Þjóðviljinn - 26.01.1988, Blaðsíða 1
Þriðjudagur 26. janúar 1988 19. tölublað 53. árgangur
Vestfirðir
Kratasamningar
um kjaraskerðingu
Kjaraskerðingin óbætt til ársloka ísamningum ASV. Lœgstu laun 31.475 krónur.
1500 krónurfyrst3% íaprílog2,5% í ágúst. Einn dagur íorlofsauka eftir 10 ára
starfásama vinnustað. Treystáaðverbólgalœkkiíl2%. Ósamiðum
greiðslu fyrir matartíma og niðurfellingu eftirvinnutaxta
Með kjarasamningi ASV og at-
vinnurekenda, sem undirrit-
aður var í gær, er kjaraskerðing
undanfarinna missera óbætt.
Ætlað er að kjararýrnun frá 1.
október s.l. að telja og til áramóta
nemi 9% og eru þá áhrif matar-
skattsins ótalin. Samningurinn er
metinn sem 12-13% kauphækkun
á lægstu laun og er þá miðað við
að verðbólga verði ekki meiri en
12% á árinu. 1500 krónur bætast
ofan á mánaðarlaun fiskvinnslu-
fólks þegar og kaup hækkar um
3% í apríl og 2,5% í ágúst. Byrj-
unarmánaðarlaun fískverkafólks
eru eftir samninginn 31.475 krón-
ur og mánaðarlaun þeirra sem
lokið hafa námskeiðum 34.075
krónur. Samningurinn giidir til
ársloka.
- Eftir því sem við heimtum
meira, þá fáum við það bara í
bakið aftur. Það er óhætt að segja
að þetta er ekki verðbólgusamn-
ingur, sagði einn samninganefnd-
armanna Jón Guðjónsson, for-
maður verkalýðsfélagsins Skjald-
ar á Flateyri.
Námskeiðsálag fiskverkafólks
hækkar úr 1600 krónum í 2600
krónur og 2% bætast ofan á kaup
eftir eins árs starfsaldur, 3% eftir
þrjú ár 5%, eftir sjö ár og 7% eftir
fimmtán ára starfsaldur. Jafn-
framt lengist orlof þeirra sem
unnið hafa hjá sama atvinnurek-
anda í tíu ár eða iengur um einn
virkan orlofsdag.
Að sögn samninganefndar-
manna Alþýðusambands Vest--
fjarða eru fyrri kröfur um skatta-
ívilnanir enn í fullu gildi, en ríkis-
stjórnin mun ræða þau mál á
fundi sínum fyrir hádegið í dag.
Þorsteinn Pálsson sagði í sjón-
varpsfréttum í gær að sér sýndist
full langt seilst til kauphækkana
með samkomulaginu á Vest-
fjörðum. -rk
Pétur Sigurðsson formaður ASV hefur samið á Vestfjörðum um skert kjör hjá fiskverkunarfólki þegar litið er
til kaupmáttarrýrnunar síðustu mánaða. Karl Steinar Guðnason er helsti hvatamaður slíkra samninga á
Suðurnesjum og hefur pantað viðtal hjá fjármálaráðherra til að greiða fyrir þeim samningum. Pétur
Sigurðsson og Karl Steinar Guðnason hafa einir forystumanna verkalýðssamtaka lýst stuðningi við
matarskatt Jóns Baldvins Hannibalssonar.
Húsnœðisstofnun
Vestfirðir
- engin
fyriimynd
Björn Grétar
Sveinsson, Höfn:
Fráleitir samningar.
Jón Kjartansson,
Eyjum: Sýnist vanta
mikið uppá
Nei, þetta er ekki fyrirmynd.
Það er alls ekki hægt að ganga
að þessu samkomulagi, þar sem
kjaraskerðingin er fest í sessi. Við
getum samið á þessum nótum, en
slíkir samningar fengjust seint
samþykktir í félögunum, sagði
Björn Grétar Sveinsson, formað-
ur verkalýðsfélagsins Jökuls á
Höfn í Hornafírði, er hann var
inntur álits á Vestfjarðasamn-
ingnum.
