Þjóðviljinn - 07.12.1983, Blaðsíða 16

MÖÐVIUINN
Miðvikudagur 7. desember 1983
Aðalsími Þjóðviljans er 81333 kl. 9 - 20 mánudag til föstudags. Utan þess tíma er hægt að ná í blaðamenn og aðra starfsmenn blaösins í þessum símum: Ritstjórn Aðalsími Kvöldsími Helgarsími
81382, 81482 og 81527, umbrot 81285, Ijósmyndir 81257. Laugardaga kl. 9 - 12 er hægl aö ná í afgreiðslu blaðsins í síma 81663. Prentsmiðjan Prent hefur síma 81348 og eru blaðamenn þar á vakt öll kvöld. 81333 81348 81663
Lœkkun útsvara og fasteignagjalda
Kópavogur: 10.8% í útsvar
fnilií^n Wrtno clrattQQ+clátt Qf ,.'.41_ÍV ™
Sjálfstœðismenn í Reykjavík hafa ákveðið 11%
Bæjarráð Kópavogs ákvað á
fundi sínum í gær að lækka útsvör
stórlega frá því sem verið hefur og
innheimta aðeins 10.8% af tekjum
bæjarbúa í bæjarsjóð í stað 12.1%
sem áður var. Meirihlutann í bæj-
arstjórn Kópavogs skipa flokkarn-
ir AJþýðubandalag, Alþýðuflokkur
og Framsóknarflokkur. Sjálfstæð-
isflokkurinn í borgarstjórn Reykja-
víkur hefur tilkynnt að útsvör í
Reykjavík verði 11% af tekjum
borgarbúa.
„Eftir þá gífurlegu kaupmáttar-
skerðingu sem yfir fólk hefur dunið
síðustu mánuði töldum við
nauðsynlegt að koma þar eitthvað
til móts og ákváðum að lækka
álögur á bæjarbúa", sagði Björn
Ólafsson forseti bæjarstjórnar
Kópavogs í samtali í gær.
Auk lækkunar á útsvarsálagn-
ingunni var ákveðið að veita 10%
afslátt af fasteignagjöldum al-
menns íbúðarhúsnæðis, en áfram
verður innheimt sérstakt álag á
fasteignagjöld af atvinnuhúsnæði.
Þá verða gjalddagar fasteigna-
gjalda fimm í stað tveggja áður, en
frá 10. janúar ár hvert verða gjöld-
in greidd með fimm jöfnum
greiðslum mánaðarlega.
„Þessar aðgerðir okkar þýða um
30 miljón króna skattaafslátt af
bæjarbúum. Við reiknum með að
tekjutap bæjarstjóðs vegna lækk-
unar útsvarsins verði um 25 miljón-
ir, vegna lækkunar fasteignagjalda
um-3.5 miljónir en auk þess verða
fasteignaskattar hjá tekjulágu
eldra fólki stórlega ækkaðir", sagði
Björn ennfremur.
„Menn voru um það sammála í
bæjarráði Kópavogs að þrátt fyrir
þessa miklu lækkun álaga á bæjar-
búa yrði séð til þess áð þjónustan
minnkaði ekki. Aðhald mun aukið
í rekstri og væntanlega verður
eitthvað minna um verklegar fram-
kvæmdir á næsta ári. En í kreppu-
tíð eins og nú ríkir verða mertn fyrst
og fremst að hugsa um að íþyngja
ekki launafólki með óhóflegri
skattheimtu en sjá jafnframt til
þess að þjónusta bæjarfélagsins
verði ekki skert“, sagði Björn Ól-
afsson að lokum.
Ellilífeyrisþegar þurfa ekki að
sækja sérstaklega um afléttingu eða
lækkun fasteignagjalda. Aðstöðu-
gjöld fyrirtækja verða áfram inn-
heimt í sama hlutfalli og áður.
'Eálsmenn atvinnurekenda höfnuðu í gær tilboði ASÍ um leiðréttingu á Kjörum hinna lægst launuðu en buðu þess í stað upp á viðræður um
skerðingu félagslegra réttinda. Ljósm. - Magnús.
Viðrœður VSÍ og ASí hófust í gœr
15.000 króna lág-
markslaunum hafnað
Ríkisstjórnin boðar skattahœkkanir á nœsta
ári,segir Ásmundur Stefánsson forseti ASÍ
Tilboði
BSRB
hafnað
Á fundi viðræðunefnda BSRB
og samninganefndar ríkisins í gær
höfnuðu fulltrúar fjármálaráð-
herra hugmyndum BSRB um bráð-
abirgðasamkomulag þar sem bætur
til hinna lægt launuðu yrðu strax
ákveðnar. Töldu þeir að gildistími
samnings yrði að vera amk. eitt ár
og að engar forsendur væru fyrir
launahækkunum. Töldu þeir að
bíða ætti með viðræður þar til
endurskoðuð þjóðhagspá lægi
fyrir.
