Þjóðviljinn - 11.04.1984, Blaðsíða 1

Þjóðviljinn - 11.04.1984, Blaðsíða 1
DJÚÐVIUINN Vigdís Finnbogadóttir forseti íslands heldur utan til Finnlands í dag. Hún heimsækir m.a. höllina í Turku en þar voru íslensk- ir fréttamenn á ferð í sl. viku. Sjá 9 apríl miðvikudagur 84. tbl. 49. árgangur Stjórnarformaður Eimskips selur fyrirtækinu innréttingar frá eigin heildverslun Ekki annarra kosta völ segir Halldór H. Jónsson sem stjórnar, teiknar og selur jöfnum höndum - Það er enginn annar sem flytur þetta inn, svo það er ekki annars kosta völ, sagði Halldór H. Jónsson stjórnar- formaður Eimskips þegar Þjóðviljinn spurði hvort hann teldi eðlilegt að klæða stórhýsi fyrirtækisins með vegg- klæðum frá eigin heildverslun. í ársskýrslu sinni á aðalfundi Eimskips á dögunum gat Halldór H. Jónsson þess að miljónum króna hefði verið varið í innréttingar í aðalbyggingu félagsins. Pórður Sverrisson fulltrúi fram- kvæmdastjóra Eimskips upplýsti að stjórnarformaður fyrirtækisins hefði sjálfur verið arkitekt innréttinganna og haft yfirumsjón með framkvæmdum. „Ég er tiltölulega vandur að virð- ingu minni svo ég held að ég myndi ekki gera það ef ég teldi svo vera“, sagði Halldór H. Jónsson þegar Þjóðviljinn spurði hvort hann teldi ekki óeðlilegt að hann hannaði sjálfur verk hjá fyrirtækjum einsog Eimskip sem hann væri í stjórn hjá. Þess má geta að Halldór teiknaði m.a. stórhýsi íslenskra aðalverk- taka, Bændahöllina, skrifstofu- byggingu Áburðarverksmiðjunnar og innréttingarnar í viðbyggingu Eimskipafélagshússins. Pessi sami Halldór er jafnframt stjórnarmaður' þessara fyrirtækja. Veggklæðningar í hinu ný- innréttaða húsnæði eru fluttar inn af héildversluninni Garðar Gísla- son h/f. Sams konar veggklæðni- ngar prýða húsnæði ýmissa annarra stórbygginga sem hann situr í stjórn hjá. Garðar heitinn Gíslason var tengdafaðir Halldórs og er Halldór sjálfur hluthafi í heildversluninni. jp/óg., Veggklæðningarnar í hinu nýinnréttaða húsnæði Eimskipafélagsins eru fluttar inn af fyrlrtæki Hall- dórs H. Jónssonar en á síðasta aðalfundl félagsins gat hann þess að miljónum króna hefði verlð varlð f þann lið á sl. ári. Ljósm. Atli Vatnsflóð á Hjónagörðum „Hrædd um að viðgerð Hjónagarða verði kostnaðarsöm og erfið fjármögnun“, sagði Stefanía Harðardóttir hjá Félagsstofnun (gær mátti sjá og heyra dropa leka í þessa fötu sem merkt er Hjónagörðum og staðsett er í sameiginlegri setustofu íbúa. „Fólk hefur dregið fram alla koppa og fötur til að taka á móti vatnsflóðinu sem streymir hing- að inn“, sagði garðprófastur á Hjónagörðum við Þjóðviljann í gær. Hús Hjónagarða er um 10 ára gamalt og hafa lekavand- amál sem hrjáð íbúa þar farið versnandi í vetur. „Viö erum mjög hrædd um að við- gerð Hjónagarða verði kostnaðar- söm og erfið fjármögnun", sagði Stefanía Harðardóttir hjá Félags- stofnun stúdenta. Sagði hún að þak hússins leki mikið og búið sé að fá tilboð í viðgerð á því sem nemi yfir eina miljón króna. Einnig sagði hún múrskemmdir verulegar á hús- inu og að búið sé að ráða sér- fræðing að Félagsstofnun til að kanna þær og ráðleggja um við- gerðir Hrafnkell Thorlacius arkitekt hússins sagði Þjóðviljanun að verk- takar sem gengu frá þakinu hefðu farið á hausinn áður en verkinu var lokið og vegna peningaleysis hefði aldrei verið gengið vel fá því. „Talsverðar múrskemmdir eru einnig á húsinu og hefði þurft að mála það fyrir löngu síðan. Það er búið að standa til í mörg ár en hefur ekki verið framkvæmt vegna pen- ingaleysis. Málningin hefði getað bjargað einhverju" sagði Hrafkell. Stefanía og Hrafnkell gátu ekki sagt um það hver muni á endanum bera fjárhagslegt tjón af viðgerð- um Hjónagarða. -JP Ætla kaupmenn að knésetja Miklagarð? Ekki rétt segir formaður Kaupmannasam- takanna „Ég er alveg sannfærður um að þetla á við engin rök að styðjast", sagði Sigurður E. Haraldsson for- maður Kaupmannasamtakanna um frétt Þjóðviljans í gær um að kaup- menn smærri og stærri verslana hefðu bundist óformlegum sam- tökun um að knésetja Miklagarð. „Hitt er aftur rétt að þessar versl- anir eru allar að slást og það er verð- stríð einkum í matvöruversluninni þar sem ekki eru lengur ncin leiðbeinandi verð og menn eru því að leita fyrir sér. Þctta getur þróast út í mikil undirboð, verðstríð sem gæti orðið einhverjum hættulegt. Og þá er kannski Mikligarður í sömu hættu og aðrir". Sigurður sagði að einkaverslun í borginni væri búin að vera að keppa við samvinnuverslun f áratugi. „Hún óttast ekki þá samkeppni þannig að hún skjálfi í hnjáliðun- um“, sagði formaður Kaupmannas- amtakanna. -Ig. Sjá meira um verðstríð verslananna bls. 2

x

Þjóðviljinn

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Þjóðviljinn
https://timarit.is/publication/257

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.