Þjóðviljinn - 14.03.1984, Blaðsíða 2

2 SÍÐA - ÞJÓÐVILJINN Miðvikudagur 14. mars 1984
s
Ríkisfyrirtækj um skipað aðganga í VSI
— Hér er um það að ræða að
opinber fyrirtæki, fyrirtæki
fólksins í landinu, eru iátin
borga herkostnað atvinnurek-
enda á hendur fólkinu, sagði
Svavar Gestsson í harkalegri
umræðu um aðild ríkisfyrir-
tækja að VSÍ í fyrirspurnar-
tíma á alþingi í gær. Fram kom
að fjöimörg ríkisfyrirtæki eru í
þann mund að ganga inní
hagsmunasamtök atvinnurek-
enda.
Svavar Gestsson fylgdi fyrir-
spurn sinni úr hlaði og rifjaði upp
stefnubreytingu af hálfu Fram-
sóknar og vitnaði í afstöðu sem
Ólafur Jóhannesson þáverandi for-
sætisráðherra gerði fyrir 1971. Þá
var því lýst yfir að ríkisfyrirtækin
gengju úr hagsmunasamtökum at-
vinnurekenda. Framsóknarflokk-
urinn hefði síðan tekið enn einn
kollhnísinn og legði blessun sína
yfir þá ákvörðun Sverris Her-
mannssonar og annarra ráðherra
Sjálfstæðisflokksins að láta ríkis-
fyrirtæki ganga inní VSÍ og greiða
þar herkostnaðinn af aðför at-
vinnurekenda gegn fólkinu í
landinu. Spurði Svavar enn fremur
hvort þingflokkur Framsóknar-
flokksinshefði fjallaðum þettamál.
Enn fremur hvort þetta hefði verið
borið upp í stjórnum viðkomandi
fyrirtækja og hvort Vinnumála-
nefnd ríkisins yrði lögð niður í
kjölfar þessa.
Steingrímur Hermannsson for-
sætisráðherra kvað ráðherrum sem
færu með viðkomandi stofnanir í
sjálfs vald sett hvort þeir létu fyrir-
tækin ganga í hagsmunasamtök at-
vinnurekenda eða ekki. Iðnaðar-
ráðherra hefði tilkynnt að Sem-
entsverksmiðja ríkisins, íslenska
járnblendifélagið á Grundartanga,
Sjóefnavinnslan, Rafmagnsveitur
ríkisins, Jarðboranir ríkisins,
Landsvirkjun, Kísiliðjan og Þör-
ungavinnslan myndu ganga í Félag
iðnrekenda og Vinnuveitendasam-
band íslands. Fyrirtækin greiddu
0.4% af launagreiðslum liðins árs í
VSÍ, en sú upphæð nemur um einni
og hálfri miljón á þessu ári.
Páll Pétursson kvað málið hafa
verið tekið upp á þingflokksfundi
Framsóknarflokksins og þar hefði
enginn hreyft mótmælum við þess-
um ákvörðunum. Sjálfur teldi
hann að fyrirtækin ættu að standa
sameinuð í kjaramálum og því
mætti ekki gleyma að opinber fyrir-
tæki öðluðust áhrif innan VSÍ!
Svavar Gestsson gerði athuga-
semdir við málflutning Framsókn-
armanna og spurði hvort ekki væri
þá rökrétt í framhaldi af afstöðu
þeirra að Vinnumálasamband sam-
vinnufélaganna gengi inní VSÍ.
Lýsti hann furðu sinni á stefnu-
breytinu Framsóknarflokksins og
spurði hvort ekki væri einfaldara
fyrir þá að Framsókn gengi í Sjálf-
stæðisflokkinn! Svo virtist sem
Sjálfstæðisflokkurinn hefði svín-
beygt Framsóknarflokkinn í þessu
máli.
Steingrímur Hermannsson kvað
svo ekki vera. Hinsvegar væri
Framsóknarflokkurinn reiðubúinn
að endurskoða afstöðu sína hverju
sinni. Og það hefði hann gert að
þessu sinni.
Sverrir Hermannsson kvað
Framsóknarflokkin nú vera kom-
inn á upprunalega stefnu sína.
