Þjóðviljinn - 28.04.1984, Blaðsíða 28

Umræður á ársfundi Landsvirkjunar:
Full samstaða í 1. maí nefnd verkalýðsfélaganna í Reykj avík
um ávarp dagsins og fundarhald________
Brýning til verkafólks
um aðgerðir að hausti
Breytingar á
Á ársfundi Landsvirkjunar sem haldinn var í gær komu fram í
erindi Jóhanns Más Maríussonar aðstoðarforstjóra Landsvirkjun-
ar upplýsingar um að nýjar rannsóknir kynnu að sýna að breyta
ætti þeirri virkjanaröð sem Alþirtgi ákvað fyrir tveimur árum. í
stað þess að Fljótsdalsvirkjun kæmi á eftir Blönduvirkjun taldi
Jóhann Már athuganir sýna að þrjár aðrar virkjanir gætu komið á
undan Fljótsdalsvirkjun. Nefndi hann þar til stækkun Búrfells, eða
virkjunina Búrfell II, Vatnsfellsvirkjun og Villinganesvirkjun.
í erindi Jóhanns Más var lögð á talnauppsetningu sem hvorki
áhersla á að markaðsaðstæður fyrir
sölu á orku til stórnotenda og nýjar
rannsóknir á virkjanaskilyrðum
gætu iðulega breytt virkjanaröð og
þess vegna væri ástæða til að breyta
fyrri ákvörðun Alþingis.
Hjörleifur Guttormsson tyrrver-
andi iðnaðarráðherra varaði ein-
dregið við því að fara að rjúfa þá
einingu sem skapast hefði um
stækkun Landsvirkjunar en for-
senda þeirrar einingar hefði verið
samþykkt áætlunar Alþingis um
virkjanaröð á þessum áratug. Taldi
Hjörleifur að þeir nýju kostir sem
kynntir voru á fundinum byggðust
væri einhlít né tæki mið af öllum
þáttum málsins.
Árni Grétar Finnsson sem sæti á
í stjórn Landsvirkjunar og Jóhann-
es Nordal stjórnarformaður i fyrir-
tækinu töldu að óhjákvæmilegt
væri að endurskoða fyrri ákvarðan-
ir um virkjanaröð í ljósi nýrra
rannsókna og upplýsinga um mark-
aðsmöguleika.
Þessi ársfundur var sá fyrsti í
sögu Landsvirkjunar. Ákvæði um
hann voru sett þegar Hjörleifur
Guttormsson hafði frumkvæði um
að láta endurskoða lög fyrirtækis-
ins. ór
virkjanaröð
Jóhann Már Maríusson aðstoðarforstjórí Landsvirkjunar kynnir þær athug-
anir sem fram hafa farið á æskilegustu virkjunarkostum. Ljósm. Atll.
- Með niðuriagi þessa ávarps
erum við að brýna verkafólk og
samtök þess til þess að fará út í
einhverjar aðgerðir í haust til
að ná fram bættum kjörum.
Það er ekki okkar í 1. maí nefnd
að segja mönnum fyrir verkum
en við erum að brýna menn til
aðgerða, sagði Guðmundur
Hallvarðsson fulltrúi Dags-
brúnar í 1. maí nefnd fulltrúa-
ráðs verkalýðsfélaganna í
Reykjavík þegar ávarp nefnd-
arinnar og dagskrá hátíðar-
haldanna 1. maí var kynnt í
gær.
FuII samstaða er innan
nefndarinnar sem skipuð er
fulltrúum verkalýðsfélaganna í
Reykjavík, BSRB og Iðnnema-
sambandsins um ávarp dagsins
þar sem lögð er áhersla á ein-
ingu og samstöðu verkafólks og
innviðir verkalýðshreyfingar-
innar verði styrktir fyrir næsta
áfanga í kjarabaráttunni sem sé
1. september.
Kaupránsstefnu ríkisstjórnar-
innar er harðlega mótmælt og al-
varlega varað við frekari kjara-
skerðingum. íslenskt verkafólk
hafi nú vaknað til fullrar vitundar
um hvert stefnir í kjara- og at-
vinnumálum.
Aðalræðumaður útifundarins á
Lækjartorgi verður Guðmundur J.
Guðmundsson formaður Dags-
brúnar og Verkamannasambands
íslands. í>á mun Sjöfn Ingólfsdóttir
1. maí nefnd fulltrúaráðs verkalýðsfélaganna i Reykjavfk kynnir ávarp dags-
ins og dagskrá á fréttamannafund! í gær. Mynd — Aitll.
stjórnarmaður í BSRB og Kristinn
Einarsson formaður Iðnnemasam-
bandsins flytja ávörp. Einnig
ávarpar fundinn Óscar Villegas
forystumaður FSR verkalýðssam-
bandsins í El Salvador. Fundar-
stjóri verður Thorvald Imsland for-
maður fulltrúaráðs verkalýðsfélag-
anna í Reykjavík.
