Þjóðviljinn - 06.03.1984, Blaðsíða 5
Þriðjudagur 6. mars 1984 ÞJOÐVILJINN - SIÐA 5
SAMNINGAR OPINBERRA STARFSMANNA:
Slitnað upp ur samnmg-
um við Reykjavíkurborg
Atkvœðagreiðsla ríkisstarfsmanna 19. og 20. mars
Samningur BSRB og fjár-
málaráðuneytisins, sem undir-
ritaður var fyrir rúmri viku
verður borinn undir atkvæði fé-
lagsmanna BSRB í skriflegri at-
kvæðagreiðslu sem fram fer
mánudaginn og þriðjudaginn 19.
og 20. þessa mánaðar. Síðan eiga
sérkjarasamningar einstakra fé-
laga að vera frágengnir 45
dögum eftir endanlega samþykkt
aðalkjarasamnings samkvæmt
lögum. Undirbúningur undir at-
kvæðagreiðsluna er nú í fullum
gangi hjá BSRB, og verða haldn-
ir vinnustaðafundir á vegum
bandalagsins um allt land til þess
að kynna innihald samninganna.
Hér í Reykjavík verða slíkir
fundir hins vegar á vegum ein-
stakra aðildarfélaga BSRB.
Þjóðviljinn sneri sér í gær til for-
ystumanna nokkurra félaga og
leitaði frétta af undirbúningi
undir atkvæðagreiðsluna.
Gunnar Gunnarsson frkv.stj. SFR.
Gunnar Gunnarsson hiá
SFR:
30-40 vinnustaðafundir
Gunnar Gunnarsson hjá Starfs-
mannafélagi ríkisstofnana sagði að
SFR myndi taka þátt í sameigin-
legri fundaherferð BSRB úti á
landsbyggðinni, en hér á Reykja-
víkursvæðinu myndi félagið gang-
ast fyrir 30-40 vinnustaðafundum,
og myndu þeir fyrstu hefjast í dag.
Fundur var í trúnaðarmannaráði
félagsins í gær, þar sem aðdragandi
og niðurstöður samningsins voru
kynntar. Gunnar sagði að fram-
kvæmd kosningarinnar yrði að öllu
leyti í höndum BSRB og myndi
einfaldur meirihluti greiddra at-
kvæða ráða úrslitum. Gunnar sagði
að hins vegar gilti sú regla sam-
kvæmt lögum að atkvæðagreiðsla
um sáttatillögu væri í höndum sátt-
asemjara og þyrfti þá yfir 50% fé-
lagsmanna að greiða atkvæði gegn
slíkri tillögu til þess áð hún verði
felld.
Valgeir Gestsson form. Kennara-
sambandsins.
Valgeir Gestsson form.
Kennarasambandsins:
Tel óvíst að samningurinn
verði samþykktur
Valgeir Gestsson formaður
Kennarasambands Islands, sem á
aðild að BSRB, sagðist engu vilja
spá um það hvort samningurinn
yrði samþykktur í atkvæða-
greiðslu, en allir fulltrúar kennara í
samninganefnd BSRB greiddu at-
kvæði gegn samningnum. Hann
sagði að Kennarasambandið væri
nú að fara af stað með vinnustaða-
fundi á Reykjavíkursvæðinu, en
kennarar funduðu með BSRB úti á
landsbyggðinni.
Valgeir sagði að afstaða stjórnar
Kennarasambandsins hefði komið
fram í samninganefnd BSRB, en
hins'vegar væri það Ijóst að samn-
ingsrétturinn lægi hjá heildarsam-
tökunum en ekki aðildarfélögun-
um.
Er það rétt sem heyrst hefur, að
Qöldauppsagnir séu á dagskrá hjá
kennurum, verði samningurinn
samþykktur?
Jú, þessi hugmynd hefur heyrst,
en mér er ekki kunnugt um að nein
skipulögð hreyfing í þessa átt eigi
sér stað, sagði Valgeir.
Fjöldauppsögn krefst mikillar
skipulagningar og samheldni. Við
höfum einu sinni gripið til þessa
ráðs, en það var 1960, þegar 96%
kennara skrifuðu undir yfirlýsingu
um uppsögn. Kennarar á landinu
öllu eru á 4. þúsund, og slík fjölda-
uppsögn verður ekki hrist fram úr
erminni. Svo eiga félagsmenn okk-
ar eftir að kveða upp sinn endan-
lega dóm yfir samningnum, sagði
Valgeir að iokum.
Haraldur Hannesson Starfs-
mannafelagi Reykjavíkurborgar.
Haraldur Hannesson for-
maður Starfsmannafélags
Reykjavíkurborgar:
Slitnaði upp úr samning-
um í gær
Haraldur Hannesson formaður
Starfsmannafélags Reykjavíkur-
borgar sagði að félagið ætti ekki
aðild að samkomulagi BSRB við
fjármálaráðuneytið, heldur færi
það með sjálfstæðan samningsrétt
gagnvart Reykjavíkurborg. Sú
kjaradeila er nú komin til sátta-
semjara og slitnaði upp úr samn-
ingum þar í gærmorgun.
