Þjóðviljinn - 06.06.1985, Blaðsíða 3

FRÉTTIR
Húsnœðistillögur
Eg er hress með að fá aukið
fjármagn í húsnæðiskerfið,
með að uppstokkun húsnæðis-
lána skuli standa fyrir dyrum í
sérstakri milliþinganefnd - og
með að það skuli vera opnað fyrir
endurgreiðslur á næsta ári í gegn-
um skattakerfið, sagði Svavar
Gestsson formaður Alþýðu-
bandalagsins í samtali við Þjóð-
viljann eftir blaðamannafund
stjórnarandstöðunnar í fyrradag.
Á blaðamannafundinum
skýrðu þau Stefán Benediktsson,
Guðrún Agnarsdóttir og Jó-
hanna Sigurðardóttir ásamt Sva-
vari greinargerð stjórnarand-
stöðunnar vegna viðræðna við
stjórnina um húsnæðismál.
Svavar sagðist að sjálfsögðu
vera óánægður með ýmislegt, þó
um vissan áfangasigur væri að
ræða í tillögum stjórnarinnar. -
Ég er til að mynda óhress með að
félagslega íbúðakerfið; verka-
mannabústaðir og húsnæðissam-
vinnufélög skuli ekki fá sérstaka
fyrirgreiðslu í þessu sambandi.
Við munum að sjálfsögðu fylgja
okkar afstöðu eftir í þessum mál-
um bæði nú á þinginu, í milliþing-
anefndinni og annars staðar sem
því verður við komið.
- Það hefur aldrei staðið til að
við í stjórnarandstöðunni sam-
þykktum söluskattshækkunina.
Við höfum þvert á móti lagt fram
ítarlegar tillögur um aðra fjár-
öflun. Okkar tillögur gengu m.a.
út á 1,7 miljarð til viðbótar í
húsnæðiskerfið en samkvæmt til-
lögum ríkisstjórnarinnar verður
það 1 miljarður. Það er þó í átt-
ina. Ég reikna með að aukið fjár-
magn í húsnæðislánakerfið skili
sér í hærri lánum, sérstaklega
þeirra sem standa í húsnæðis-
kaupum í fyrsta sinn. Og ég ætlast
til að nú verði fyrsta skrefið stigið
í þá átt að stokka upp lánakerfið,
- þ.e. að milliþinganefndin vinni
að því. Þess vegna bind ég nokkr-
ar vonir við hana.
Það er auðvitað slæmt að ríkis-
stjórnin féllst ekki á vaxtalækk-
unina en við lögðum til að raun-
vextir af húsnæðislánum færu
aldrei yfir 3%. En ríkisstjórnin
var sjálfri sér lík og hafnaði vax-
talækkun. Undirrótin að húsn-
ælðisvandanum er að sjálfsögðu
sú, að vísitölubætur voru bannað-
ar og lánin hafa vaðið áfram með-
an launin sitja eftir. Það þarf því
kauphækkun, kauptryggingu og
það á að binda lánin við laun,
sagði Svavar Gestsson formaður
Alþýðubandalagsins. Svavar Gestsson formaður Alþýðubandalagsins. Þetta á að þýða það
—óg að húsnæðislánin til fólksins eiga að hækka verulega.
Tökum á...
tækin vantar!
RAROFLUN7.OG8.IUNI
tíl tækjakaupa fyrir
væntanlega
hjartaskurðdeild Landspitalans

LANDSSAMTOK HJARTASIÚKUNGA
Emil Sigurðsson í fjáröflunarnefnd Landsamtaka hjartasjúklinga og Rúrik Kristjánsson framkvæmdastjóri nefndarinnar
með kynningarspjald söfnunarinnar.
Hjartasjúklingar
Tökum á, tækin vantar
Landsamtök hjartasjúklinga efna tilfjársöfnunar til kaupa á tækjum í
vœntanlega hjartaskurðstofu
Aföstudag og laugardag efna
Landsamtök hjartasjúklinga
til fjársöfnunar um allt land undir
kjörorðinu „Tökum á, tækin
vantar“ og verður söfnunarfénu
varið til kaupa á tækjum fyrir
hjartaskurðdeild sem ákveðið
hefur verið að opna við Land-
spítalann.
Mjög hefur aukist að senda
hjartasjúklinga til útlanda í
kransæða- og lokuaðgerðir og
fóru þannig 148 í uppskurði til
London á síðasta ári en fyrir árið
1981 fóru 4-30 árlega. Magnús
Karl Pétursson sérfræðingur á
hjartadeild Landspítalans sagði á
blaðamannafundi í gær að könn-
un á þeim sem f£7\i slíka aðgerð
fyrir 1982 hefði XvS'í ljós að 82%
þeirra eru nú einkennalausir eða
með mjög væg einkenni en
hjarta- og æðasjúkdómar er al-
gengasta dánarorsök íslendinga.
