Þjóðviljinn - 19.01.1988, Blaðsíða 5
BORGARMÁL
Fjárhagsáœtlun borgarinnar
Minnisvaröar í forgang
Samkvœmtfjárhagsáœtlun borgarinnar er varið meirafé til byggingar ráðhúss og veitingahallar á
Öskjuhlíðinnien til annarra borgarbygginga, s.s. dagheimila, leiguíbúðaog aðstöðufyrir aldraða.
190 bílastœði undir ráðhúsinu kosta hálfan miljarð
Fjárhagsáætlun borgarinnar
hefur nú þegar fengið fyrri um-
ræðu í borgarstjórn og verður
síðari umræða þ. 4. febrúar.
Minnihlutinn í borgarstjórn hef-
ur harðlega gagnrýnt áætlunina
og hefur gagnrýnin fyrst og
fremst beinst að þeim forgangi
sem bygging ráðhúss og veitinga-
húss á Oskjuhlíðinni hefur fengið
á kostnað félagslegra málefna
sem skilin eru eftir í fjársvelti.
Við fyrri umræðu um fjárhags-
áætlunina í síðustu viku fór Sigur-
jón Pétursson fulltrúi Alþýðu-
bandalagsins í borgarstjórn kerf-
isbundið í gegnum þau atriði sem
hann tali gagnrýnisverð í áætlun-
inni og verður hér gerð grein fyrir
nokkrum þeirra. Sigurjón byrj-
aði á því að gera athugasemdir
við það að í áætluninni væri
skekkja þar sem í henni væri ekki
gert ráð fyrir ýmsum ófrá-
gengnum atriðum. Þar væri t.d.
ekki gert ráð fyrir nýjum stöðu-
veitingum hjá borginni, kostnað-
arhlutdeild ríkisins væri miðuð
við frumvarp sem enn væri ósam-
þykkt, ekki væri gert ráð fyrir
launahækkunum vegna komandi
kjarasamninga og styrkir borgar-
innar til félagasamtaka væru mið-
aðir við krónutölu síðasta árs.
Heildartekjustofn borgarsjóðs
er áætlaður 7,671 miljónir, en
langstærsti tekjustofninn er út-
svarstekjur sem áætlaðar eru að
verði 3,420 miljónir. Sigurjón tel-
ur að þessi tekjustofn sé vanáætl-
aður því ekki sé tekið tillit til þess
að staðgreiðslukerfi skatta komi
til með að skila öllum launa-
breytingum strax í borgarsjóð og
þar með hverfi því verðbólguá-
hrif að mestu. Þá séu vanmetnar
þær tekjur sem borgarsjóður fær
vegna útsvarsgreiðslu af elli- og
örorkulífeyri sem og bílastyrkj-
um og öðrum hlunnindum sem
komu áður ekki til skattgreiðslu.
Loks nefnir Sigurjón að fast-
eignagjöld séu innheimt í byrjun
árs og sé sá tekjustofn því lítið
háður verðsveiflum. „Allir helstu
tekjustofnar borgarinnar eru
minna háðir verðbólgu en áður,
en það bendir til þess að útgjöld
til borgarinnar vega nú þyngra í
skattbyrði borgarbúa en áður,“
sagði Sigurjón í samtali við Þjóð-
viljann.
Sparnaðurinn dýr
í umræðu sinni um rekstrar-
gjöld gerði Sigurjón m.a. athuga-
semd við það að áætlunin geri ráð
fyrir „sparnaði" á viðhaldi fast-
eigna borgarinnar. Á fjárhagsá-
ætlun fyrir árið 1987 hafi verið
gert ráð fyrir 195,9 miljónum í
viðhaldskostnað, en kostnaður-
inn hafi hins vegar farið í 208,6
miljónir á árinu. Á nýrri fjárhags-
áætlun sé aðeins gert ráð fyrir
197,6 miljónum króna í viðhalds-
kostnað, en það jafngildi 26,7%
sparnaði frá því í fyrra. „Bygging-
um borgarinnar hefur verið mjög
illa við haldið á síðustu árum.
Slíkur „sparnaður" getur því
valdið miljónatjóni," sagði Sigur-
jón.
Minnisvarðar í stað
félagslegrar uppbygg-
ingar
Sigurjón benti á það að sam-
kvæmt áætluninni væri samtals
gert ráð fyrir 3,191 miljónum til
gatnagerðar og eignabreytinga. f
þeim tölum væri hins vegar ekki
tekið tillit til þess að 124,5 milj-
ónum verði varið til byggingar
veitingahúss á öskjuhlíð og 180
miljónum í byggingu bílastæða
undir ráðhúsið, en þeir peningar
eru teknir úr bflastæðasjóði. Að
þessum liðum meðtöldum verði
því 3,495,6 miljónum varið til
verklegra framkvæmda og er því
um 65,3% aukning á milli áranna
1987 og 1988.
í þessari aukningu vegur
þyngst bygging ráðhúss og
veitingahúss á Oskjuhlíðinni, en
samtals verður varið 464,5 milj-
ónum í þessar framkvæmdir.
Benti Sigurjón á að sú upphæð er
hærri en samanlögð framlög til
byggingar skóla, leikskóla, dag-
heimila, gæsluvalla, til fram-
kvæmda á sviði æskulýðsmála,
íþróttamála, byggingar B-álmu
Borgarspítalans, og byggingar
heilsugæslustöðva, leiguíbúða og
verkamannabústaða. Samtals
nema framlög til þessara fram-
kvæmda 421,5 miljónum.
Þá benti Sigurjón á að meðan
þessi svið búa við fjársvelti er 281
miljónum varið til framkvæmda á
sviði menningar. Telur Sigurjón
að hér sé um merkar fram-
kvæmdir að ræða en þær heyri þó
ekki undir lagaskyldu sveitarfé-
laga.
óvenju mikið góðœri
- óvenju lítið
til borgarbúa
Loks taldi Sigurjón upp helstu
einkenni fjárhagsáætlunar borg-
arinnar fyrir árið 1988. Tekjur
borgarsjóðs verða miklar. Mikið
góðæri verður hjá helstu og
stærstu fyrirtækjum borgarinnar.
Óvenju miklu fé verður varið til
verklegra framkvæmda. Óvenju
lítið af rekstrarafgangi verður til
verkefna sem bæta hag borgar-
búa. Óvenju stórum fjárhæðum
verður varið í sérstök gæluverk-
efni borgarstjóra, þ.e.a.s. ráðhús
og hringsnúandi veitingahöll.
Við síðari umræðu áætlunar-
innar mun minnihlutinn leggja
fram breytingartillögur við áætl-
un meirihlutans. „1 okkar til-
lögum verður lögð áhersla á það
að fé borgarinnar verði ráðstafað
þannig að það komi borgarbúum
til góða. Við höfum annað við
peningana að gera en að byggja
eintóma minnisvarða," sagði Sig-
urjón Pétursson í samtali við
Þjóðviljann.
Borg
framfara og sóknar?
Ingibjörg Sólrún Gísladóttir
fulltrúi Kvennlistans í Borgar-
stjórn tók undir það með Sigur-
Sigurjón Pótursson: Við höfum annað við peningana að gera en að byggja
eintóma minnisvarða.
Ingibjörg Sólrún Gfsladóttir
Þriðjudagur 19. janúar 1987 ÞJÓÐVILJINN - SÍÐA S