Þjóðviljinn - 27.04.1986, Blaðsíða 2

skammtur
af heilsurœkt í
í málvísindum er indóevrópskum tungumál-
um skipt niður í ellefu flokka. Einn þessara
flokka eru germönsk mál, sem aftur skiptast í
austur-germönsk, norður-germönsk og vestur-
germönsk mál. Norður-germönsk mál skiptast
síðan í vestur-norrænu og austur-norrænu, en
úr vesturnorrænunni er sprottin íslenskan, það
mál sem talað er í samnefndu landi.
íslenskan er orðfærri en mörg önnur tungu-
mál og býður það að sjálfsögðu heim þeirri
skoðun að léttara sé að tjá sig á öðrum málum
sem hafa fjölskrúðugra orðasafn. En það er nú
öðru nær.
Föll, hættir, tíðir og myndir sjá þessu dæma-
lausa tungumáli fyrir meiri blæbrigðum en
margur hyggur og þó vesalingur minn hafi ef til
vill aðeins fengið reykinn af réttunum hvað ís-
lenskt mál snertir, eru það samt miklar kræsing-
ar og góðar.
Áður en lengra er haldið er rétt að taka það
fram, að það er á íslensku sem ég og konan mín
tölum saman.
Það var svo um daginn, að ég fór svona að
hugleiða, hvað ég væri eiginlega búinn að vera
lengi með þessari konu. Það væri ótuktarlegt að
fara að gefa það upp hér, gæti gefið til kynna
hve aldurhnigin hún er orðin, svo ég sleppi því
bara. En hvað um það, ég fór að gefa forsetn-
ingunni með svolítinn gaum svo ég fletti henni
upp í Blöndalsorðabókinni, eiginlega svona
frekar í bríaríi.
Og viti menn. Hér rakst ég á nokkuð, sem
færði mér enn einu sinni heim sanninn um töfra
íslenskrar tungu. í Blöndal segir: Með - For-
setning, sem stjórnar þolfalli og þágufalli. Og
síðan koma dæmi: Maðurinn fer út með kon-
unni, en út með (vinnu)-konuna. Konan fer
afturámóti út með manninum, en út með
hundinn.
Það er semsagt talsverður blæbrigðamunur
á því hvort farið er út með einhvern, eða með
einhverjum.
Það felst svolítil lítilsvirðing í því að farið sé í
þolfalli með mann eitthvað, þar sem afturámóti
fullkomið jafnræði er, þegar farið er með manni í
þágufalli.
Konan mín er jafnan með mig í þolfalli dægrin
löng.
Fyrir nú utan að vera með mig í vasanum og
undir hælnum, er hún með mig í megrun, heilsu-
rækt, Félagi einstæðra foreldra, Dómkirkju-
söfnuðinum, bindindi, sundi og hópefli um sál-
arjafnvægi í sambúð.
Síðasta uppátækið hennar var að fara með
mig í Ijós. Hún rakst semsagt, vestur í Selsvör,
- þar sem áður voru Haugarnir - á Ijósabað-
stofu og heilsurækt, þar sem mér skilst að hægt
sé á ný að endurheimta fegurð og líkamlegt
atgervi liðinnar æsku. Það var semsagt einn
morguninn í miðjum apríl, þegar ég var að gera
á mér morgunverkin fyrir framan spegilinn á
baðinu, að hún tók svo til orða:
- Ósköp er að sjá þig maður. Þú ert einsog
skininn hundaskítur.
Hér er komið lifandi dæmi um blæbrigði ís-
lenskrar tungu, því þetta þýðir einfaldlega að ég
sé ekki nægilega útitekinn.
- Ég held ég fari með þig í Ijós, hélt hún áfram
og svo fór hún með mig á heilsuræktina í
Selsvörinni. Þegar við komum þangað tók á
móti okkur kaffibrún fegurðardís og við hana
sagði konan mín:
- Ég er komin með hann.
Sú kaffibrúna leit á mig og sagði:
- Varstu ekki að tala um að láta hann í bekk
tvö?
- Jú þennan með sterku andlitsljósunum,
svaraði konan mín og það fór ekkert á milli mála
að þessi Ijósaferð hafði verið vandlega plan-
lögð. Konan mín rétti þeirri kaffibrúnu áskriftar-
kort og svo var farið með mig, berrassaðan í
Ijósabekk tvö, mér sagt að leggjast niður, tjald
dregið fyrir og mér sagt að anda bara rólega. Og
sem ég lá þarna á einum tuttugu flórísentperum
var slakað ofaná mig einhverskonar þaki með
öðrum tuttugu perum.
þolfalii
Svo lá ég þarna, titrandi af ægilegri innilokun-
arkennd í tuttuguogsjö mínútur einsog svína-
flesksneið í ostasamloku.
Það var svo í gær að ég kom í fimmta sinn úr
Ijósabekk tvö með sterku andlitsljósunum og
tók svo til orða:
- Kona! Af hverju þarftu alltaf að fara með mig
í þessa andskotans Ijósasamloku þegar fréttirn-
ar eru í útvarpinu? Ég er búinn að margsegja
þér það að þú átt ekki að láta mig missa af
útvarpsfréttunum.
- Það vantar nú í þig, svaraði hún að bragði.
Það eru heyrnartæki við höfðagaflinn á bekk tvö
með sterku andlitsljósunum. Hefurðu ekki séð
þau?
