Þjóðviljinn - 02.12.1983, Blaðsíða 5
Föstudagur 2. desember 1983 ÞJÓÐVILJINN — SÍÐA 5
skákeinvígin
Spennufall!
Hvítt: Garrí Kasparov
Svart: Viktor Kortsnoj
5. einvígisskák, katalónsk byrjun
1. d4 Rf6
2. c4 e6
3. g3
(Langar vökunætur hafa sannfært
meistarann unga um aö ekkert sé upp
úr því að hafa að leika 3. Rf3. Hug-
myndina að baki þess leiks má rekja til
hinna katalónísku héraða á Spáni, og
er byrjunin við þau kennd).
3. — d5
4. Bg2 dxc4
5. Rf3 c5
6. 0-0 Rbd7
(Hafi byrjun Kasparovs átt að koma
Kortsnoj á óvart, þá mistókst það, því
Kortsnoj eyddi vart meiru en einni mín-
útu á fyrstu átta leikina).
7. Ra3 Rb6
8. Rxc4 Rxc4
9. Da4+ Bd7
10. Dxc4 b5
11. Dc2 Hc8
12. dxc5 Bxc5
13. Db3
(Svartur hótaði 13. - Bxf2- og hvíta
drottningin fellur).
13. - 0-0
14. Re5 Db6
15. Bg5 Hfd8
(Tími: Hvítur 1:05 Svartur 0:36).
16. Df3
(Kasparov var fljótur að leika þessum
leik. Til greina kom 16. Hac1 því 16. -
Be7 strandar á 17. Rxd7).
16. - Be7
17. Rxd7 Hxd7
18. Hac1
(I fyrsta sinn í einvíginu er Kasparov
kominn með betri stöðu, þótt yfirburð-
irnir séu sáralitlir, þegar allt er talið.
Kortsnoj er enda vanur að hanga á
svona stöðum).
18. - Hcd8
19. Dc6 Da5
20. a3 b4
21. Bf4 Rd5
abcdefgh
- Jafntefli.
Út úr þessari stöðu er ekkert að hafa. í
þetta sinn varð það Kasparov sem
bauð jafntefli.. Það hljóta að vera mikil
vonbrigði fyrir Kasparov að ná ekki
meiru út úr vænlegri byrjunarstöðu.
Staðan Kortsnoj 3 Kasparov 2
Helgi
Ólafsson
skrifar
frá
London
Eftirmáli
Góðar áætlanir verða oft að litlu. Það
sannaðist með úrslitunum í skákinni
sem hér hefur verið fjallað um. Nú hafa
þeir félagar teflt 5 skákir og ekkert bólar
á þeirri snilldartaflmennsku, sem menn
hafa átt að venjast frá hendi Kaspar-
ovs. Ef svo fram fer sem horfir, er hætt
við að Kasparov verði að bíða í 3 ár,
eftir öðru tækifæri, því með hverju
jafnteflinu færist Kortsnoj nær sigri í
einvíginu.
hól/eik
Kortsnoj hélt sínu striki í gær-
kveldi, og þrátt fyrir öriitla stöðu-
yfirburði Kasparovs varð jafntefl-
ið staðreynd.
Magnþrunginn undanfari spennufalls
Skákeinvígin hér í London
milli Vasily Smyslov og Zoltán
Ribli annars vegar og Viktor
Kortsnoj og Garry Kasparov
hinsvegar virðast ætla að stefna
í aðrar áttir en fyrirfram var búist
við. Bæði Kasparov og Ribli,
sem spáð var léttum sigrum fyrir
einvígin, eiga í vök að verjast.
Virðist áratuga reynsla and-
stæðinganna ætla að reynast
drjúgt veganesti.
„í dag verður tefld sú skák sem
skiptir sköpum í einvíginu" sagði
sá maður í hópi blaðamanna, sem
hefur hvað nánust kynni af Kaspar-
ov, „ég finn það á mér að eitthvað
stórkostlegt mun gerast hér í dag.
Kasparov hefur lokað sig af í hótel-
herbergi sínu og legið yfir flóknum
byrjanaafbrigðum tímunum sam-
an“, bætti hann við.