Sagði Haraldur að ágreiningur
væri uppi um atriði sem ekki væru í
samningi BSRB við fjármálaráðu-
neytið. Sagði Haraldur að þeir
hefðu á fundinum mótmælt ákvæði
um sérstakan unglingataxta tyrir
starfsfólk á aldrinum 16-18 ára. Þá
hefðu þeir farið fram á samræm-
ingu á starfsaldurshækkunum og
einnig að tekin yrði upp fyrirfram-
greiðsla launa eins og tíðkaðist hjá
öðrum opinberum starfsmönnum.
Sagði Haraldur að þetta fyrir-
komulag hefði einhliða verið af-
numið af borgarráði 1978, og væru
þetta3. kjarasamningarnirþarsem
félagið reyndi að fá þetta leiðrétt.
Haraldur sagði afstöðu borgarinn-
ar hafa verið þá að semja einungis
upp á BSRB-samninginn og ekkert
meira. Haraldur sagði að í starfs-
mannafélaginu væru nú 2700-2800
félagsmenn og um 2100 stöðugildi.
Aðspurður um hvað nú tæki við
sagði Haraldur að nú yrði hlé til
umhugsunar fyrir báða samnings-
aðila, en annar sáttafundur hefur
ekki verið boðaður.
Margrét Einarsdóttir for-
maður Sjúkraliðafélags-
ins:
Skásti kosturinn
Við höldum fund í okkar
launamálaráði í dag og verðum
með almennan félagsfund fyrir at-
kvæðagreiðsluna, sagði Margrét
Einarsdóttir formaður Sjúkraliða-
Margrét Einarsdottir Sjúkraliðafé-
laginu.
félagsins. Hún sagði að sjúkraliðar
hefðu sérkröfur, sem þeir þyrftu að
fá lausn á. Margrét sagði að þetta
væri ekki rétti tíminn til þess að
gefa upplýsingar, en hins vegar
virtist henni að stemmningin í fé-
laginu væri svipuð og í flestum öðr-
um aðildarfélögum BSRB, þar sem
talið væri að fyrirliggjandi sam-
komulag væri skásti kosturinn mið-
að við ríkjandi aðstæður. ólg.
Gestur frá
Nicaragua
Edga Vélez, 1. sendiráðsritari í
sendiráði Nicaragua í Stokkhólmi
kom hingað til lands í gær í boði
nokkurra ísienskra félagasamtaka.
Mun hún koma fram á fundi að
Hótel Borg annað kvöld kl. 20.30
og flytja erindi undir yfirskriftinni:
„Hvað er að gerast í Nicaragua?“ A
fundinum verða einnig umræður
og fyrirspurnir.
Á alþjóðlegum baráttudegi
kvenna 8. mars næstkomandi mun
Edga Vélez ávarpa fund nokkurra
kvennasamtaka í Félagsstofnun
stúdenta. Undirbúningsnefnd
heimsóknarinnar hvetur alla
áhugamenn um málefni Mið-
Ameríku að mæta á þessa fundi
með Edgu Vélez og kynnast frá
fyrstu hendi sjónarmiðum þess
fólks sem staðið hefur fyrir bylting-
unni í Nicaragua, en Edga Vélez
hefur tekið þátt í starfi Sandínista
frá unglingsárum og tók þátt í bar-
áttunni gegn harðstjóranum
Somoza auk þess sem hún er 5
barna móðir.
Attu rið
ÞAKVANDAMAL
að stríða?
Betokem SUM gólfílögn
Engin
samskeyti
Betokem gólílögnin harðnar svo fljótt að þú getur gengið
eða lagt teppið á gólfið eftir 24 tíma. SUM gólfílögn hefur
verið í þróun i Þýskalandi, Svíþjóð og Noregi sl. 15 ár og
hefur sýnt að hún stenst fyllilega allar þær gæða-, þol- og
styrkleikakröfur, sem settar voru í upphafi og síðar hafa
komið fram.
Það hefur enda sýnt sig á söluþróuninni sl. 7 ár að þarna er á
ferðinni algjör bylting í gólfílögn, salan hefur nánast þotið
upp og ekki hefur verið hægt að anna eftirspurn fyrr en nú.
FILLC0AT
gúmmiteygjanleg samfelld húð fyrir málm-
þök.
Er vatnshelld.
Inniheldur cinkromat og hindrar ryðmyndun.
Ódýr lausn fyrir vandamálaþök.
Ábyrgð - greiðslukjör.
EP0XY - GÓLF
V ^ '
LAUSN ER ENDIST ÓTRÚLEGA VEL:
Við erum með f jölmargar gerðir af gólf-
ílagningarefnum sem þola ótrúlegt
álag. Það er sama hvort um er að ræða
gólfið í sturtuklefanum, matsalnum
eða á bilaverkstæðinu. Vandamálið
leysum við á fljótan og öruggan hátt.
HAFNARFIRÐI SÍMI 50538