Þjóðviljinn - 09.01.1988, Qupperneq 5
FRÉTTIR
Bæjarfulltrúinn í Ólafsvík gengur illa að koma saman meirihluta í bæjarstjórninni. Jólastjórnin varð ekki að veruleika.
Ólafsvík
Þreifingar í gangi
Herbert Hjelm, bœjarfulltrúi AB: Ómögulegtað segjahver
útkoman verður. SveinnP. Elínbergsson, bœjarfulltrúi Al-
þýðuflokks: Nauðsyn á starfandi meirihluta
að eru ýmsar þreifingar í
gangi fyrir meirihlutamynd-
un í bæjarstjórn Ólafsvíkur og
eins og málin standa í dag getur
nýr meirihluti allt eins myndast
hvað úr hverju. En hvað ná-
kvæmlega kemur út úr öllum
þcssum þreifingum flokkanna er
ómögulegt að segja á þessari
stundu, segir Herbert Hjelm
bæjarfulltrúi Alþýðubandalags-
ins og formaður bæjarmálaráðs í
Ólafsvík í samtali við Þjóðviljann
í gær.
Eins og kunnugt er var búið að
ganga frá meirihlutamyndun Al-
þýðubandalags, Framsóknar-
flokks og Sjálfstæðisflokks og frá
málefnasamningi þessara þriggja
flokka, í desember síðastliðnum.
Þegar til átti að taka hætti bæjar-
stjóraefni þeirra við að taka við
starfinu af persónulegum ástæð-
um og um svipað leyti flutti
oddviti íhaldsins búferlum til
Reykjavíkur vegna náms. Af
þeim sökum, segja menn þar
vestra, var hætt við að allt sam-
starf þessara þriggja flokka, en
vilja ekki kannast við að snurða
hafi hlaupið á þráðinn málefna-
lega.
Að sögn Sveins Þórs Elínbergs-
sonar bæjarfulltrúa Alþýðu-
flokksins og núverandi forseta
bæjarstjórnar er það brýn nauð-
syn fyrir bæjarfélagið að þar sé
starfandi meirihluti innan bæjar-
stjórnarinnar. Nauðsynlegt væri
að semja hið bráðasta við þá sem
bæjarsjóður skuldaði um leng-
ingu og skuldbreytingu lána.
Vinna er hafin við gerð fjárhagsá-
ætlunar fyrir þetta ár og miðar
henni vel. Sveinn sagði að þrátt
fyrir að enginn meirihluti sé starf-
andi í bæjarstjórninni, gengi
starfið innan bæjarstjórnarinnar
með ágætum, en það gengi
auðvitað ekki til lengdar að hafa
ekki starfandi meirihluta. Sveinn
vildi engu spá um hvenær hann
yrði myndaður né hverjir kæmu
til með að starfa saman, en sagði
að sér virtist ekki vera mikill mál-
efnaágreiningur um stærstu mál
bæjarfélagsins.
Ríkisútvarpið
13% hækkun afnotagjalda
Hörður Vilhjálmssonfjármálastjóri: Uppsafnaður vandi orðinn mjög
mikill. Utsendingartími sjónvarps styttur
Afnotagjöld útvarps og sjón-
varps hækka um 13% á þessu
ári samkvæmt fjárlögum. Þá er
gert ráð fyrir því að auglýsinga-
tekjur útvarps hækki um 20% á
árinu frá fyrra ári, og sjónvarps
um 10% að sögn Harðar Vil-
hjálmssonar, fjármálastjóra
Ríkisútvarpsins.
Útvarpsgjaldið - afnot af lit-
Stöð 2
Bingó á mánudegi
ÁmundiÁmundason: Markmiðið að létta á
skuldabyrði SÁÁ. Þærnema um 50-60
milljónum króna. Roksala íbingóseðlunum.
Uppseldir á sex útsölustöðum
Markmiðið með þessu sjón-
varpsbingói styrktarfélags
Vogs og Stöðvar 2 er að létta á
skuldabyrði SÁÁ vegna bygging-
ar sjúkrastöðvarinnar, en skuldir
félagsins vegna byggingarinnar
eru á bilinu 50-60 milljónir
króna, segir Ámundi Ámundason
framkvæmdastjóri styrktarfélags
Vogs í samtali við Þjóðviljann í
gær.
Sjónvarpsbingóið hefst næst-
komandi mánudagskvöld á Stöð
2 klukkan 20.30 í ótruflaðri dag-
skrá. Bingóið verður fastur liður'
á dagskrá Stöðvar 2 næstu 15
mánudagskvöld og hefjast ávallt
á sama tfma. Spilað verður um
bifreið af gerðinni Volvo 740 GL
og tíu hljómflutningstæki í hverri
viku, en útgefin spjöld verða 20
þúsund fyrir hvern þátt.
Seðill með sex spjöldum kostar
250 krónur og gildir hver seðill
fyrir ákveðið kvöld. Spilaðar
verða tvær umferðir á kvöldi og
er spilað um aukavinningana í
fyrri umferð, en í þeirri seinni um
þann stóra. Ef vinningar ganga
ekki út bætast þeir við pottinn í
næstu viku.
