Þjóðviljinn - 28.11.1987, Blaðsíða 4
LEIÐARI
Og hringekjan snýst og snýst
íslendingar hafa eignast nýja alþjóölega flug-
stöð á Keflavíkurflugvelli. Enn þá veit enginn
hvað kostaði að byggja Flugstöð Leifs Eiríks-
sonar en talið er víst að þar sé um að ræða
upphæð sem nemur miljörðum króna.
Um þessar mundir er að hefjast bygging ráð-
húss í Reykjavík. Hér um glæsilega nútíma
byggingu að ræða og mun hún samkvæmt
áætlun ekki kosta undir 50 miljónum króna. Ver-
ið er að hanna einstaklega glæsilega byggingu
sem á að rísa ofan á heitavatnstönkunum í
Öskjuhlíð. Þar á að vera veitingahús og munu
menn geta setið þar að snæðingi og snúist í
hringi um leið. Það er Hitaveita Reykjavíkur sem
ætlar að annast það að koma upp byggingunni
jafnframt því að sjá um að selja íbúum á höfuð-
borgarsvæðinu heitt vatn. Talið er að bygging-
arkostnaður verði ekki undir 500 miljónum
króna.
Gífurleg fjárfesting hefur verið í vörudreifingu
undanfarin ár og rís þar hæst bygging Kringl-
unnar í Reykjavík sem kostaði mörg hundruð
miljónir króna. Nú hefur komið í Ijós og vakið
nokkra athygli að yfirbyggður skemmtigarður í
Hveragerði, svokallað Tívolí, með allra handa
skotbökkum, rennibrautum og rússíbönum er
talinn hafa kostað vel yfir miljarð króna.
öll þau nýju mannvirki, sem reist hafa verið á
undanförnum árum eða til stendur að reisa á
næstu árum, til að okkur líði sæmilega þegar við
þurfum að skreppa til annarra landa eða fara á
skrifstofu borgarstjóra eða ætlum einfaldlega
að gera okkur dagamun yfir mat og drykk og
hringsnúast ósköp sakleysislega á meðan, öll
þessi mannvirki sýna að íslendingar eru síður
en svo á nástrái. Þær sýna þvert á móti að hér á
landi er til nóg af peningum.
Varla er peningahallæri í því landi þar sem
eytt er hundruð miljónum króna í auglýsingar til
að segja fólki það eitt hvar heppilegast sé fyrir
það að geyma peningana sína. Þótt auglýsinga-
heimurinn virki stundum andlaus og barnalegur
þá er Ijóst að innan hans ríkir grjóthart lögmál
sem segir að ekki skuli róið oft á sömu mið
nema að þar sé eitthvað að hafa. Og þeir fiska
vel sem bjóðasttil að ávaxta peninga. I bönkum
aukast innlán langt umfram verðbólgu og virðist
engu skipta að utan við bankakerfið eru upp
komnir fjölmargir nýir verðbréfamarkaðir og sá
okurlánamarkaður, sem áður taldist ólöglegur
og hafði aðsetur í subbulegum bakherbergjum,
hefur nú verið löggiltur og kallast hið gráa
svæði. Peningaeign landsmanna vex stöðugt
og þá fjölgar jafnframt þeim aðilum sem hafa sitt
lifibrauð af því að leigja fé með vöxtum.
Sem sagt; yfrið nóg af peningum og líka nóg
af hringekjum þar sem menn geta snarsnúist í
tryllingslegu algleymi. Og þá ætti líka allt að
vera í lukkunnar velstandi.
En þróun íslensks samfélags hefur því miður
ekki í öllum greinum verið í fullkomnu samræmi
við ævintýranlegan vöxt peningamarkaðar og
skemmtanaiðnaðar. Sums staðar ríkir stöðnun
og jafnvel slíkt afturhald að svo virðist sem
skollið hafi yfir harðinda- og fiskleysistíð.