- Þessi samningur er fjarri því
sem við getum fallist á. Hann býr
til mun fleiri vandamál en hann
leysir, sagði Björn.
Jón Kjartansson, formaður
Verkalýðsfélags Vestmannaeyja,
sagði að sér sýndist í fljótu bragði
að samningurinn bætti ekki fisk-
verkafólki upp kjaraskerðingu
undanfarinna missera og vægi
ekki upp á móti því launaskriði
sem ýmsar aðrar stéttir hefðu
notið.
- Okkur hér í Eyjum reiknast
svo til að fiskverkafólk þurfi um
20-25% launahækkun og mér
sýnist vanta ansi mikið uppá að
það hafi náðst á Vestfjörðum.
Jón sagði að samningarnir virt-
ust marka að einu leyti tímamót.
- Það er mikil bót að því að losna
við einstaklingsbónusinn, jafn
ómannúðlegur og hann er. Hins
vegar er margt á huldu um hluta-
skiptakerfið og hvernig það kem-
ur til með að reynast, sagði Jón.
-rk
Fjórtán miljarða skuld
Húsnœðisstofnun skuldar um 20 miljarða í lokþessa árs. Miðað við
óbreytt ríkisframlag verður stofnunin gjaldþrota árið 2003
Aftur á móti er ekkert afráðið
um greiðslu fyrir matartíma og að
næturvinna gildi eftir dagvinnu,
en Alþýðusambandið hafði gert
kröfu um þetta tvennt.
í samkomulagi ASV og at-
vinnurekenda er bónusnum varp-
að fyrir róða og tekið upp s.k.
hlutaskiptakerfi, - nýtt afkasta-
hvetjandi launakerfi, þar sem
gert er ráð fyrir að kaupauki fisk-
verkafólks ráðist af framleiðni og
útflutningsverði sjávarafurða.
Enn er ófrágengið um nánari út-
færslu á þessu nýja launakerfi.
Engin kauptryggingarákvæði
eru í samningnum, en ASV getur
krafist endurskoðunar á launalið
samningsins, fari framfærsluvísi-
tala fram úr spám stjórnvalda.
Húsnæðisstofnun ríkisins
skuidaði lífeyrissjóðunum
nærri 14 miljarða um síðustu ára-
mót, þar af var skuld Byggingar-
sjóðs ríkisins um 11,5 miljarðar
og skuld Byggingarsjóðs verka-
manna um 2,2 miljarðar. í ár
munu sjóðirnir kaupa fyrir 6,3
miljarða, þannig að í árslok verð-
ur skuldin komin í 20 miljarða
króna en endurgreiðslur Húsn-
æðisstofnunar til lífeyrissjóðanna
í ár verða um 1,4 miljarðar
króna.
Skuld Húsnæðisstofnunar við
lífeyrissjóðina mun margfaldast
mjög á næstu árum ef lífeyris-
sjóðirnir halda áfram að kaupa
fyrir 55% af ráðstöfunarfé sínu af
stofnuninni. Sem dæmi má taka
árið 2010, en þá er áætlað að ráð-
stöfunarfé lífeyrissjóðanna verði
um 54 miljarðar og að sjóðirnir
kaupi því fyrir um 30 miljarða af
Húsnæðisstofnun það árið.
Stofnunin mun hinsvegar sam-
kvæmt þessari áætlun þurfa að
greiða lífeyrissjóðunum um 22
miljarða króna til baka árið 2010,
þ.e.a.s. ef Húsnæðisstofnun
verður ekki orðin gjaldþrota.
Miðað við að framlag ríkis-
sjóðs sé óbreytt að verðgildi, eða
1.150 miljónir króna á ári og og
Húsnæðisstofnun láni á 3,5%
vöxtum en fái fjármagnið á 6,2%
vöxtum hjá lífeyrissjóðunum,
verður kerfið gjaldþrota árið
2003, samkvæmt reiknilíkani sem
Seðlabankinn hefur gert fyrir
Húsnæðisstofnun.
-Sáf
JafntefU lúdeg úrslit
s if
Helgi Ólafsson í Saint John, sjá síður 3 og 5 ric ^