En hvers vegna er einmitt þessi
skák svona mikilvæg, þegar að-
eins hafa verið tefldar fjórar, og
Kasparov hefur sjö skákir upp á að
hlaupa? Ástæðan liggur í því að
Kortsnoj hefur í raun og veru haft
umtalsverða yfirburði í einvíginu,
ekki bara hvað varðar vinninga-
tölu, heldur einnig út frá sálfræði-
legum sjónarhóli.
„Ég er vel upplagður, fullur
sjálfstrausts og tel mína möguleika
betri. Ég minni á að Kortsnoj lendir
iðulega í tímahraki, og það getur
komið honum í koll“, sagði Kaspar-
ov í viðtali við sovéskan blaða-
mann fyrir einvígið.
Reyndin hefur orðið önnur. Það
er Kortsnoj, sem er fullur sjálfs-
trausts, vel undirbúinn og lendir
ekki í tímahraki, að því viðbættu að
hann hefur meiri reynslu. Saman-
tekið lítur dæmið ekki alltof vel út,
og skýrir hvers vegna það er svo
mikilvægt fyrir Kasparov að
breyting verði á. Hann þarf til-
finnanlega að jafna metin í dag.
Þrátt fyrir þrjú bragðdauf jafntefli
hefur áhugi á einvíginu ekkert
minnkað. Breska sjónvarpið, BBC,
er nær daglegur gestur á einvígis-
stað, og blöð og aðrir fjölmiðlar
fylgjast grannt með gangi mála.
Ymsar merkilegar fyrirspurnir ber-
ast blaðafulltrúa Acorn-
tölvufyrirtækisins, sem sér um ein-
vígið. Fréttamaður einn hringdi t.d.
og spurði hvort það væri rétt að
Kortsnoj æti súkkulaðiköku, í-
blandaða kókaíni, á meðan teflt
væri. „Og hvað tefla þeir Kasparov
og Kortsnoj margarskákirádag?",
spurði þessi sami maður.
Þegar þessi orð eru skrifuð, er
klukkan langt gengin í fjögur, og
skammt í að Gligoric, aðaldómari
einvígisins, setji klukku Kasparovs
af stað. Áhorfendur hafa nú þegar
hálffyllt salinn. „Þarna kemur
Kortsnoj" heyri ég einhvern segja.
Kortsnoj hefur að þessu sinni mætt
tímanlega á vettvang. Hann skipt-
ist á orðum við Gligoric dómara, og
sest síðan við borðið og bíður
andstæðings síns. Á slaginu fjögur
er Kasparov mættur. Sagt er að
hávaði frá járnbrautalest í nágrenni
hótels hans hafi haldið vöku fyrir
honum, en ekki verður það merkt á
framkomu hans. Báðir eru kepp-
endurnir hinir hressustu er þeir tak-
ast í hendur. Og taflið hefst. í fimm
mínútur er eins og lýsi af eldingum í
kring um þá, meðan Ijósmyndarar
nýta þann stutta tíma sem þeir hafa
til ráðstöfunar. Síðan er allt kyrrt.
Hvað dregur menn heimshorna
á milli til að iðka þessa fornu íþrótt?
Keppendurnir tveir einir með sjálf-
um sér, baráttan er hafin, sálfræði-
leg og fræðileg. Um endalokin get-
ur að líta hér annars staðar á síð-
unni.
hol/eik
Stofnfundur Samtaka kvenna á vinnumarkaði:
Snúum vamarleysi
kvenna í SÓKN!
segir Guðrún Óladóttir, ein úr undirbúningshópnum.
„Það er alls ekki meiningin að
kljúfa verkalýðshreyfinguna í
herðar niður eftir kynjum. Við ætl-'
um einfaldlega að snúa varnarleysi
kvenna á vinnumarkaðinum upp í
sókn. Staðreyndin er sú að hvort
sem kona er í þjónustustörfum eða
framleiðslustörfum þá er hún alls
staðar jafn illa sett hvað laun varð-
ar,“ sagði Guðrún Óladóttir, skrif-
stofumaður hjá Reykjavíkurborg,
en hún ásamt 6 öðrum konum hafa
undirbúið stofnfund „Samtaka
kvenna á vinnumarkaði“ sem hald-
inn verður á morgun, laugardag.
