Þjóðviljinn - 08.03.1984, Blaðsíða 1

Þjóðviljinn - 08.03.1984, Blaðsíða 1
Öskudagur í Reykjavík Sjá2 mars fimmtudagur 49. árgangur 57. tbl. Viðrœðurnar teknar úr höndum VSÍ______ Dagsbrún vinnur enn sigur Eimskip fellst á viðrœður Eimskip féllst í gær á að taka upp viðræður við starfsmenn Dagsbrúnar við Sundahöfn sem fyrirtækið hefur hingað til vísað til Vinnuveitendasambandsins. Klukkan 12 á hádegi í gær undirrit- uðu Eimskipsmenn yfírlýsingu þess efnis, en verkamenn hefðu ella farið heim kl. 13.00 í gær. Samninganefnd Dagsbrúnarmanna og Eimskipsmanna halda fyrsta viðræðufund sinn kl. 10 árdegis í dag. Við unnum sigur, sögðu verkamenn í Sundahöfn kampakátir í hádeginu í gær. (Mynd -eik). Svohljóðandi yfiriýsing var bor- in fram og undirrituð af förráða- mönnum Eimskips um hádegisbil í gær: „Undirritaðir lýsa því yfir, að hf. Eimskipafélag íslands er reiðubúið að taka upp viðræður við fulltrúa starfsmanna í Sundahöfn um endurskoðun á samningum milli Verkamannafélagsins Dagsbrúnar og Eimskipafélags íslands dagsett- um 31. okt. 1974 við aðila frá Vfm. Dagsbrún og Vinnuveitendasam- bandi íslands. Fyrsti fundur verður haldinn á morgun kl. 10.00. Fyrir liggur „kröfugerð að sér- samningi á milli Vfm. Dagsbrúnar annars vegar (félagið) og VSÍ f.h. Eimskipafélags íslands hf, Haf- skips hf og annarra skipafélga innan VSÍ og VMSS. F.h. Skipa- deildar SÍS og Vinnumálanefndar ríkisins f.h. Ríkisskips hins vegar." Undir þetta rita Valtýr Há- konarson, Jón B. Stefánsson, Jón H. Magnússon og Guðmundur Petersen. Þá má einnig geta þess að annar viðræðufundur Dagsbrúnarverka- manna hjá Mjólkursamsölunni við forráðamenn Samsölunnar og VSÍ um sérkjaramál verður haldinn n.k. föstudagsmorgun. -lg- Skiparfyrirtœkjum að ganga í VSÍþvert á vilja stjórnaþeirra Sverrir sendir skipun Fáheyrt gerrœði, segir Sveinn Jónsson stjórnarmaður íRarik Þetta er fáheyrt gerræði hjá ráð- herranum, sagði Sveinn Jónsson stjórnarmaður í Rafmagnsveitum Ríkisins við Þjóðviljann í gær en fyrirtækið hefur fengið skipun frá Sverri Hermannssyni iðnaðarráð- herra um að ganga í Vinnuveitend- asamband íslands þvert á vilja stjórnarmanna. Þjóðviljinn fregn- aði í gær að ráðherrann hefði sent fleiri fyrirtækjum sams konar bréf með skipun um að ganga í VSÍ, en áður hafði hann sent fyrirtækjum tilmæli um slíkt. Rafmagnsveitur ríkisins voru meðal fyrirtækja undir iðnaðarráð- uneytinu sem fengu slík tilmæli. Stjórn fyrirtækisins fjallaði um þau og lét ráðherrann vita um andstöðu sína við aðild fyrirtækisins að VSÍ. Ráðherrann gerði engar athuga- semdir við vilja stjórnarinnar. Næst gerist það að fyrirtæki undir iðnaðarráðuneytinu fá send- ingu frá ráðherranum dagsetta 24. febrúar með skipun um að fyrir- tækin gangi nú þegar í hagsmuna- samtök atvinnurekenda. Bréfið var ekki sent til stjórna viðkomandi fyrirtækja og hafa enga aðra umfjöllun hlotið. Mikil reiði er meðal viðkomandi fyrir- tækja, enda hefur þessum