Þjóðviljinn - 29.03.1984, Blaðsíða 2
2 SÍÐA - ÞJÓÐVILJINN Fimmtudagur 29. mars 1984
Fréttir frá bœndafundi í S-Pingeyjarsýslu:
Pröstur Ólafsson:
Ekki
frá mér
komin
Þjóðviljanum hefur borist
eftirfarandi athugasemd frá
Þresti Ólafssyni fram-
kvæmdastjóra verkamannaf-
élagsins Dagsbrúnar:
„Vegna fyrirspurnar og at-
hugasemda í minn garð vil ég
taka eftirfarandi fram:
Þar sem ég var eini „utan-
aðkomandi“ maðurinn í fjár-
málaráðuneytinu sunnudag-
inn 25. mars sl. vil ég í tilefni
af forsíðufrétt Þjóðviljans í
fyrradag taka fram, að ég hef
engar upplýsingar gefið blað-
inu eða öðrum aðilum um
þann fund, enda kannast ég
ekki við að þau orð sem til er
vitnað í umræddri grein hafi
fallið á þessum fundi“.
Athugasemd
ritsjórnar:
Ritsjórn Þjóðviljans er ljúft
að staðfesta þá yfirlýsingu
Þrastar Ólafssonar að frétt
biaðsins á forsíðu í fyrradag
um fundinn í fjármálaráðu-
neytinu er ekki frá honum
komin. Blaðamenn Þjóðvilj-
ans ræddu ekki við Þröst ÓI-
afsson um þennan fund.
Héimildir blaðsins um fund-
inn voru hins vegar traustar og
frá mörgum komnar enda var
fundurinn fjölmennur. Frétt
blaðsins var því rétt.
Yfirlýsing Þorsteins Páls-
sonar í DV í fyrradag um
„rakalausan þvætting“ sýnir
eingöngu að fyrrverandi rit-
stjóri Vísis og núverandi for-
maður Sjálfstæðisflokksins
kann ekki lengur að meta
frjálsa fréttamennsku.
Starfsmenn í Vélsmiðju OL.OIsen í Njarðvík bíða eftir að nýja sleppibúnaðin um var sökkt í höfnina. Áugnabliki síðar skaut tunnunni upp. Kassinn efst í
gálganum geymir búnaðinn sem losar um hömluna við ákveðinn þrýsting. Mynd -eik.
Siglingamálastofnun viðurkennir nýjan sjálfvirkan sleppibúnað fyrir gúmmíbjörgunarbáta
Þrýstingur á 2ja m dýpi
losar um sleppibúnaðinn
Siglingamálastofnum ríkisins
hefur nú viðurkennt sjálfvirkan
sleppibúnað fyrir gúmmíbjörgun-
arbáta sem Vélsmiðja Ól. Olsen í
Njarðvík hefur hannað. Þessi nýi
búnaður losar hömlu á skotbúnaði
gáigans sem björgunarbáturinn er
spenntur í við í þann þrýsting sem
myndast þegar búnaðurinn er
kominn 1,5-2 metra undir yfir-
borð sjávar.
Þessi nýi sjálfvirki sleppibúnað-
ur, sem notaður hefur verið á
skipum breska flotans um nokkurt
skeið og gefið góða raun, var sýnd-
ur fréttamönnum og öðrum áhuga-
mönnum við höfnina í Ytri-
Njarðvík í gær. Gálgi með sleppi-
búnaðinum var látinn sökkva niður
í höfnina og skömmu síðar skaust
tunna sem höfð var í stað björgun-
arbáts upp á yfirborðið.
Auk hins sjálfvirka sleppibúnað-
ar sem ekki var áður til staðar í
Olsens-gálganum er hægt að skjóta
björgunarbátum með handfangi
frá 2 - 3 stöðum á hverju skipi.
Skotorkan er í samanpressuðum
gormi sem býr yfir um 1500 kg orku
sem dugir til að sprengja allt að 3.5
cm íslag utan af búnaðinum.
Sjálfsleppibúnaðinum er komið
fyrir í stýrihúsi eða á öðrum stað
neðanþilja þar sem ísing getur ekki
hindrað virkni hans né brotsjór eða
hnútur sett hann af stað, en búnað-
urinn er ónæmur fyrir hnjaski,
höggum eða langvarandi titringi og
verður aðeins virkur við fyrirfram
ákveðinn þrýsting sem næst strax á
1.5 - 2 m. dýpi.
Að sögn forráðamanna
Vélsmiðju ÓI. Olsen er sleppibún-
aður frá þeim kominn um borð í
250 fiskiskip og auðvelt að koma
hinum sjálfvirka búnaði fyrir til
viðbótar. Þessi nýi búnaður hefur
að undanförnu verður kynntur er-
lendis og vakið athygli víða, eink-
um hjá breskum og dönskum skips-
stjórnarmönnum.
-Ig
Formaður Stéttarsambandsins
hæðist að kjötútflytjendunum!
Ingi Tryggvason formaður Stétt-
arsambands bænda fór háðulegum
orðum um tilraunir einstaklinga
við útflutning á kjöti á bændafundi
í Þingeyjarsýslu sl. mánudag.
