Þjóðviljinn - 12.01.1988, Blaðsíða 3
IÞROTY1R
Badminton
Þórdís vann þrefalt
og Broddi tvöfalt
Tveir útlendir þjálfarar hjá félaginu
Um helgina fór fram meistara-
mót TBR 1988. Var keppt bæði á
laugardag og sunnudag og voru
keppendur um áttatíu talsins. Er
þetta líklega eitt sterkasta mótið
sem haldið er hér enda var
keppni hörð og ekkert gefið eftir.
Var keppni í tvíliðaleik karla í
meistaraflokki einna tvísýnust og
úrslitaleikurinn í þeim flokki tal-
inn besti leikur mótsins þar sem
Broddi og Þorsteinn eru ís-
landsmeistarar.
Úrslit
Meistaraflokkur
Einliðaleikur karla:
Broddi Kristjánsson TBR vann Árna
Þ. Hallgrímsson TBR 10-15,18-15 og
15-6.
Einliðaleikur kvenna:
Þórdís Edwald TBR vann Elísabetu
Þórðardóttur TBR 11 -7 og 11 -7.
Tvíliðaleikur karla:
Guðmundur Adolfsson TBR og Hu-
ang Wei Cheng TBR unnu Brodda
Kristjánsson TBR og Þorstein Pál
Hængsson TBR 13-18, 15-8 og 15-
13.
Tvíliðaleikur kvenna:
Þórdís Edwald TBR og Elísabet Þórð-
ardóttir TBR unnu Birnu Petersen
TBR og Berglindi Kristínu Kristjáns-
dóttur TBR 15-8 og 15-6.
Tvenndarlcikur:
Broddi Kristjánsson TBR og Þórdís
Edwald TBR unnu Guðmund Adolfs-
son TBR og Guðrúnu Júlíusdóttur
TBR 15-12 og 15-10.
A-flokkur
Einliðaleikur karla:
Frímann Ferdinandsson Víkingi vann
Óla B. Siemsen TBR 15-7 og 15-8.
Einliðaleikur kvenna:
Hafdís Böðvarsdóttir ÍA vann Sigríði
M. Jónsdóttur TBR 11-7 og 11-6.
Tvfliðaleikur karla:
Óli B. Siemsen TBR og Skúli Þórðar-
son TBR unnu Hannes Ríkharðsson
TBR og Hrólf Jónsson TBR 17-15 og 15-11. öfr ' ■
Tvfliðaleikur kvenna:
Hafdís Böðvarsdóttir fA og Berta Finnbogadóttir ÍA unnu Elínu Agnars-
dóttur TBR og Sigríði M. Jónsdóttur
TBR 10-15, 15-12 og 15-12. $
Tvenndarleikur:
Óli B. Siemsen TBR og Sigríður M.
Jónsdóttir TBR unnu Hannes Rík-
harðsson TBR og Elínu Agnarsdóttur
TBR 9-15, 18-15 og 15-13.
B-flokkur
Einliðaleikur karla:
Gunnar Petersen TBR vann Hörð
Benediktsson Val 15-4 og 15-2.
Tvfliðaleikur karla:
Þórarinn Árnason TBA og Einar Ein-
arsson TBA unnu Hörð Jónsson TBR
og Svavar Jóhannesson TBR 15-12,
6-15 og 15-7.
Mikil uppsveifla hefur verið í ba-
dminton í vetur. Kínverski þjálfarinn
Huang hefur verið hér í þrjú ár en
einnig kom hollenskur þjálfari til
landsins og hefur þjálfað í vetur. -ste
Broddi og Þórdís
Tennis
Verður Steffi Graf sú
besta?
Steffi Graf mun örugglega
reyna að hefna þeirra tveggja
ósigra sem hún beið á síðasta ári.
Graf er nú í Ástralíu þar sem
Opna ástralska meistaramótið í
tennis fer fram.
Báðir þessir ósigrar Graf voru
gegn Martinu Navratilovu. Það
er mjög ólíklegt að úrslitin verði
ekki milli þessara tveggja
kvenna. Cris Evert sem er talin
vera sú þriðja besta í heimi hefur
átt lítilli velgengni að fagna að
undanförnu og er ekki búist við
því að hún nái að ógna stöllunum
tveimur nokkuð.
Graf kom ekki á þessi mót í
Ástralíu árin 1985 og 1987. Hún
sagðist frekar vilja eyða jólunum
hjá fjölskyldu sinni. Mótið var
ekki haldið 1986 vegna tilfærslu
frá desember til janúar. Aðrir
segja að hún hafi ekki viljað
keppa á grasi en henni hefur jafn-
an gengið illa á slíkum völlum.
Nú verður keppt á annars kon-
ar velli úr gerviefnum sem hentar
Graf mun betur. Navratilovu hef-
ur aftur á móti gengið betur á
grasvöllum. Navratilova lýsti því
yfir í síðustu keppni að Graf gæti
ekki talist meðal hinna bestu ef
hún héldi áfram að forðast jafn
stór mót og þetta.
