Þjóðviljinn - 14.12.1986, Blaðsíða 17
Nafn vikunnar
Hef engan metnað ti
ráðherraembœttis
Sigurvegarinn íkrataslagnum á Vestfjörðum, Karvel Pálmason í
Nafnivikunnar
Karvel Pálmason og Sighvatur
Björgvinsson tókust hressilega á
í baráttunni um fyrsta sætið á
framboðslista Alþýðuflokksins á
Vestfjörðum, en lyktir urðu þær
að Karvel stóð uppi sem sigur-
vegari og ekki ástæða til annars
en að óska honum til hamingju
með það.
Karvel hefur verið lengi í póli-
tík og er þar af leiðandi öllum
kunnur, en lítum á nokkrar stað-
reyndir um manninn: Hann
fæddist í Bolungarvík 13. júlí
1936, sonur hjónanna Pálma
Karvelssonar sjómanns og Jón-
ínu Jóelsdóttur húsmóður. Hann
ólst upp í Bolungarvík og tók þar
unglingapróf og er skólaganga
hans þar með upptalin. Nú er
hann kvæntur Mörtu
Sveinbjörnsdóttur og saman eiga
þau fjögur uppkomin börn.
Þið Sighvatur tókuð á öllu ykk-
ar í prófkjörsslagnum. Áttirðu
von á að hann yrði svona harður?
„Ég átti von á því. En ég bjóst
hins vegar ekki við því að eftir-
leikurinn yrði eins og raun ber
vitni.“
Það hefur komið fram að for-
mannshjónin, Jón Baldvin og
Bryndís Schram, studdu þig í
prófkjörinu. Leitaðir þú eftir
stuðningi formannsins?
„Það var ekki að mínu undir-
lagi að einn eða annar vann fyrir
mig. Ég fagna hins vegar öllum
stuðningi, hvaðan sem hann
kemur. Hafi hann komið frá
þeim er það ánægjulegt. Annars
hef ég enga vissu fyrir því að þau
hafi stutt mig.“
Finnst þér eðlilegt að formenn
flokka beiti sér á þennan hátt í
prófkjörum?
„Ég get ekki séð neina ástæðu
til þess að útiloka formenn frá því
að hafa skoðanir á þessum
hlutum fremur en öðrum, vilji
þeir það.“
Hvers vegna heldurðu að Jón
hafi stuttu þig en ekki Sighvat?
„Ég veit ekkert um hvort hann
hefur stutt mig. Það er ýmsu
haldið fram sem stenst kannski
ekki í öllum tilvikum.“
Kjósendur í prófkjörinu voru
um 1300, en í síðustu alþingis-
kosningum fékk Alþýðuflokkur-
inn rétt um 900 atkvœði. Held-
urðu að þessi atkvœði skili sér í
kosningum?
„Það verður reynslan að sýna.
En verði allt með felldu ætti
flokkurinn á Vestfjörðum að geta
fengið sinn skerf í þeirri aukningu
sem Alþýðuflokkurinn er að fá
annars staðar.“
Þú sagðir í viðtali í vikunni að
sá sem lenti undir í prófkjörinu
cetti að víkja. Á Sighvatur að
víkja?
„Ég hef ekkert sagt um það. Ég
sagði fyrir prófkjör að þarna væri
um mína pólitísku framtíð að
ræða, hvort ég héldi fyrsta sætinu
eða ekki. Ég er þeirrar skoðunar
að hefði ég lent undir hefði ég
vikið. Það hefði verið öllum fyrir
bestu.“
En nú hefur verið haft eftir þér:
„Ég hefverið þeirrar skoðunar að
hér þyrfti að eiga sér stað eðlilegt
uppgjör milli manna og hef verið
þeirrar skoðunar að hvor aðilinn
sem undir lenti œtti að víkja.“
Þannig að þú hefur verið þeirrar
skoðunar að Sighvatur ætti að
víkja.
„Ég hef verið þeirrar skoðun-
ar, það er rétt. Það verður svo að
koma í ljós hvort svo verður. Ég
hef engar óskir haft uppi um að
Sighvatur taki annað sætið."
En segjum nú sem svo að Sig-
hvatur taki annað sœtið. Munið
þið þá geta unnið saman í bróð-
erni í kosningabaráttu?
„Ég vil ekkert ræða um bróð-
erni í þessu sambandi.“
Fyrst þú telur að Sighvatur eigi
að sleppa öðru sœtinu, hefurðu þá
einhvern annan í huga?
„Nei, ég hef engin sérstök
óskanöfn í huga, enda er það
kjördæmisráðs að ganga frá list-
anum.“
Þú óttast ekki að þið Sighvatur
eigið enn eftir að berjast, að Sig-
hvatur fari í sérframboð?
„Ég óttast ekkert í þeim efn-
um. Það verður bara að koma í
ljós hvort hann gerir það. Það er
ekki á mínu færi að koma í veg
fyrirþað.“ Áttu ef til vill von á
því.?
„Ég vil ekkert um það segja.“
En heldurðu þá að stuðnings-
menn Sighvats muni kjósa þig í
vor?
„Ég vil nú trúa því í lengstu lög
að alþýðuflokksmenn kjósi Al-
Karvel segist þeirrar skoðunar að Sighvatur ætti að draga sig í hlé eftir
ósigurinn.