Ríkisstjórnin skipuleggur nú inngöngu ríkisfyrirtækja í hagsmunasamtök
atvinnurekenda til að styrkja þau í baráttunni við launafólk í landinu. Ljósm
elk.
Steingrímur Steinþórsson hefði
árið 1952 lýst yfir þeirri skoðun
flokksins að opinber fyrirtæki ættu
að vera í VSÍ. Hins vegar hefði
Framsóknarflokkurinn verið svín-
beygður af Alþýðubandalaginu
árið 1971 í vinstri stjórninni og fjar-
lægst upprunalega stefnu sína.
Ólafur Ragnar, Kjartan Jó-
hannsson, Svavar Gestsson og
fleiri stjórnarandstöðuþingmenn
gerðu óspart grín að hinum nýja
hugmyndafræðingi Framsóknar-
flokksins. -óg
Borga herkostnaðinn
gegn fólkinu
Sementsverksmiðjan, Járnblendiverksmiðjan, Þör-
ungaverksmiðjan, Kísiliðjan, Landssmiðjan, Sjóefna-
vinnslan, Rafmagnsveiturnar, Jarðboranir ríkisins og
Landsvirkjun ganga í hagsmunasamtökin VSI
Mennirnir
taldir af
Skipverjarnir fjórir af
Hellisey VE-503 sem fórst
austan við Vestmannaeyjar í
fyrradag eru nú taldir af. I
gær hélt leit áfram við
eyjarnar án árangurs.
Björgunarsveitir í landi hafa
einnig verið beðnar um að
svipast um í fjörum og leit úr
lofti mun fram haldið eftir
því sem skyggni leyfir.
Hannes Hafstein fram-
kvæmdastjóri Slysavarnafélags
íslands sagði í gær að afrek
Guðlaugs Friðþórssonar að
synda í land rúmlega fimm kíló-
metra leið stríddi gegn öllum
hingað til þekktum lögmálum.
Kuldinn í sjónum hefði lagt
hvern venjulegan mínn að velli
á skömmum tíma. Aðstæður
hefðu einnig hjálpað til en þessa
örlagaríku nótt hefði sjór verið
spegilsléttur auk þess sem
straumar lágu til lands. Það
breytti þó ekki þeirrri einföldu
staðreynd að Guðlaugur hefði
unnið einstakt þrekvirki.
Skipverjarnir sem fórust með
Helliseynni voru þeir: Hjörtur
R. Jónsson skipstjóri, 25 ára.
Hann lætur eftir sig unnustu og
barn af fyrra hjónabandi. Pétur
Sigurðsson 1. vélstjóri, 21 árs.
Lætur eftir sig unnustu. Engil-
bert Eiðsson 2. vélstjóri 19 ára.
Lætur eftirsigeiginkonu. Valur
Smári Geirsson matsveinn, 26
ára. Lætur eftir sig eiginkonu og
tvö börn.
Báturinn fannst daginn eftir
slysið um það bil þrjár sjómílur
undan Heimaey á tæplega 100
metra dýpi.
-v.
Ríkisstjórnin styður VSÍ gegn ASÍ
Gengur þvert á samninga
Karl Steinar Guðnason varafor-
maður Verkamannasambands fs-
lands lýsti því yfir á Alþingi í gær,
að ákvörðun ríkisstjórnarinnar um
að láta ríkisfyrirtæki ganga í
Vinnuveitendasambandið breytti
vægi milli aðila vinnumarkaðarins
og myndi fá ófyrirsjáanlegar afleið-
ingar.
Karl Steinar sagði að sameigin-
Iegir samningar verkalýðsfélaga
við ríkisverksmiðjur yrðu úr sög-
unni við þessa inngöngu þeirra í
VSÍ.
Stefán Benediktsson vakti máls á
því að ríkisstjórnin væri með þessu
að ganga gegn þeirri meginhug-
mynd í íslenskri stjórnskipan að
samningar ættu að vera frjálsir
milli aðila vinnumarkaðarins án
verulegra afskipta ríkisvaldsins.
Það gengi þvert á þessa meginhugs-
un þegar ríkið skipaði sér í hóp
með öðrum aðilanum.
