Þjóðviljinn - 23.01.1988, Blaðsíða 10

MINNING
Theodór Grímur Guðmundsson
fœddur 9.3.1966 - dáinn 12.1.1988
Það var að kvöldi 12. janúar,
að bróðir minn hringdi til að til-
kynna lát einkasonar síns. Við
slíka óvænta harmafregn setur
mann hljóðan, verður tregt um
tal og á erfitt með að viðurkenna
staðreyndir fyrir sjálfum sér.
Theodór Grímur Guðmunds-
son fæddist á Blönduósi 9. mars
1966, sonur hjónanna Elínar G.
Grímsdóttur og Guðmundar Kr.
Theodórssonar, fjórða barn
þeirra í röðinni. Þrjár dætur áttu
þau fyrir, en tvær bættust síðar í
þennan myndarlega og vel gerða
barnahóp.
Theodór Grímur fæddist
nokkrum dögum eftir lát Theo-
dórs afa síns og varð sem nærri
má geta augasteinn foreldra og
systra. Þessi fallegi drengur með
dökka hárið var okkur öllum í
fjölskyldunni mikið kær. Þá vor-
um við nýlega flutt suður, en
margar eru ferðirnar sem farnar
hafa verið á milli og oft hefur ver-
ið gist á Húnabrautinni hjá
bróður, mágkonu og börnum
þeirra.
Árin liðu í faðmi fjölskyldu,
námi lokið sem hægt var að
stunda heima og svo farið í
Menntaskólann á Akureyri, en
þar býr elsta systir Theodórs
Gríms og var hann námstímann á
heimili systur sinnar og manns
hennar, en þau reyndust honum
sem bestu foreldrar. Snemma
kom fram áhugi hans á félagsmál-
um og tók hann virkan þátt í
þeim, samviskusamur svo af bar
við þau störf, sem og annað sem
hann tók að sér, hægur, prúður
og elskulegur drengur, en samt
ákevðinn í skoðunum. Þegar vor-
aði fór hann heim og vann á
sumrin í Mjólkursamlaginu á
Blönduósi, en þar starfaði Theo-
dór afi hans til æviloka og faðir
hans er búinn að vinna þar mörg
árin.
Theodór Grímur útskrifaðist
stúdent frá Menntaskóla Akur-
eyrar af félagsfræðibraut 17. júní
1986 og innritaðist í Háskóla ís-
lands í sagnfræði um haustið
sama ár. Þá var orðið styttra á
milli og kom hann oft á okkar
heimili og höfðum við ánægju af.
Alltaf var sama hlýja viðmótið og
þakka ég nú þær samverustundir
sem við fjölskyldan áttum með
honum.
Hann var fulitrúi vinstri manna
í Lánasjóði íslenskra námsmanna
á vegum stúdentaráðs. Sumar-
vinnu var hann búinn að fá í Finn-
landi síðastliðið vor, en hætti við
það og tók að sér starf á skrifstofu
stúdentaráðs, vegna áhuga síns á
félagsmálum og hagsmunamál-
um stúdenta. Lífið er tilviljanak-
ennt, hann dó sama dag og Stef-
anía amma hans, 12. janúar, en
hún dó árið 1982. Það er mikil
eftirsjá í svo efnilegum og vel
gerðum ungum manni, en við
geymum öll minninguna um góð-
an dreng.
Jarðarför hans fer fram laugar-
daginn 23. janúar frá Blönduós-
kirkju.
Megi góður guð styrkja og
styðja bróður minn, mágkonu,
dætur, tengdasyni og börn þeirra
í þeirra miklu sorg og almáttugur
guðs friður fylgi frænda mínum til
nýrra heimkynna.
Ragnhildur A. Theodórsdótir
Sannlega segi ég yður:
Sannleikurinn er eins og barn.
Þegar þér misbjóðið honum dreg-
urhann sig í hlé og horfir á yður
stórum, spurulum augum.
Birgir Sigurðsson:
Á jörð ertu kominn.
Félagi Theodór!
Sumir menn eru gæddir þeim
sjaldgæfa hæfileika að geta búið
hugsanir sínar í orð, ég er ekki
einn þeirra. Orð mín eru því að-
eins ræfilslegur endurómur
þeirra tilfinninga sem þau standa
fyrir. Samt vildi ég kveðja þig, þú
tekur viljann fyrir verkið.
Við urðum félagar í kosninga-
baráttunni hér í Háskólanum
fyrir réttu ári. Þá vorum við
Vinstrimenn samhentur hópur og
við létum þá Vökupilta fá til te-
vatnsins. Við bárum hugsjónir í
brjósti okkar og vildum berjast
fyrir þeim. í kjölfar kosninganna
tókst þú á hendur það erfiða hlut-
skipti sem hvorki ég né aðrir
treystu sér í, að veita okkur for-
ystu í Stúdentaráði.
