Þjóðviljinn - 15.01.1983, Blaðsíða 18
18 SÍÐA — ÞJÓÐVILJINN Helgin 15. - 16. janúar 1983
Þau ætla sér gull á næstu ólympíuleikum
Frjálsíþróttafólk frá Kúbu hefur af og til
vakið athygli á stórmótum víða um heim
og skotið skærustu stjörnum stór-
þjóðanna óvænt ref fyrir rass. Undanfarin
ár hefur þekktasti kúbanski íþróttamað-
urinn án efa verið hlauparinn snjalli, Al-
berto Juantorena, en á næstu Ólympíu-
leikum, í Los Angeles sumarið 1984,
binda Kúbubúar mestar vonir við tvö ung-
menni, kringlukastarann Luis Mariano
Delis og Mariu Caridad Colon, sem
skartar reyndar þegar ólympíugulli í
spjótkasti. Við skulum líta nánar á feril
þessarra tveggja sem ætla sér stóran hlut
í Los Angeles að ári.
Maria Caridad Colon þeytir spjótinu til sigurs á Mið-Ameríkuleikunum í Havana á síðasta ári.
Járnviljinn
gæti fleytt
henni
til sigurs
Maria Caridad Colon er bros-
mild, ákveðin og hreinskilin stúlka
sem býr í höfuðborg Kúbu, Ha-
vana. Af útliti að dæma virðist hún
ekki líkleg til stórafreka í íþróttum,
allra síst í kastgreinum, en hennar
stærsta tromp, sannkallaður stál-
vilji, hefur komið henni í fremstu
röð spjótkastara í heiminum.
Maria vakti fyrst heimsathygli á
Ólympíuleikunum í Moskvu 1980
þegar hún varð fyrsta konan frá
Mið-Ameríku til að ná gullverð-
launum í frjálsíþróttakeppni
leikanna frá upphafi. Hún var þó
ekki lengi á toppnum, fljótlega dró
hún sig í hlé sem varð um 20 mán-
uðir, gerðist móðir og lauk stórum
áfanga í námi sínu í íþróttafræðum.
í nóvember 1981 tók hún að æfa
að nýju og tók fyrst þátt í móti í maí
1982. Þá varð hún önnur á alþjóð-
legu móti á Kúbu en landa hennar,
Mayra Vila, sigraði. Sama röðin
varð á mótum í Austur-Þýskalandi
og Tékkóslóvakíu mánuði síðar.
Þá var komið að Mið-
Ameríkuleikunum og þar tókst
henni að komast framúr vinkonu
sinni og sigra með 62,80 metra
löngu kasti.
Nú hélt Maria aftur til Evrópu,
betur undirbúin en í fyrra skiptið,
og henni tókst að sigra á alþjóðlegu
móti á Ítalíu en þar kastaði hún
spjótinu 61,32 metra. í Crystal Pal-
ace í Englandi náði hún síðan 62,30
metrum en varð að sætta sig við
annað sætið á eftir Fatimu Whit-
bread frá Bretlandi sem kastaði
65,10 metra.
Besti árangur Mariu er 68,40
metrar en honum náði hún fyrir
Ólympíuleikana í Moskvu. Hún
stefnir nú markvisst að verðlauna-
sæti á leikunum í Los Angeles að
ári en hún gerir sé fyllilega grein
fyrir því að hún nær ekki að verja
gullverðlaunin frá því í Moskvu
nema með því að kasta nálægt eða
yfir 70 metrana. Fjórar konur hafa
náð því marki í heiminum, Kristina
Lillak frá Finnlandi, Antoaneta
Todorova frá Sovétríkjunum, Tati-
ana Birjulina frá Búlgaríu og gríski
Evrópumeistarinn Anna Verouli.
