Þjóðviljinn - 28.04.1983, Qupperneq 7
Fimmtudagur 28. apríl 1983 ÞJÓÐVILJINN - SÍÐA 15
BLAÐAUKI
Ánægð með einingahúsið
GARÐBEKKIR
REIÐHJOLAGRINDUR
Leitiö upplýsinga
Vélaverkstæði
Bernharðs Hannessonar sfM
Suðurlandsbraut 12, Reykjavík,
sími 35810.
Höskuldur Þráinsson og
Sigríöur Magnúsdóttir með börn
sín, Guðrúnu og Steinar, við hús
sittað Hjaröarlandi 1. (Ljósm.
-eik-).
„ Við fórum út í þetta eiginlega
af tvennum ástæðum. Við
vildum gjarnan búa í timburhúsi
og svo hraus okkur hugur við
því að leggja í áralangt
byggingabasl. Það var byrjað
aðvinnaviðhúsiðímaí 1981
og við fluttum inn í febrúar
1982. Meginkosturinn við
þessa byggingaraðferð er að
okkar mati hversu stuttan tíma
tekur- húsið er strax orðið
íbúðarhæft."
Höskuldur Þráinsson og Sigríður
Magnúsdóttir reistu sér einingahús
frá Húseiningum á Siglufirði að
Hjarðarlandi 1 í Mosfellssveit og
hafa búið í húsinu í rúmt ár.
Steinsteyptur kjallari er undir hús-
inu og er hann hvergi nærri fullbú-
inn og segjast þau reikna með að
nokkur tími líði þar til þau geti not-
að vistarverurnar þar.
Þau Höskuldur og Sigríður áttu
ekki íbúð fyrir þegar þau réðust í
þessa byggingu. Þau segja, að það
sé mál manna að þessi bygginga-
máti sé um 25 prósentum ódýrari
en steinsteypti mátinn. Kjörin eru
þannig, að helmingur kaupverðs
skuli greiddur áður en byrjað er að
reisa húsið og þannig má teygja
nokkuð á afborgunum. Hinn helm-
ingurinn greiðist síðan á einu ári
eftir að húsið er reist.
Hús þeirra er um 115 m" með
rúmgóðu eldhúsi, búri, þvottahúsi,
stórri stofu og þremur stórum her-
bergjum. f kjallaranum verða
geymslur, tvö íbúðarherbergi o.fl.
Þau Höskuldur og Sigríður segja
þetta vera sitt framtíðarheimili, en
þau eiga tvö börn.
„Við erum mjög ánægð með hús-
ið,“ segir Sigríður. „Hér er öllu
haganlega fyrir komið og ég er sér-
staklega ánægð með hversu stór
svefnherbergin eru. Þetta erallt vel
skipulagt.“
Höskuldur sagði, að eini gallinn
sem hann hefði fundið við bygging-
una væri sá, að leiðbeiningar væru
ekki nægilegar í sambandi við raf-
lagnir og pípulagnir. „Það ætti ekki
að vera mikið mál að prenta smá-
bækling með leiðbeiningum um
þetta, þannig að rafvirkjar og píp-
ulagningamenn lendi ekki í vand-
ræðum með lagnirnar - þeir eru
ekki allir vanir að leggja í svona hús
og kunna þess vegna oft lítið fyrir
sér. En þetta má bæta með lítilli
fyrirhöfn."
-ast