Þjóðviljinn - 20.01.1988, Blaðsíða 9

ERLENDAR FRETTIR
ísrael
Barsmíðar í stað byssukúlna
Varnarmálaráðherra ísraels segir ekki koma til greina að heimila sendingu matvœla og
hjálpargagna erlendis frá tilþurfandi Palestínumanna á herteknu svœðunum
Yitzhak Rabín, varnarmála-
ráðherra ísraels, lagði í gær
blátt bann við því að matvæli og
hjálpargögn yrðu send sjóleiðis
frá crlendum ríkjum og hjálpar-
stofnunum til Palestínumanna á
herteknu svæðunum. Hann sagði
ennfremur á þingi að ísraelskir
hermenn á Gazasvæðinu og vest-
urbakka Jórdanár ættu fyrst og
fremst að brúka „afl, mátt og
barsmíðar“ í skiptum sínum við
palestínska mótmælendur.
Ríkisstjórn Kuwait hafði lýst
því yfir í fyrradag að hún hygðist
kaupa matvæli fyrir fimm miljón-
ir bandaríkjadala og senda þurf-
andi fólki á herteknu svæðunum.
Þetta þykir Rabín vera ósvífni
mikil og sagði hann ekki koma til
greina að leyfa innflutning ma-
tvælanna, í öllu falli ekki á meðan
verslunareigendur á Gaza og
vesturbakkanum þráuðust við að
hætta verkfalli.
Seinna í gær tók Rabín þátt í
umræðum um vantrauststillögu í
ísraelsþingi sem lögð var fram af
stjórnarandstæðingum vegna at-
burðanna á herteknu svæðunum
en þar hafa dátar hans myrt 40
palestínsk ungmenni á síð-
astliðnum mánuði.
„Það er algert forgangsverk-
efni hjá öryggissveitunum að
nota afl, mátt og barsmíðar í
skiptum við mótmælendur. Ég
hygg að andófinu á Gazasvæðinu
sem og í Júdeu og Samarfu (biblí-
uheiti vesturbakkans) sé nánast
lokið.“
Á fundi forystumanna Verka-
mannaflokksins greindi Rabín
frá því að mun færri Palestínu-
menn hefðu látið lífið í átökum
við ísraelska dáta að undanförnu
en í upphafi mótmælanna sökum
þess að nú legðu hinir síðar-
nefndu meiri áherslu á að berja
með kylfum en skjóta með vél-
(sraelskur hermaður hótar fréttaljósmyndara kylfuhöggum á Gazasvæðinu.
Betra er að berja en skjóta.
byssum. Að auki væri haldið uppi
ströngu útgöngubanni víðsvegar
á herteknu svæðunum.
Engu að síður greindu ísraelsk
hernaðaryfirvöld frá því í gær að
þau hefðu skotið og sært palest-
ínskan táning sem tók þátt í mót-
mælum í Mazraa Á-Sharkiya
þorpi á vesturbakka Jórdanár.
Ennfremur var þess getið að
þorri verslana á herteknu svæð-
unum og í Austur-Jerúsalem
hefðu verið lokaðar að áeggjan
Frelsissamtaka Palestínumanna.
Lögreglumálaráðherra fsraels,
Haim Bar-Lev, lýsti því yfir að
hann áskildi sér allan rétt til að
grípa til „neyðaraðgerða" í
Austur-Jerúsalem ef sér byði svo
við að horfa. Ekki mun hafa verið
lýst yfir neyðarástandi í Jerúsal-
em frá stofnun Ísraelsríkis en
austurhluta borgarinnar náðu ís-
raelskir dátar á sitt vald í sex daga
stríðinu árið 1967. Reuter
Bretland
Oeining í einingu
Eftir mikið stímabrak komu leiðtogar frjálslyndra ogjafnaðarmanna
sérsaman um stefnuskrá sameiningarflokks. Almennir félagar eiga
síðasta orðið nú um helgina
Igærdag náðu foringjar Jafnað-
armannaflokksins og Frjáls-
lynda flokksins samkomulagi um
sameiningu þessara flokka í eina
fylkingu eftir mikið japl og jaml
og fuður. Orfáum klukkustund-
um eftir að þetta hafði verið gert
lýðum ljóst tóku félagar beggja
flokka að skattyrðast í fjölmiðl-
um.
Foringi frjálslyndra, David
Steel, lét svo um mælt að hann
hefði lítinn áhuga á því lengur að
sækjast eftir forystu í nýja flokkn-
um eftir allt málastappið að und-
anförnu. Hann hafði náð
samkomulagi við fyrirmenn Jafn-
aðarmannaflokksins um stefnu-
skrá en þegar hann bar drögin
undir ýmsa framámenn eigin
flokks varð uppi fótur og fit.
Einkum bögglaðist fýrir brjósti
þeirra ákvæði um að Bretum bæri
að leggja höfuðáherslu á að koma
sér upp kjarnorkuvopnum í varn-
arskyni og klausur um ágæti hefð-
bundinna hægri úrræða í efna-
hagsmálum. Stefnuskrárnefnd-
inni var í skyndi hóað saman á
nýjan leik og bæði þessi umdeildu
atriði felld úr drögunum.
Á laugardaginn verða síðan
haldin aukaþing beggja flokka
um stefnuskrána og endanlega
sameiningu flokkanna. Ýmsir
þekktir félagar Frjálslynda
flokksins hyggjast leggjast gegn
sameiningu og það er kunnara en
frá þurfi að segja að fyrrum for-
maður og einn af stofnendum
Jafnaðarmannaflokksins, David
Owen, er algerlega andvígur
samkrulli.