Þetta hlutskipti reyndist þér
erfitt. Sú barátta sem í hönd fór
hefur ekki skilað þeim árangri
sem við væntum enda hefur óvin-
veitt ríkisvald engan skilning á
ranglæti eða réttlæti og við náms-
menn erum ekki lengur það
sterka afl sem við eitt sinn vorum.
Verra var þó að við, vinir þínir og
félagar, veittum þér ekki þann
stuðning sem þú þurftir. Þú tókst
við árásum á okkur og sast undir
óvenju rætnum persónulegum
svívirðingum af hálfu andstæð-
inga okkar. Þetta tókstu þér
nærri, en við þessu máttirðu bú-
ast, enda varla annars að vænta
úr þeirri áttinni. Hitt kom þér á
óvart hve tvístraðir við samherjar
þínir vorum sem heild og í hvert
sinn sem við hefðum þurft að fyl-
kja liði að baki þér þá brugðumst
við. í daggetum við aðeins harm-
að hvernig fór og það er sárt, því
það svíður undan sektarkenn-
dinni.
Félagi Theodór. Við vorum
báðir sósíalistar, bárum sömu
hugsjónir í brjósti og töldum að
okkur bæri siðferðileg skylda til
að reyna að bæta það samfélag
sem við lifðum í. Við vonuðumst
til að sjá árangur þeirrar baráttu
einhvern tíma. Árangursem fæli í
sér lítið eitt betra mannlíf sem
einkenndist meira af frelsi, jöfnu-
ALÞYÐUBANDALAGIÐ
Alþýðubandalagið á Norðurlandi eystra
Ólafsfjörður
Svanfríður Jónasdóttir og Steingrímur J. Sigfússon verða á fundi í Tjarnar-
borg í Ólafsfirði sunnudaginn 24. janúar. Fundurinn hefst kl. 20:30.
Spilakvöld Alþýðubandalagsins í Reykjavík
Fyrsta spilakvöld vetrarins verður haldið kl. 20:30 þriðjudaginn 26. janúar í
Miðgarði, Hverfisgötu 105.
ABR
Alþýðubandalagið Skagafirði
Félagsfundur
Fundur í Villa Nova, Sauðárkróki, mánudaginn 25. janúar kl. 20.30.
Fundarefni:
1) Félagsstarfið.
2) Fjárhagsáaetlun Sauðárkróksbæjar.
3) Önnur mál.
ði og réttlæti en það sem við
þekktum. Þótt þín njóti ekki
lengur við í þeirri baráttu, þá
munum við sem eftir erum,
geyma minningu þína í hjarta
okkar ásamt hugsjónunum. Hún
mun berjast með okkur.
Þinn félagi,
Runólfur Ágústsson
Leiðir okkar Theódórs lágu
fyrst saman norður á Akureyri
fyrir nokkrum árum. Þar var
hann einn í hópi ungs róttæks
fólks sem ekki lét sér nægja að
tala um hlutina, um heiminn og
löngun sína til að breyta honum.
Teddi lagði sitt af mörkum m.a.
með starfi í félagsskap vinstri
manna í menntaskólanum og
með þátttöku í pólitísku starfi á
staðnum og skrifum í Norður-
land.
Þarna norður á Akureyri hóf-
ust kynni okkar sem héldust síð-
an en urðu styttri en mig uggði.
Þó nógu löng til þess að ég kveð
þennan unga og efnilega félaga
með söknuði og eftirsjá. Síð-
ustu misserin helgaði Theódór
réttindabaráttu námsmanna mest
alla starfskrafta sína. Til þeirra
starfa gekk hann af sömu alvöru
og heilindum og einkenndu alla
hans framgöngu. Égvarð þess oft
var, þegar hugðarefni hans á
þessu sviði bar á góma okkar í
milli, að hann tók það nærri sér
þegar hægt miðaði. Ég þykist þó
skilja betur nú en áður hver
áraun honum hefur verið það
hlutskipti að vinna að áhugamál-
um sínum og hugsjónum við jafn
mótdrægar aðstæður í þjóðfé-
laginu og ríkt hafa um skeið.
Námsmenn og ungt fólk hafa
misst ötulan liðsmann sinnar rétt-
indabaráttu.
Þegar ungur maður mætir ör-
lögum sínum með skyndilegum
hætti, verða orð næsta fátækleg.
Þau eru þó eitt af því fáa sem í
mínu valdi stendur fyrir utan það
að reyna hér eftir sem hingað til
að leggja þeim hugsjónum lið
sem við Theódór áttum sameigin-
legar.
