Þjóðviljinn - 29.03.1984, Blaðsíða 10
10 SÍÐA — ÞJÓÐVILJINN Fimmtudagur 29. mars 1984
Laus staða
Staða sérfræðings innan læknadeildar Háskóla íslands er
laus til umsóknar. Gert er ráð fyrir, að stöðunni verði ráðstaf-
að til tveggja ára.
Laun samkvæmt launakerfi starfsmanna ríkisins.
Umsækjendur skulu hafa lokið háskólaprófi, og er læknis-
menntun ekki skilyrði. Umsókn fylgi starfsáætlun á sviði
rannsókna í læknisfræði. Jafnframt fylgi umsögn þess kenn-
ara innan læknadeildar sem umsækjandi hyggst starfa
með, þar sem fram komi staðfesting þess að starfsaðstaða
sé fyrir hendi og að annar kostnaður en laun sérfræðings
verði greiddur af viðkomandi stofnun eða deild. Nánari upp-
lýsingar veitir forseti læknadeildar.
Umsækjendur skulu láta fylgja umsókn sinni rækilega
skýrslu um vísindastörf sín, ritsmíðar og rannsóknir, svo og
námsferil sinn og störf.
Umsóknir skulu hafa borist menntamálaráðuneytinu, Hverf-
isgötu 6, 101 Reykjavík, fyrir 26. apríl n.k.
Menntamálaráðuneytið,
26. mars 1984
Vélamiðstöð
Kópavogs
Tilboð óskast í Volvo F-84 árg. 1972. Bifreiðin er til
sýnis við Vélamiðst. Kópavogs Kársnesbraut 68 mán-
ud. 2. apríl og þriðjud. 3. apríl frá kl. 13.00-16.00 báða
dagana. Uppl. gefur verkstjóri á staðnum og í síma
41576.
Tilboðin verða opnuð miðvikudaginn 4. apríl kl. 13.30
á sama stað.
Forstöðumaður
OLANDSSAMBAND
STANGARVEIÐIFÉLAGA
Fundur um veiði- og fiskiræktarmál.
Landssamband stangaveiðifélaga boðar til umræoj-
fundar um veiði- og fiskiræktarmál á Hótel Borgarnesi
laugardaginn 31. mars kl. 10.00 f.h.
Frummælendur verða frá þessum aðilum:
Landssambandi stangaveiðifélaga
Veiðimálastofnun
Landssambandi fiskeldis-
og hafbeitarstöðva
Landssambandi veiðifélaga.
Áhugmenn! Komið og takið þátt í umræðum.
Lögmenn
Aðalfundur Lögmannafélags íslands verður
haldinn að Hótel Sögu, hliðarsal, II. hæð,
föstudaginn 30. mars og hefst kl. 13.
Árshóf félagsins verður haldið að kvöldi
sama dags í Átthagasal Hótel Sögu, og hefst
kl. 19. ' ,
Stjórnin
Lokað
Skrifstofur Verzlunarmannafélags Reykja-
víkur verða lokaðar í dag frá kl. 14.00 vegna
jarðarfarar Guðjóns Einarssonar fyrrverandi
formanns félagsins.
Verzlunarmannafélag Reykjavíkur,
Húsi verslunarinnar
Útför eiginkonu minnar, móður, tengdamóður og ömmu
Aðalheiðar Jóhannesdóttur
Stigahlíð 12
verður gerö föstudaginn 30. mars kl. 3 e.h. frá Hallgríms-
kirkju.
Þeim sem vildu minnast hennar er bent á SÍBS eða Krabba-
meinsfélagið.
Arnór Sigurðsson
Guðmunda Arnórsdóttir
Jón S. Arnórsson
Sígmar E. Arnórsson
Sigurður Arnórsson
Málfríður Arnósdóttir
og barnabörn.
Björn Ástmundsson
Berghiidur Gísladóttir
Heiðrún Aðalsteinsdóttir
Sigrún Baldvinsdóttir
Steingrímur J.
Sigfússon um
lausaskuldamál
bænda:
Frumvarp um breytingu á lausa-
skuldum bænda í föst lán var til
umræðu í Neðri deild Alþingis fyrir
skömmu. Steingrímur J. Sigfússon
flutti tvær breytingatillögur við
frumvarpið.