Núverandi leiðtogi jafnaðar-
manna, Robert Maclennan, er
hinsvegar bjartsýnn og staðhæfir
að um helgina verði skapað
stjórnmálaafl sem muni „koma
frú (Margréti) Thatcher og frum-
stæðri efnishyggju hennar á
kné.“
Reuter
Kontraliðar
Fallast á viðræður
Leiðtogar
1
svonefndra Kontra-
i liða sem meira af vilja en
mætti hafa troðið illsakir við
stjórnaher Nicaragua undanfarin
ár féllust í gær á að taka upp
beinar viðræður við ráðamenn í
Managua. Sögðust þeir reiðu-
búnir til þess að funda með milli-
göngumanninum og kardínálan-
um Miguel Obando y Bravo í
Costa Ricu síðar í þessari viku í
því augnamiði að undirbúa við-
ræðurnar.
í yfirlýsingu sex foringja mála-
hersins eftir fund þeirra í Miami í
Bandaríkjunum var vissulega
bent á að Daníel Ortega, forseti
Nicaragua, væri hinn versti fauti
sem statt og stöðugt græfi undan
friðaráætlun miðamerísku forset-
anna fimm en samt hygðust þeir
ræða við hann ellegar fulltrúa
hans í San Jose, höfuðborg Costa
Ricu.
Einn sexmenninganna, Alfre-
do nokkur Cesar, tjáði frétta-
mönnum í gær að viðræðurnar
gætu hafist strax í upphafi næstu
viku svo fremi ekkert óvænt
kæmi uppá.
Yfirlýsing málaliðanna er svar
við tilboði Ortegas frá því um
helgina. Þá bauð hann þeim til
viðræðna án milligöngumanna og
aflétti auk þess neyðarástands-
lögum í Nicaragua. Reuter
Friðarfrumkvœði úr fimm heimsálfum
Fundur þjóðarleiðtog-
anna sex í Stnkkhólmi
Amorgun og föstudag munu
þjóðarleiðtogarnir sex, sem á
undanförnum þremur árum hafa
staðið að hinu svonefnda friðar-
frumkvæði úr flmm heimsálfum,
halda fundi í Stokkhólmi. Þetta
verður þriðji leiðtogafundur
hópsins, en hinir fyrri voru í Delhi
og Mexíkó. í leiðtogahópnum eru
Ingvar Carlsson forsætisráð-
herra Svfþjóðar, Rajiv Gandhi
forsætisráðherra Indlands, And-
reas Papandreou forsætisráð-
herra Grikklands, De la Madrid
forseti Mexíkó og Júlíus Nyerere
fyrrum forseti Tansaníu.
Á fundinum í Stokkhólmi
verður rætt um næstu skref í af-
vopnunarmálum og alþjóðamál-
um eftir gerð samningsins sem
Reagan og Gorbatsjov undirrit-
uðu í Washington og framlag
þjóðarleiðtoganna sex til frekari
áfanga á braut til útrýmingar
kjarnorkuvopna.
Ólafur Ragnar Grímsson for-
seti samtakanna Parliamentar-
ians Global Action mun sækja
fundina í Stokkhólmi. Samtökin
Parliamentarians Global Action
höfðu frumkvæði að myndun
samstarfshóps þjóðarleiðtog-
anna sex 1984 og hafa síðan starf-
að með hópnum.
Til Stokkhólms hefur einnig
verið boðið ýmsum forystu-
mönnum og sérfræðingum í al-
þjóðamálum og afvopnunarmál-
um og munu þeir sitja sérstaka
ráðstefnu um „Nýjar áherslur í
alþjóðlegum öryggismálum og
afvopnun" en sú ráðstefna verður
haldin í beinu framhaldi af
leiðtogafundinum. Mun Ingvar
Carlsson forsætisráðherra Sví-
þjóðar stýra þeirri ráðstefnu.
(Fréttatilkynning)
Rannsóknaráð ríkisins
a jglýsir styrki til rannsókna
og tilrauna árið 1988
Umsóknarfrestur er til 1. mars nk. Umsóknareyðublöð fást á skrifstofu ráðsins,
Laugavegi 13, sími 21320.
Um styrkveitingar gilda m.a. eftirfarandi reglur:
• Um styrk geta sótt einstakingar, stofnanir eða fyrirtæki.
• Styrkfé á árinu 1988 skal einkum verja til verkefna á nýjum og álitlegum tækni-
sviðum.
Sérstök áhersla skal lögð á:
- efnistækni,
- fiskeldi,
- upplýsinga- og tölvutækni,
- líf- og lífefnatækni,
- nýtingu orku til nýrrar eða bættrar framleiðslu,
- matvælatækni,
- framleiðni- og gæðaaukandi tækni
• Mat á verkefnum sem sótt er um styrk til skal byggt á:
- líklegri gagnsemi verkefnis,
- gildi fyrir eflingu tækniþekkingar eða þróunar atvinnugreina,
- möguleikum á hagnýtingu á niðurstöðum hér á landi,
- hæfni rannsóknarmanna/umsækjenda,
- líkindum á árangri
• Forgangs skulu að öðru jöfnu njóta verkefni sem svo háttar um að:
- samvinna stofnana eða fyrirtækja og stofnana er mikilvægur þáttur í fram-
kvæmd verkefnisins,
- fyrirtæki leggja umtalsverða fjármuni af mörkum,
- líkindi eru áskjótum og umtalsverðum árangri til hagnýtingar í atvinnulífi. Þó er
einnig heimilt að styrkja verkefni sem miða að langframa uppbyggingu á færni
á tilteknum sviðum.