Þjóðviljinn - 06.06.1985, Blaðsíða 5

í fögru veðri laugardaginn 1.
júní sl. kl. 11 f.h. kom forseti
Islands frú Vigdís Finnboga-
dóttir í heimsókn til Skógrækt-
arfélags Kópavogs og Fossá í
Kjós, sameiginlegri skógrækt-
arjörð þess félags og Skóg-
ræktarfélags Kjósarsýsiu. í
fylgd með forsetanum var
fyrsti sendiráðsritari Finna hér
á iandi frú Anna Schaumann.
Forsetinn kom færandi
hendi, með hundrað finnskar
birkiplöntur að gjöf, en þær
hafði Koivisto Finnlandsfor-
seti sent henni að gjöf, til
frjálsrar ráðstöfunar.
Plöntur þessar eru af tegund
sem kallast hengibirki af því að
greinar þess eru niður sveigðar,
plönturnar eru nefndar „Masur-
björkar" í gjafabréfi Finnlands-
forseta. A skógræktarsvæði í
austurhlíð Fossárdals voru saman
komnir nokkrir tugir manna úr
Kópavogi og Kjós, og fór þarna
fram stutt athöfn. Leó Guðlaugs-
son, formaður Skógræktarfélags
Kópavogs, bauð forsetann, send-
iráðsritarann og aðra gesti velk-
omna, en síðan tók Vigdís forseti
til máls. Hún sagði, að í opinberri
heimsókn sinni til Finnlands
hefði hún verið spurð, hvort hana
langaði ekki til að hafa heim með
sér eitthvað frá Finnlandi, og
hefði hún þá svarað, „svo sem
eins og 100 tré“, því að ísland
væri fátækt af skógi. Og nú væru
þessi hundrað tré komin. Síðan
flutti frú Anna Schumann, fyrsti
sendiráðsritari Finna hér, stutt
ávarp og las bréf, sem sending-
unni fylgdi frá Koivisto forseta til
Leó Guðlaugsson formaður Skógræktarfólags Kópavogs fylgir Vigdísi Finnbogadóttur og Önnu Schumann að reitnum þar sem finnska birkinu var plant-
að. Ljósm. Guðlaugur Leósson.
„Svo sem eins og 100 tré“
Sagtfrá athöfn sl. laugardag þar sem Vigdís Finnbogadóttir og fleiri gróöursettu 100 birkiplönturfrá Finnlandi
ítilefni af 30 ára afmæli Kópavogs og 70 ára kosningarétti íslenskra kvenna.
Vigdís Finnbogadóttir forseti gróðursetti fyrstu birkiplöntuna í landi Skógrækt-
arfélags Kópavogs. Guðmundur Örn Árnason skógfræðingur aðstoðar forset-
ann. Ljósm. Guðlaugur Leósson.
Vigdísar forseta. Þetta afhend-
ingarbréf er á þessa leið.:
„Með þessu bréfi gef og af-
hendi ég, Mauno Henrik Koi-
visto, forseti finnska lýðveldisins,
Vigdísi Finnbogadóttur, forseta
íslenska lýðveldisins, eitt hundr-
að hengibirkiplöntur til frjálsrar
ráðstöfunar hinu fagra landi sínu
til meiri prýði. Petta er í samræmi
við loforð er ég gaf við hina kær-
komnu opinberu heimsókn yðar
til Finnlands, Vigdís forseti.
Þessar birkiplöntur eru vaxnar í
náttúrlegu umhverfi í kunnum
birkilundi, og sjáldgæfum, frá
veðurfræðilegu sjónarmiði, í
Sakanavaara í Kittila-héraði í
Norður Lapplandi, 150 km
norðan heimskautsbaugs. Það er
mín von, að þessar ungu bjarkir
skjóti rótum í nýjum heimkynn-
um og verði varanlegur hluti af
hinni stórbrotnu íslensku nátt-
úru.
Jafnframt eiga þær að vera eitt
táknið enn um hlýja vináttu okk-
ar, og milli Finna og íslendinga,
vitni um hin góðu kynni þjóða
okkar, tengsl sem hafa vaxið og
styrkst meðan þér hafið verið
forseti íslands, Vigdís.
Lengi lifi vináttan og ein-
drægnin.
Megi bjarkirnar laufgast.
Gert í Forsetahöllinni í Hels-
ingfors 24. mai 1985.
Mauno Koivisto."
Vigdís forseti skýrði síðan frá
því, að hún hefði ákveðið að ráð-
stafa þessum ungu finnsku
björkum til gróðursetningar á
Nokkrir gestanna tylltu sér á grasbala í önn dagsins. Ljósm. Guðlaugur
Leósson.
vegum Skógræktarfélags Kópa-
vogs og Skógræktarfélags Kjós-
arsýslu, á þessum stað, í tilefni af
30 ára afmæli Kópavogskaup-
staðar 11. maí sl., og jafnframt til
þess að minnast þess að 70 ár eru
liðin síðan íslenskar konur fengu
kosningarétt.
Leó Guðlaugsson formaður
Skógræktarfélags Kópavogs,
þakkaði gjöfina fyrir hönd félags
síns og Skógræktarfélags Kjósar-
sýslu, og lýsti stuttlega skógrækt-
arstarfi á Fossá. Hann sagði að
hvert tré sem gefið væri og gróð-
ursett í íslenska mold væri góð
gjöf landi og framtíð, en hundrað
tré, gefin af þjóðhöfðingja þús-
und sinnum meira virði, því að
hún eggjaði okkur lögeggjan til
meiri skógræktar. Hann kvaðst
bjóða þessa 100 landnema,
komna frá vinaþjóð, hjartanlega
velkomna og vona að þeir döfn-
uðu vel, og gæfu mikið fræ og
yrðu forfeður margra skógar-
lunda vítt um landið. Kristján
Guðmundsson, bæjarstjóri í
Kópavogi, þakkaði forsetanum
fyrir að minnast afmælis bæjarins
með þessum hætti. Kristín Vigg-
ósdóttir færði forsetu þakkir fyrir
hönd Kvenfélágasambands Kóp-
avogs.
Að þessu lok; gróðursetti
Vigdís forseti fyrstu birkiplönt-
una og fulltrúi Finna þá næstu í
reit sem afmarkaður hafði verið í
hlíðinni í þessu skyni, en konur úr
Kvenfélagasambandi Kópavogs,
gróðursettu gjafaplönturnar með
aðstoð félaga úr skógræktarfél-
ögunum. Síðan voru bornar fram
veitingar og sungið við raust.
Fimmtudagur 6. júní 1985 ÞJÓÐVILJINN - SÍÐA 5