í karlaflokki eru engin smá-
Markus Wasmeier sigraði í risastórsvigi karla á sunnudaginn eftir að hafa átt í meiðslum í tíu mánuði. Á innfelldu
myndinni er Zoe Hass en henni var dæmdur sigur eftir að Sigrid Wolf var dæmd úr keppni.
Skíði
Sigrid Wolf dæmd
úr keppni
stirni mætt til leiks, þarna eru
m.a. Ivan Lendl, Stefan Edberg
og Pat Cash. Edberg á ekki langt í
land með að ræna efsta sætinu af
Lendl í röðinni um bestu tennis-
leikara heims. Edberg sagði að
næsta markmið sitt væri einmitt
það að sigra Lendl. „Þó það væri
vissulega gaman ef það tækist þá
geri ég mér grein fyrir því að það
er mjög erfitt skref frá því að vera
númer tvö í það að vera númer
eitt,“ sagði Edberg. _ih
AU sérstætt og undarlegt mál
kom upp í kvennaflokki
heimsbikarkeppninnar á skíðum
á laugardaginn. Austurríska
stúlkan Sigrid Wolf, sem hafði
farið brautina á besta tímanum,
var dæmd úr keppni ásamt þrem-
ur félögum sínum í austurríska
liðinu. Ástæðan var sú að stúlk-
urnar notuðu öryggisnælur til að
festa númer sín á sig í stað þess að
vera í vestum eins og venja er.
„Mér líður eins og ég hafi verið
rænd.“ sagði Sigrid Wolf „Það er
grátlegt að tapa á þennan hátt.“
Svissnesku stúlkunni Zoe Hass
var dæmdur sigurinn í risastór-
sviginu en hún hlaut annan besta
tímann í brautinni. í öðru sæti
varð Catherine Quittet og Mic-
hela Figini í þriðja sæti.
„Það er leiðinlegt að þurfa að
ákveða úrslit svona. En mótmæl-
in voru réttmæt og atkvæðin féllu
3-2 hjá fimm dómurum,“ sagði
formaður dómnefndar, Heinz
Krecek.
Þjálfari austurrísku stúlknanna
sagði að þetta væri allt saman
hreinn uppspuni. Númerin hefðu
verið notuð margoft og göt sem
dómnefndin segði vera efir ör-
yggisnælur gætu verið gömul.
Dómurinn hefur veruleg áhrif
á stöðu Wolf í keppninni um
heimsbikarinn. Sigur í þessari
keppni hefði tryggt henni efsta
sætið í risastórsvigskeppninni og
annað sætið í keppninni um
heimsbikarinn. Eftir dóminn er
hún í sjöunda sæti í keppninni um
heimsbikarinn og sjötta sæti í ris-
astórsvigskeppninni.
„Ég var gráti næst þegar ég
heyrði úrskurð dómnefndarinn-
ar,“ sagði Sigrid Wolf. „En ég
ætla að halda áfram að berjast.
Ég veit að ég er í góðu formi og á
enn eftir nægilegt sjálfstraust."
Wasmeier kom, sá
og sigraði
Vestur-Þjóðverjinn Markus
Wasmeier sem slasaðist alvarlega
í keppni fyrir tíu mánuðum kom,
sá og sigraði í risastórsvigskeppni
í Frakklandi á sunnudaginn.
Wasmeier sigraði í keppninni í
risastórsvigi 1985, fékk tímann
29.16 sekúndur. Frakkinn Frack
Paccard lenti í öðru sæti aðeins
0.30 sekúndum á eftir Wasmeier.
„Þetta var erfitt,“ sagði Wasm-
eier. „Það var mikið af lausum
snjó í brautinni. Ég lenti í nokkr-
um erfiðleikum en í heild var
þetta nokkuð gott hjá mér. Þessi
sigur kemur á mjög góðum tíma
fyrir mig. Nú veit ég að ég á
möguleika í keppninni og sjálfs-
traustið eykst til muna.“
Alberto Tomba, sem hefur
unnið 5 keppnir í vetur varð í
fimmta sæti en hélt stöðu sinni í
keppninni um heimsbikarinn þar
sem hann er efstur. Pirmin Zur-
briggen kemur næstur og vantar
aðeins fimm stig til að ná Tomba.
Staðan
Staðan í keppninni um heimsbik-
arinn:
1. Tomba...............136stig
2. Zurbriggen..........131 stig
3. Mader...............57 stig
4-5.Strolz..............46stig
4-5.Mayer...............46stig
-ih
Vinningstölurnar 9. janúar 1988.
Heildarvinningsupphæð: kr. 5.906.029,-
1. vinningur var kr. 2.956.693,-
Aðeins einn þátttakandi var með fimm réttar tölur.
2. vfnningur var kr. 885.339,- og skiptist hann á 329 vinningshafa,
kr. 2.691,- á mann.
3. vinningur var kr. 2.063.997,- og skiptist á 9.971 vinningshafa,
sem fá 207 krónur hver.
Upplysingasimi:
685111.
ÞJÓÐVILJINN - SÍÐA 11