Þjóðviljinn - 13.12.1987, Blaðsíða 2

SPURNING
VIKUNNAR
Ertu ennþá í ríkisstjórn-
inni?
(Spurt f vikunni)
Jóhanna Sigurðardóttir
mánudegi:
Ég? Ég er félagsmálaráðherra,
aðalmaðurinn í stjórninni!
Jóhanna Sigurðardóttir
miðvikudegi:
Ég svara ekki spurningunni.
Viltu hringja í mig vinur og lesa
þetta fyrir mig þegar þú ert búinn
að skrifa það?
Jóhanna Sigurðardóttir
fimmtudegi:
Hvaða ríkisstjórn?
[
í
Jóhanna Sigurðardóttir
laugardegi:
Ég held það. Eru það ekki fund-
irnir með öllum köllunum sem ég
fer stundum á?
Folda
laugardegi:
Mér er alveg sama, ég bara bíð...
eftir lánsloforðinu.
Dándimaður vikunnan
bm———————8——i ■■■■'■■ ■' iii m■ 1111 m
SKAÐI SKRIFAR
Ronnie
forseti
hressist
Ronald Reagan var í frekar góðu skapi þegar ég hitti hann í
gær. Þegar ég spurði hann að því hvort hann væri ekkert
dasaður eftir að hafa jagast í Gorbatsjov í marga daga, þá hristi
hann hausinn mjög ákveðinn.
Allt í lagi með Gorba. Verst hvað strákurinn er andskoti
duglegur. Með fullt af skjölum og allt. Maður svitnar bara, ég
segi það satt. En þetta er eins og þú veist Skaði, sjóið verður að
halda áfram.
Þeir eru að segja í blöðunum að þú þurfir að sýna þig rneð
Gorba til að hressa upp á álitið hjá almenningi eftir íran-
hneykslið og svoleiðis.
(ranhvað? spurði Reagan forviða.
Æ þú veist, Khomeini, Oliver North og það dót allt.
Ég hefi aldrei heyrt neitt um það, sagði Reagan og lét sér
hvergi bregða.
Ekki það? spurði ég.
Nei. Maður á ekki að vera að skjóta sig í fótinn að óþörfu.
En svo er líka allt í klessu heima hjá þér, fjárlagahalli, verð-
bréfahrun, allsherjar ráðleysi, menn segja að þú stjórnir bar-
asta ekki neinu...
Ég veit, sagði Ronald argur í bragði. Það eru þessir gaurar í
blöðunum og sjónvarpinu. Fyrst elta þeir mann slefandi. Svo
sækja þeir að manni úr öllum áttum eins og trítilóðir indjánar og
hvía og spangóla. En ég skal segja þér eitt Skaði, ég læt það
ekki á mig fá. Ég stend einn uppi eins og ég gerði við Little Big
Horn og horfi einbeittur framan í þetta pakk. Og þegar ég er
búinn með síðustu patrónuna þá dey ég brosandi í rosabullun-
um.
Nei, Ronnie, sagði ég. Þetta varst ekki þú. Það var Errol
Flynn sem lék þetta hlutverk.
Errol var djöfuls kvennabósi. Ég skal segja þér eitt: Nancy
leist aldrei á þann mann...
En sumum finnst það skrýtið Ronnie, að þú skulir núna vera
að semja við Rússana. Þú sagðir að þeir væru Heimsveldi hins
llla.
Þeir eru það líka, sagði Reagan. Það stendur í Biblíunni. Og
þú hefur séð Stjörnustríðsmyndirnar, ekki satt? Þeir eru þar
líka. Þeir eru bara allsstaðar. Maður getur ekki látið eins og
ekkert sé.
En af hverju semurðu þá við þá?
Maður á að vera saklaus eins og dúfa og slægur eins og
höggormur. Það stendur líka í Biblíunni. Alltaf þegar ég var Hrói
höttur samdi ég við fógetafólið í Nottingham. Það er allt hægt ef
maður hefur betri boga, nei ég meina eldflaugar.
En ertu ekki öfundsjúkur út í vinsældir Gorbatsjovs?
Enga illkvittni hér Skaði, sagði Reagan. Ef að merin slær mig
þá slæ ég merina. Mundu það.
