Þjóðviljinn - 09.12.1986, Blaðsíða 8

Jón Baldvin: Næst samstaða innan launþega-
hreyfingarinnar um að fella kröfur um sjálfkrafa
hækkanir handa öllum?
Alþýðuflokkur
Stefnir í
rétta átt
Jón Baldvin Hannibalsson:
Skiptir miklu hvertframhaldið
verður
Þessir kjarasamningar stefna í rétta átt.
Megináherslan er lögð á hækkun lægstu
launa og skref stigin í átt til aö lækka vægi
bónusins en mest er þó um vert að í fram-
haldinu verði hrófatildri sk launakerfis gjör-
breytt, sagði Jón Baldvin Hannibalsson for-
maður Alþýðufiokksins.
„Samningarnir nú eru rökrétt niðurstaða af
febrúarsamningunum. Af þeim varð verulegur
árangur þegar tókst að koma verðbólgu úr 40% í
10%. Galli þeirra var sá að hlutur láglaunafólks-
ins lá eftir en nú er hann bættur verulega. Hins
vegar skiptir miklu um framkvæmdina og það
sem á eftir kemur. Það reynir á hvort launþega-
hreyfingin nær samstöðu um að skriða launa-
hækkana yfir alla línuna fylgi ekki á eftir. Það
reynir á hvort ríkisstjórnin stendur við sinn hlut,
en af því er ekki allt of góð reynsla eftir síðustu
samninga. Og það reynir á hvort Alþingi ber
gæfa til að rista upp það fjárlagafrumvarp sem
nú liggur fyrir, en það er ávísun á meiri verð-
bólgu. Því frumvarpi verður að breyta í grund-
vallaratriðum ef þessir samningar eiga að halda.
Ég hef því miður enga trú á að það verði gert
með núverandi ríkisstjórn við stjórnvölinn. Því
verður að skipta um ríkisstjórn og launafólki
gefst tækifæri til þess í kosningunum í vor“.
Sigríður Dúna: í góðæri er hætta á aukinni verðbólgu
og þá bresta forsendur samninganna.
Kvennalisti
Lágmarks-
launin of lág
Sigríður Dúna
Kristmundsdóttir:
Kjarasamningum í landinu er
engan veginn lokið.
Það ánægjulega við þessa samninga er að
sú stefna varð ofan á að hækka sérstaklega
lægstu launin. Það teljum við Kvennalista-
konur tvímælalaust rétt enda höfum við flutt
frumvarp til laga á þingi um lágmarkslaun,
sagði Sigríður Dúna Kristmundsdóttir hjá
Kvennalista.
„Það er líka ánægjulegt að dregið er úr áhrif-
um bónusfyrirkomulagsins í þessum samning-
um. Hins vegar eru lágmarkslaun upp á 26.500
kr allt of lág þar sem sýnt er að vísitölufjölskylda
þarf um 90.000 kr í framfærslueyri á mánuði.
Fólki er því áfram boðið upp á laun sem það
getur ekki framfleytt sér af.“
„Við skulum ekki gleyma því að kjarasamn-
ingum er engan veginn lokið. Mörg félög innan
ASÍ eiga eftir að semja og opinberir starfsmenn
einnig. Það er því engan veginn ljóst hver loka-
niðurstaða þessara samninga verður. Þá hef ég1
vissar efasemdir um að loforð ríkisstjórnarinnar1
haldi. Það er slæm reynsla af febrúarsamningun-
um og einnig hitt að í góðæri munu atvinnurek-|
endur geta greitt hærra kaup en samningar
kveða á um og það leiðir af sér þenslu og auknai
verðbólgu. Ef það gerist munu forsendur þess-'
ara samninga bresta“.
Svavar Gestsson: Ríkisstjórn sem á aðeins örfáa
mánuði ettir getur ekki gefið fyrirheit.
A Iþýðubandalagið
Lotan rétt
að hefjast
Svavar Gestsson: Verðbólgutilefnin
eru því miður mörg í hagkerfinu.
Það er auðvitað ánægjulegt að lægstu
laun í landinu skuli hafa verið hækkuð með
jafn myndarlegum hætti og nú hefur verið
gert. Lægstu kauptaxtar eru í raun afnumdir
og það er enginn vafi á því að þessi hækkun
kemur víða að góðu gagni,“ sagði Svavar
Gestsson formaður Alþýðubandalagsins.