fyrir- tækjum vegnað vel í samskiptum við verkalýðsfélög með núverandi fyrirkomuíagi. -óg IDNAOARRA 6 Alþjóðlegur baráttu- dagur kvenna er í dag, 8. mars. Af því tilefni munu konur hittast í miðbænum kl. 17 og halda útifund og fara í kröfugöngu. Einnig verður baráttu- fundur í Félagsstofnun stúdenta í kvöld. Magnús Pétursson hagsýslustjóri: __________ Götin í fjárlögunum ljós síðan í haust „Þetta eru allt hlutir sem hafa legið á borðinu frá því í haust og svo hafa ákvarðanir ríkisstjórnarinnar eftir að fjárlagafrumvarpið var samþykkt breytt ýmsu", sagði Magnús Pétursson hagsýslu- stjóri, þegar Þjóðviljinn innti hann eftir því hvort embættismönn- um væri kennt um að stjórnarliðar virtust ekki hafa áttað sig á því að 2 milljarðar króna gat væri á fjárlögum fyrr en nú. „Að verulegum hluta átti þetta allt að vera ljóst fyrir stjórnmála- mönnum. Þeir útgjaldaliðir sem nú er talað um sem gat í fjárlögum voru á vitorði stjórnmálamanna við fjárlagagerðina og afgreiðslu fjárlaga. Vöntun á framlögum í út- flutningsbætur, 300 milljóna niður- skurður í heilbrigðiskerfinu, 100 milljónir í lánasjóð námsmanna. Þetta og fleiri lá ljóst fyrir í allt haust. Menn sögðu þá: Ja, við leysum þetta einhvernveginn, mál kunna að æxlast þannig að þetta geti gengið." Magnús Pétursson lagði áherslu á að það sem gert hefði verið væri einungis það að tölum hefði verið raðað upp í lok febrúar til að sýna stöðuna. Annað mál væri hvernig brugðist yrði við og það væri stjórnmálamanna að velja leiðir út úr vandanum. Ekkert lægi heldur fyrir um það að ráðherrar væru hættir við áform um sparnað og niðurskurð á ríkisútgjöldum, þannig að of snemmt væri að tala um 1.8 milljarða króna gat á fjár- lögum sem endanlega niðurstöðu ársins. -lg. Magnús Pétursson hagsýslustjóri (t.h.) og Geir Haarde aðstoðarmaður fjármálaráðherra kynna blaða- mönnum fjárlagafrumvarpið á sl. hausti. Mynd: -eik. Rangt að semja um hærrakaup segir Steingrímur Hermannsson - Ég tel það rangt hjá at- vinnurekendum að semja við þau félög sem fella samkomu- lag ASÍ og VSÍ -og ég tel þá að menn komi í bakið á Ásmundi Stefánssyni, sagði ~Steingrím- ur Hermannsson forsætisráð- herra er Þjóðviljinn spurði hann í gær um nýja samninga milli þeirra félaga sem fella samkomulag ASI og VSÍ við atvinnurekendur á viðkom- andi stöðum. Pá var Steingrímur inntuf eftir áliti á nýja Húsavíkur- samningnum, þar sem unglingataxtinn er farinn út, • hærri búnus viðurkenndur, hærri lágmarkslaun og hærri viðmiðún. Steingrímur sagð- ist telja það rangt að atvinnu- rekendur féllust á hærra kaup en samningur ASÍ/VSÍ kveð- ur á um. Hins vegar teldi hann að þessi samningur riði nú ekki kaupfélaginu á staðnum að fullu. Þetta hefði alltaf ver- ið öðruvísi á Húsavík en ann- ars staðar. -rþ

x

Þjóðviljinn

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Þjóðviljinn
https://timarit.is/publication/257

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.