Þetta fannst mér nú brandari aldarinnar, því
auðvitað hafði ég séð heyrnartækin og hugsað
einmitt þá sem svo:
- Allt er þetta nú á sömu bókina lært. Hér hafa
þeir heyrnartækin til fóta. Svo ég sagði við kon-
una mína dálítið neyðarlega:
- Maður hlustar nú ekki á fréttirnar með tán-
um, og hugsaði í leiðinni:
- Góður hjá mér þessi.
Nú varð henni orðfall sem snöggvast, aldrei
þessu vant, en svo sagði hún hægt og einsog
með dálitlum þunga:
- Eru heyrnartækin til fóta í bekk tvö með
sterku andlitsljósunum?
- Ekki ber á öðru, svaraði ég og hló við.
- Má ég sjá á þér tærnar, sagði hún þá og við
fórum að skoða á mér tærnar sem voru orðnar
afar fallega brúnar, en undir iljunum var ég orð-
inn blásvartur.
Eftir langa þögn tók hún svo til orða:
- Viltu í næstu fimm skipti vera með höfuðið
þeim megin sem heyrnartækin eru og andlits-
Ijósin. Annars - bætti hún svo við - ætti ég
kannske framvegis að fara með þér í samlok-
una til að tryggt sé að þú snúir rétt.
Og ég komst svona einsog í sólskinsskap, þó
ekki væri nema af tilhugsuninni að hafa hana
með mér í þágufalli á svo undarlegum sól-
skinsbletti í heilar tuttuguogsjö mínútur.
Einföld skýring
Menn hafa verið að furða sig á
stuðningi ríkisstjórnarinnar
við Arnarflug, einkum Frarn-
sóknarhluta ríkisstjórnarinn-
ar, og komið hafa upp ýmsar
stórpólitískar kenningar um
dularfull tengsl innan viðskipt-
aheimsins. En þetta er allt
saman mjög einfalt eins og
alltaf þegar forsætisráðherra
vor kemur við sögu. Fram-
sóknarflokkurinn verður að
bjarga Arnarflugi. Það er
vegna þess að dóttir Stein-
gríms Hermannssonar er
búin að fá vinnu þar sem flug-
freyja í sumar...B
Sjónvarpið
sent í flugi
í blaðinu Eystrahorni sem gef-
ið er út á Höfn í Hornafirði er
hinn indælasti slúðurdálkur
sem við tökum okkur það
bessaleyfi að vitna í að þessu
sinni. A Höfn er „herskár
sveitarstjóri" sem heitir
Tryggvi Árnason. Hann
skoraði á dögunum á íbúa
staðarins að senda sér gíró-
seðla þá sem sendir höfðu
verið til innheimtu á
afnotagjöldum útvarps og
sjónvarps og hugðist hann
senda útvarpinu þá aftur ó-
greiddatil að mótmæla lé- I
legum hlustunarskilyrðum.
„Ekkert hefur útsendingin
skánað þessa síðustu daga
og var Hornið beðið að koma
því á framfæri við útvarps-
stjóra hvort ekki væri rétt að
hætta þessari vitleysu að
senda dagskrána gegnum
lyng, mosa og fjöll og senda
hana bara með flugi. Blöðin
koma hvort sem er eins til
þriggja daga gömul og því
værí það bara samræmingar-
atriði að fá sjónvarpsdag-
skrána um leið og þau. Kost-
urinn við þessa lausn væri
aukinheldur sá að menn sæju
það sem væri í sjónvarpinu að
því tilskildu að sjónvarpið
hefði tæknilega burði til að
senda dagskrána út héðan,
hingað eða hingað,
héðan...“B
Stjörnuregn í
sundlauginni
Og hér er önnur úr sund-
lauginni á Höfn. Hún er á þá
leið að föstudagsmorgun einn
fyrirskömmu „hafi nefnd laug
fyllst af ungum stúlkum, um-
sjónarmanni hennar Helga
Geir til mikillar furðu, en þó
ánægju því hann er vanur því
á morgnana að sitja uppi með
eintóma karlhlunka sem
komnir eru á þann aldur að
geta ekki sofið. Skýringin var
einföld. Þeir rokkbræður og
trúbadorar Ásbjörn Mort-
hens og Magnús Þór höfðu
kvöldið áður haldið hljómleika
í Sindrabæ og einhverjum
hafði dottið í hug að þeir
myndu fara í sund morguninn
eftir, hvað og varð. Hafa þeir
sjálfsagt undrast morgun-
hreysti ungra Hafnar-
stúlkna...“M
Hver fær Esso?
Senn fer að líða að því að Vil-
hjálmur S. Jónsson láti af
störfum og eru menn þegar
farnir að skyggnast um eftir
arftaka hans á forstjórastóli
Esso, olíufélagi SÍS. Lengi vel
beindust augu manna að
Axel Gíslasyni aðstoðarfor-
stjóra SÍS en nú er annar
kandidat kominn fram á sjón-
arsviðið og þykir allra manna
líklegastur til að hreppa
hnossið. Sá heitir Þorsteinn
Olafsson og er fram-
kvæmdastjóri Þróunardeildar
SIS. Vilhjálmur hefur þótt vilja
halda sjálfstæði Esso
Þorstelnn Ólafsson - verðandl for-
stjórl Esso?
gagnvart SÍS-forystunni en
með tilkomu Þorsteins myndi
það eflaust breytast því Þor-
steinn er í flestum greinum
mjög handgenginn Erlendi og
félögum. Af Axel er það nú
sagt að hann stefni norður í
land til að setjast í forstjórastól
Utgerðarfélags Akureyrar en
þann stól hefur faðir hans,
Gísli Konráðsson vermt um
árabil.B
2 SÍÐA - ÞJÓÐVILJINN Sunnudagur 27. apríl 1986