„Einnig er afskaplega ánægjulegt að aðilar
vinnumarkaðarins skuli nú ætla að ráðast í það
verkefni að endurnýja taxtakerfi verkalýðsfé-
laganna, en sá frumskógur hefur verið næsta
torfær svo ekki sé meira sagt. Jafnframt er
auðvitað ljóst að málinu er engan veginn lokið.
Það á eftir að gera samninga fyrir Dagsbrún,
byggingamenn og opinbera starfsmenn og það á
eftir að ganga frá samningum fyrir iðnnema.
Lotunni er því ekki lokið. En upphafsskrefin
hafa verið stigin með því að tosa upp lægstu
flokkana innan launastigans, enda þótt ljóst sé
að enginn lifir á því kaupi sem nú var samið um.
En hækkunin stefnir í rétta átt“.
„Það er erfitt um það að segja hvort þáttur
ríkisstjórnarinnar í þessum samningum muni
halda. Ríkisstjórnin er komin að fótum fram,
svo að segja dauð. Hennar fyrirheit geta því í
besta lagi gilt fyrir örfáa mánuði. Hins vegar
hefur verðbólga verið að aukast á síðustu mán-
uðum enda verðbólgtutilefni mörg í hagkerfinu
svo ég er því miður ekki allt of bjartsýnn á >
framhaldið."
Það er mikið hagsmunamál fyrir launafólk að ríkis-
stjórnin hefur lofað að halda verðbólgunni í 7-8%.
BSRB
Hlutur
lægstlaunaðra
fagnaðarefni
„Það er fagnaðarefni að þetta skref hefur
verið stigið til að hækka laun þeirra lægst-
launuðu," sagði Kristján Thoriacius, for-
maður BSRB.
Kristján sagði það einnig mjög gott að með
samningunum hefði ríkisstjórnin gefið það lof-
orð að halda gengi stöðugu og að verðbólga yrði
á bilinu 7-8%, en það væri mikið hagsmunamál
fyrir stóran hóp launafólks, einkum ungt fólk
sem er að hefja búskap.
í þriðja lagi vildi Kristján vekja athygli á því
að launanefnd ætti að starfa á samningstímabil-
inu en reynslan af henni á síðasta ári hefði verið
góð og reynst ákveðin trygging.
Kristján sagðist ekkert geta sagt um það á
þessu stigi hvort þessir samningar yrðu fyrir-
mynd að samningum opinberra starfsmanna.
Sagðist hann búast við því að ný samningsréttar-
lög um opinbera starfsmenn yrðu afgreidd frá
alþingi fyrir jól, en samkvæmt þeim er samnings-
og verkfallsréttur færður til félaganna innan
BSRB. Það á því eftir að koma í ljós hvort
félögin kjósi að fara fram í samfloti eða hvort
einstaka félag reynir að semja sjálfstætt.
15. desember verður haldinn formannafundur
,hjá BSRB og verða þá rædd viðhorfin í kjara-
málum og hvernig staðið skuli að málum.
-Sáf
JÓLAFÖSTUSAMNINGARNIR
Kjarasmningur milli Alþýðu-
sambands íslands vegna Iðnnem-
asambands íslands og eftirtalinna
landssambanda þess og einstakra
aðildarfélaga þeirra; Verka-
mannasambands íslands, Málm-
og skipasmiðasambands íslands,
Rafiðnaðarsambands íslands,
Landssambands iðnverkafólks,
Landdssambands íslenskra versl-
unarmanna, landssambands
vörubifreiðastjóra svo og félaga
með beina aðild að sambandinu
annars vegar og Vinnuveitenda-
sambands íslands vegna aðildar-
félaga þess og einstakra meðlima
og Vinnumálasambands sam-
vinnufélaganna hins vegar.
1. grein
Allir kjarasamningar ofan-
greindra aðila framlengjast til 31.
desember 1987, með þeim
breytingum, sem í samningi þess-
um felast.
2. grein
Ákvæði um hækkun lægstu launa
Frá 1. desember 1986 leysa eft-
irgreind ákvæði um Iágmark
launa áður gildandi kauptaxta af
hólmi og er þeim einungis ætlað
að hafa áhrif á lægstu laun í við-
komandi starfsgrein, sem dregist
hafa aftur úr í launaþróun síðustu
ára.
Laun fullgildra starfsmanna
verða að lágmarki sem hér segir
að meðaltalinni almennri launa-
hækkun um4,59% frá 1. desemb-
er 1986:
1. Ófaglærðir starfsinenn: Kr.
