Þjóðviljinn - 10.06.1986, Blaðsíða 5
LISTAHÁTÍÐ
Hinir frábæru liðsmenn Brubecks taka hér við glymjandi lófataki þakklátra
áheyrenda.
Brubeck
sá um sína
Gífurleg stemmning. Brubeck lék
við hvurn sinn fingur. Gaf
áheyrendum aukaskammt
Það var stór stund hjá jass-
áhugamönnum ífyrrakvöld
þegar kvartett Dave Brubeck
lék listir sínar í veitingahúsinu
Broadway. Gífurleg
stemmning var meðal
áheyrenda og kunni Brubeck
henni svo vel að hann lék
nærri klukkustund lenguren
um varsamið.
Það var einkum þegar Brubeck
lék gömlu lögin sín sem fögnuð-
urinn varð mestur. Greinilegt var
að hinir fjölmörgu áheyrendur
kunnu vel að meta hans sérstæða
stíl, hinn kraftmikla en þó
leikandi létta jass sem Brubeck
spilar. Þá vakti mikla athygli nán-
ast ævintýralegur flautuleikur
blásarans Bills Smith.
Áheyrendur voru á einu máli
um að þessir hljómleikar væru
með því albesta sem þeir hefðu
nokkurntíma heyrt. Auðheyrt
var að mönnum fannst hér enginn
meðalmaður á ferð vera og raun-
ar voru þeir sammála um að
hljómsveitin öll hefði verið í einu
orði sagt frábær - valinn maður í
hverju rúmi.
Þegar Dave Brubeck sló í gegn
á sjötta áratugnum þá var það
ekki aðeins fyrir sínar frábæru
lagasmíðar heldur einnig, og
kannski ekkert síður, fyrir sinn
sérstæða stíl, þá nýju taktskipan
sem hann innleiddi í jassinn og
kynnti ásamt félögum sínum Poul
Desmond og Gerry Mulligan.
Gamall jassgeggjari orðaði
þetta svo í samtali við blaðamann
að Dave Brubeck hefði valdið
svipuðum kaflaskilum í sögu jass-
ins og Steinn Steinarr hefði vald-
ið í sögu íslenskrar ljóðagerðar.
Með Brubeck á hljómleikun-
um í fyrrakvöld léku þeir Bill
Smith, blásarinn sem fyrr er
nefndur, Randy Jones á trommur
og Cliff Brubeck á bassa, en hann
er einn þeirra sona Daves sem
leikið hafa með honum á undan-
förnum árum.
Meðfylgjandi myndir, teknar á
hljómleikunum, gefa ef til vill
nokkra hugmynd um
stemmninguna síðastliðið sunnu-
dagskvöld. -g-sv.