Fundurinn hefst kl. 13 í Félags-
ALLAR NÝJU
BÆKURNAR
ogyfir
4000 aðrir
bókatitlar
MARKAÐSHÚS
BÓKHLÖÐUNNAR
Laugavegi 39 Sími 16180
OPIÐ ÖLL KVÖLD TIL KL. 8.
SENDUM í PÓSTKRÖFU UM
ALLTLAND
„Konur alls staðar jafn illa settar
hvað launakjör varðar“, sagði
Guðrún Óladóttir. Ljósm. - Magn-
ús.
stofnun stúdenta við Hringbraut.
Þar verða kynnt drög að lögum
samtakanna og flutt tvö framsögu-
erindi. Freyja Eiríksdóttir, Ein-
ingu, Akureyri fjallar um hvað
megi gera til að styrkja stöðu
kvenna í verkalýðsbaráttunni og
Sigríður Lillý Baldursdóttir, BHM
fjallar um sameiginleg baráttumál
kvenna í komandi kjarasamning-
um. Fundarstjórar verða Anní G.
Haugen og Dagbjört Sigurðardótt-
ir.
„Við erum sameiginlega af-
sprengi ráðstefnunnar í Gerðu-
bergi 22. október sl.“ sagði Guð-
rún. „Á þeim fundi voru valdar 7
konur til að undirbúa stofnfund-
inn, við þekktumst nánast ekki
neitt en höfum náð ansi vel saman.
Markmið samtakanna verður að
standa sameiginlega að baráttum-
álum kvenna varðandi kjör á vinn-
umarkaðnum og vera þar stefnu-
markandi og að vera bakhjarl
þeirra kvenna sem gegna trúnaðar-
störfum í launþegasamtökunum.
Við höfum sent fundarboð til
stjórna allra blönduðu launþega-
félaganna og kvennafélaganna þar
sem þessi stefnumið eru kynnt og
væntum þess að þeim verði vel
tekið.“
- Nú er starfandi annar hópur
sem vinnur á sama vettvangi,
Framkvæmdanefnd kvenna úr
öllum launþegasamtökum og
flokkum?
„Já, við höfum rætt við fulltrúa
úr framkvæmdanefndinni og það
er fullur vilji til samstarfs á milli
þessara aðila. Eins og málum er nú
háttað er kannski þörf á tvenns
konar átaki, - við ætlum okkur að
stofna opin samtök kvenna þar sem
hin almenna kona getur haft áhrif.
Hinn hópurinn er lokaður hópur
fulltrúa sem tilnefndir hafa verið
og þeirra verkefni er frekar að
safna upplýsingum og vinna úr
þeim. Auðvitað munum við vinna
saman og jafnvel sameinast þegar
fram líða stundir.“
Fundurinn á morgun er öllum
opinn. Þar verður í starfshópum
fjallað um framsöguerindi og drög
að lögum og liggur fyrir tillaga um
kosningu 9 kvenna í tengihóp og 9
til vara.
-ÁI
PC Jersild.
EFTIR FIÓCHD
Áhrifamikið listaverk
um afleiðingar
gereyðingarstyrjaldar
Skáldsagan Eftir flóðið kom út fyrir rúmu ári
og hefur þegar verið þýdd og gefin út víða
um heim. Hefur hún hvarvetna vakið mikla
eftirtekt oa skaDað háværar umræður.
Þessi magnaða skáldsaga gerist rúmlega
30 árum eftir gereyðingarstyrjöld.
Söguhetjan er ungur maður, fæddur skömmu
eftir tortíminguna. Lesandinn fylgist með
lífsbaráttu hans í óbyggilegum heimi
og fjörbrotum deyjandi mannkyns.
Eftir flóðið er óhugnanleg framtíðarsýn en
jafnframt ógleymanlegt listaverk og áreiðanlega
ein brýnasta skáldsaga síðari ára í okkar
heimshluta. Njörður P. Njarðvík þýddi.
PC Jersild er læknir að mennt og meðal
merkustu og mest lesnu rithöfunda á
Norðurlöndunum. í fyrra kom út eftir hann
hjá Máli og menningu skáldsagan Barnaeyjan.
cjefum qóðar bœkur
og menning