26.500 á mánuði. Þeir starfs-
menn, sem lokið hafa samnings-
bundnum námskeiðum og starfs-
þjálfun í fiskiðnaði, fataiðnaði,
verslun og veitinga- og gistihús-
um skulu fá námskeiðsálag, kr.
1.300, þannig að Iágmarkslaun
þeirra sem þeim hafa lokið verði í
desember kr. 27.800 á mánuði.
2. Iðnaðannenn að afloknu
a.m.k. 4 ára iðnnámi kr. 35.000 á
mánuði.
3. Upphafslaun byrjenda skulu
vera 92% af lágmarki launa og
greiðast fyrstu 3 mánuði í við-
komandi starfsgrein.
4. Laun 15 ára unglinga skulu
vera % af lágmarki launa ófag-
lærðra starfsmanna og laun 14 ár'a
unglinga 60%, en yngri en 14 ára
50% af sama stofni.
5. Um laun iðnnema fer skv. sér-
stöku samkomulagi, sem er fylgi-
skjal með samningi þessum.
Framangreind launaákvæði
koma í stað áðurgildandi launa-
samninga og miðast við allar tekj-
ur fyrir 40 stunda dagvinnu, þ.e.
samningsbundin laun að viðbætt-
um hvers kyns aukagreiðslum,
yfirborgunum og álögum, sem
fylgja föstum launum. Ef laun
starfsmanns, þannig metin eru
hærri en viðeigandi lágmark,
hækka þau ekki.
Hins vegar teljast samnings-
bundnar greiðslur vegna vinnu-
fata, verkfæra, ferða vegna
vinnu, fæðiskostnaðar og vakta-
vinnuálags ekki með, þegar
metið er hvort laun séu ofan eða
neðan lágmarks.
Laun þeirra, sem hafa þannig
skýrgreint jafnhá eða hærri
heildarlaun fyrir dagvinnu taka
engum breytingum á launum um-
fram það, sem rakið er í 3. gr.
Þar sem laun eru samsett af
föstum launum og breytilegum,
t.d. bónus, premíu, þá skal
breytilegi hluti launanna lækka_
tilsvarandi við hækkun fastra
launa.
Ofangreind ákvæði gefa ekki
tilefni til breytinga á launum sem
eru hærri en tilgreind lágmarks-
laun og hafa ekki áhrif á einstaka
kjaraliði, sem hingað til hafa
tekið mið af kauptöxtum kjara-
samninga. Hækka þeir liðir því
einungis í samræmi við ákvæði 3.
gr-
3. grein
Á samningstímabilinu hækka
öll laun og kjaratengdir liöir, sem
fylgt hafa kauptöxtum kjara-
samninga, þ.m.t. grunntölur af-
kastahvetjandi launakerfa og
kostnaðarliðir, sem hér segir:
Eftir rúmlega tveggja sólarhringa lokalotu settust oddvitar Alþýðusam bandsins og vinnuveitenda niður og undirrituðu nýja kjarasamninga um
hádegisbil á laugardag. Mynd - Sig.
1. Frá 1. desember 1986 um
4,59% skv. úrskurði launa-
nefndar ASÍ og VSÍ/VMS.
2. Frá 1. mars 1987 um 2,0%.
3. Frá 1. júní 1987 um 1,5%.
4. Frá 1. okt. 1987 um 1,5%,
enda hafi viðkomandi samn-
ingi þá ekki verið sagt upp skv.
4. grein.
Lágmarkslaun verða sem hér
segir:
Ófaglærðir Faglærðir
1. mars 1987 27.000 35.700
1. júní 1987 27.500 36.200
1. okt. 1987 28.000 36.800
4. grein
Á samningstímabilinu skulu
samningsaðilar gera nýja
fastlaunasamninga með þeim
hætti og í þeim starfsgreinum sem
að neðan greinir:
Fastlaunasamningar þessir
skulu taka gildi eftir því sem um
semst á tímabilinu frá 1. mars
1987 til 1. september 1987. Hafi
fastlaunasamningur ekki verið
gerður fyrir 1. sept. 1987 í sam-
ræmi við samningsákvæði þarurn,
er aðilum heimilt að segja samn-
ingi upp með tveggja vikna fyrir-
vara, þannig að hann verði laus
15. sept. að því er tekur til starfs-
manna í þeirri starfsgrein, sem
gera skyldi fastlaunasamning um.
Við gerð unuæddra fastlauna-
samninga skal miðað við eftir-
greindar forsendur.
