Þjóðviljinn - 24.12.1983, Blaðsíða 17

Helgin 24.-25. desember 1983 ÞJÓÐVILJINN - SÍÐA 17
BllBd lít
Gleðileg og friðsæl jól!
„Friður á Jörðu“
Við hittumst í skólanum á Horna-
firði, tvær morgunstundir, Attí,
Bjarni, Jónína, Anna, Siggaog
Heimir, og áttum saman þetta
spjall.:
A: Það eru að koma jól og jólin eru hátíð
friðarins. Flestar þjóðir heims halda hátíð-
leg jól, til að fagna komu frelsarans, og hafa
gert það mjög lengi. Meira að segja þar sem
styrjaldir geisa og allt er í báli og brandi, er
gert vopnahlé á jólanótt.
í tilefni af öllu þessu langaði mig, að við
ræddum um frið. Fyrsta spurningin væri þá:
Er friður í heiminum í dag?
Öll: Nei!
- Sums staðar?
- Ekki allsstaðar.
- Það er ekki friður í heiminum.
A: Hvers vegna er ekki friður?
- Þeir vilja ná meiri völdum.
- Stórveldin?
- Forsetarnir.
- Hermennirnir.
- Það er ekki nóg samstaða í heiminum.
A: Og hvað er verið að berjast um?
- Völd.
- Yfir löndum og herjum.
A: Munið þið eftir einhverju landi þar
sem er styrjöld núna?
- Já, til dæmis í Líbanon.
- Þar er stjórnarbylting, held ég.
- Er ekki Yasser Arafat þar?
- Beirút.
- ísrael.
A: Já, ísrael og Líbanon eru grannríki.
Þar er barist bæði innan ríkjanna og rnilli
ríkja. (Enginn vissi hvar Líbanon er, svo
hér er smá kort).
A: Hvað er friður?
— löng þögn —--------
- Bara þegar allir eru vinir.
- Allir eru sáttir.
- Ekki stríð og svoleiðis.
A: Eru allir sáttir á íslandi?
- Nei.
A: Er þá ekki friður á fslandi?
- Nei, það er náttúrulega hvergi friður.
- Það er að minnsta kosti ekki stríð.
- Sumir berjast með vopnum og aðrir
með orðum...
- ... og sumir með sprengjum.
- Friður er þá þegar allir eru sáttir.
A: Viljum við frið?
- Já, flestallir.
A: Vilja allir frið?
- Sumir vilja bara alltaf ófrið.
- Kannski þeir sem eru að berjast vilji
halda áfram?
- Hermennirnir vilja ábyggilega flestallir
frið.
- Já, en hinir eru svo staðnaðir í að ná
meiri völdum.
- Samt væri hægt að leysa málin bara
svona venjulega.
- Með samningum?
A: Hvað myndi breytast í heiminum ef
það væri friður?
- Þá myndi mannkyni fjölga og dýr lifa.
- Þegar það er styrjöld þá verða fleiri
fátækir.
- Öll framleiðsla hættir.
- Húsin eru kannski sprengd í loft
upp.....eða rifin.
- Og svo er þeim kannski skipað að fara
úr landi.
A: Nú er sagt að mennirnir séu allt ot
margir. Verðum við kannski að hafa stríð til
að fækka þeim?
- .... ekki stríð ....
- Það deyja náttúrulega einhverjir og
bætist bara við í staðinn
A: En hvað myndi breytast hjá okkur ef
það væri friður?
- Þá gætum við farið til útlanda án þess að
vera hrædd um að vera skotin.
- Og svo værum við ekki alltaf hrædd um
að það kæmi sprengja á húsið.
A: Haldið þið að það sé hætta á kjarn-
orkustyrjöld?
- Já, meðan vopnin eru til.
A: Og hvað gerist?
- Þegar að það er varpað kjarnorku-
sprengju, þá kemur eitthvað fyrir svo sólin
nær aldrei að skína á jörðina.
- Það deyr allt.
- Fyrst kemur hitabylgja og svo verður
alltaf vetur.
- .. Líka þrýstingur og geislun.
- Plönturnar deyja og dýr, sem iifa á
plöntunum deyja og svo lifum við kannski á
þessum dýrum.
A: í ykkar daglega lífi, eruð þið þá friðar-
sinnar, kunnið þið að fyrirgefa og láta und-
an?
- Ég veit ekki.
- Ja, maður verður kannski stundum
reiður.
- Ekki nógu oft.
A: Er hægt að fá frið í heiminum?
- Það mætti alltaf reyna.
- Það er ekki líklegt núna.
A: Ef þið fengjuð að ráða öllu í heiminum
núna, hvað mynduð þið þá gera til að fá
frið?
- Semja við stórveldin.
- Um að sættast?
- Til að fá frið.
- Svo þyrfti að eyða öllum vopnunum.
- Og loka fyrirtækjum sem framleiða svo-
leiðis...
- Rífa allt í tætlur.
- Þá er ekki víst að þau myndu leggja í að
byrja upp á nýtt.
A: Hvers vegna ætli vopn komi til í upp-
hafi?
- Til að veiða í matinn og til að verja sig
fyrir villidýrum - og öðrum mönnum.
- Til að fá yfirráð yfir þessum manni - eða
ættflokknum.
A: Haldið þið að þessi yfirráðagirni sé
manninum eðlislæg, að hann vilji alltaf ráða
yfir öðrum?
- Já, örugglega.
A: Viljið þið ráða yfir öðrum?
- Ekki ég, nei....
- Jú, ég vil stundum ráða yfir litla bróður
mínum.
- Já, maður vill oft ráða yfir þeim sem er
minni máttar.
A: Eins og stórveldi?
- Já, og ekki bara þeim sem eru ininni
máttar.
A: Hvers vegna er ekki hætt að framleiða
vopn?
- Þeir sem hafa mest völd, þeir kaupa
alltaf meira og meira.
A: En þegar forsetar stórveldanna eru
bara heima í fríi með fjölskyldu sinni, hald-
ið þið þá að þeir vilji í alvöru að það sé
stríð?
- Nei.
- Þeir þoraekki að hættafyriróvininum.
- Þeir eru hræddir sjálfir.
- Hræddir um að hinir fái yfirráð yfir
þeim.
p.s. Elsku krakkar!
Mér reyndist ómögulegt að heyra á segulbandinu
hver sagði hvað. Eg á eftir að læra það.
Gleðileg jól
Attí.
SPJALLAÐ VIÐ FIMM KRAKKA A HORNAFIRÐI
/
Sigga
Bjarni
Jónína
Heimir