Þjóðviljinn - 18.05.1984, Blaðsíða 2

2 SÍÐA — ÞJÓÐVILJINN Fðstudagur 18. maí 1984
Skýrsla Geirs Hallgrímssonar um utanríkismál rædd á þingi_
Þjóðin flækt í vígbúnaðarnetið
„Feiknabreyting í stefnu utanríkismála frá fyrri stjórnu, sagði Svavar Gestsson
„Það var ekki milligramm af gagnrýni á hervaldastefnu Bandaríkjanna
eða NATO að finna í ræðu utanríkisráðherra. Þar var hvergi kusk á
hvítflibbanum. Uppsetning ræðunnar var í einu og öllu eftir bandarísku
forskriftinni,“ sagði Svavar Gestsson form. Abl. við umræður um skýrslu
utanríkisráðherra í sameinuðu þingi í gær.
í ræðu sinni lýsti utanríkisráðherra Geir Hallgrímsson yfir fyllsta stuðn-
ingi við uppsetningu meðaldrægra kjarnorkueldflauga í Evrópu. Friður
og frelsi Evrópu væri að þakka friðarstarfi Nato. Hann gat um víðtækar
framkvæmdir á vegum hcrsins á Miðnesheiði, byggingu radarstöðva á
norðvestur- og austurlandi og boðaði virkari þátttöku íslendinga við
mótun og framkvæmd herstefnunnar hérlendis.
Svavar Gestsson sagði að nú væri
svo komið í heiminum að ungt fólk
bæri uppi kröfu um það eitt að fá að
lifa. Aldrei áður hefði vígbúnaðar-
vitfirringin verið önnur eins í
heiminum og æðsta takmark hinn-
ar ungu kynslóðar væri að berjast
fyrir kröfunni um líf. Alþingi ís-
lendinga væri óheimilt annað en
velta þessum staðreyndum fyrir sér
og hvaða leiðir væru færar úr þess-
ari helstefnu í stað þess að vera að
víra þjóðina inn í vígbúnaðarnet
Bandaríkjanna. í herstöðinni á
Miðnesheiði væri fólginn stríðsögr-
un.
Hagsmunatengsl þúsunda
manna við herínn
Þá ræddi Svavar um þau
hagsmunatengsl sem mörg hundr-
uð íslenskir fjármálamenn hefðu af
veru bandaríska hersins hér. Þeirra
afkoma væri að öllu leyti bundin
veru hersins og þetta væru þeir
sömu aðilar og hefðu fyrir 10 árum
síðan snúið Framsóknarflokkinnn
niður þegar senda átti herinn burt.
SÍS og framsóknarvaldið væri stór
þátttakandi í hermanginu.
Það væri einnig vert að huga að
því að á fimmta þúsund manns
hefði lifibrauð sitt beint af herset-
unni og það væri háskalegt með til-
liti til afstöðu þess hóps til herset-
unnar. Hér yrði að spyrna fótum
við og efla hefðbundið atvinnulíf á
Suðurnesjum.
Stórfelldar
herframkvœmdir
Stórfelldar framkvæmdir væru
nú þegar hafnar við herstöðina og
einnig á döfinni. Helguvík, flug-
stöðin, radarstöðvar úti um landið,
9 sprengjuheld flugskýli og sam-
kvæmt bandarískum heimildum
væri í undirbúningi uppsetning
neðanjarðarstjórnstöðvar á Mið-
nesheiði. Þeim áformum hefði
utanríkisráðhera sleppt að geta
um. Af þessari upptalningu væri
mönnum ljóst hversu stórfelldur sá
munur væri á utanríkisstefnu nú-
verandi stjórnar og fyrirrennara
hennar þar sem Alþýðubandalagið
hefði neitunarvald í þeim málum er
snertu herinn.