Ég votta aðstandendum hans
mína dýpstu samúð.
Steingrímur J. Sigfússon
Sár er sá missir, þegar stúdent-
ar missa svo skyndilega einn
helsta fulltrúa sinn í baráttunni
fyrir réttlátum kjörum. Sárara er
þó að svo ungur maður sem
Theodór, með alla þá möguleika
sem framtíðin kann að fela, skuli
hverfa af lífsins braut jafn
snemma.
Theodór, eða Teddi eins og
hann kallaðist okkar á meðal,
starfaði sem framkvæmdastjóri
stúdentaráðs og fulltrúi stúdenta
í stjórn Lánasjóðs íslenskra
námsmanna. Við sem sitjum í
stjórn stúdentaráðs áttum því
náið samstarf við Tedda, jafn-
framt því sem okkur gafst kostur
á að fylgjast með starfi hans í
Lánasjóðnum. Setan í stjórn
Lánasjóðsins er án efa það starf
sem mikilvægast er fyrir
hagsmuni stúdenta og nauðsyn-
legt að sá sem þar situr hafi skiln-
ing á lífi og lífskjörum stúdenta.
Þessum skilningi bjó Teddi yfir
og á þessum skilningi, ásamt
djúpri réttlætiskennd, byggði
hann starf sitt. Þannig lagði hann
með starfi sínu lóð á vogarskálar
jafnréttis og aukinna menntunar-
möguleika öllum til handa. Jafn-
framt var Teddi óþreytandi við
að sjá til þess að hinir fjölmörgu
umbjóðendur hans fengju rétt-
láta afgreiðslu á sínum málum
innan Lánasjóðsins.
Stjórn stúdentaráðs kveður
Theodór með söknuði, hlýhug og
þakklæti fyrir hans framlag til
bættra námsmöguleika. Við
munum einbeita okkur að því að
halda áfram starfi í hans anda.
Fjölskyldu hans og vinum vottum
við okkar innilegustu samúð í
þeirra miklu sorg.
Stjórn Stúdentaráðs
Háskóla íslands
Það var í ársbyrjun 1987 að Fé-
lagi vinstrimanna í Háskóla ís-
lands barst öflugur liðsauki. Þá
kom til starfa Theodór Grímur
Guðmundsson, nemi á 1. ári í
sagnfræði. Fyrir dyrum stóð hörð
kosningabarátta hér í Háskólan-
um og vatt Teddi sér beint í
slaginn.
Það duldist engum, sem vann
með Tedda, að hann hafði mjög
ákveðnar skoðanir og hugsjónir,
sem hann var reiðubúinn að
leggja sig allan fram um að vinna
að.
Hann varð því fljótt einn af
virkustu félögunum í baráttunni
fyrir hagsmunum námsmanna og
ávann sér mikið traust allra
þeirra sem kynni höfðu af hon-
um. Eftir kosningarnar tók Teddi
að sér hið erfiða starf fulltrúa
stúdenta í stjórn Lánasjóðs ís-
lenskra námsmanna og fram-
kvæmdastjóra stúdentaráðs. Það
er óvanalegt að nýliði í stúdentar-
áði og 1. árs nemi gegni slíkri
stöðu en Teddi setti sig
gaumgæfilega inn í öll mál og
undirbjó störf sín vandlega.
Hvergi var komið að tómum kof-
unum hjá honum varðandi mál-
efni LÍN.
Það átti ekki við Tedda að
vinna störf sín með látum eða há-
vaða. Hann leit á sig sem starfs-
mann allra stúdenta og sóttist
ekki eftir athygli og viðurkenn-
ingum, heldur árangri. Eljusemi
og nákvæmni voru þau vopn í
hagsmunabaráttunni sem honum
var eðlislægast að beita.
Teddi var hugsjónamaður og
hafði stundum á orði, þegar á
brattann var að sækja, að sér
fyndist stúdentar almennt ekki
skoða málefni sín í nægilega víðu
pólitísku samhengi eða taka
nægilega virkan þátt í baráttunni
fyrir eigin hagsmunum og barna
sinna.
Teddi var líka góður vinur og
félagi. Hann lét sig aldrei vanta
þar sem vinstrimenn komu sam-
an til að gera sér glaðan dag. Á
slíkum stundum átti hann það
gjarnan til að varpa fram frum-
sömdum spakmælum eða orðatil-
tækjum. Margar þessara setninga
urðu fleygar innan okkar raða og
lifa enn góðu lífi, líkt og verk
hans og allar minningarnar um
ánægjulegar samverustundir í
starfi og leik.
