfrumvarpi um
sakamanna.
fy rir
framsal
Geir Gunn-
arsson spyr
um útflutn-
ingsbætur
Geir Gunnarsson hefur lagt
fram á alþingi fyrirspurn til land-
búnaðarráðherra um útflutnings-
bætur á landbúnaðarafurðir og
óskað skriflegs svars.
Fyrirspurnin er á þessa leið:
1. Hversu mikill hluti kinda-
kjötsframleiðslu (kg og hundr-
aðshluti) á sl. ári er talinn vera
frá framleiðendum, sem búa ekki
á lögbýlum?
2 Hversu miklar voru útflutn-
ingsbætur á kjötmagn, sem þess-
ari framleiðslu nemur?
3. Hversu mikil áburðarnotkun
er talin nauðsynleg til framleiðslu
þessa magns af kjöti?
4. Hve mikið var greitt á út-
flutningsbætur á sl. ári fyrir ein-
stakar afurðir, á einingu og i
heild?
5. Hvernig eru hliðstæðar áætl-
anir fyrir árið 1975?
ÍP ÚTBOÐ
Tilboð óskast i sölu á steyptum hlifðar-
hellum fyrir jarðstrengi, fyrir Rafmagns-
veitu Reykjavikur.
Otboðsgögn eru afhent á skrifstofu vorri,
Frikirkjuvegi 3.
Tilboðin verða opnuð á sama stað, mið-
vikudaginn 23. april 1975 kl. 14.00 e.h.
INNKAUPASTOFNUN REYKJAVIKURBORGAR
Fríkirkjuvegi 3 — Sírni 25800