Þjóðviljinn - 12.01.1985, Blaðsíða 14
Forstöðumaður
Staða forstöðumanns Dalbæjar, heimilis aldraðra á
Dalvík, er laus til umsóknar.
Umsóknum er greini aldur, menntun og fyrri störf skal
skila eigi síðar en 31. janúar.
Allarnánari upplýsingar veitirforstöðumaður, Gunnar
Bergmann í síma 96-61313 eða Helgi Jónsson stjórn-
arformaður í sama símanúmer.
Dalbær, heimili aldraðra
620 Dalvík.
M Þrjár
■ ■ rannsóknarstöður
Leitað er eftir tveimur starfsmönnum með háskóla-
menntun á sviði efnisfræði (material science), efna-
fræði (efnaverkfræði) eða skyldra greina.
Leitað er eftir einum örverufræðingi með þekkingu á
tæknilegri örverufræði. Staða þessi er fyrst og fremst
ætluð til rannsókna- og þróunarstarfa á sviði líftækni.
Stöðurnar eru á Nýiðnaðardeild ITÍ, sem vinnur að
hagnýtum rannsóknum. Markmið umræddra
rannsókna er að þær leiði til nýjunga fyrir íslenskt
atvinnulíf.
Æskilegt er að umsækjendur geti hafið störf í mars
n.k.. Umsóknarfrestur er til 15. febrúar nk..
Nánari upplýsingar eru veittar á Nýiðnaðardeild ITÍ
Keldnaholti í síma 68-7000.
Hlutverk Iðntæknistofnunar er að vinna að tækniþróun og
aukinni framleiðni í islenskum iðnaði með því að veita einstök-
um greinum hans og iðnfyrirtækjum sérhæfða þjónustu á
sviði tækni- og stjórnunarmála, og stuðla að hagkvæmri nýt-
ingu íslenskra auðlinda til iðnaðar.
St. Jósefsspítali
* Landakoti
Lausar stöður:
Röntgenhjúkrunarfræðingur-röntgentæknirósk-
ast sem fyrst við röntgendeild. Upplýsingar veitir
deildarstjóri kl. 11.00-12.00 og 13.00-14.00 alla virka
daga.
Hjúkrunarfræðingar:
- Svæfingadeild
- Barnadeild
- Lyflækningadeildir, l-A, li-A
- Handlækningadeildir, l-B, ll-B
- Gjörgæsludeild
Umsóknir ásamt upplýsingum um nám og fyrri störf
sendist hjúkrunarforstjóra sem veitir nánari upplýsing-
ar í síma 19600 frá kl. 11.00-12.00 og 13.00-14.00 og
alla virka daga.
Sjúkraþjálfara vantar til afleysinga. Starfið er laust nú
þegar og veitist til 1. sept. ’85. Upplýsingar gefur
yfirsjúkraþjálfari í síma 19600/266.
Starfsmenn við ræstingastörf. Upplýsingar veitir
ræstingastjóri kl. 11.00-12.00 og 13.00-14.00 alla
virka daga.
Reykjavík 9. janúar 1985.
Skrifstofa hjúkrunarforstjóra.
> Hefur barn þitt orðið fyrir areitni í
skóla?
> Þekkirðu börn sem hafa verið
lögð í einelti?
> Er ofbeldi algengt í skolum hér á
landi?
Þessar brennandi spurningar og margar fleiri verða til
umræðu á opnum borgarafundi sem Samtök áhuga-
fólks um uppeldis- og menntamál - S Á U M - efna til
mánudaginn 14. janúar kl. 20.30 í Kennslumiðstöð-
inni að Laugavegi 166 í Reykjavík.
Frummælandi: Hope Knutsson formaður
Geðhjálpar.
Pallborðsumræður.
Stjórn SÁUM.
MENNING
Norrœni menningarsjóðurinn
Sr. Rögnvaldur
fœr 50 þús. kr. danskar
Kannaráhrif býsönsku kirkjunnaráíslenska kirkjulistá miðöláum
f byrjun desember var úthlutaö
rúmum þremur miljónum
danskra króna úr Norræna menn-
ingarsjóðnum til 43 verkefna á
sviði rannsókna-, fræðslu- og
menningarmála. Fáeinir styrkir
falla til íslendinga og einn af þeim
er 50 þúsund kr. styrkur til sr.
Rögnvalds Finnbogasonar á
Staðastað. Sá styrkur er veittur til
rannsóknarferðar í tengslum við
rannsókn á áhrifum býsantísku
kirkjunnar á íslenska kirkjulist á
miðöldum. Við slógum á þráðinn
til sr. Rögnvalds til að forvitnast
nánar um þetta verkefni. Honum
sagðist svo frá:
- Ég er nýkominn frá Finnlandi
og Svíþjóð þar sem ég var að
kynna mér íkona og aðra kirkju-
lega list Austurkirkjunnar. M.a.
dvaldist ég um tíma í Valamo-
klaustrinu í Finnlandi en þar er
mikið safn kirkjulegrar listar og
þar eru íkonar teknir til hreinsun-
ar og viðgerðar en klaustrið til-
Sr. Rögnvaldur: Hef verið í Finnlandi
og Svíþjóð að kynna mér ikona.
heyrir Austurkirkjunni. Einnig
var ég í Stokkhólmi í þessari ferð
en þar er einna merkilegast safn
íkona utan Sovétríkjanna. Nú er
Tónlist
ég aftur á förum til Edinborgar og
síðan til Svíþjóðar á ný.
