Þjóðviljinn - 27.06.1985, Qupperneq 18
Útboö
Tilboð óskast í lóðafrágang við Dvalarheimili aldraðra,
Seljahlíð, að Hjallaseli 19-55 Reykjavík, fyrir byggingar-
deild. Helstu þættir verksins eru: Gengið frá fyllingu í götur,
bílastæði og stíga, upp í endanlega hæð. Utboðsgögn eru
afhent á skrifstofu vorri Fríkirkjuvegi 3, Reykjavík, gegn
1000.- kr. skilatryggingu.
Tilboðin verða opnuð á sama stað, þriðjudaginn 16. júli
1985, kl. 11 fyrir hádegi.
INNKAUPASTOFNUN REYKJAVÍKURBORGAR
Fríkirkjuvegi 3 — Simi 25800
Viðskiptafræðingur/
hagfræðingur
Verðlagsstofnun óskarað ráðaviðskiptafræðing/hag-
fræðing til starfa í hagdeild stofnunarinnar.
Upplýsingar um starfið eru veittar í síma 2 74 22.
Umsóknir ásamt upplýsingum um aldur, menntun og
fyrri störf sendist Verðlagsstofnun, Borgartúni 7, 105
REYKJAVÍK fyrir 1. júlí n.k.
VERÐLAGSSTOFNUN
Tilkynning til
skattgreiðenda
Dráttarvextir vegna vangreiddra þinggjalda verða
reiknaðir að kvöldi fimmtudagsins 4. júlí n.k.
Sérstök athygli skal vakin á því að einungis þær
greiðslur sem berast innheimtumönnum ríkissjóðs
fyrir þann tíma verða ekki dráttarvaxtareiknaðir.
Fjármálaráðuneytið 26. júní 1985.
Frá Grunnskóla
Njarðvíkur
Lausar eru 2 kennarastöður við Grunnskóla Njarðvík-
ur. Meðal kennslugreina: Almenn bekkjarkennsla og
raungreinar.
Nánari upplýsingar veitir skólastjóri í sím 92-4399 eða
92-4380.
Skólastjóri.
Ritari
Viðskiptaráðuneyti auglýsir laus til umsóknar störf
tveggja ritara.
Auk vélritunarkunnáttu er nauðsynlegt að umsækj-
endur hafi vald á ensku og dönsku.
Umsóknir óskast sendar Viðskiptaráðuneytinu eigi
síðar en 10. júlí 1985.
Viðskiptaráðuneytið.
Sjúkrahúsið
Patreksfirði
óskar að ráða hjúkrunarfræðing og sjúkraliða til starfa
sem fyrst eða eftir samkomulagi. Einnig vantar
hjúkrunarfræðinga og Ijósmóður til sumarafleysinga.
Gott húsnæði fyrir hendi. Nánari upplýsingar veitir
Sigríður Karlsdóttir hjúkrunarforstjóri í síma 94-1110
eða 94-1386.
FLÓAMARKAÐURINN
HEIMURINN
Frystiskápur
lítill til sölu. Mjög vel meö farinn og í
fullkomnu lagi (4ra ára). Selst á ca.
hálfvirði, þ.e. 11 þúsund. Sími
39442. Á sama staö eru til sölu nýjar,
Ijósgráar khakíbuxur (gallabuxur) á
13-14 ára strák (voru pantaðar úr
lista, en reyndust of litlar) Verð kr.
500.-
Leðurjakki
Einhver flottasti leðurjakki bæjarinstil
sölu vegna brottflutnings. Næstum
því nýr, lítið notaður og selst á mjög
góðu verði. Sími 23230 e.kl.15. Þor-
varður.
Kappakstursbílabraut
til sölu, tegund Carrera og
straumbreytir fylgir með. Sími 52941.
Barnareiðhjól
óskast. 5 ára stelpu vantar gott 14
tommu reiðhjól og kaupanda að
þríhjólinu sínu. Sími 13894.