Fjárlagafrumvarp rfkisstjórnarinnar ber ekki
með sér að góðæri ríki í landinu. Þar fer ekki
mikið fyrir linkind eða viðkvæmni, ekki frekar en
hjá forfeðrum okkar sem á hörðu vori neyddust
til að skera niður stóran hluta fjárhóps síns í
þeirri von að eitthvað mætti með Guðs hjálp
halda lífi til vors. Það vekur að vísu stundum ugg
hvað niðurskurðarhnífur ráðherra er hvass og
hvað honum er beint að viðkvæmum blettum.
En hvað þýðir að kvarta? Þjóðarbókhlaða verð-
ur að bíða betri tíðar, það þarf að nota sérstakan
skatt, sem menn hafa reyndar greitt með glöðu
geði, til að bjarga okkur meðan þyngsta hallær-
ið dynur yfir.
Og líkt og í harðindum forðum tíð þá fjölgar
þeim sem ekki tekst að bjargast hjálparlaust.
Því miður á það fólk ekki í vandræðum með að
finna góðan geymslustað fyrir peningana sína.
Stöðugt fjölgar þeim sem sjá sig tilknúna að
segja sig til sveitar. í dag er að vísu ekki bankað
upp á hjá hreppsstjóranum heldur knúð dyra hjá
félagsmálastofnun. Vandi þeirra fæstra er ekki
drykkjuskapur eða döngunarleysi heldur lágar
tekjur. Þetta er fólkið sem látið er búa við hallæri
meðan stór hluti þjóðarinnar kýlir vömbina í til-
gangslausum snúningi hringekjunnar.
Mynd: Sigurður Mar
LJOSOPIÐ
þlÓÐVILIINN
Málgagn sósíalisma, þjóðfrelsis
og verkalýðshreyfingar
Útgefandi: Útgáfufélag Þjóðviljans.
Framkvæmdastjóri: Hallur Páll Jónsson.
Ritstjórar: Árni Bergmann, össur Skarphéöinsson.
Fréttastjóri: Lúðvík Geirsson.
Biaðamenn: Elísabet K. Jökulsdóttir, Guðmundur Rúnar
Hreiðarsson, Hrafn Jökulsson, HjörleifurSveinbjörnsson, Kristín
Ólafsdóttir, Kristófer Svavarsson, Lögi Bergmann Eiðsson (íþróttir),
Magnús H. Gíslason, MörðurÁrnason, ÓlafurGíslason, Ragnar
Karlsson, SigurðurÁ. Friðþjófsson, Vilborg Davíðsdóttir.
Handrita- og prófarkalestur: Elías Mar, Hildur Finnsdóttir.
Ljósmy ndarar: Einar Ólason, Sigurður Mar Halldórsson.
Útllt8teiknarar: Sævar Guðbjörnsson, Garðar Sigvaldason, Margrét
Magnúsdóttir.
Skrlfstofustjóri: Jóhannes Harðarson.
Skrifstofa: Guðrún Guðvarðardóttir, Kristín Pétursdóttir.
Auglýsingastjórl: Siaríður Hanna Sigurbjörnsdóttir.
Auglýaingar: Unnur Ágústsdóttir, Olga Clausen, Guðmunda Krist-
insdóttir.
Símavarsla: Hanna Ólafsdóttir, Sigríður Kristjánsdóttir.
Bflatjóri: Jóna Sigurdórsdóttir.
Útbreiðslu-og afgreiðslustjóri: HörðurOddfríðarson.
Útbreiðsla: G. MargrótÓskarsdóttir.
Afgreiðsla: Halla Pálsdóttir, Hrefna Magnúsdóttir.
Innheimtumenn: Brynjólfur Vilhjálmsson, ÓlafurBjörnsson.
Útkeyrsla, afgreiðsla, ritstjórn:
Sfðumúla 6, Reykjavfk, sími 681333.
Auglýsingar: Sfðumúla 6, sfmar 681331 og 681310.
Umbrot og setning: Prentsmlðja Þjóðviljans hf.
Prentun: Blaðaprent hf.
Verð f lausasölu: 55 kr.
Helgarblöð:65 kr.
Áskrlftarverð á mónuðl: 600 kr.
4 SÍÐA — ÞJÓÐVILJINN Laugardagur 28. nóvember 1987