Þjóðviljinn - 06.06.1985, Blaðsíða 13
HansJörgensen,formaðurSamtakaaldraðraíReykjavík,fyrirframanbyggingusamtakanna að Bólstaðarhlíð 45 í Reykjavík. Þar eru í smíðum 66 íbúðir sem verða tilbúnar til
afhendingar síðla næsta árs. Mynd Valdís,
1'íBWrtP -i
prrr
• aOT| awBi H|
Samtök aldraðra
í Reykjavík
Samtökin vinna merkt starf. Byggja hús í Bólstaðarhlíð.
66 íbúðir tilbúnar á nœsta ári. Nœstum 700 félagar í samtökunum
Öllum þeim sem fylgjast með
fjölmiðlum er ljóst að miklu
meira ber á fréttum af því sem
miður fer á ýmsum sviðum en
hinu sem vel er gert og oft til
mikillar fyrirmyndar. Hef ég
löngum undrast hve oft er stagl-
ast á því neikvæða en hið jákvæða
og eftirbreytniverða, sem svo
víða má benda á, er ýmist lítið
rætt eða miklu oftar alls ekki. Um
þetta mætti nefna mörg dæmi
þótt ekki verði gert hér að sinni.
Ég minni á þetta vegna þess að
merkur félagsskapur hér í borg,
SAMTÖK ALDRAÐRA, sem
vinnur síðustu árin að stórum og
mikilsverðum verkefnum, hefur
harla lítið verið nefndur í fjöl-
miðlum.
Miklar
framkvæmdir
Þessi ágæti félagsskapur sem
nú hefur næstum sjö hundruð
manns á félagaskrá hélt nýlega
aðalfund sinn. Hann var ágætlega
sóttur og ríkti þar mikil ánægja og
einhugur með starfsemi Samtak-
anna. Skal hér nú skýrt í stuttu
máli frá því helsta sem fram kom
á aðalfundinum.
Formaður Samtakanna, Hans
Jörgensson, flutti ítarlega skýrslu
um starfsemina á síðasta ári.
Kom þar glöggt fram að hún er
orðin furðu stór í sniðum, að
minnsta kosti þegar miðað er við
frjáls félagasamtök lífeyrisþega.
Aðal markmið Samtakanna er
bygging lítilla, vandaðra þjónust-
uíbúða sem verða eignaríbúðir
félaga.
Fyrsti byggingaráfanginn, 14
íbúðir er í Akralandi í Fossvogi
og lauk honum að fullu haustið
1983. •
Bygging í
Bólstaðarhlíð
Annar byggingaáfanginn,
feikimikið átak, 66 íbúðir í
tveimur sjö hæða blokkum með
rúmgóðri tengiálmu fyrir fjöl-
þætta þjónustustarfsemi, er við
Bólstaðarhlíð. Byggingafélagið
ÁRMANNSFELL sér um fram-
kvæmd verksins. Áætlað er að
þessum stóra áfanga verði að
fullu lokið í nóvember 1986.
Vegna mjög mikillar eftir-
spurnar um húsnæði sótti stjórn
Samtakana strax í fyrrasumar til
borgarstjórnar um lóð fyrir
þriðja byggingaáfangann en hef-
ur ekki enn fengið lokasvar. Þess
er þó vænst að það berist fljót-
lega.
Byggingamálin eru að sjálf-
sögðu langstærsta verkefni Sam-
takanna.
Annað stórt og mikilsvert
verkefni sem Samtökin eiga aðild
að er dagvistarheimilið í MÚLA-
BÆ, Ármúla 34. Það reka þau í
samvinnu við Reykjavíkurdeild
Rauða krossins og Samband ís-
lenskra berklasjúklinga. Það hef-
ur nú starfað í tæp tvö og hálft ár
og nýtur fágætra vinsælda.
Formaður upplýsti að stjórn
Múlabæjar, sem skipuð er aðal-
manni og varamanni frá þessum
þremur rekstraraðilum, hefði
verið beðin að taka að sér umsjón
með rekstri nýrrar stofnunar eða
hjúkrunarheimilis fyrir fólk sem
haldið er þeim sjúkdómi sem
nefndur er heilaskerðing. Þetta
fólk getur verið líkamlega hraust
en þarf alveg sérstaka aðhlynn-
ingu. Gert er ráð fyrir dagvistun
fyrir 12-15 sjúklinga.
Stjórn Múlabæjar og stjórnir
aðildarfélaganna allra hafa sam-
þykkt að verða við þessari beiðni,
ef borgin leggur til húsnæðið og
heilbrigðisráðuneytið þann styrk
sem veittur er hliðstæðum stofn-
unum.
Gert er ákveðið ráð fyrir að
samkomulag náist um þetta mál
áður en langt líður.
Styrktarsjóður aldraðra er
látinn standa undir kostnaði sem
verður af rekstri Múlabæjar.
Þótt þetta hvort tveggja sem nú
hefur verið drepið á: byggingaá-
takið stóra í Bólstaðarhlíð og
rekstur Múlabæjar séu ærin verk-
efni nefndi formaður í skýrslu
sinni sitthvað fleira sem stjórn
SAMTAKA ALDRAÐRA
vann að á síðasta ári. Skal þess
hér einnig getið með nokkrum
orðum.
Happdrætti
Er þar fyrst að nefna happ-
drættið sem Samtökin efndu til á
árinu. Því var einstaklega vel
tekið af öllum þeim sem leitað
var til, bæði félögum og einstak-
lingum, og bar því furðu góðan
árangur þótt tími væri naumur til
að selja miðana. Ágóðinn bætti
styrktarsjóðinn myndarlega og
þar með aðstöðu Samtakanna til
að starfa að hjúkrunarmálum.