Svavar sagði það stefnu Alþýðu-
bandalagsins að kjarnorkuvopn
yrðu bönnuð bæði í land- og loft-
helgi landsins. Við ættum að búa í
friðlýstu landi utan
hernaðarbandalaga og flokkurinn
væri tilbúinn til samfylkingar um
hvaðeina sem drægi úr ógn vígbún-
aðarins.
Leiður á Vellinum
Kjartan Jóhannsson form. Al-
þýðuflokksins sagðist vera leiður á
því að heyra talað um utanríkismál
eins og Keflavíkurflugvöllur væri
nafli alheimsins. Þeir sem vildu frið
í heiminum yrðu að gæta að því að
ákveðið jafnvægi hefði ríkt sem
varasamt væri að raska. Hann lýsti
stuðningi Alþýðuflokksins við
herframkvæmdir hér innanlands
en vék síðan tali sínu að misskipt-
ingu auðs í heiminum og þeirri um-
ræðu sem nú væri komin á gott
skrið, þar sem menn horfðu á
vandamál heimsins út frá Norður-
Suður en ekki hinni hefðbundnu
Vestur-Austur deilu.
Enginn ruslahaugur
Steingrímur Hermannsson sagði
að því miður ríkti friður í skjóli ótta
íheiminumídag. Hannsagði bygg-
ingu flugstöðvar og aðrar herfram-
kvæmdir á Keflavíkurflugvelli
brýnar því völlurinn ætti ekki að
líta út eins og ruslahaugur. Engin
útþensla hefði átt sér stað í her-
framkvæmdum frá því sem ákveðið
hefði verið í fyrri ríkisstjórn.
Guðrún Agnarsdóttir Kvenna-
lista ræddi um ógn og skelfingu
kjarnorkuvopna og benti þing-
mönnum réttilega á að kjarnorku-
vopn gætu aldrei verið til í friðsam-
legum tilgangi. - lg.
Ragnar Arnalds um andstöðu sína
við Droop regluna
Farnist komið í
bakið á okkur
Okkur fannst komið í bakið á
okkur með þessari nýju tillögu til
breytingar á formannafrumvarp-
inu um kosningareglurnar frá í
fyrra, og við hefðum aldrei fallist á
stjórnarskrárbreytinguna um það
að fella niður uppbótasæti á kjör-
dæmin úti á landi, jafnhliða þessari
nýju tillögu“, sagði Ragnar Arn-
alds í samtali við Þjóðviljann í gær,
Starfsmannafélag
sjónvarpsins:
BSRB
segi upp
en hann er einn þeirra þingmanna
Alþýðubandalagsins sem greiddi
atkvæði gegn svokallaðri Droop út-
hlutunarreglu sem þingflokkurinn
felldi í gær, en aðrir þingflokkar
höfðu áður samþykkt.
Aðspurður um þá yfirlýsingu
Þorsteins Pálssonar formanns
Sjálfstæðisflokksins að hann liti
svo á að menn væru lausir undan
öllu fyrra samkomulagi strax að
loknu þessu þingi sagði Ragnar að
sú yfirlýsing væri sér óskiljanleg.
„Ég trúi því ekki að innan Sjálf-
stæðisflokksins yrði það látið við-
gangast að menn hlaupi þannig frá
gerðu samkomulagi. Það er lág-
mark að þetta samkomulag gildi í
það minrista fram fyrir næstu kosn-
ingar,“ sagði Ragnar Arnalds- jg.