1. Að fastlaunakerfi nýs sarnn-
ings verði í sem bestu samræmi
við launakerfi fyrirtækja í hlutað-
eigandi starfsgrein og að gerð
fastlaunasamninga þessara mið-
ist við skráningu kauptaxta, sem
best samræmist greiddu kaupi í
starfsgreininni, en leiði ekki sjálf-
krafa til hækkunar á greiddu
kaupi.
2. Að leitast verði við að auka
hagræðingu og framleiðni þannig
að vinnan nýtist sem best og skili
sem mestum verðmætum til hags-
bóta fyrir alla samningsaðila.
3. Að launamunur m.t.t.
starfsreynslu, menntunar og
hæfni taki mið af raunverulegum
aðstæðum í hverju tilviki.
4. Að samningsbundin launa-
kerfi miðist sem mest við að laun
séu greidd fyrir raunverulega
unninn tíma án þess að gengið sé
á hefðbundinn hvfldartíma, forð-
ast verði að greiða laun fyrir
skráðan tíma en óunninn.
Á grundvelli ofangreindra for-
sendna og annarra sem um kann
að semjast skulu gerðir eftirtaldir
fastlaunasamningar við þá samn-
ingsaðila sem tilgreindir era
vegna félagsmanna aðildarfélaga
þeirra í tilgreindum starfsgrein-
um:
1. Vcrkamannasamband ís-
lands. Sérþálfaðir bygginga-
verkamenn. Bifreiðastjórar og
stjórnendur þungavinnuvéla.
Matráðskonur og starfsfólk í
mötuneytum.
2. Málm- og skipasmiöasam-
band íslands.
VSÍ, SMS og MSÍ munu á
samningstímabilinu greiða götu
þess, að fyrirtækjasamningar geti
tekist í einstökum fyrirtækjum í
skipasmíðagreininni. MSÍ og
SMS munu í sameiningu stuðla
að bættum kjararannsóknum í
málmiðnaði og í því skyni skipa
einn mann hvort til samstarfs við
Kjararannsóknarnefnd um bætt
skil á launaupplýsingum til
nefndarinnar. Þessir trúnaðar-
menn samtakanna eru bundnir
þagnarheiti gagnvart upplýsing-
um um einstaklinga og fyrirtæki,
sem þeir fara höndum um í starfi
sínu í þágu nefndarinnar. Nefnd-
armennirnir skulu ennfremur
fylgjast með stærð úrtaksins og
vinna að því með Kjararannsókn-
arnefnd, að úrtakið gefi sem
gleggstar upplýsingar um laun og
launadreifingu í mismunandi
störfum og starfsgreinum.
3. Landssamband íslcnskra
verslunarmanna.
Sérstakt samkomulag um.út-
færslu á 4. grein aðalkjarasamn-
inga.
Aðilar eru sammála um að út-
færa fastlaunasamninga sem sér-
samninga og að eftirtalin svið hafi
forgang:
1. Afgreiðslustörf
2. Störf í lyfjavöruverslunum
3. Almenn skrifstofustörf
4. Störf í ferðaþjónustu
Aðilar eru sammála um að
setja á laggirnar nefnd skipaða xx
fulltrúum hvors aðila sem vinni
sameiginlega úr launaupplýsing-
um Kjararannsóknarnefndar.
Nefndin skal hefja störf þegar í
ársbyrjun 1987.
Aðilar skulu síðan með hlið-
sjón af niðurstöðum nefndarinn-
ar semja um lágmarkslaun fyrir
hvern ofangreindra starfshópa,
og þau skulu taka umsömdum
launabreytingum samkvæmt að-
alkjarasamningi á hverju samn-
ingstímabili. Lágmarkslaunin
merkja ekki í þessu sambandi
lægstu laun í hverjum hópi heldur
. þau sem um er samið.
Lágmarkslaun ofangreindra
hópa skal síðan endurskoða við
lok hvers samningstímabils eða
oftar ef um semst og skal sú end-
urskoðun taka mið af raunveru-
legri launþróun.
4. Landssamband iðnverka-
fólks.
1. Matvæla- og hreinlætisvöru-
iðnaður
2. Umbúðaiðnaður
3. Kemískur iðnaður
4. Vefjariðnaður
5. grein
Auk þeirra breytinga á samn-
ingsákvæðum, sem fram koma í
öðrum ákvæðum samnings þessa
breytast kjarasamningar eftir-
greindra aðila sem hér segir:
1. Verkamannasamband ís-
lands.
