Þjóðviljinn - 28.11.1987, Blaðsíða 2

nSPURNINGIN-1
Hvar er veturinn?
Linda Bára Lýðsdóttir
nemi í M.H.:
Hann er úti og í fólkinu. Það er
mun þyngra og ekki eins létt og á
öðrum árstímum.
Sólveig Kristjánsdóttir
nemi í V.Í.:
Hann er trúlega einhversstaðar á
leiðinni. Ég hef allavega ekki
fundið fyrir honum ennþá.
Egill Lárusson
nemi í V.Í.:
Ég veit svei mér ekki hvar hann
er. Hann er þó örugglega á
leiðinni og ekki seinna vænna
fyrir hann að koma áður en það
verður um seinan.
Jón J. Ólafsson
fulltrúi:
Hann er í Evrópu. Þó er nú von á
honum á hverri stundu. Það er
miklu léttara yfir mannfólkinu
þegar hann er ekki á staðnum.
Kristján Bjarnason
kjötiðnaðarmaður:
Hann er að sjálfsögðu á íslandi.
Það kemur fram í veðurfarinu þó
svo að það vanti snjóinn. Maður
finnur það á sjálfum sér hvað það
gengur erfiðlega að koma sér á
fætur á hverjum morgni.
FRÉTTIR
Fiskmarkaðurinn í Hafnarfirði
Nýtt afla- og sölumet
Helgi Þórisson skrifstofustjóri: Seldum 260 tonn afblönduðum aflafyrir tœpar 8,3
milljónir króna. Alls hefur markaðurinn selt nær 600 tonn þessa viku. Samtenging
við Suðurnesjamarkaðinn ekkifyrirhuguð.
egar við fórum af stað í sumar
héldum við að þessi árstími
yrði mun verri en aðrir, en það
hefur heldur betur annað komið á
daginn. í gær seldum við 260 tonn
af blönduðum afla fyrir tæpar 8,3
milljónir króna, sem er met hjá
okkur bæði hvað varðar magn og
verðmæti, segir Helgi Þórisson
skrifstofustjóri hjá Fiskmarkað-
inum t Hafnarfírði í samtali við
Þjóðviljann í gær.
Aflinn kom aðallega úr þremur
skipum. Karlsefni RE seldi 191
tonn, Krossvík AK 45 tonn og
Þorsteinn GK 9 tonn og restin
slatti úr litlum bátum. Sem dæmi
um meðalverð einstakra tegunda
í sölunni í gær, þá fór lítill ufsi á 24
krónur hvert kíló, stór ufsi á 30
krónur kílóið, þorskurinn fór á
43,57 krónur hvert kíló og
steinbíturinn á 34 krónur kílóið.
Helgi sagði að seld hefðu verið
milli 500-600 tonn af fiski í vik-
unni á markaðnum. Þangað kem-
ur fiskur allt austur frá Stöðvar-
firði og norður með til Siglufjarð-
ar. En lítið sem ekkert kemur frá
Vestfjörðum.
grh
Skyndiþrennurnar seljast grimmt og virðist ekkert lát á happadrættisgleði
(slendinga. Ungi maðurinn á myndinni hafði vaðið fyrir neðan sig og keypti
nokkra miða til að vera öruggari en ella með að fá vinning. Mynd: E.ÓI.
Skyndiþrennur
Seljast grimmt
ína Gissurardóttir hjá Happdrœtti Háskólans: Happ-
aþrennan gengur mjög vel. Markaðurinn tekur alltaf
við. Birgir Ómarsson hjá Landssambandi hjálpar-
veita skáta: 500þúsund upplag af Lukkutríóinu seld-
ist upp á skömmum tíma. Sturla Þórðarson hjá Ung-
mennafélagi Hveragerðis og Ölfuss: Ferðaþristurinn
mun renna út
Ekkert lát virðist vera á happ-
drættisgleði íslendinga nú
sem endranær. Fyrir utan stóru
happdrættin og Lottóið, sem nú
fagnar eins árs afmæli, og Happ-
aþrennu Háskólans sem sett var
Lottóinu til höfuðs, eru tvö
skyndihappdrætti komin á mark-
aðinn. Það eru Lukkutríó Lands-
sambands hjálparsveita skáta og
Ferðaþristur Ungmennafélags
Hveragerðis og Ölfuss. Þar fyrir
utan eru að sjálfsögðu happ-
drætti líknar- og félagasamtaka.
