Þjóðviljinn - 13.01.1988, Page 10

Félagsmálastofnun
Reykjavíkurborgar
Tilkynning um
breytt aðsetur
Ellimáladeild og Heimilishjálp Félagsmálastofn-
unar Reykjavíkurborgar eru fluttar í Tjarnargötu
20.
Félagsmáiastofnun Reykjavíkurborgar
Fasteignaeigendur
Kópavogi athugið
Þeir sem keypt hafa eignir í Kópavogi á síðast-
liðnu ári og ekki hafa enn fengið afsal, vinsam-
legast hafi samband við innheimtuna svo að fast-
eignagjaldaseðlar berist réttum aðilum.
Innheimta Kópavogskaupstaðar
Dagheimilið Steinahlíð
Okkur vantar fóstrur og fólk með aðra uppeldis-
menntun til starfa strax. Upplýsingar hjá for-
stöðumönnum í síma 33280.
St. Jósefsspítali
Landakoti
Röntgendeild
Aðstoðarfólk vantar í fullt starf á röntgendeild nú
þegar eða eftirsamkomulagi. Dagvinna, einstak-
ar bakvaktir.
Upplýsingar veitir deildarstjóri röntgendeildar frá
kl. 9-14 í síma 19600/330.
Ræsting - Landakoti
Hefur þú áhuga á notalegum vinnustað?
Okkur á Landakoti vantar gott fólk til ræstinga.
Upplýsingar ásamt umsóknareyðublöðum fást á
skrifstofu ræstingastjóra á 5. hæð A-álmu kl. 10-
14 daglega.
Upplýsingar ekki gefnar í síma.
Reykjavík 13.1. 1988
Auglýsing
um fasteignagjöld
Lokið er álagningu fasteignagjalda í Reykjavík
1988 og verða álagningarseðlar sendir út næstu
daga ásamt gíróseðlum vegna fyrstu greiðslu
gjaldanna.
Gjalddagar fasteignagjalda eru 15. janúar, 1.
mars og 15. apríl.
Gjöldin eru innheimt af Gjaldheimtunni í Reykja-
vík, en einnig er hægt að greiða gíróseðla í næsta
banka, sparisjóði eða pósthúsi.
Fasteignadeild Reykjavíkurborgar, Skúlatúni 2,
veitir upplýsingar um álagningu gjaldanna, símar
18000 og 10190.
Tekjulágir elli- og örorkulífeyrisþegar munu fá
lækkun á fasteignaskatti samkvæmt reglum,
sem borgarstjórn setur og framtalsnefnd úr-
skurðar eftir, sbr. 3. mgr. 5. gr. laga nr. 73/1980
um tekjustofna sveitarfélaga. Verður viðkomandi
tilkynnt um lækkunina þegar framtöl hafa verið
yfirfarin, sem vænta má að verði í mars- eða
aprílmánuði.
Borgarstjórinn í Reykjavík
11. janúar1988
ERLENDAR FRÉTTIR
Franz Joseph Strauss í Kreml: Sinnaskipti á þrem klukkustundum.
Vestur-Pýskaland
Vonast eftir heim-
sókn Gorbatsjovs
Stjórnin íBonn reiðubúin að „snúa við blaðinu“ ísamskiptum við
Moskvu
Edvard Shevardnadse utan-
ríkisráðherra Sovétríkjanna
er væntanlegur í opinbera heim-
sókn til Bonn í næstu viku, þar
sem hann mun meðal annars
ræða möguleika þess að Gorbat-
sjov flokksleiðtogi komi í opin-
bera heimsókn til Bonn síðar á
árinu.
Andrúmsloftið á milli Vestur-
Þýskalands og Sovétríkjanna hef-
ur breyst mikið undanfarna mán-
uði, ekki síst eftir heimsókn
Franz Josef Strauss forsætisráð-
herra Bæjaralands til Moskvu.
Strauss, sem hefur haft forystu
fyrir harðsvíruðustu hægri-
mönnum í Vestur-Þýskalandi,
þurfti ekki nema þriggja klukku-
stunda samtal við Gorbatsjov til
þess að skipta um skoðun. „Eftir-
stríðsárunum er lokið. Nýtt skeið
í sögunni er hafið,“ sagði hann
eftir fund sinn með Gorbatsjov,
og bætti því við að Sovétríkin
hefðu lagt öll árásarplön á hill-
una.
Frans Josef Strauss hefur lengi
staðið uppi í hárinu á Hans Dietr-
ich Genscher utanríkisráðherra
V-Þýskalands og stefnu hans
gagnvart A-Evrópuríkjunum.