Tilboði Alþýðusambandsins
um skammtímasamning er
gerði ráð fyrir hækkun lægstu
launa upp í 15.000 kr. var ai-
gjörlega hafnað af atvinnurek-
endum á viðræðufundi ASí og
VSÍ í gær. Sama afstaða var
uppi hjá talsmönnum Vinnu-
máiasambands samvinnufé-
laga. Þau Ásmundur, Aðal-
heiður Bjarnfreðsdóttir og
Guðmundur Þ. Jónsson sátu
einnig viðræðufund með for-
sætisráðherra og formanni
Sjálfstæðisflokksins í gær. Að
sögn Ásmundar töldu þeir
Steingrímur og Þorsteinn að
vegna aflabrests yrði að tak-
marka kauphækkanir enn
meira á næsta ári en ráð var
fyrir gert í fjárlagafrumvarp-
inu.
„Auk þess að hafna algjörlega
tilboði okkar um leiðréttingu á
launum þeirra sem búa við verst
kjör kom Vinnuveitendasamband-
ið með tillögur um að færa til
fjármuni í launaumslaginu en auka
þar ekkert við. Okkur var boðið
upp á þann leik að versla með fé-
lagsleg réttindi eins og að minnka
veikindagreiðslur, skerða orlof og
afnema gjald til sjúkra- og orlofs-
heimilasjóða", sagði Ásmundur
Stefánsson að afloknum funda-
höldum í gær.
„Það er engu líkara en með þess-
um tillögum sé verið að gera grín
að því fólki sem býr við kröppust
kjörin í dag. Það er augljóst að þeir
sem lægst hafa launin hafa síst efni
á því að taka á sig skert félagsleg
réttindi og þessar hugmyndir
vinnuveitenda sýna vel hvaða hug-
ur er að baki þegar þeir tala um að
bæta þurfi hag hinna lægst
launuðu“, sagði Ásmundur enn-
fremur.
„Á fundinum með formanni
Sjálfstæðisflokksins og forsætis-
ráðherra spurðum við hvort ríkis-
stjórnin hefði lausn á því hvernig
ætti að tryggja kaupmátt launanna
án þess að heimila vísitölubindingu
þeirra. Var okkur einfaldlega tjáð
að það vandamál yrðu aðilar vinn-
umarkaðarins að leysa. Það er ljóst
að byrði beinna skatta, þ.e. út-
svars, tekjuskatts og fasteigna-
gjalda, mun aukast á milli áranna
1983 og 1984. Þeir Steingrímur og
Þorsteinn töldu að skattbyrði
hinna tekjulægstu mundi haldast
óbreytt á meðan skattbyrði hinna
myndi aukast. Að mati Hagdeildar
ASÍ mun þessi aukna skattbyrði
þýða um l'/2% skerðingu launa að
meðaltali því meðalskattbyrðin
muni aukast úr 12.5% af tekjum í
um það bil 14% tekna“, sagði Ás-
mundur Stefánsson að lokum.
Vinnuveitendasambandið gerir
tillögur um að orlofsgreiðslur verði
á ný færðar til fyrra horfs, að frí-
dögum verði fækkað, að breytingar
verði á veikindagreiðslum og að
gjald til sjúkra- og orlofsheimila-
sjóða verði afnumið. Þessi tilfærsla
launatengdra gjalda geti þýtt
4.25% hækkun launa hjá flestu
launafólki. Þá verði allir kjara-
samningar að öðru leyti framlengd-
ir óbreyttir til ársloka 1985. Einnig
að launaliðir verði endurskoðaðir á
6 mánaða fresti eftir breytingum á
þjóðhagsstærðum, en þá yrði ein-
göngu byggt á upplýsingum frá,
Þjóðhagsstofnun.
Á mánudag og þriðjudag í næstu
viku verður Sambandsstjórnar-
fundur ASÍ og á sunnudag verður
haldin formannaráðstefna sam-
bandsins. Þar munu menn væntan-
lega leggja á ráðin um viðbrögð við
tillögum atvinnurekenda og hvaða
skerf skuli næst stigin.
- v.
Kœrir lögreglufélagið fjölmiðlana?
Bíðum skýrslu frá RLR
segir Einar Bjarnason formaður
„Á meðan við höfum ekki feng-
ið nein gögn frá
Rannsóknarlögreglu ríkisins um
mál Skafta Jónssonar blaða-
manns á Tímanum, þá er ekki
hægt að segja að svo stöddu hvort
við munum senda kæru á hendur
fjölmiðlunum. Það þarf ekki að
fara mörgum orðum um það að
margt það sem komið hefur fram
í blöðunum hefur verið þvert á
þær hugmyndir sem við höfum
um atburðina í Þjóðleikhúskjall-
aranum og eftirmál öll,“ sagði
Einar Bjarnason formaður lög-
reglufélags Reykjavíkur þegar
Þjóðviljin hafði samband við
hann í gær.
Einar bætti því við að sá lög-
reglumaður sem að sögn Skafta á
að hafa gengið í-skrokk á honum
„er af því sem við þekkjum best
afskaplega vammlaus maður“.
Ennfremur kvaðst Einar vera
mjög óhress með það hversu ein-
hliða fréttaflutningurinn af mál-
inu hefði verið. Að lokum sagði
hann: „Ef svo fer að skýrsla RLR
og fleiri atriði staðfesta að frá-
sögn Skafta sé í öllum megin-
atriðum rétt, þá munum við að
sjálfsögðu ekkert aðhafast í mál-
inu frekar.“ - hól.