Þjóðviljinn - 07.10.1986, Blaðsíða 6

Þjóðviljinn - 07.10.1986, Blaðsíða 6
Höfði Fjölmiðlar segja draugasögur Sovétmenn samþykktu Höfða sem fundarstað. Sögusagnir um draugagang fá byr undir báða vœngi Póstur og sími Áhyggjur af ringul- reið Jóhann Hjálmarsson: Botnlaus vinna alla helgina. Jarðstrengir lagðir ífjölda bygginga Hér hefur verið botnlaus vinna alla helgina. Unnið hefur ver- ið að því að leggja jarðstrengi í Melaskóla og Hagaskóla, Höfða, Hótel Sögu og fleiri byggingar í borginni og það ætti að komast langt í dag eða á morgun, sagði Jóhann Hjálmarsson blaðafull- trúi Pósts og síma í samtali við blaðið í gær. Álagiö á stofnuninni er mikið þessa dagana og óhjákvæmilegt að eitthvað sitji á hakanum af þeim sökum. Jóhann sagði í gær að ýmsum framkvæmdum á veg- um stofnunarinnar myndi seinka vegna leiðtogafundarins. „Við vonum að innlendir viðskipta- menn okkar taki þessu vel. Það er ýmislegt sem ekki verður hægt að sinna meðan á þessu stendur, en ég vona að ekki þurfi að koma til vandræðaástands,“ sagði Jóhann aðspurður um þetta í gær. Póstur og sími ræður nú yfir rúmlega 300 símalínum frá landinu og tveimur sjónvarpsrás- um. Að sögn Jóhanns hafa menn nokkrar áhyggjur af því að ring- ulreið skapist þegar mest gengur á og allir vilja senda út í einu. Gífurlegt álag verður á símalín- um í vikulokin og verða allir starfsmenn stofnunarinnar í við- bragðsstöðu þegar þar að kemur. -gg öryggisverðir eru tíðir gestir í Höfða þessa dagana. Þetta hús hefur hýst margt merkra gesta, en aldrei vakið athygli eins og nú. Mynd Sig. Lögreglan Umferð raskast mikið Björgunarsveitir hafa verið kallaðar til. Alls um 500 manna lið íslenskra löggœslumanna Það má búast við að umferð í borginni raskist talsvert um helg- ina, en ég get ekki sagt um hvern- ig því verður farið þar sem dag- skrá fundarins liggur ekki fyrir, sagði Bjarki Elíasson yfirlögregl- uþjónn í samtali við Þjóðviljann í gær. Skipulagning öryggisgæslu er nú i fullum gangi og íslenskir lög- gæslumenn eiga tíða fundi inn- byrðis og með bandarískum og sovéskum öryggisvörðum. Ör- yggisverðir sjást á vappi víðs veg- ar um borgina að kynna sér að- stæður og sjá út hvernig gæslunni verður best hagað. Bjarki sagði að í fyllingu tím- ans yrðu gefnar út tilkynningar um breytingar á umferð í borg- Fundanjtvaip á ensku Vegna margumrædds leiðtoga- fundar mun Ríkisútvarpið í sam- vinnu við utanríkisráðuneytið reka útvarpsstöð frá kl. 13.00 á morgun. Útvarpað verður dag- lega frá morgni til kvölds fram á mánudagskvökld. Á heila tíman- um verða sagðar fréttir á ensku á FM 89.3, alþjóðlegar fréttir, fréttir af leiðtogafundinum og öðrum aðburðum á innlendum vettvangi. Þá verður eftir því sem við verður komið útvarpað beint frá ýmsum atburðum í tengslum við leiðtogafundinn. -gg inni. Ljóst er þegar að götur við Borgartún verða lokaðar um helgina, sömuleiðis götur í ná- grenni bandaríska sendiráðsins við Laufásveg, nágrenni Ægis- garðs og víðar. Það má því búast við að hinn almenni borgari muni eiga erfitt með að komast leiðar sinnar á ákveðnum svæðum. Lögreglan hefur átt við svipað vandamál að stríða og þeir sem falið hefur verið að leysa gisti- vandann: skort á upplýsingum. „Þeir segja lítið, einkum þeir so- vésku, þannig að þetta hefur ver- ið hálfgerð krossgáta fyrir okkur. Skipulagsstarfi hefur seinkað nokkuð vegna þessa,“ sagði Bjarki. Björgunarsveitir hafa verið kallaðar til í öryggisgæslu og verða fslenskir löggæslumenn þá að öllum líkindum um 500 talsins. -gg Sovétmenn samþykktu á sunn- udaginn að fundir Reagans og Gorbatsjofs yrðu haldnir í Höfða við Borgartún og þegar um helg- ina var hafinn undirbúningur sem miðaði að því að leiðtogarnir myndu funda í þessu reisulega húsi borgarinnar. Ekki er annað vitað en að allir þrír fundir leiðtoganna verði haldnir í Höfða. Um leið og þessi ákvörðun lá fyrír fengu sögusagnir um draugagang í húsinu byr undir báða vængi og erlendir frétta- menn gerðu mikið úr drauga- sögunum sem lengi hafa gengið um þetta hús. Þetta hús, sem augu alheimsins munu beinast að næstu dagana, var byggt árið 1909 fyrir Brillou- in, franskan konsúl og forstjóra spítalafélagsins í Dunkerque. Húsið kom tilsniðið frá Noregi og var hið reisulegasta. Brillouin og fjölskylda hans bjuggu aðeins um skamma hríð í Höfða og árið 1913 fluttu þau burt úr húsinu. Ári síð- ar keypti Landsbankinn húsið af spítalafélaginu, enda var þá farið að halla undan fæti fyrir því. Landsbankinn keypti húsið á uppboði fyrir 12.300 krónur, en lóðin var eftir sem áður í eigu spítalafélagsins. Samkvæmt manntali flutti Ein- ar Benediktsson sýslumaður og skáld í húsið ásamt fjölskyldu sinni það sama ár. Einar gaf því nafnið Héðinshöfði, sem síðan var stytt í Höfði og svo hefur hús- ið verið nefnt síðan. Einar keypti húsið af Landsbankanum árið 1916, en árið eftir var hann flutt- ur úr því. Árið 1938 leigði breska ríkið Höfða og keypti síðan árið 1942. Þá var þar ræðismannsbústaður og síðar sendiherrabústaður fram til ársins 1951. Þá þegar voru komnar upp sögusagnir um reimleika í húsinu og segja munnmæli að breski sendiherrann hafi óskað leyfis til að selja húsið sökum drauga- gangs. Ingólfur Espólín keypti Höfða af Bretum og bjó þar til árins 1962, en fjórum árum áður hafði hann selt borgarsjóði eignina. Borgin keypti með það fyrir augum að rífa húsið, en fljótlega urðu menn því afhuga og árið 1967 var hafist handa við lagfæringar á því. Höfði hefur nú um árabil verið vettvangur ým- issa veisluhalda á vegum borgar- innar, en bíður nú sinna þekkt- ustu gesta. Sögur um reimleika í Höfða eru margar og verða ekki rifjaðar upp hér. Enginn vafi er þó á að mikið verður um það bollalagt í fjölmiðlum framyfir leiðtogafund hvort þeir Reagan og Gorbatsjof hafi orðið varir við eða muni verða varir við verur af öðrum heimi á fundum sínum þar í hús- inu. -gg 6 SÍÐA - ÞJÓÐVILJINN Þriðjudagur 7. október 1986

x

Þjóðviljinn

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Þjóðviljinn
https://timarit.is/publication/257

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.