Mér fannst andrúmsloftið ekki nógu hjartanlegt milli okkar
svo að ég sagði við Reagan:
Hann Steingrímur bað að heilsa. Hann segist vera búinn að
komast að því að þú sért eiginlega íslendingur.
Já, seigur er gamli góði Steingrímur. Það slær honum enginn
við sem públikmanni. Ég get svosem tekið að mér að vera
íslendingur ef þið viljið. En blessaðir látið þið írana ekkert vita af
því, annars verða þeir trítilóðir. Er ekki annars allt gott að frétta
úr Reykjavík? Öngvir nýir draugar eða svoleiðis?
Takk, sagði ég, þetta gengur bærilega. En (slendingar eru
fúlir út í þig fyrir að draga Gorba til Washington. Af hverju gátuð
þið ekki haldið áfram að hittast hjá okkur?
Veistu það Skaði, sagði Reagan, ég vildi endilega koma aftur
til ykkar. Þetta er allt svo næs hjá ykkur og alveg eins og þegar
ég var Gulliver í Putalandi. En hún Nancy var búin að láta gera
hreint í húsinu og brasa þessi ósköp svo að... Æ, þú veist
hvernig þetta er.
Betri bœkun
Kraftur í starfinu
Frekar hljótt hefur verið um
bókablúbbinn Betri bækursem
stofnaður var á síðasta ári af Máli
og menningu, Svörtu á hvítu,
Hinu íslenska bókmenntafélagi
og Lögbergi. Það er þó langt ífrá
nokkur lognmolla í starfseminni
og eru félagar í klúbbnum nú á
annaðþúsund.
„Já, ég held að okkur hafi
tekist að standa undir nafni,“
sagði Guðrún Kristjánsdóttir hjá
Betri bókum í dálitlu spjallí um
starf klúbbsins til þessa. „Fólk er
almennt ánægt og hefur látið í
ljós að það hafi einmitt vantað
svona bókaklúbb, sem er með
vandaðar og góðar bækur á
boðstólum. Þeirrar tilhneigingar
hefur gætt hjá forlögum að losa
sig við ómögulegar bækur í
klúbbana, en við gerum strangar
kröfur."
Betri bækur gefa ekki út á eigin
vegum en á lista þeirra má finna
marga perluna sem bókaforlögin
fjögur hafa gefið út; Ástin á
tímum kólerunnar, listaverkabók
Guðrún Kristjánsdóltir: Við gerum
strangar kröfur, enda hefur þeirrar til-
hneigingar gætt hjá alltof mörgum
forlögum að losa sig við ómögulegar
bækur í klúbbana.
Ásgríms Jónssonar, Dýrabær
Orwells, ljósmyndabók Kaldals,
Um ellina eftir Cicero, Skaftár-
eldar, ritsafn Jóhannesar úr
Kötlum, Nafn rósarinnar, Grá-
mosinn glóir, nýjasta ljóðabók
Isaks Harðarsonar og svo mætti
lengi áfram telja. Þá er ekki
minna um vert að bækurnar eru
undantekningarlaust a.m.k.
fjórðungi ódýrari hjá klúbbnum
en út úr búð.
Þá hafa Betri bækur nú
bryddað upp á þeirri nýbreytni að
bjóða félagsmönnum sínum
myndlist til kaups. í desember
eru til sölu listaverkamöppur
með sex myndum eftir Helga
Þorgils Friðjónsson.
„Fram til 15. desember
bjóðum við fólki líka upp á
jólagjafaþjónustu," upplýsir
Guðrún, „þá getur fólk hringt til
okkar og við sjáum um að pakka
inn bókum fyrir það í gjafapappír
og sendum síðan til þess sem á að
fá pakkann. Þessari þjónustu
hefur verið tekið mjög vel, enda
sparar hún fólki ófá sporin."
Guðrún sagði að margt væri á
döfinni hjá Betri bókum og á
næsta ári stæðu félagsmönnum
margar nýjar bækur til boða, en
meðal ókeypis hlunninda er
dagbók með áletruðu nafni sem
allir meðlimir klúbbsins fá..
2 SÍÐA - ÞJÓÐVILJINN Sunnudagur 13. desember 1987
Hrafnkell Stefánsson,
12 ára,
teiknaði
þennan
jólasvein.
11 dagar
til jóla