Að sögn Ámunda hefur verið
roksala á bingóseðlunum og í gær
vissi hann um 6 útsölustaði þar
sem þeir voru uppseldir. Það er
því hver að verða síðastur að
tryggja sér seðil með bingó-
spjöldum, enda bingó einn al-
vinsælasti leikur landsmanna fyrr
og síðar. grh
sjónvarpstæki og útvarpi - er nú
2822 krónur ársfjórðungslega,
eða um 940 krónur á mánuði, og
hefur verið það síðan 1. október
sl. Til samanburðar má geta þess
að fólk hefur greitt 1250 krónur á
mánuði fyrir afnot af Stöð 2 síðan
í vor.
„Gjaldskrá stofnunarinnar var
óbreytt í eitt og hálft ár, frá upp-
hafi árs fram til 1. júlí sl. sumar.
Því var uppsafnaður vandi orðinn
mjög mikill, enda gefur það auga
leið þegar litið er til verðbólgu-
þróunarinnar," sagði Hörður.
Útvarpsgjaldið hækkaði um
40% 1. júlí og aftur um 20% 1.
október. Þrátt fyrir það telur
Hörður að erfiður róður sé fram-
undan og vísar til aukinna um-
svifa: „Á tveggja ára tímabili, frá
haustinu 1985 fram á síðasta
haust lengdist útsendingartími
hljóðvarps um 50%, og munar
þar mest um næturútvarp á sam-
tengdum rásum. Útsendingar-
tími sjónvarpsins hefur einnig
lengst um 50% á þessum tíma.
Þar hefur fimmtudagssjónvarp
sitt að segja, en einnig hefur dag-
skráin aðra daga lengst til muna.“
Nú stendur til að rifa seglin. Að
sögn Harðar er stytting útsend-
ingartímans í bígerð, og tekur
það til sjónvarps en ekki útvarps.
„Þá leitum við leiða til einföldun-
ar og sparnaðar á allan hátt, enda
stefnum við að einhverjum
rekstrarafgangi á þessu ári,“
sagði hann. HS
MYNDUSTA-
OG HANDÍÐASKÓLI
ISLANDS
Námskeið
hefjast 18. janúar 1988
í teiknun og málun fyrir börn og unglinga.
1. fl. 6-9 ára föstudaga kl. 13.30-14.50
2. fl. 6-8 ára mánud. og miðvikud. kl. 10.40-12.00
3. fl. 9-11 ára þriðjud. og fimmtud. kl. 9.00-10.20
4. fl. 12-13 ára mánud. og miðvikud. kl. 14.30-15.50
5. fl. 12-13 ára þriðjud. og föstud. kl. 15.00-16.20
6. fl. 14-16 ára mánud. og miðvikud. kl.16.15-17.35
7. fl. 14-16 ára þriðjud. og miðvikud. kl. 16.40-18.00
Kennari: Hrafnhildur Gunnlaugsdóttir. Innritun hefst 11. janúar 1988.
$
Rafmagnsiðnfræðingar
Rafmagnsveita Reykjavíkur óskar eftir aö ráöa
rafmagnsiðnfræðing til eftirlitsstarfa (veitueftirlit)
í innlagnadeild fyrirtækisins.
Nánari upplýsingar veitir starfsmannastjóri í síma
686222.
Umsóknarfrestur er til 18. janúar nk.
RAFMAGNSVEITA REYKJAVÍKUR
fjggl Fjórðungssjúkrahúsið
á Akureyri
Fóstrur og starfsfólk óskast að dagheimilinu
Stekk.
Um er að ræða eftirfarandi stöður:
1 staða deildarfóstru, 100% starf
1 staða fóstru, 100% starf
1 staða fóstru, 50% starf
2 stöður starfsfólks, 100% eða 50% störf.
Upplýsingar gefa forstöðumaður Stekkjar, kl.
10.00-11.00 og 13.30-14.30 og hjúkrunarfor-
stjóri, kl. 13.00-14.00 alla virka daga.
Læknaritari óskast til starfa á lyfjadeild nú þeg-
ar. Nánari upplýsingar veitir læknafulltrúi.
Umsóknir sendist skrifstofustjóra F.S.A. fyrir 15.
janúar n.k.
Lausar eru til umsóknar, strax eða eftir
samkomulagi, stöður hjúkrunarfræðinga á:
handlækningadeild,
bæklunardeild,
gjörgæsludeild,
skurðdeild,
svæfingadeild,
lyfjadeild,
geðdeild,
kvensjúkdaóma- og öldrunardeild,
Sel (öldrunardeild).
Lausar eru til umsóknar, strax eða eftir
samkomulagi, stöður sjúkraliða á:
lyfjadeild, til afleysinga,
kvensjúkdóma- og öldrunardeild,
Sel (öldrunardeild).
Upplýsingar gefa hjúkrunarframkvæmdastjórar
alla virka daga, kl. 13.00-14.00.
Fjórðungssjúkrahúsið á Akureyri,
sími 96-22100
ÞJÓÐVILJINN - SÍÐA 5