Nú hefur Genscher fagnað því að
Strauss sé kominn á sömu skoðun
og hann varðandi Sovétríkin og
látið í það skína að nú sé kominn
tími til að auka viðskiptaleg,
tæknileg og menningarleg sam-
skipti við austurblokkina. Meðal
annars sé ástæða til þess að end-
urskoða þann lista yfir tæknibún-
að sem bannað er að selja til A-
Evrópu.
Söguleg þáttaskil
Helmuth Kohl kanslari
Vestur-Þýskalands, sem fyrir
rúmu ári líkti áróðurstækni Gor-
batsjovs við áróðursaðferðir Jos-
efs Göbbels, áróðursmeistara
nasista, hefur einnig lýst því yfir
að stjórnin í Bonn sé reiðubúin
að „snúa við blaðinu í sögu sam-
skipta Þýskalands og Sovétríkj-
anna“.
Ýmsar ástæður liggja til þess
að Vestur-Þjóðverjum er nú um-
hugað um að fá Gorbatsjov í op-
inbera heimsókn. Ein af þeim er
sú að Vestur-Þjóðverjar tóku við
forsæti Evrópubandalagsins
þann 1. janúar sl. á erfiðum tím-
um eftir að bandalaginu hafði
mistekist að ná samkomulagi á
fundinum í Kaupmannahöfn í lok
síðasta árs. Sambandsstjórnin í
Bonn dregur enga dul á það að
þótt illa gangi að ná samkomulagi
innan bandalagsins, þá sé henni í
mun að ná fram gjörbreytingu á
samskiptum bandalagsins við
Austur-Evrópu á meðan hún hef-
ur forsæti bandalagsins. Fyrsta
skrefið í þá átt fælist í gagn-
kvæmri viðurkenningu Evrópu-
bandalagsins og COMECON,
Efnahagsbandalags Austur-Evr-
ópuríkjanna. Helsta hindrunin í
vegi slíkrar viðurkenningar hefur
hingað til verið deilan um stöðu
Berlínar, þar sem Vestur-
Þjóðverjar hefðu í hendi sér að
gera þær tilslakanir sem til
þyrftu.
„Eina von mannkynsins“
Forsæti V-Þjóðverja í Evrópu-
bandalaginu rennur hins vegar út
í júní, og því er stjórninni í Bonn
það mikið kappsmál að Gorbat-
sjov komi fyrir þann tíma. Fund-
ur þeirra Reagans og Gorbat-
sjovs í Moskvu er hins vegar fyrir-
hugaður í maí eða júní, þannig að
nú er talað um að heimsókn Gor-
batsjovs verði annað hvort rétt
fyrir eða rétt eftir fundinn í
Moskvu.
Hans Dietrich Genscher utan-
ríkisráðherra Vestur-Þýskalands
hefur lengi barist fyrir bættum
samskiptum austurs og vesturs.
Eftir honum var nýlega haft að á
bak við sókn Gorbatsjovs til
bættrar sambúðar austurs og
vesturs lægi sú von hans að hægt
væri að draga úr útgjöldum til
vígbúnaðar og bæta hinn erfiða
efnahag Sovétríkjanna. „En á
tímum kjarnorkuvopna," sagði
Genscher, „þýðir samvinna
austurs og vesturs í öryggismál-
um annað og meira en bara að
spara útgjöld til vopna. Hún er
eina von mannkynsins til þess að
lifa af,“ sagði Genscher í vest-
ur-þýska útvarpinu.
Fréttaritarar hafa sagt að bætt
sambúð Vestur-Þýskalands við
Sovétríkin muni vekja upp þann
gamla ótta innan NATO, að
Vestur-Þjóðverjar kjósi hlutleysi
og sameiningu við Austur-
Þýskaland. Aðrir benda á að
stjórnvöld í Moskvu líti á skipt-
ingu Evrópu sem bæði ákjósan-
lega og nauðsynlega fyrir öryggi
sitt, og því sé það Moskvustjórn-
inni jafn mikið í hag að Bandarík-
in viðhaldi ítökum sínum í Bonn
og að Sovétstjórnin haldi sínum
ítökum í Austur-Berlín. Sovét-
stjórnin vilji í raun ekki reka
Bandaríkin út úr Vestur-Evrópu
því að það kallaði á röskun þess
jafnvægis sem fyrir væri.
Auk fyrirhugaðrar heimsóknar
Gorbatsjovs er talið að á fundum
Shevardnadses og Genshers í
næstu viku verði væntanlegir
samningar stórveldanna um tak-
mörkun langdrægra eldflauga á
dagskrá, sem og samningar um
bann við efnavopnun og samn-
ingar um jafnvægi í hefðbundn-
um vopnum í Evrópu.
-ólg
10 SÍOA — ÞJÓÐVILJINN Miðvikudagur 13. janúar 1988