Þjóðviljinn - 21.01.1988, Blaðsíða 3
FRETTIR
VMSI
Ut úr vítahringnum
Karvel Pálmason: Það kemur til greina að gera skammtímasamning.
Fyrst og fremst leiðréttingu á launum þeirra sem ekki hafa notið
launaskriðs. Matarskatturinn auðveldar ekki samningsgerðina
„Það kemur vel tíl greina að
gera skammtímasamning til
tveggja, þriggja mánaða og er þá
fyrst og fremst verið að tala um
leiðréttingu á launum þess fólks
sem ekki hefur notið launaskriðs-
ins og hefur setið eftir. Prósentu-
hækkun sem fer upp allan launa-
skalann kemur hinsvegar ekki til
greina að okkar mati,“ sagði Kar-
vel Pálmason við Þjóðviljann í
gær.
Karvel sagði að vel kæmi til
greina að ríkisstjórnin kæmi inn í
slíka samninga t.d. með því að
hækka skattleysismörk hjá fisk-
vinnslufólki. Hann sagðist hins-
vegar ekki vilja upplifa þjóðar-
sátt á borð við þá sem gerð var í
jólaföstusamningunum, sem var
ekki þríhliða samkomulag, held-
ur tvíhliða samkomulag ríkis-
stjórnar Steingríms Hermanns-
sonar og atvinnurekenda.
Karvel sagðist telja æskilegt að
ríkisvaldið hefði hönd í bagga við
gerð kjarasamninga en það yrði
þá að standa við sinn hluta sam-
komulagsins. „Ég hef alla tíð
hvatt til þess að menn reyni að
brjótast út úr þessum vítahring
þar sem prósentuhækkunin fer
upp allan launastigann og tel því
rétt ef þarf að leiðrétta laun
þeirra sem eru ofarlega í stigan-
um, að það verði krónuhækkun
sem gangi upp hann.“
Náist ekki samkomulag um
skammtímasamning má búast við
að fleiri félög leiti verkfallsheim-
ildar. Að sögn Karvels hefur \'er-
ið einhugur á fundum þeirra
Guðmundar J. Guðmundssonar
um að Verkamannasambandið
leiði samningana að þessu sinni.
Hann sagðist hafa spurt fundar-
menn á fundi Einingar í fyrra-
kvöld hvort fólk væri tilbúið að
fara í hart til að ná fram leiðrétt-
ingu á sínum kjörum og hefði þá
kveðið við já yfir allan salinn.
Að lokum sagðist Karvel hafa
fundið mikla andstöðu við matar-
skattinn allsstaðar þar sem þeir
Guðmundur hefðu fundað. „Það
kom mér ekki á óvart. Það er
ljóst að matarskatturinn auðveld-
ar ekki samningsgerðina nú.“
í gær hafði verið áformaður
fundur á Egilsstöðum en vegna
veðurs var ákveðið að fresta þeim
fundi. í stað þess héldu þeir Kar-
vel og Guðmundur fund á Hellu.
-Sáf
Austurland
Skattaívilnanir engin lausn
Björn Grétar Sveinsson: Skattaívilnanir engin allsherjarlausn.
Hrafnkell A. Jónsson: Niðurgreiðsla matvæla besti skattaafslátturinn
Vinnuveitendur og ríkisstjórn-
in geta sjálfsagt fallist á skatt-
aívilnanir fiskvinnslufólki til
handa, en þá aðeins gegn því að
launahækkanir verði litlar sem
engar. Ég er ekki farinn að sjá
fram á að fólk sætti sig slíkt ráðs-
lag, sagði Hrafnkell A. Jónsson,
formaður verkalýðsfélagsins Ár-
vakurs á Eskifirði, er borið var
undir hann hvort með tilraunum
Vestfirðinga og Suðurnesja-
manna til að ná samningum á
þessum nótum til skemmri tíma
væri verið að leggja línurnar að
nýrri þjóðarsátt.
- Eigi samningar að takast til
skamms tíma, þá er það algert
skilyrði að fiskverkafólk hljóti
þær launabætur sem það hefur
verið hlunnfarið um í launaskriði
undanfarinna missera og fái
starfsaldurshækkanir eins og aðr-
ir hafa fengið, sagði Björn Grétar
Sveinsson, formaður verkalýðs-
félagsins Jökuls á Höfn í Horna-
firði.
- Gerist ekkert markvert í
samningamálum fyrir mánaða-
mót þá verður verkalýðshreyf-
ingin að blása til orustu. Leggi
fólk á annað borð niður vinnu
verður það ekki gert nema það
nái fram umtalsverðum launa-
hækkunum sem eru á öðrum nót-
um en VSÍ og þjóðhagsspárinn-
ar.
Hrafnkell sagði að það gæti vel
hugsast að önuglyndi vinnu-
veitenda gagnvart kröfum
Ausfirðinga mætti skoða f því
ljósi að þeir hefðu verið að bíða
eftir einhverju í þá veru sem talað
er um á Vestfjörðum og Suður-
nesjum.
Björn Grétar sagði að nokkru
leyti vera komnar upp sömu for-
sendur í fiskvinnunni og giltu um
sjómennskuna þegar sjómanna-
frádrátturinn var tekinn upp svo
unnt væri að fá mannskap í
atvinnugreinina.
- Menn skyldu þó athuga að
skattafrádráttur kemur að litlu
haldi fyrir þann stóra hóp fisk-
verkafólks sem hefur ekki hærri
tekjur en það að tæplega nái
skattleysismörkum. Og mér er
spurn hvað eigi að gera við ýmsa
aðra hópa launafólks sem hefur
viðlíka kjör og einstæða foreldra,
sagði Björn.