Sveinn Jónsson sagði frá við-
skiptum stjórnar Rafmagnsveitna
ríkisins við iðnaðarráðherra í þessu
máli. Fyrst hefði stjórnin fengið til-
mæli frá ráðherranum um að
RARIK gengi í VSÍ, en hún hefði
óskað eftir upplýsingum um kostn-
að, tilgang og afleiðingar af því að
ganga í VSÍ. Þá hefði komið bein
tilskipun frá ráðherranum um að
RARIK gengi í VSÍ. Þetta væru
fáheyrð og ólýðræðisleg vinnu-
brögð, og spurði Sveinn hvort hlut-
irnir hefðu gengið svona til
gagnvart öðrum ríkisfyrirtækjum,
en fékk engin svör.
Ólafur Ragnar Grímsson spurðist
fyrir um það hversvegna Ríkisspít-
alarnir, Ríkisútvarpið og fjöldi
annarra ríkisfyrirtækja og stofnana
væru ekki látnar ganga í VSÍ úr því
það væri stefna stjórnarinnar að
ríkið ætti að skipa sér í lið með
atvinnurekendasamtökum. Hvers-
vegna einungis ríkisverksmiðjur,
spurði Ólafur Ragnar, en fékk eng-
in svör fremur en aðrir þingmenn
sem spurðust fyrir um rökin fyrir
stefnu ríkisstjórnarinnar.
-ekh
Sýning skólabarna frá E1 Salvador:_
Fékk ekkert atkvæði
í fræðsluráði
Skólarnir ákveði sjálfir hvort þeir
taka sýninguna, sagði Þorbjörn Broddason
Á mánudag afgreiddi fræðslu-
ráð erindi frá Kennarafélagi
Reykjavíkur, þar sem farið var
fram á leyfi til að setja upp far-
andsýningu á Ijósmyndum og
barnateikningum frá E1 Salva-
dor. Erindi kennarafélagsins fékk
ekkert atkvæði í fræðsluráði og
Þorbjörn Broddason, fulltrúi AI-
þýðublaðsins var spurður hvort
hann væri á móti því að þessi sýn-
ing yrði sett upp í skólum borgar-
innar og af hverju.
„Nei, -ekki á nokkurn hátt. Ég
tel hins vegar að fræðsluráð sem
slíkt eigi ekki að taka ákvörðun
fyrir skólana í þessu efni. Þvert á
móti eigi hverjum skóla að vera
það í sjálfsvald sett hvort hann
tekur þetta efni til sýningar og
hvernig. Það ber ekki að skilja
afstöðu mína á annan veg en
þennan og þessum skilningi mín-
um, sem ég lýsti á fundinum var
ekki mótmælt.“
- Verður sýningin þá ekki sett
upp?
„Það hljóta skólastjórar og
kennarar í hverjum skóla að á-
kveða, sagði Þorbjörn, en ég
teldi það mikils virði að sem flest-
ir skólar tækju sýninguna að
hluta til eða alla og fjölluðu þá
um leið um þá hluti sem hún
sýnir. Ég er hræddur um að sýn-
ingin ein og sér, hangandi uppá
vegg hafi takmarkað gildi, eink-
um fyrir yngstu hópana, en sé aft-
ur á móti gífurlega lærdómsrík
fyrir eldri árgangana og þá t. a.
m. í tengslum við umfjöllunum
sögu rómönsku Ameríku.“
- Hvernig sýning er þetta?
„Sýningin kemur hingað á veg-
um Mannréttindanefndar E1 Sal-
vador fyrir milligöngu Kennara-
samtakanna á höfuðborgarsvæð-
inu og E1 Salvadornefndarinnar
hér. Efni hennar er tvíþætt, -
annrs vegar ljósmyndir og hins
vegar barnateikningar. Það eru
einkum teikningarnar sem eru
sláandi og sýna hvernig hörm-
ungar stríðsins í E1 Salvador hafa
mótað hugarheim barnanna. Og
það er merkilegt og til mikillar
fyrirmyndar að kennarasamtökin
skuli hafa forgöngu um þetta“.
- AI