Halldór Jónasson formaður 1.
maí nefndarinnar sagði í gær, að
full samstaða hefði verið innan
nefndarinnar um ræðunienn og
dagskrá fundarins. Ósk hefði bor-
ist frá Dagsbrún um að fulltrúi fé-
lagsins fengi að flytja ávarp á fund-
inum. Engar aðrar tillögur hefðu
verið lagðar fram um aðalræðu-
mann. Sagðist Halldór hafa rætt
við Ásmund Stefánsson forseta
ASÍ um dagskrá fundarins og hefði
hann ekki haft neitt að athuga við
það að Guðmundur J. Guðmunds-
son yrði aðalræðumaður dagsins.
Sagði Halldór að rétt væri að taka
þetta fram vegna blaðaskrifa um
undirbúning fundarins síðustu
daga. Engar óskir hefðu komið
fram um aðra ræðumenn en þá sem
tala 1. maí.
Þá sagði Halldór að nefndinni
hefði borist bréf frá samtökum
kvenna á vinnumarkaði sem hefðu
óskað eftir formlegri aðild að 1.
maí nefndinni. Því bréfi hefði verið
svarað á þá leið að slíkt væri ekki
framkvæmanlegt en hins vegar
væri fullur vilji fyrir því að velja
ræðumann á fundinn sem samtökin
gætu litið á sem sinn fulltrúa. Því
hefði í engu verið svarað. Lögðu
nefndarmenn áherslu á að fulltrúi
BSRB á útifundinum væri verðug-
ur fulltrúi kvenna og um leið opin-
berra starfsmanna sem væri lág-
launahópur. Mestu skipti að verka-
lýðshreyfingin stæði einhuga sam-
an á þessum baráttudegi. -Ig.
Bjarni Jakobssonformaður Iðju neitaði fundar-
stjórn á 1. maí fundinum:
Verið að hvetja til
aðgerða 1. september
Bjarni Jakobsson formaður Iðju
neitaði að taka að sér fundarstjórn
á útifundi 1. maí hátíðarhaldanna í
Reykjavík nk. þriðjudag að því er
fram kom á fréttafundi 1. maí
nefndarinnar í gær. Bar Bjarni
fyrir sig að hann væri ekki tilbúinn
til að lesa upp lokaorð ávarps 1.
maí nefndarinnar þar sem segir að
næsti áfangi í baráttu verkalýðs-
hreyfingarinnar sé 1. september.
Tjáði Bjarni nefndinni að hann
Uti svo á að með þessu orðalagi
væri verið að hvetja til aðgerða 1.
september nk. og hann treysti sér
ekki til að lesa slíkan boðskap fyrir
verkafólk.
Aðalheiður Bjarnfreðsdóttir
formaður Sóknar baðst einnig
undan því að vera fundarstjóri á
fundinum en hún hefur lýst því yfir
að hún telji að forseta ASÍ hafi ver-
ið sýnd lítilsvirðing þar sem honum
hafi ekki verið boðið að flytja
ávarp á fundinum.
-Ig-
Alþjóðamótið
í New York
Kæru
Jóhanns
vísað frá
Kæra Jóhanns Hjartar-
sonar út af skák hans við
Browne var ekki tekin til
greina. { samtali við Þjóðviij-
ann t gær var Jóhann að von-
um hálfóhress með þetta.
„Maður bjóst nú hálfpartinn
við þessu“, sagði hann síðan.
Annars gekk þeim strákunum
vel í skákum þriðju umferðar,
Jóhann vann einhvern ó-
þekktan „kana“ i 30 leikjum
og Helgi Ólafsson gerði jafn-
tefli við stórmeistarann
Lombardy. Helgi hefur því 2
vinninga en Jóhann IVz því
hann tapaði biðskák sinni við
Browne. Er blm. spurði Jó-
hann hvort eitthvað hefði bor-
ið á óvæntum úrslitum, sagði
hann að þau helstu hefðu ver-
ið að Browne tapaði fyrir
Zuckerman og var ekki laust
við að brosið sæist í gegnum
símann.
Tveir skákmenn hafa unnið
allar skákir sínar til þessa,
Kavalek og Dzindzichashvili,
báðir bandarískir stórmeistar-
ar af erlendum uppruna.
í fjórðu umferð mætir Heigi
gömlu kempunni Reshevsky.
DJÚÐVIU/NN
Helgin 28. - 29. aprfl 1984
Aðalsími Þjóðviljans er 81333 kl. 9 - 20 mánudag til föstudags. Utan þess tíma er hægt að ná í blaðamenn og aðra starfsmenn blaðsins í þessum simum: Ritstjórn Aðalsími Kvöldsími Helgarsími
81382, 81482 og 81527, umbrot 81285, Ijósmyndir 81257. Laugardaga kl. 9 - 12 er hægt að ná i afgreiðslu blaðsins í síma 81663. Prentsmiöjan Prent hefur síma 81348 og eru blaðamenn þar á vakt öll kvöld. 81333 81348 81663