11. þlng Málm- og skipasmiftasambands Islands var sett í gærmorgun og sitja þaft rúmlega 100 fulltrúar fró
aðildarfélögum sambandsins. Aðalmál þingsins eru umræður um tölvumál, sem voru á dagskrá í gær,
menntunarmál málmiftnaftarmanna, kjara- og atvinnumál. Þinginu lýkur á morgun. Á myndinni má m.a. sjá
Guftjón Jónsson formann MSI og þingforsetana þá Björgvin Arnason og Snorra S. Konráftsson. Ljósm. -
eik
íbúðir í blóra við reglugerð
Áberandi gróðastarfsemi
segir Sólrún Gísladóttir borgarfulltrúi um Hamarshúsið
„Teikningarnar sem hafa verið
lagðar fram að íbúðum í Hamars-
húsinu við Tryggvagötu samrýmast
alls ekki gildandi byggingarreglu-
gerfl og sýna Ijóslega að gæði íbúð-
arhúsnæðis sitja ekki í fyrirrúmi
hjá Byggingarfélaginu Ósi, heldur
er hér um mjög áberandi gróðast-
arfsemi að ræða hjá þeim,“ sagði
Ingibjörg Sólrún Gísladóttir borg-
arfulltrúi, sem á líka sæti í skipu-
lagsnefnd Reykjavíkurborgar.
Teikningarnar gera meðal ann-
ars ráð fyrir að allir gluggar í
fimmtán íbúðanna snúi í norður,
en slíkt er ósamrýmanlegt fyrr-
nefndri reglugerð.
Þá er í teikningunum gert ráð
fyrirfjórtán einstaklingsíbúðum án
afmarkaðrar eldunaraðstöðu og
jafnframt er ekki gert ráð fyrir af-
mörkuðum svefnkróki í meir en
tuttugu íbúðum, sem er einnig í
blóra við reglugerðina.
Þessar upplýsingar koma fram í
máli Ingibjargar Sólrúnar borgar-
fulltrúa þegar málið var rætt í borg-
arstjórn í síðasta mánuði, og í gær
kvaðst hún ekki vita til þess að Ós
hefði breytt þeim. Hún gat þess
jafnframt að ekki væri enn búið að
samþykkja teikningarnar hjá bygg-
ingarnefnd borgarinnar.
I gær upplýsti Þjóðviljinn að sú
ákvörðun meirihluta Sjálfstæðis-
inanna í borgarstjórn að leyfa
breytingar á Hamarshúsinu úr
skrifstofu- og iðnaðarhúsnæði í
íbúðarhúsnæði væri andstætt stað-
festu aðalskipulagi Reykjavíkur
- ÖS
Rauðir hund-
ar í Reykjavík
„Allar stúlkur á aldrinum 12-21 árs í landinu eiga að vera verndaðar
gegn Rauðum hundum, en síðan 1976 hafa verið bólusettar í skólum
landsins þær stúlkur, sem ekki hafa haft mótefni gegn veikinni. Við höfum
náð miklum árangri með bólusetningum, en full ástæða er til að hvetja
konur til að láta mæla mótefni gegn veikinni“, sagði Ólafur Ólafsson,
landlæknir, í samtali við blaðið í gær, en Rauðra hunda hefur orðið vart
hér í borginni undanfarið.
Landlœknir hvetur ófrískar
konur til að láta mœla hjá sér
mótefni gegn veikinni
Sem dæmi um áhrif bólusetning-
anna gegn þessum sjúkdómi má
nefna, að þegar faraldur gekk 1967
fæddust 37 börn sködduð af hans
völduð. Þegar síðasti faraldur gekk
1979 fæddust aðeins 2 sködduð
börn. Sjúkdómur þessi er hættu-
legur fóstrum á fyrstu þremur mán-
uðum meðgöngu og getur leitt til
vansköpunar á fóstri fái móðirin
Rauða hunda á þessum tíma með-
göngunnar.
Landlæknir bendir öllum ófrísk-
um konum, sem eru á fýrstu 3 mán-
uðum meðgöngu og ekki hafa verið
mældar með tilliti til mótefna gegn
veikinni, að hafa samband við
næstu heilsugæslustöð, heimilis-
lækni eða Heilsuverndarstöð
Reykjavíkur og gangast undir mót-
efnamælingu. Ef faraldur þessi nær
að breiðast út getur hann orðið í
landinu í eitt til eitt og hálft ár og er
því fyllsta ástæða til að hvetja kon-
ur að vera vel á verði.
ast