„Mánudaginn 26. mars var al-
mennur bændafundur haldinn í
Ýdölum í Aðaldal á vegum
Kaupfélags Þingeyinga. Fundar-
efnið var kjötreikningur KÞ fyrir
síðastliðið framleiðsluár og ástand
og horfur í verðlags og markaðs-
málum landbúnaðarins, sérstak-
lega hvað varðar sauðfjárbúskap.
Auk kaupfélagsstjóra Hreiðars
Karlssonar höfðu framsögu Ingi
Tryggvason formaður Stéttar-
sambands bænda og hinn nýi fram-
kvæmdastjóri búvörudeildar SÍS
Magnús Friðgeirsson. í máli
Hreiðars kaupfélagsstjóra kom
fram að annað hvort 7% eða 4%
vantaði uppá að fullu verðlags-
grundvallarverði yrði náð á kjöti
yfir sl. framleiðsluár. Töldu þeir
Ingi og Hreiðar að vandséð væri
hvar þessi vöntun væri niðurkom-
in. Helst væri hennar að leita í
frumskógi fjármagns og geymslu-
kostnaðar sem er samflæktur við
hinn margfræg sláturkostnað, sem
ýmsum þykir að vonum vera ríflega
til tekinn í verðlagsgrundvelli.
Framsöguræður hinna tveggja
aðkomumanna snerist einvörð-
ungu um það að draga upp mynd af
ástandi og horfum í markaðs og
verðlagsmálum, sérstaklega sauð-
fjárafurða. Það var sannarlega
„svört skýrsla" einsog stundum
hefur verið sagt í sambandi við sjá-
varútveg. Kom það engum fundar-
manni á óvart; engum er þetta ljós-
ara en bændum sjálfum enda bitnar
þetta allt á þeim. Það sem eftirtekt-
arverðast var við ræður þeirra var
að ekki örlaði á svo mikið sem til-
lögu til úrbóta - og það þó á þá væri
gengið af fundarmönnum þar um.
Ýmsir hafa bundið vonir við að
drjúg lausn á þessum vanda væri að
afla markaða erlendis fyrir fullunn-
ið kjöt og fær veigamikil rök fyrir
þeirri skoðun sinni. Á þennan
möguleika minntust þeir Ingi og
Magnús ekki einu orði í framsögu-
ræðum sínum. í svarræðu sinni síð-
ast á fundinum gerði Ingi Tryggva-
son lítið úr þeim möguleika og fór
háðulegum orðum um tilraunir
einstaklinga í þessa veru. Er þó vit-
að að hér er um að ræða merkar
tilraunir sem gefa vísbendingu um
hvað hægt væri að gera ef fé og
fyrirhöfn væri í té látið til að vinna
markaði og þróa iðnað. Svo langt
gekk Ingi að fara með rangt mál
varðandi verð sem fékkst fyrir til-
raunasendingu á unnu kjöti til út-
landa á vegum Gunnars Páls Ing-
ólfssonar sem rekur fsmat í Njarð-
víkum. Mun Gunnar geta hrakið
þessa fullyrðingu Inga og gerir það
trúlega opinberlega.
í máli Inga kom fram að hann
taldi fullráðið af ríkisstjórninni að
draga úr niðurgreiðslum á búvöru
til að afla fjár í félagsmálapakka
þrátt fyrir hörð mótmæli sín og
Stéttarsambandsins. Taldi hann
sér þann hlut einan eftir skilinn að
fá einhverju um ráðið hvernig sú
skerðing legðist á einstaka vöru-
flokka; til þess yrði hann að mæta á
fundi að morgni.
Á bændafundinum var lögð fram
skorinorð tillaga eða ályktun til
forsætisráðherra þarsem mótmælt
var skerðingu á niðurgreiðslu land-
búnaðarvara og þess krafist að
staðið yrði við lögboðnar útflutn-
ingsbætur. Ályktun þessi var sam-
þykkt án mótatkvæða af nær öllum
eða öllum fundarmönnum. Allir
sjá að lækkun niðurgreiðsina mun
draga úr sölu landbúnaðarvara.
Verður bændastéttinni varla verri
grikkur gerður einsog mál standa í
dag. Pólitíkusar Framsóknar hafa
löngum talið sig veita bændum og
búalýð föðurlega forsjá. Nú ætla
Framsóknarráðherrarnir og þeirra
þinglið að veita bændum föðurlega
ráðningu og eru með vöndinn á
lofti. Eftir er að sjá hvort Fram-
sóknarbændur leysa hríðviljugir
ofan um sig buxurnar þessum herr-
um til hægðarauka en til þess mun
ætlast. Fundur þessi var fjölsóttur
og fór vel fram“. Starri í Garði.
Sveinar í málmiðnaði á Akranesi
Ríkisstjórnin víki
i
Félagar í Sveinafélagi málmiðnaðarmanna á Akranesi mótmæla
harðlega þeirri áráttu stjórnvalda að ráðast einhliða á launafólk sem
hinn eina sanna verðbólguvald, segir í álykfun aðalfundar félagsins
nýlega. Segir þar að ríkisstjórnir sem beiti launafólk kjaraskerðingum
til að borga niður verðbólguna ættu að víkja. Síðaip segir m. a.:
„Ekki er aðeins kjaraskerðing sem dynur yfir málmiðnaðarmenn
( heldur er yfirvofandi atvinnuleysi þar sem stöðva á alla skipasmíði á
íslandi í 2-3 ár á sama tíma og meðalaldur fiskiskipastólsins er 15-20 ár.