1.1 Kaupaukagreiðslur.
í samræmi við markmið 5.
greinar síðast gildandi samninga
eykst fastur hluti launa starfs-
manna í fiskiðnaði og bónus-,
premíu- og aðrar álagsgreiðslur
lækka að sama skapi.
Þetta verði framkvæmt á eftir-
• farandi hátt:
1.2. Bónuskeril.
Heimilt er að reikna bónus
vikulega í fiskvinnsluhúsi eða
einstökum deildum þess, enda
liggi fyrir samþykki meirihluta
starfsfólks, verkalýðsfélags og
fyrirtækis. Þegar unnið er eftir
launakerfum þar sem bónus-
greiðslur hefjast nú við 66,7% af-
köst hefjast bónusgreiðslur eftir
gildistöku þessa samnings við
100%, greiddur er 10% bónus við
100% afköst og launalína er síðan
með hallanum 1.1/1.0, . verði
breytt þannig að 10% upphafs-
bónus fellur niður, halli helst
óbreyttur og bónusgreiðsla hefj-
ist við 113,64% afköst.
1.3 Premíukerfi.
Allar afkastatengdar premíu-
launatölur margfaldast með
stuðlinum 0.6.
Launatölur hreinna ákvæðis-
vinnukerfa (akkorða). s.s. við
sfldarsöltun, togaralöndun
o.s.frv. breytast ekki vegna
þeirra sérstöku láglaunahækkana
sem felast í samningi þessuin.
1.5 Aðrar aukagreiðslur.
Heildarupphæð dagvinnu-
launa, sem samsett er af föstum
launum og álagsgreiðslum þ.m.t.
föstum premíu- og bónus-
greiðslum) breytist ekki vegna
þeirrar sérstöku hækkunar lægstu
launa, sem í samningi þessum fel-
ast, nema hún sé lægri en almenn
lágmarkslaun þessa samnings.
Dæmi um greiðslur af þessu tagi
er þegar greidd er ákveðin krónu-
tala eða prósenta til viðbótar
taxtakaupi.
Þegar núverandi dagvinnutaxti
að viðbættri álagsgreiðslu sam-
kvæmt framansögðu er hærri en
almenn lágmarkslaun, sem þessi
samningur ákveður, skulu þau
haldast óbreytt. Ef dagvinnutaxt-
inn að viðbættri álagsgreiðslu er
aftur á móti lægri en almenn lág-
markslaun, gilda þau.
Álagsgreiðslur á yfirvinnu
breytast á sama hátt.
1.6 Reiknitala tímamældrar á-
kvæðisvinnu í ræstingu er kr.
214,00 frá 1. desember og
breytast aðrar reiknitölur ræst-
ingar tilsvarandi.
6. Landssamband vörubif-
reiðastjóra.
6.1 Kjarasamningur Landssam-
bands vörubifreiðastjóra og
Vinnuveitendasambands íslands
taki eftirgreindum breytingum:
Við 5. grein bætist:
Þá er verktakafyrirtækjum
innan Verktakasambands íslands
og Félags vinnuvélaeigenda
frjálst að nota eigin bifreiðar og
flutningstæki, til alls nauðsynlegs
flutnings í tengslum við verk-
framkvæmdir, sem þau hafa
tekið að sér, með samningum við
verkkaupa eða aðalverktaka.
í samningum við aðalverktaka
má akstursþáttur verksins þó
ekki nema meiru en 75%.
Við 6. grein bætist:
Landssambandið skuldbindur
aðildarfélög og félagsmenn sína
til þess að stunda ekki atvinnu-
rekstur, hvorki verktakastarf-
semi skv. reikningi, né að taka
þátt í útboðum um verkfram-
kvæmdir.
6. grein
Foreldri skal, eftir fyrsta starfs-
mánuð, heimilt að verja samtals 7
vinnudögum á hverju 12 mánaða
tíinabili, til aðhlynningar sjúkum
börnum sínum undir 13 ára aldri,
enda verði annarri umönnun ekki
komið við og halda þá dagvinnu-
launum sínum, svo og vaktaálagi
þar sem það á við.
7. grein
Ákvæði kjarasamninga um
áunnin réttindi orðist hér segir:
Áunnin réttindi launþega
skulu haldast við endurráðningu
innan eins árs. Á sama hátt skulu
áunnin réttindi taka gildi á ný
eftir eins mánaðar starf ef endur-
ráðning verður eftir meira en eitt
ár, en innan þriggja ára.