- En hyggstu þá ekki fara til
Býsans?
- Ég hef verið þar, fyrir mörg-
um árum, og einnig tvisvar verið
á Grikklandi og hef því þef í nef-
inu af Austurkirkjunni sem ég vil
frekar kalla svo en Orþódox-
kirkju því að það nafn gæti verið
villandi vegna lúthersks rétttrún-
aðar sem er allt annar hand-
leggur. Það var ekki bara listin
sem heillaði mig heldur og guð-
fræðin, þetta eru ekki stirðnuð
trúarbrögð eins og sumir vilja
halda heldur bráðlifandi.
- Og hefurðu orðið einhvers
vísari í sambandi við áhrif býs-
önsku kirkjunnar á íslenska
kirkjulist?
- Við vitum náttúrulega um
rannsókn dr. Selmu Jónsdóttur á
Flatartungufjölunum en sjálfur
hef ég ekki enn orðið mikils vís-
ari, a.m.k. ekki sem ég þori að
tala um. -GFr
Söngleikur
á Akranesi
Tónlistarskólinn fœrir upp Sjörœningjana frá Tensance effir Gilberf og
Sullivan í samvinnu við Kirkjukórinn og Járnblenáikórinn
Það mun vera harla fátítt að
heill söngleikur sé færður upp af
áhugamönnum úti á landi en það
gerist 17. janúar nk. þegar Tón-
listarskólinn á Akranesi ásamt fé-
lögum úr Kirkjukórnum og
Járnblendikórnum frumsýna Sjó-
ræningjana frá Penance eftir Gil-
bert og Sullivan. Alls koma 28
söngvarar fram í sýningunni og
hefur Unnur Jensdóttir æft
söngvana frá því í fvrra en leik-
stjóri er Andrés Sigurvinsson.
Framkvæmdastjóri sýningar-
innar er Magnús Ólafsson og
sagði hann í samtali við blaðið að
byrjað hefði verið að æfa söngv-
ana í fyrravetur og haldinn smá
konsert sl. vor þar sem kórlögin
voru sungin og nokkur einsöngs-
lög. Síðan var tekinn upp þráður-
inn í haust og í nóvember kom
Andrés leikstjóri til starfa og hef-
ur verið æft nær daglega síðan.
Magnús sagði að mikill áhugi
væri í hópnum og undirbúningur
langt á veg kominn. Búið er að
sauma alla búninga og gera
ákveðnar endurbætur á Bíóhöll-
inni, m.a. smíðað nýtt gólf þar og
komið upp hljóðendurkastsplöt-
um.
Söngleikurinn er frá því
skömmu fyrir aldamót og er hann
færður upp í upprunalegum bún-
ingi sem felst m.a. í því að leikið
er einungis undir á píanó en und-
irleik annast Unnur Jensdóttir.
Magnús sagði að sótt hefði ver-
ið um styrk til menntamálaráðu-
neytisins en verið synjað um
hann. Hins vegar hefðu fyrir-
tækin á Akranesi flest keypt miða
eða greitt niður miða fyrir starfs-
fólk sitt og m.a. hefði ein deildin
á Grundartanga keypt 162 miða á
einu bretti.
-GFr
Þjóðleikhúsið
Gœjar og píur
aftur á sviðið
Hafnar eru á ný í Þjóðleikhús-
inu sýningar á hinum geysivin-
sæla söngleik „Gæjum og píum“,
eftir Frank Loesser, Jo Swerling
og Abe Birrpws. en verkið er
byggt á sögum eftir Damon Run-
yon.
Söngleikurinn Gæjar og píur
var sýndur alls 45 sinnum í Þjóð-
leikhúsinu á sl. leikári og voru
allar sýningarnar uppseldar, en
yfir 25 þúsund manns sáu þá
verkið og var ekkert lát á aðsókn.
Flosi Ólafsson þýddi verkið,
leikstjórar eru Benedikt Árnason
og Kenn Oldfield frá Bretlandi,
en hann samdi líka dansana í sýn-
ingunni og stjórnaði þeim, en
dansarnir hafa vakið mikla at-
hygli hér. Hljómsveitarstjóri er
Terry Davies, einnig frá Bret-
landi, en hann hefur lengi starfað
sem tónlistarstjóri við breska
Þjóðleikhúsið, hefur samið mikið
af leikhústónlist og stjórnaði
hljómsveitinni og útsetti lögin í
uppfærslu breska Þjóðleikhúss-
ins. Leikmynd er eftir Sigurjón
Jóhannsson, Una Collins gerði
búninga og lýsingu hannaði
Kristinn Daníelsson. Söngstjóri
er Agnes Löve.
Með helstu hlutverkin fara þau
Sigríður Þorvaldsdóttir, Bessi
Bjarnason, Ragnheiður Stein-
dórsdóttir og Egill Ólafsson,
Flosi Ólafsson, Sigurður Sigur-
jónsson, Guðmundur Ólafsson,
Árni Tryggvason, Randver Þor-
láksson og Erlingur Gíslason.
Vakin er sérstök athygli á því
að sýningar á Gæjum og píum
geta ekki orðið margar, vegna
þings Norðurlandaráðs sem hald-
ið verður í Þjóðleikhúsinu í byrj-
un mars.
14 SfÐA - ÞJÓÐVILJINN Laugardagur 12. janúar 1985