Eftir Tedda liggur geysimikil
vinna, sem bæði er haldgott vega-
nesti í átökum framtíðarinnar og
grunnur að mörgum góðum mál-
um.
Nú, þegar við kveðjum fallinn
félaga og vin, er það okkur helst
til huggunar að mega taka upp
merki hans og halda áfram að
berjast fyrir þeim hugsjónum
sem hann lifði fyrir.
Fjölskyldu Tedda sendum við
okkar innilegustu samúðarkveðj-
ur.
Fclag vinstrimanna H.í.
Við sjáum eftir góðum dreng og
samstarfsmanni sem hafði hug-
sjónir til að skapa betri heim. Við
kveðjum atorkusaman og ósér-
hlífinn vin, Theodór Grím Guð-
mundsson, sem stappaði í okkur
stálinu þegar á móti blés. Starf
Theodórs er okkur hvatning og
við munum minnast hans í áfram-
haldandi starfi okkar. Við vott-
um öllum aðstandendum Theo-
dórs okkar innilegustu samúðar-
kveðjur.
Félag umbótasinnaðra stúdenta
Hann var við nám í
Menntaskólanum á Akureyri
þegar nokkrir félagar tóku sig
saman um að stofna Æskulýðs-
fylkingardeild þar í bæ. Það leið
ekki á löngu áður en Theodór var
orðinn virkur félagi enda var bar-
áttan fyrir bættu þjóðfélagi órjúf-
anlegur hluti af lífi hans. Teddi
var rétt fluttur suður til Reykja-
víkur, til að leggja stund á sagn-
fræði við Háskóla íslands, þegar
hann birtist á fundi hjá Æsku-
lýðsfylkingunni í Reykjavík.
Hann var virkur í stefnumótun
innan Æskulýðsfylkingarinnar og
beitti sér sérstaklega í þeim mál-
um sem hann þekkti af eigin
raun, þ.e. baráttu námsmanna og
réttindum landsbyggðarinnar,
enda alinn upp á Blönduósi.
Teddi vildi alltaf vera þar sem
eitthvað var að gerast. Gott dæmi
um það var framlag hans við að
koma grasrótarútvarpinu Rót á
laggirnar og var það vel við hæfi
að hann sat í fyrstu stjórn þess.
Helsti baráttuvettvangur
Tedda síðasta árið var í stúdenta-
pólitíkinni, en hlýs viðmóts hans
og greiðvikni fengum við í Æsku-
lýðsfylkingunni þó alltaf notið.
Það er ef til vill nokkuð táknrænt
fyrir hann að leggja til að ræktað-
ar yrðu kartöflur til fjáröflunar
fyrir hreyfinguna. Ef við legðum
vinnu í að rækta, myndum við
uppskera.
Theodór var góður félagi sem
nú er sárt saknað. Hann kveður
okkur ungur, en afrakstur verka
sinna skilur hann eftir okkur hin-
um til hvatningar. Við skulum
heiðra minningu hans í öflugri
baráttu fyrir sameiginlegum hug-
sjónum okkar.
Við sendum fjölskyldu Theo-
dórs innilegar samúðarkveðjur.
Æskulýðsfylking
Alþýðubandalagsins
Theodór Grímur Guðmunds-
son er látinn, langt um aldur
fram. Fráfall hans var okkur, fé-
lögum hans hjá Lánasjóði ís-
lenskra námsmanna, mikið áfall.
Theodór kom inn í stjórn
Lánasjóðsins síðastliðið vor.
Fljótt kom í ljós einlægur áhugi
hans á lífskjörum námsmanna. í
starfi stjórnarinnar er iðulega
tekist kröftuglega á. Theodór
reyndist þar ötull málsvari náms-
manna, hugrakkur og fylginn sér.
Hann lagði sig allan fram, var
fimur í málflutningi á fundum og
hafði gaman af rökræðum. Theo-
dór var hugsjónamaður, sem bar
hag lítilmagnans mjög fyrir
brjósti. Hann hreif jafnaldra sína
með sér og þau höfðu valið Theo-
dór til að gegna margvíslegum
trúnaðarstörfum.
Sárt er að sjá á eftir góðum
dreng svo alltof, alltof fljótt.
Stjórn og starfsmenn Lánasjóðs
íslenskra námsmanna munu ætíð
minnast Theodórs Gríms Guð-
mundssonar með hlýhug. For-
eldrum hans og ástvinum sendum
við samúðarkveðjur.
Fyrir hönd stjórnar og starfs-
manna Lánasjóðs íslenskra
námsmanna.
Árdís Þórðardóttir
Elín Pálsdóttir
10 SÍÐA - ÞJÓÐVILJINN Laugardagur 23. janúar 1987