Isskápur og barnfóstra
Til sölu lítill ísskápur á kr. 1500.- Á
sama stað vantar barngóðan ungling
til að gæta 10 mánaða stúlku. Sími
37505.
Arne Treholt hlustar á dóminn upp kveðinn svipbrigðalaus.
Fláttskapur
„njósnara friðarins“
Þungur dómuryfir Arne Treholt. Lævísleg málsvörn. Aðferðir KGB
við mannaráðningar
Á dögunum var kveðinn upp
yfir Arne Treholt þyngsti dóm-
ur sem fallið hefur í njósnamáli
í Noregi. Hann fékk tuttugu ára
fangelsi fyrir njósnir í þágu So-
vétmanna og Irak - dómurinn
sjálfur talar sínu máli um alvar-
leik þeirra afbrota sem njósn-
arinn framdi - en eðli málsins
samkvæmt komu þau ekki
nema að nokkru leyti upp á
yfirborðið í þeim hluta mála-
ferlanna sem opin voru blöð-
um og almenningi.
Arne Treholt lét sér að sögn
hvergi bregða þegar dómurinn
féll og hélt áfram að leika það
hlutverk sem hann hafði valið sér
fljótlega eftir handtökuna: að
hann væri ofsóttur maður sem
hefði í leynilegum viðræðum sín-
um við útsendara sovésku leyni-
þjónustunnar hér og þar í heimin-
um ekki verið að sinna öðru en
„pólitískum viðræðum". Hann
hefði í raun og veru stundað
„óvenjulegar aðferðir í sam-
skiptum ríkja“ og ætlað með því
að „byggja brýr milli austurs og
vesturs". Auk þess mun marga
reka minni til að hann vitnaði sér
til stuðnings í ýmislegt það sem
hann hefði gott gert - t.d. að vera
helstur forystumaður í baráttunni
gegn fasískri herforingjastjórn í
Grikklandi meðan hún sat.
Misnotkun
Pessi málsvörn var lævís, en
eins og danska blaðið Informati-
on kemst að orði í leiðara um
málið, þá var þessi málsvörn um
leið misnotkun á kröfum friðar-
sinna um „meiri hreinskiptni" í
samskiptum austurs og vesturs.
Og við má bæta: misnotkun á
ágætri mótmælahreyfingu eins og
Grikklandshreyfingin vitanlega
var.
Information minnir á það, að
meðal gamalla félaga Arne Tre-
holts í norskri vinstrihreyfingu
voru fleiri en einn eða tveir, sem
tóku undir við þessa málsvörn
hans. Meðal þeirra var friðar-
rannsóknarmaðurinn prófessor
Johan Galtung sem kallaði rétt-
arhöldin yfir Arne Treholt
„blöndu af réttarhöldum úr
bókum Kafka og Moskvuréttar-
höldum“ og gerði málflutning
sinn enn lakari með því að lýsa
norskt réttarkerfi lakara en það
pólska! Dæmi fundust og um að
Arne væri af hálfu gamalla félaga
kallaður „pólitískur fangi“.
Treholt sjálfur
í leiðara Information segir
ennfremur á þessa leið um málið:
„Það kann að finnast þver-
stæða, en Arne Treholt hafði
sjálfur miklu raunsærri afstöðu til
þess njósnaheims sem hann sog-
aðist inn í smám saman.
Rétt eftir handtöku sína í fyrra
lýsti Treholt því, hvernig hann,
eftir að hafa lent í klóm KGB hafi
verið neyddur til að halda áfram
sambandinu með hótunum um
afhjúpun og hneyksli.
Síðan dró Treholt þessa út-
skýringu til baka og kom í staðinn
með sína kenningu um „njósnara
í þágu friðar“ með sjálfan sig í
aðalhlutverki sem „óvenjulegan
brúarsmið“ milli austurs og vest-
urs. „Ég hefi alltaf trúað á gildi
opinna samskipta manna í milli“
sagði Treholt frómur á svip, þeg-
ar mál hans var dómtekið.