Að sögn ínu Gissurardóttur
hjá Happdrætti Háskólans
gengur sala á Happaþrennunni
mjög vel, en upplag Happa-
þrennunnar er 250 þúsund miðar
í hvert sinn. Sagði ína að markað-
urinr. tæki alltaf við þrátt fyrir
viðbót. í næstu viku kemur á
markaðin hjá þeim Jólaþrenna
sem er Happaþrenna í jólabún-
ingi.
Birgir Ómarsson hjá Lands-
sambandi hjálparsveitanna sagði
í samtali við Þjóðviljann að þeir
hefðu sótt um leyfi til dómsmála-
ráðuneytisins um að veita pen-
ingaverðlaun í Lukkutríóinu en
ekki fengið þar sem Happdrætti
Háskólans er eitt happdrættanna
sem leyfi hefur til peningaverð-
launa í sinni þrennu. Þeir höfðu
því tekið á það ráð að hafa vinn-
ingana færri en því stærri í formi
bfla og tækja. Fengu þeir leyfi
fyrir 500 þúsund miðum af Lukk-
utríóinu og seldust þeir allir upp á
skömmum tíma.
Sturla Þórðarson framkvæmd-
atjóri Ferðaþristsins er líka bjart-
sýnn á söluna og hefur látið hafa
það eftir sér að 250 þúsund miða
upplag sem þeir fengu leyfi fyrir,
seljist upp á einni viku. grh
Fjárveitinganefnd
Stórfelldur fjárlagahalli
Sighvatur Björgvinsson: Þessi mál eru trúnaðarmál á meðanþau eru
til umfjöllunar í nefndinni. Fjárlögin sprungin. Væntanlegur halli á
þriðja milljarð. Forsendur afar ótraustar
essi mál eru trúnaðarmál á
meðan fjárveitinganefnd fjal-
lar um þau, sagði Sighvatur
Björgvinsson, formaður fjárveit-
inganefndar við Þjóðviljann í
gær. Taldi hann alltof snemmt að
fjalla um þessi mál á opinberum
vettvangi áður en nefndin hefur
fjallað um þau. „Þetta var ekki
tímabært.“
Alexander Stefánsson, vara-
formaður fjárveitinganefndar
birtist á Stöð 2 í fyrradag og sagði
þar hversu mikið af umsóknum
hefði borist nefndinni og að mið-
að við reynslu undanfarinna ára
muni bætast við fjárlögin um
tveggja milljarða útgjaldaauki.
Ljóst er að höfuðmarkmið
fjárlagafrumvarps Jóns Baldvins
Hannibalssonar, að fjárlögin
verði afgreidd með hallalausum
rekstri ríkissjóðs kemur ekki til
með að nást.
Þegar hefur fjárveitinganefnd
borist um þúsund umsóknir um
aukafjárveitingar upp á 5
milljarða króna og er reiknað
með að nefndin komist ekki hjá
því að afgreiða þær öðru vísi en
að mæla að minnsta kosti með
aukafjárveitingum upp á tvo
milljarða króna.
Þar við bætast 300 milljónir
sem landbúnaðarnefnd ríkis-
stjórnarflokkanna telur að þurfi
að bætast við landbúnaðarþátt
frumvarpsins. Egill Jónsson, full-
trúi Sjálfstæðisflokksins telur þó
að mun meira þurfi að koma í
þann hluta frumvarpsins.
Sighvatur viðurkenndi að
reikna mætti með því að fjárlögin
myndu hækka eitthvað, en hvort
það yrði um tvo milljarða, minna
eða meira, vildi hann ekkert
segja um.
Fjárlögin munu koma frá fjár-
veitinganefnd 7.-10. desember
og það er engin hætta á öðru en
að þau verði orðin að lögum áður
en þingmenn fara í jólafrf, að
sögn Sighvats.
-Sáf
2 S(ÐA - ÞJÓÐVILJINN Laugardagur 28. nóvember 1987