þýðuflokkinn. Eftir að svona
uppgjör hefur átt sér stað og ótví-
ræð niðurstaða liggur fyrir úr því,
vil ég ætla fólki að það fylgi hug-
sjón sinni.“
Hefurðu hugsað út í stjórnar-
myndun eftir kosningar. Ertu
sammála formanninum um að
besti kosturinn vœri viðreisnar-
stjórn?
„Ég hef ekkert hugsað út í
það.“
Þú hefur enga skoðun á því
hvort þú vilt starfa með til að
mynda Þorsteini Pálssyni í ríkis-
stjórn?
„Ég vil ekki segja hvort ég get
hugsað mér að starfa með hinum
eða þessum einstaklingnum í rík-
isstjórn. Málefnin verða auðvitað
að ráða því.“
Hefur þú einhvern metnað til
þess að verða ráðherra?
„Nek ég hef engan metnað til
þess. Ég hef raunar einu sinni
neitað því.“
Þannig að þú myndir hafna
boði formannsins um það ef til
þess kœmi?
„Ég held að formaðurinn sé
ekkert í þeim hugleiðingum. Ég
hef að minnsta kosti ekki orðið
var við það,“ sagði Karvel.
-gg
_______________LEIÐARI__________
Hjálparstofnun kirkjunnar
Hjálparstofnun kirkjunnar á í erfiðleikum
núna vegna þess að ákveðið var að fresta söfn-
un, sem stóð til að halda í haust og dregið
verulega úr kynningu á árlegri jólasöfnun.
Hjálparstofnunin hefur skuldbundið sig til ým-
issa hjálparstarfa erlendis og er treyst á að
hjálpin berist en vegna þeirrar umræðu sem
varð um rekstur stofnunarinnar og eftirmál hafa
framlög frá almenningi verið dræm.
Það var vitað að starfsemi stofnunar einsog
Hjálparstofnunar kirkjunnar byggir á trausti al-
mennings fyrst og fremst. Þegar það svo gerist
að ýmsir misbrestir á rekstri stofnunarinnar
koma í Ijós, þá bregst almenningur við einsog
nú.
Það var mikill ábyrgðarhlutur að fara af stað
með þessa gagnrýni á sínum tíma. Þegar svo
kom í Ijós að hún reyndist á rökum reist sáu
flestir að gagnrýnin var réttmæt. Stofnun einsog
Hjálparstofnun kirkjunnar verður að reka þann-
ig að hvergi séu neinir hnökrar á að framlögin
komist sem skjótvirkast og skilvísast til hjálpar
þar sem þörfin er mest.
Fyrstu viðbrögð Hjálparstofnunarinnar voru
hinsvegar ekki til að auka trúnaðartraustið milli
stofnunarinnar og almennings. Þetta fundu
starfsmenn og stjórn stofnunarinnar og brugð-
ust þá rétt við. Strax var ákveðið að draga sem
mest úr rekstrarkostnaði stofnunarinnar og
starfsmenn og stjórn ákváðu að segja af sér.
Eru þeir menn að meiri fyrir vikið.
En traustið er þorrið og tekur eflaust langan
tíma að endurvinna það.
Þrátt fyrir misbrestina í rekstrinum skulum við
þó ekki gleyma því að hjá Hjálparstofnuninni
vinnurfólk, sem kom mörgu góðu til leiðar. Starf
þess við hjálparstörf á þurrkasvæðunum í Eþí-
ópíu verður seint metið til fjár. Sama má segja
um starfið víðsvegar annarsstaðar í veröldinni,
enda virðast hörmungar mannkynsins ekki taka
neinn enda.
[ Pakistan hefur Hjálparstofnunin unnið að
verkefni í samvinnu við hjálparstofnanir frá hin-
um Norðurlöndunum. Þar er fjöldi flóttamanna
frá Afganistan, sem treysta á hjálp frá okkur.
Sama má segja um munaðarlaus börn í Eþíóp-
íu, sem Hjálparstofnunin hefur tekið að sér að
alaönnfyrir. Einniq hefurstofnuninskuldbundið
sig til ýmissa annarra smærri verkefna.
I jólamánuðinum er vert að hugsa til þeirra
sem þjást og líða, oft á tíðum fyrir tilstuðlan
annarra manna en einnig vegna óblíðrar nátt-
úru. Þó pyngjan sé stundum létt hjá okkur og
það kannski einkum í jólamánuðinum, þá erum
við flest aflögufær.
Það er rangt að láta þá sem þurfi eru líða fyrir
mistök sem nú verið að kippa í liðinn. Nefnd á
vegum Hjálparstofnunar kirkjunnar og Kirkju-
þings er nú að vinna að endurskipulagningu
stofnunarinnar og verða niðurstöður væntan-
lega teknar fyrir á aðalfundi fljótlega upp úr
áramótum. Á meðan er öllum kostnaði við yfir-
byggingu stofnunarinnar haldið eins mikið niðri
og mögulegt er þannig að gefendur geta treyst
því að framlög komast til skila.
Þrátt fyrir þá orrarhríð sem Hjálparstofnunin
hefur staðið í þá erum við skuldbundin til að
hjálpa þeim sem heyja daglega baráttu við
hungur og fátækt. -Sáf
Sunnudagur 14. desember 1986 ÞJÓÐVILJINN - SÍÐA 17