I fyrsta lagi um að lánveitingar
samkvæmt lögunum „skulu sér-
staklega miða að því að leysa fjár-
hagsvanda þeirra bænda, sem hafa
nýlega hafið búskap, staðið í
gagngerri uppbyggingu eða endur-
bótum á bújörð sinni eða búa við
sérstaklega erfiðan fjárhag vegna
fjölskylduástæðna.“
í annan stað: „Innlánsstofnun-
um er skylt að taka við bankavaxta-
bréfum, er gefín verða út sam-
kvæmt lögum þessum. Seðlabank-
inn endurkaupir þessi bréf.“
Þessar tillögur Steingríms voru
felldar. Við . umræðuna mælti
Steingrímur J. Sigfússon fyrir til-
lögunum og sagði m.a.:
Það er ljóst herra forseti, að þó
Alþingi setji með lögum þeim sem
hér um ræðir á þingskjali 392 á-
Vona að hér verði ekki
látið staðar numið
kveðinn ramma um framkvæmd
þeirra skuldbreytinga, sem hér eru
til umræðu þá er engu að síður fjöl-
margt sem falið er framkvæmdaað-
ilum málsins þ.e.a.s. bankaráði
Búnaðarbanka Islands og landbún-
aðarráðherra eða ríkisstjórn, eins
og hér er gert tillaga um. Þar má
nefna lánstíma, lánakjör, þóknun
til útgefenda bankavaxtabréfanna,
hlutfall peningalána og hlutfall
skuldabréfa, -útvegun fjármagns í
þessu skyni og meðferð banka-
vaxtabréfanna að útgáfu þeirra
lokinni. Þetta eru allt saman hlutir
sem falið er framkvæmdaaðilum
málsins í hendur og lög kveða ekki
á um.
Það má eflaust deila um það að
hve miklu leyti það sé rétt að Al-
þingi setji með lögum reglur í slík-
um tilvikum eða að hve miklu leyti
eigi að fela það framkvæmdaaðil-
um málsins í hendur. Ég tel þó
aldeilis nauðsynlegt að kveða
nokkru nánar á um þau tvö atriði,
sem hér -eru fluttar breytingatil-
lögur um.
Fjárhagsvandi
yngri bœnda
í fyrsta lagi er það að tryggja það
alveg sérstaklega að tillit verði
tekið til fjárhagsvanda yngri
bænda og þeirra sem hafa eins og
segir í tiliögugreininni, „nýlega haf-
ið búskap eða staðið í gagngerri
uppbyggingu eða endurbótum á
bújörð sinni“. Einnig vil ég með
þessari breytingatillögu tryggja
það, að tekið verði sérstakt tillit til
þess ef bændur með miklar lausa-
skuldir búa í ofanálag við það við
sérstaklega erfíðar fjölskylduað-
stæður. Og hefi hér sérstaklega í
huga barnmörg heimili og þann
mikla kostnað sem t.d. er oft fylgj-
andi því að senda börn í skóla frá
sveitaheimilum.
Ég tel það eðlilegt að þeir við-
komandi sem við slíkar aðstæður
búa fái forgang um fyllstu aðstoð
sem heimil er lögum þessum sam-
kvæmt. Þeim sem kunna að telja
þessa grein óþarfa bendi ég á það
að í frumvarpi þessu til laga er
hvergi kveðið á um það hversu víð-
tæk aðstoðin á að vera við hvern og
einn bónda. Það er ekki sagt hvort
breyta eigi öllum lausaskuldum
þeirra sem til þess hafa veð í föst
lán eða hluta af skuldum þeirra eða
skuldum upp að vissri hámarks-
upphæð. Þetta eru allt saman
möguleikar sem hugsanlegt gæti að
hafa í þessu sambandi. Og svo
mætti framvegis telja. Þetta ásamt
fjölda mörgu öðru eins og ég hef
áður bent á er falið framkvæmda-
valdinu í hendur.
Seðlabankinn
endurkaupi
Síðari breytingartillagan varðar
meðferð á bréfum þeim sem gefin
verða út. Það hefur verið undan því
kvartað að aðstaða lánardrottna
bænda til að losna við viðkomandi
bréf hafi verið misjöfn og þar af
leiðandi áhugi þeirra á því að taka
við bréfunum sömuleiðis. Sumar
innlánsdeildir og minni sparisjóðir
hafa getað endurselt bréfin í Seðla-
bankanum, en aðrir ekki. Hér er
gerð tillaga um að leysa þetta á ein-
faldan hátt þannig, að aðstaða allra,
verði jöfn. Með þessu móti mundu
bændur losna við að heimta loforð
af lánardrottnum sínum um vænt-
anleg bréfakaup og sparisjóðir og
innlánsdeildir jafnt sem bankar
eða bankaútibú gætu óhrædd tekið
við bréfunum. Það væri hugsanlega
nóg í þessu sambandi að Seðla-
bankinn endurkeypti ákveðið hlut-
fall bréfanna af hverjum og einum
og gætu þá framkvæmdaaðilar
málsins komið sér niður á það hlut-
fall, sem þeir teldu duga í þessu
sambandi þó hitt væri óneitanlega
tryggast að Seðlabankinn væri
skyldur til að kaupa þessi bréf eins
og þurfa þætti.