í öðru lagi nefndi formaður að
stjórnin hefði ákveðið að hefja
aukið félagsstarf á vegum Sam-
takanna. Þessar tilraunir voru
gerðar með einni skemmtiferð
um Suðurlandsundirlendið í ág-
úst með viðkomu á völdum stöð-
um, og svo með síðdegissam-
komu í nóvember með blönduðu
efni, fróðleik, söng og gamni.
Báðar þessar tilraunir voru vel
sóttar og þóttu takast vel. Nokkr-
ir félagar sem sóttu aðalfundinn
fóru um þær einkar hlýjum orð-
um og mæltust eindregið til að
þær yrðu endurteknar.
í skýrslu sinni ræddi formaður
sitthvað fleira en að því verður
ekki nánar vikið í þessu stuttu yf-
irliti.
Að lokinni skýrslu formanns
gerði gjaldkeri, Sigurður Gunn-
arsson, grein fyrir reikningum
félagsins.
Því næst gaf fundarstjóri orðið
frjálst um skýrsluna og reikning-
ana. Nokkrir félagar tóku til
máls, báru fram ýmsar fyrir-
spurnir og fluttu stjórninni hlýjar
þakkir fyrir mikil og góð störf.
Formaður svaraði öllum fyrir-
spurnum og þakkaði hlýhug í
garð stjórnarinnar. Var síðan
hvort tveggja samþykkt sam-
hljóða.
Alyktanir
Eftirfarandi tillögur voru ein-
róma samþykktar á fundinum
Aðalfundurinn samþykkir að
skora á þingmenn allra flokka að
styðja veitingu fjármagns til
hjálpar öldruðum til að geta búið
síðustu æviárin í litlum, þægi-
legum íbúðum með þjónustuað-
stöðu og félagslegu öryggi, annað
hvort sem eignaríbúðum eða
leiguíbúðum með eignaríhlutun.
Til þess að það geti almennt
orðið þarf að opna möguleika
fyrir samtök aldraðra hvar á
landinu sem þau eru til að verða
aðnjótandi laga, svipuðum og
verkamannabústaðirnir njóta,
eða með hagkvæmum lánum þar
sem íbúarnir koma til með að
kaupa sig inn í viðurkennda þjón-
ustuíbúð með 20%-40% verði
íbúðanna, en greiða svo húsa-
leigu að auki. Endursala getur
svo miðast við þann hluta sem
greiddur hefur verið.
Þingmenn og Alþingi, - hjálp-
ið þeim öldruðu, t.d. 65 ára og
eldri til að njóta ellinnar í
ánægjulegu umhverfi og við ör-
yggisaðstöðu. Aðeins lítill hluti
þessa fólks getur veitt sér þetta
við þær fjárhags- og vaxtaaðstæð-
ur sem nú rík j a í þessum málum. “
Reykjavíkurborg aðstoðar
Samtökin í viðleitni þeirra við að
búa öldruðum öryggi og félags-
lega þjónustu með byggingu
þeirra 66 þjónustuíbúða sem nú
eru í smíðum í Bólstaðarhlíð og
sendir því aðalfundurinn eftirfar-
andi samþykkt til stjórnar
Reykjavíkurborgar:
Þakklæti
„Aðalfundurinn samþykkir að
senda borgarstjóra, skipulags-
nefnd þjónustuíbúða Reykjavík-
urborgar svo og borgarstjórn
Reykjavíkur alúðar þakkir fyrir
veittan stuðning við SAMTÖK
ALDRAÐRA í Reykjavík með
því að kosta uppbyggingu þjón-
ustumiðstöðvar við íbúðirnar í
Bólstaðarhlíð og samþykkja að
starfrækja rekstur hennar fyrir þá
íbúa Samtakanna sem þar eiga
eftir að eyða elliárunum.
Ellilífeyrisþegum Reykjavíkur
er það mikill stuðningur, bæði
andlega og líkamlega, að geta átt
von á áframhaldandi aðstoð við
lausn íbúðarvandamála þeirra.
Með samþykkt þessari færa
680 félagar í Samtökum aldraðra
fram þakkir sínar og von um sam-
starf í þessum málum í framtíð-
inni.“
Rætt var einnig um hjúkrunar-
og líknarmál aldraðra og sam-
þykkt eftirfarandi tillaga í því
máli:
„Aðalfundurinn skorar á borg-
aryfirvöld og Alþingi að ljúka við
B-álmu Borgarspítalans sem allra
fyrst. Eins og kunnugt er er sú
álma ætluð sjúku, öldruðu fólki,
en á því sviði ríkir vandræðaá-
stand í borginni.“
Stjórn samtakanna skipa nú
þessir félagar:
Hans Jörgensson, Lóa Þor-
kelsdóttir, Sigurður Gunnarsson,
Ágúst H. Kristjánsson, Eysteinn
Sigfússon, Guðrún Runólfsdótt-
ir, Jón Steinsson og Þórarinn
Þórarinsson.
Skrifstofa Samtakanna er opin
alla virka daga frá klukkan 10-12
og 13-15. Hún er á Laugavegi
116, þriðju hæð, sími 2 64 10.
Sigurður Gunnarsson
fundarritari.
Flmmtudagur 6. júní 1985 ÞJÓÐVILJINN - SÍÐA 13