8. grein
Samningsaðilar eru sammála
um að nefnd sú er skipuð var skv.
6. gr. samnings frá 26. febrúar
1986 skuli starfa áfram og vinna
að tillögum í samræmi við megin-
markmið þeirrar greinar um:
1. Aukna tryggingavernd
launþega, í langvinnum forföll-
um frá vinnu vegna slysa í og utan
vinnutíma eða vegna veikinda.
f þessu tilliti skal höfð hliðsjón
af greiðsluréttindum opinberra
starfsmanna og kannað hvort og
með hvaða hætti launþegar geti
flutt veikindaréttindi milli vinnu-
veitenda.
2. Slysatryggingar og skal at-
huga sérstaklega fjárhæðir trygg-
inga með tilliti til tjóns slasaðra
og heildartryggingaverndar.
3. Skyldutryggingu atvinnu-
rekenda, svo að tryggt verði að
launþegi fái jafnan notið um-
samins launaréttar -í slysa- og
sjúkdómsforföllum.
9. grein
Samningur þessi er gerður á
grundvelli neðangreindra' for-
sendna:
1. Yfirlýsingar ríkisstjórnar-
innar um skattamál, efnahags-
legar forsendur samningsins og
■ aðild í verðlagsmálum.
2. Fyrirliggjandi áætlana um
horfur í efnahagsmálum.
. 3. Að framfærsluvísitalan verði
innaneftirtalinnamarkam.v. 100
1. febrúar 1984:
1. febrúar 1987: , 187.7
1. maí 1987: 193.0
1. septeinber 1987: 196.5
Á samningstímabilinu skal sér-
stök launanefnd, skipuð tveimur
fulltrúum frá VSÍ/VMS fylgjast
með breytingum verðlags. og
kaupmáttar svo og þróun efna-
hagsmála.
Launanefndin skal sérstaklega
fylgjast með þróun framfærslu-
vísitölu og meta ástæður til launa-
hækkana, fari verðlagshækkanir
fram úr viðmiðunarmörkum skv.
forsendum samningsins.
í störfum sínum skal nefndin
líta til þróunar kaupmáttar á því
tímabili sem liðið er af samningi
þessum og jafnframt meta áhrif
breytinga á efnahagslegum for-
sendum s.s. viðskiptakjörum og
þj óðarframleiðslu.
Telji launanefnd tilefni til sér-
stakrar launahækkunar, skal
ákvörðun hennar liggja fyrir 25.
dag útreikningsmánaðar og
koma til framkvæmda frá og með
1. næsta mánaðar.
Einstaklingsbundnar launa-
hækkanir svo og launahækkanir
sem ákveðnar kunna að verða í
fastlaunasamningum umfram
það sem kyeður á í þessum samn-
ingi, skal mótreikna þeim sér-
stöku hækkunum sem laurianend
úrskurðar, sé ekki öðruvísi sam-
ið.
Launanefnd skal leita sám-
komulags um ákvarðanir sínar,
en verði ágreiningur um úrskurð
skulu fulltrúar annars aðila deila
með sér oddaatkvæði til skiptis. í
fyrsta sinn er til ágreinings kemur
um ákvörðun deila fulltrúar ASÍ
oddaatkvæði sem gengur til full-
trúa VSÍ/VMS verði ágreiningur
um síðari ákvörðun.
10. grein .
Samningur þessi öðlast gildi
við staðfestingu einstakra að-
ildarfélaga Alþýðusambands fs-
lands og Vinnuveitendasam-
bands íslands og Vinnumálasam-
bands samvinnufélaganna og
gildir þá frá og með 1. desember
1986, enda hafi Vmnuveitendas-
ambandi íslands eða Vinnumála-
sambandi samvinnufélaganna
borist tilkynning um samþykki
viðkomandi verkalýðsfélags fyrir
kl. 12.00 á hádegi föstudaginn 19.
desember 1986. Berist tilkynning
um samþykki ekki innan ofan-
greinds frests öðlast samningur-
inn fyrst gildi frá og með þeim
tíma, er tilkynninr berst.
mtmrrmzsi.
ÞJÖÐVILJiNN Þriójuaagur 9. desember 1986
a, ssssrfsss?*!? "'t- ’ZMmFsmmmgzræ®: xv-r :

mrm.

Þriðjudagur 9. desember 1986 ÞJÓyVILJINN
SfÐA 13