Herra forseti. Það mætti vissu-
lega margt segja um stöðu mála í
landbúnaðinum, en í þessu sam-
bandi þá læt ég nægja að segja, að
það er ljóst af þeim gögnum sem
fyrir liggja að þörfin á aðgerðum til
stuðnings þeim bændum, sem verst
eru staddir að þessu leyti er mikil.
Tímabœr
endurskoðun
Nú er þar fyrir utan að mínum
dómi löngu orðið tímabært að taka
til gagngerrar endurskoðunar allt
verðmyndunar- og peningakerfi í
landbúnaðinum. Og í framhaldi af
því vil ég spyrja hæstvirtan Iand-
búnaðarráðherra, af því svo vel vill
til að hann er hér viðstaddur þessa
umræðu hvað líði stefiiumörkun
hæstvirtrar ríkistjórnar í landbún-
aðarmálum. Og/eða hvort láta eigi
það duga, sem segir um þau mál í
stjómarsáttmála hæstvirtrar ríkis-
stjórnar frá því í vor.
Það má reyndar, herra forseti,
segja að ákveðin stefna í landbún-
aðarmálum birtist þessa dagana í
ýmsum aðgerðum hæstvirtrar ríkis-
stjórnar. Þannig vantar t.d. veru-
legar upphæðir í tjárlögum til þess
að útflutningsbætur á landbúnað-
arvörur eða réttur til útflutnings-
bóta á iandbúnaðarvörum sé
fylltur. Skv. viðtali við hæstvirtan
forsætisráðherra í útvarpsfréttum
nú fyrir skemmstu á að taka eða
stendur til að taka stærstan hluta
þeirra peninga sem færa á tii innan
fjárlaga í tengslum við kjarasamn-
inga ASÍ og VSÍ frá niður-
greiðslum. Ríkisstjórnin hyggst
láta taka upp nýjan neyslugrund-
völl þar sem vægi landbúnaðaraf-
urða minnkar og síðast en ekki síst
hefur verið lagt fram hér á hæst-
virtu Alþingi frumvarp um virðis-
aukaskatt þar sem aftur yrði tekin
upp skattheimta á matvælum. Allt
þetta og reyndar miklu fíeira mætti
telja til og segir sína sögu, ef þess er
gætt að ekkert annað hefur komið
frá hæstvirtri ríkisstjórn þarna á
móti. Þess vegna er von að spurt sé
hæstvirtur landbúnaðarráðherra
hvað líði frekari stefnumörkun
ríkisstjórnarinnar í landbúnað-
armálumog þá á ég ekki við stefnu-
mörkun, sem birtist í þeim aðgerð-
um, sem ég hef hér upp talið. Eg er
bara að vonast til þess að eitthvað
bitastæðara komi um þau - og
heilsteyptara komi um þau málefni
frá hæstvirtri ríkisstjórn áður en
langt um líður, enda þörfin mikil á
slíkri stefnumótun.
Óeðlilegur
seinagangur
Steingrímur J. Sigfússon kvaðst
harma þann seinagang, sem orðið
hefði á framkvæmd þessa máls því
að nefndin, sem að því starfaði,
hefði skilað áliti í haust. Tæki hann
undir gagnrýni minni hluta land-
búnaðarnefndar á því. Hinsvegar
hefði hann skrifað undir nefndará-
lit meirihlutans með þeim fyrir-
vara, sem þar kæmi fram, og í
framhaldi af því flutt þær breyting-
artillögur sem hann hefði nú gert
grein fyrir.
„Ég stýð þessa aðgerð og vona
að hún komist sem fyrst til fram-
kvæmda og vona jafnframt... að
hér verði ekki látið staðar numið,
heldur hafist handa um varanlegri
úrbætur og úrlausnir í þeim vand-
amálum, sem við er að glíma, svo
að aðgerðir hliðstæðar þeim, sem
nú er óhjákvæmilegt að grípa til,
megi heyra sögunni til“, sagði
Steingrímur J. Sigfússon að lokum.
-mhg