- Ég sé ekki hvernig skattaaf-
sláttur á að skila sér til þess fisk-
vinnslufólks sem greiðir enga
skatta sökum lágra launa. Einu
skattaívilnanirnar sem ég sé fyrir
mér sem skiluðu sér beint til lág-
launafólks væri umtalsverð nið-
urgreiðsla á matvælum, sagði
Hrafnkell.
-rk
Suðurnes
Þreifað á
atvinnu-
rekendum
Guðrún Ólafsdóttir:
Jákvœðar undirtektir
atvinnurekenda
- Ég læt ekkert uppi við fjöl-
miðla annað en það að verkalýðs-
félögin áttu jákvæðar og gagnleg-
ar viðræður við atvinnurekendur
í gær og annar fundur verður
haldinn á föstudag. Fyrst spurt er
þá er það rétt að rætt hefur verið
um skammtímasamkomulag og
skattaívilnanir fiskvinnslufólki til
handa, sagði Guðrún Ólafsdóttir,
formaður Verkakvennafélags
Keflavíkur.
Verkalýðsfélögin á Suðurnesj-
um hafa hafið samningaviðræður
við atvinnurekendur um kjara-
samninga til skamms tíma. Haft
hefur verið eftir Karli Steinari
Guðnasyni, formanni Verkalýðs-
og sjómannafélags Keflavíkur og
nágr. að möguleikar séu á
samkomulagi.
Samkvæmt heimildum Þjóð-
viljans leggja talsmenn verka-
lýðsfélaganna syðra ríkari
áherslu á skattafslátt og iaunal-
eiðréttingar einstakra hópa en
beinar kauphækkanir, á svipaðan
hátt og gert er í samningaviðræð-
unum á Vestfjörðum. En á báð-
um þessum stöðum eru tvö helstu
höfuðvígi Alþýðuflokksins í
verkalýðshreyfingunni.
-rk
Sykurmolarnir
Kaldtr sviti
stefnir hátt
Velgengni Sykurmolanna á er-
lendri grund virðist ekkert
vera að linna ef marka má þær
pantanir sem vcrslanir í Bretlandi
hafa gert á nýjustu smáskífu
þeirra, Cold sweat, en um 20 þús-
und plötur eru nú þegar farnar í
verslanir aðeins tveimur dögum
eftir að platan kemur út.
„Miðað viö velgengni Afmælis
þá áttum við nú hálfvegis von á
þessu,“ sagði Sigtryggur Baldurs-
son sykurmoli í samtali við Þjóð-
viljann í gær. „Það verður hins
vegar mjög spennandi að sjá
hvernig Cold sweat reiðir af því
Iagið er mjög ólíkt Afmælinu.“
Sigtryggur sagði jafnframt að
lagið væri strax komið inná spila-
lista hjá útvarpsstöðvum BBC,
en með því tryggir útvarpsstöðin
að lagið er spilað mjög oft. Syk-
urmolarnir stefna að því að breið-
skífa sú sem þeir hafa verið að
vinna að komi út ekki síðar en í
mars, en að sögn hans verða þar
lög sem eiga möguleika á að kom-
ast ofarlega á vinsældalistann ef
marka má velgengni Afmælis og
Cold Sweat.
Myndband Óskars Jónassonar
með laginu Cold sweat verður
væntanlega fljótlega sýnt í sjón-
varpsstöðvum í Bretlandi,
þ.e.a.s. ef samkomulag næst um
örfá myndskeið á bandinu, en að
sögn Sigtryggs fara nokkur atriði
fyrir brjóstið á Bretanum.
Sykurmolarnir stefna að því að
halda tónleika á Hótel Borg 4.
febrúar nk. þar sem þeir kynna
m.a. lögin af væntanlegri breið-
skífu sinni.
—K.Ól.
Kílóið af gellu og af laxi, sem Gunnlaugur Þórhallsson, verslunarstjóri hjá Kron heldur á, kostar í dag það sama, eða 395
krónur út úr búð! Mynd: E. Ól.
Soðning
Gellur á laxaverði
Það er orðið heldur betur dýrt
að kaupa sér gellur í soðið,
því í dag kostar eitt kfló af gellum
395 krónur, sem er það sama og
eitt kfló af laxi kostar.
Að sögn Gunnlaugs Þórhalls-
sonar, verslunarstjóra hjá Kron í
Stakkahlíðinni, er þetta verð á
gellunum rosalega hátt. Sagði
hann að innkaupsverðið á þeim
vera 299 krónur, á sama tfma og
verðið á laxinum hefði lækkað að
mun og vera sérlega gott um þess-
ar mundir. Ástæðan fyrir því er
mikið framboð á honum.
Einhver áhöld virðast vera á
því hvað söluskatturinn eigi að
vera mikill á gellunum og hafa
fisksalar sem Gunnlaugur hefur
haft samband við, ráðlagt honum
að hafa hann aðeins 10% en aðrir
að hann eigi að vera 25%. í sam-
tali við Þjóðviljann sagði Gunn-
laugur að álgningin á gellunum
væri 32% og inni í þeirri tölu væri
25% söluskattur. „Það sjá allir
sem vilja vita að þá er ekki eftir
fyrir búðina nema 7% sem er það
allra lægsta sem hægt er að kom-
ast af með,“ sagði Gunnlaugur
Þórhallsson.
Fiskseljendur sem Þjóðviljinn
hafði samband við í gær út af
þessu verði á gellunum, sögðust
ekki trúa þessu háa verði á þeim,
en almennt eru gellur ekki á boð-
stólum í fiskbúðum í dag og erfitt
að fá þær í sölu.
-grh
Fimmtudagur 21. janúar 1987 ÞJÓÐVILJINN - SIÐA 3