Vandinn fyrir hann og fyrir ör-
yggi Noregs var samt sá að þessi
„opinskáa afstaða" virkaði að-
eins að því er varðar sambandið
við KGB. Treholt fór á bak við
yfirmenn sína í öllu. Þeir höfðu
enga hugmynd um að Arne Tre-
holt átti reglulega fundi fyrir
reikning KGB með Gennadí Tít-
of, hershöfðingja í sovésku leyni-
þjónustunni, sem var rekinn frá
Osló upp úr njósnamál árið 1977.
Og Treholt vissi sjálfur mæta-
vel, að kenning hans var fárán-
leg. Hann hélt því sjálfur fram
margoft, að hann hcfði haft full-
an vilja á að rjúfa sambandið.
Hann hélt því líka fram að sá
hefði verið tilgangur sinn þegar
hann var handtekinn á leið til
fundar við Títof í Vínarborg.
Engu að síður var taska hans full
með leyniskjöl."
Hvaða
leyndarmál?
Sem fyrr segir: menn vita ekki
og munu seint komast að því
hvaða hernaðarleyndarmál það
voru sem Arne Treholt afhenti
Sovétmönnum t.d. upp úr veru
sinni á Varnarskóla norska hers-
ins. Menn vita meira um að hann
gaf upplýsingar um pólitískár
trúnaðarviðræður og t.d. um
margt er laut að erfiðum við-
ræðum Norðmanna um lögsögu í
Barentshafi. Eins og ýmsir hafa
fram tekið: það skiptir ekki máli
hvað Arne Treholt hélt sjálfur
um mikilvægi slíkra upplýsinga
fyrir „öryggi ríkisins“. Honum
var sýndur trúnaður sem hann
brást herfilega - því á hann dóm
skilinn. Hve þungur slíkur dómur
á að vera - það fer svo eftir af-
stöðu manna til refsinga yfirleitt.
Hvers vegna?
Fyrr og síðar var spurt að því,
hvers vegna Arne Treholt gerðist
njósnari. í því sambandi er ekki
úr vegi að vitna til ummæla vitnis
eins í málaferlunum yfir Arne
Treholt, Stanislavs Lesjenko,
sem áður starfaði fyrir KGB en
strauk úr þjónustunni árið 1979
eftir að hafa sjálfur fengið
allmarga Japani til njósna fyrir
Sovétríkin. Lesjenko segir á þá
leið, að helstu ástæður fyrir því
að menn ganga í þjónustu við
KGB séu þessar: peningar, pó-
litík, ótti við afhjúpun og hé-
gómadýrð eða ofmetnaður.
Ráðningarstjórar KGB reyna að
nota allar þessar hvatir - eina sér
eða allar saman. I dæmi Arne
Treholts virðist hafa verið um all-
ar þessar hvatir að ræða: hann
flæktist í net KGB sem hégóm-
legur og efnilegur pólitíkus - en
hélt áfram bæði vegna ágirndar
(sbr. þjónustu við írak) og ótta
við uppljóstrun.
ÁB tók saman.
18 SÍÐA - ÞJÓÐVILJINN
Kasparof viðurkennir
Karpof ekki heimsmeistara
„Ég er með öllu ósammála
þeim sem enn kalla Karpof
heimsmeistara", sagði Garrí
Kasparof á blaðamannafundi í
Belgrad nýlega.
Kasparof hefur jafnan verið
ósammála þeirri ákvörðun að
fresta einvígi þeirra Karpofs um
heimsmeistaratitilinn í skák sem
gert var þegar halla tók undan
fæti fyrir Karpof. Hann sakar So-
véska skáksambandið um að reka
erindi Karpofs í þessu máli og
kveðst ekki lengur sætta sig við
það sem hann kallar yfirgang
Karpofs.
„Þegar maður semur við Karp-
of eða einhvern úr hans liði þá
verður alltaf að vera vitni til stað-
ar. Því hann er reiðubúinn að
beita öllum aðferðum til að halda
titlinum“.
Kasparof telur sig eiga góða
möguleika á að sigra Karpof: „Ég
veit núna mæta vel hver styrkur
hans er“, segir hann.