Þar sem slíkur fjöldi sjúklinga er
sendur erlendis árlega hlýtur það
að vera bæði fjárhagslega og
þjóðhagslega hagkvæmt að koma
upp fullkominni hjartaskurð-
deild hérlendis auk þess sem það
minnkar álag á sjúklingum og
gerir læknum hér kleift að ráða
við ýmis bráðatilfelli.
Félagsmenn í Landsamtökum
hjartasjúklinga og aðstandendur
þeirra munu ganga hús úr húsi og
selja merki en þau kosta 100
krónur.
-GFr
Fimmtudagur 6. júni 1985 ÞJÓÐVILJINN - SÍÐA 3
Alþýðubandalagið
Kauptrygging
alger
forsenda
Framkvœmdastjórn og
þingflokkur AB: Vísum á bug
þvísiðleysi semfelst í þvíað
œtlafullvinnandifólki að lifa á
lágmarkslaunum sem yrðu
tæpar 17 þúsund á mánuði
árið 1986 samkvœmt VSÍ-
tilboði
„í tilboði Vinnuveitendasam-
bands íslands frá 23. maí sl. er
boðið upp á kjarasamning sem
gilda á til ársloka 1986 án nokk-
urrar viðunandi kauptryggingar.
Allar líkur eru á að kaupmáttur
launa yrði enn lakari á næsta ári
en hann er nú ef gengið yrði að
tilboðinu. Með slíkum samningi
væri verið að festa í sessi það
kjararán sem átt hefur sér stað
undanfarin tvö ár. Reynslan frá
síðustu kjarasamningum er víti til
varnaðar. Þeir voru án kaupmátt-
artryggingar. Þá samninga eyði-
lagði ríkisstjórnin með einu
pennastriki. Það má ekki takast
að þessu sinni.
Álþýðubandalagið undirstrik-
ar því enn einu sinni samþykkt
miðstjórnar flokksins um að
kaupmáttartrygging sé forsenda
kjarasamninga og minnir á sam-
þykktir verkalýðshreyfingarinn-
ar í sömu veru.
Alþýðubandalagið vekur sér-
staka athygli á þeirri blekkingu
að tilboð VSÍ feli í sér mestu
launahækkanir til lægst launaða
fólksins. Slíkt á ekki við um þá
sem vinna eftir töxtum sem eru
undir dagvinnutekjutrygging-
unni, kr. 14.075 á mánuði, en í
þeim hópi er m.a. fiskverkunar-
fólk.
Alþýðubandalagið hvetur
launafólk í landinu að vísa á bug
því siðleysi sem felst í því að ætla
fullvinnandi fólki að lifa á lág-
markslaunum sem yrðu sam-
kvæmt tilboði VSÍ tæpar 17.000
kr. á mánuði í lok næsta árs.“
Vísindasjóður
Úthlutun
lokið
Málfræðin fékk mest
af greinum hugvísinda
Vísindasjóður hefur lokið út-
hlutun styrkja fyrir árið 1985.
Sem fyrr bárust umsóknir sem
námu mun hærri upphæð en sjóð-
urinn hafði til ráðstöfunar og því
var óhjákvæmilegt að synja
mörgum um styrki.
Raunvísindadeild veitti 88
styrki upp á kr. 19.709.000. Af
einstökum greinum innan
deildarinnar voru flestir styrkir
veittir til rannsókna í líffræði og
skyldum greinum, alls 30. Hug-
vísindadeild veitti 61 styrk sem
nam kr. 8.700.000. Flestir styrkir
þeirrar deildar renna til mál-
fræðirannsókna eða 15 talsins, en
sagnfræðin kom næst með 14
styrki. Þess má geta að þetta var
síðasta úthlutun þeirra stjórna
sem nú hafa úthlutað úr deildun-
um tveimur í fjögur ár. -pv
Samningar
Leitað
viðbragða
Þetta var örstuttur rabbfund-
ur. Þeir voru aðallega að leita
eftir viðbrögðum sambandsins
við tillögum þeirra, sagði Helgi
Arnlaugsson hjá Málm- og skipa-
smíðasambandi íslands um við-
ræðufund þeirra og VSI, sem
haldinn var í gær.
Að sögn Helga er Vinnuveit-
endasambandið að kanna hvern
hljómgrunn tillögur þeirra fá al-
mennt hjá sérsamböndunum.
Hann sagði að Málm- og skipa-
smíðasambandið hefði áréttað að
sú kauphækkun sem í tilboði VSÍ
fælist væri ónóg. Þá væri það vilji
sambandsins að um kaupmátt og
kaupmáttartryggingu myndi ASI
semja fyrir hönd sérsamband-
anna, sem stæðu þá að sameigin-
legum kröfum. -pv
Miljarður í áttina
Stjórnarandstaðan lagði til að 1,7 miljarður kœmi til viðbótar í húsnœðislán.
Stjórninféllst á einn miljarð. Svavar Gestsson:
Hress með aðfá aukið fjármagn í húsnœðiskerfið og að opnað skulifyrir endurgreiðslur