Þessar kraftakonur og fleiri sterkar
þarf hún að sigra til að komast á
verðlaunapall en járnviljinn hefur
fleytt henni langt á ferlinum og
menn skyldu ekki verða undrandi
þótt Maria Caridad Colon frá Kú-
bu steli senunni á næstu Ólympíu-
leikum. _y§
Verður hann sá besti í heiminum?
Ungur Kúbubúi, Luis Mariano Delis, hefur alla burði til að
verða besti kringlukastari heims innan skamms og halda því
næstu árin. Delis, sem er 24 ára gamali, náði besta heimsár-
angrinum á síðasta ári, 70,58 metrar, en það er þriðji besti
árangur í þessari grein frjálsra íþrótta frá upphafi. í kringlu-
kasti eru menn vanalega á toppnum vel fram yfir þrítugt og
bestu árin eru talin vera frá 27 til 30 ára. Menn geta meira að
segja haldið út meðal þeirra bestu um fertugt eins og Banda-
ríkjamaðurinn Al Oerter.
Á síðasta ári tók Delis þátt í átta
stórmótum í kringiukasti og sigraði
alltaf nema einu sinni, á alþjóðlegu
móti í London þar sem hann varð
annar á eftir Bandaríkjamanninum
John Powell. Powell kastaði þar
68,32 m, en Delis 68,10. Á árinu
hefur hann borið sigurorð af Pow-
ell, Oerter, landa þeirra Ben Pluc-
knett, Tékkanum Imrich Bugar og
fleiri toppmönnum í greininni.
Delis stundar nám í íþróttafræð-
um við háskóla í Havana en hann
er mikill tónlistarunnandi og segir
að væri hann ekki íþróttamaður
hefði hann örugglega helgað sig
trommu- eða saxafónleik. Þrátt
fyrir stærð og þyngd, tæpir 1,90 á
hæð og 105 kg á þyngd, er hann
mjög liðugur og mjúkur í hreyfing-
um, sem og í aliri vöðvabyggingu
en það er stærsti þátturinn í vel-
gengni hans.
A síðasta ári náði Delis nokkrum
sinnum að rjúfa 70 metra múrinn,
eins og þegar hann náði besta
heimsárangrinum, 70,58 m, í Mo-
desto í Kaliforníu og þegar hann
sigraði á Mið-Ameríkuleikunum í
Havana með 70,20 metra. Hann
hefur mikla ánægju af kringlukast-
inu og telur að hann eigi að geta
bætt heimsmet Austur-
Þjóðverjans Wolfgang Schmidt,
71,16 m, sett 9. ágúst 1978, á þessu
ári. Vestur-þýska íþróttablaðið
„Kicker“ lýsti því yfir fyrir
skömmu að hann væri besti
kringlukastari heims um þessar
mundir og önnur íþróttablöð hafa
slegið á svipaða strengi.
Framfarir Delis hafa verið mikl-
ar og stígandi frá því hann hóf
keppni í kringlukasti 16 ára gamall
árið 1974. Þá flaug kringlan 43,54
metra, tveimur árum síðar 56,82
metra og nítján ára að aldri komst
hann yfir 60 metra markið og gott
betur, 61,02 metra. Hann hefur
bætt árangur sinn á hverju ári og
síðan 1979 hefur honum gengið
mjög vel á stórmótum. Þá varð
hann þriðji á heimsleikunum í
Montreal, náði bronsverðlaunum á
Ólympíuleikunum í Moskvu árið
eftir og 1981 varð hann í öðru sæti á
heimsleikunum í Róm, kastaði þá
'íffiiSSR&etS&Zí&iik■ .•*:'"- - ____________ __ _____
Luis Mariano Delis horfir á eftir kringiunni.
66,32 metra. heiminum undanfarin ár og Kúbu- næsta ári. Þar verður hann án efa á
Luis Mariano Delis er nafn sem búar binda miklar vonir við hann á höttunum eftir gullverðlaununum.
vafalítið á eftir að bera hátt í íþrótt- Ólympíuleikunum í Los Angeles á _ys