Þjóðviljinn - 02.02.1988, Blaðsíða 7
GIÐ - ALÞÝÐUBANDALAGIÐ - ALÞÝÐUBANDALAGIÐ - ALÞÝÐUBANDALAGIÐ
MIÐSTJORN
Svanfrlfiur Jónasdóttir og Ólafur Ragnar Grímsson skýra blaðamönnum frá
tföindum á miðstjórnarfundinum. (Myndir: Sig., E.ÓI.)
Steingrímur J. Sigfússon, Anna Hildur Hildibrandsdóttir, Gísli Þór Guðmundsson og Kristbjöm Ámason.
Kjaramálaályktun ^ ^
u gegn misretbnu
ininga sem grunn að kröftugri sókn á næstu mánuðum
fimmtánföld laun verkafólks
verða sífellt fleiri. Misréttið í
þjóðfélaginu og óréttlætið í skipt-
ingu gæðanna vaxa hröðum
skrefum.
Miðstjórn Alþýðubandalags-
ins hvetur launafólk um allt land
til að taka saman höndum og
hefja öfluga baráttu gegn vaxandi
kjaraskerðingu og auknu mis-
rétti. í þeirri baráttu er samstað-
an og gagnkvæmur skilningur
launafólks mikilvægar forsendur
þess að árangur náist. Nýjar bar-
áttuaðferðir, umræður á vinnu-
stöðum, auknar upplýsingar og
bein þátttaka fólksins í að móta
kröfurnar og fylgja þeim fram eru
mikilvægar aðferðir til að skapa
þá breiðu samstöðu launafólks
sem dugað getur til að brjóta
skerðingarstefnu atvinnurek-
enda og ríkisvalds á bak aftur.
Miðstjórn Alþýðubandalags-
ins styður þær tilraunir sem nú
eru gerðar til að ná skammtíma-
samningi til að vega upp verstu
þættina í kjararýrnun undanfa-
rinna mánaða um leið og samtök
launafólks búa sig til enn frekari
sóknar á næstu mánuðum. Takist
að ná slíkum skammtímasamn-
ingi er mikilvægt að þegar á næstu
vikum verði hafinn undirbúning-
ur að varanlegum kjarasamning-
um í vor sem miðist við að:
1. Leiðréttingar í þágu hinna
lægst launuðu verði áfram efstar
á blaði og stefnt verði að því að
tryggja öllum lágmarksafkomu
sem miðast við 45.000-50.000 á
mánuði.
2. Launagreiðslur verði verð-
tryggðar til að koma í veg fyrir að
stjórnvöld geti áfram komið aft-
an að fólki í gegnum aukna verð-
bólgu.
3. Hrundið verði íframkvæmd
ákvæðum um dagvistarmál úr
Sólstöðusamningunum 1980 en
þar var gert ráð fyrir að þörf fyrir
dagvistarþjónustu barna verði
fullnægt fyrir árið 1990.
4. Að nýtt lífskjaramat verði
lagt til grundvaliar mati á afkomu
og tekjum og þar tekið mið af
styttingu vinnutímans, mögu-
leikum til að njóta samvista við
fjölskyldu og börn, aðbúnaði og
öryggi á vinnustað, tækifærum til
trekari starfsmenntunar og lýð-
ræðislegum áhrifum á stjórn eigin
vinnu.
Kjarastefna sem setur þessi
atriði í öndvegi getur orðið sá
samnefnari sem á næstu vikum og
mánuðum tengir saman krafta
hinna ýmsu samtaka launafólks.
Samstaða sem á rætur á vinnu-
stöðunum sjálfum er forsenda
þess að árangur náist.
Á næstu dögum ræðst það hins
vegar hvort tekst að knýja at-
vinnurekendur til að gera
skammtímasamning sem vegur
upp kjaraskerðingu síðustu mán-
aóa og skapa nokkurra mánaða
undirbúningstíma að frekari
sókn. Ef slíkir skammtímasamn-
ingar stranda á andstöðu atvinnu-
rekenda og ríkisstjórnar er óhjá-
kvæmilegt að launafólk grípi þeg-
ar á næstu vikum til harðra að-
gerða og víðtækrar baráttu. Þá er
nauðsynlegt að samstaða verði
sýnd í verki um allt land og nýjum
aðferðum verði beitt til að ná ár-
angri.
Ragnar Óskarsson og Guðmunda Steingrímsdóttir.
Á miðstjórnarfundi Alþýðu-
bandalagsins um helgina var ítr-
ekuð sérstaklega samþykkt síð-
asta landsfundar um utanríkis-
stefnu flokksins vegna fjölmiðla-
veðurs undanfarið. Ályktunin er
svona:
'Miðstjórnarfundur Alþýðu-
bandalagsins, haldinn 29.-31.
janúar 1988, áréttar að á tímum
miiállar gerjunar og breytinga í
alþjóðamálum sé mikilvœgt að
Alþýðubandalagið taki virkan
þátt í því endurmati semfram þarf
að fara á þeirri utanríkisstefnu
sem íslensk stjórnvöld hafa fylgt á
undanförnum árum.
/ þessari nauðsynlegu umræðu
er mikilvœgt að halda til haga
ölíum þeim atriðum sem lands-
fundur Alþýðubandalagsins lagði
áherslu á í samþykkt sinni um
stefnu flokksins í utanríkismál-
um. Misskilnings hefur gœtt í um-
fjöllun fjölmiðla undanfarið og
fundurinn átelur sérstaklega þá
beinu fölsun á ummælum for-
manns flokksins sem birtist á for-
síðu Vikunnar 21. janúar. Mið-
stjórnarfundurinn telur rétt að ítr-
eka ítarlega samþykkt sem gerð
var á landsfundinum um þessi
efni.
Stefnuályktun landsfundartns
var á þessa leið:
„Framtídarsýn Alþýðubandalags-
ins til utanríkis- og friðarmála mótast
af þeirri grundvallarafstöðu að friður
öryggi og sjálfstæði íslensku þjóðar-
innar verði best tryggt með því að
Bandaríkjaher hverfi á brott, engar
erlendar herstöðvar verði leyfðar og
ísland segi sig úr NATO. Samtímis
verði tekin upp sjálfstæð og virk hlut-
leysisstefna í utanríkismálum sem
grundvallist á þjóðlegri reisn og frið-
arviðleitni nær sem fjær. f framtíðinni
verði íslendingar, sem lengst af
fyrrum, herlaus og og vopnlaus þjóð
sem tryggi öryggi sitt með gagn-
kvæmum skuldbindingum við aðrar
þjóðir, samtök þjóða og alþjóða-
stofnanir um að virða hlutleysi og
vopnleysi Iandsins. Um leið skuld-
bindi íslenska þjóðin sig til að fara
ekki með vopnum gegn neinni þjóð,
vopnast ekki sjálf né leyfa neinum
öðrum að nota land sitt eða lögsögu
sína í sama skyni. Þessu fylgi einnig
alger friðlýsing fslands og íslenskrar
lögsögu fyrir kjarnorku- og eiturefna-
vopnum með sérstakri friðlýsingar-
löggjöf og ákvæðum í stjórnarskrá.
Hið friðlýsta íslenska svæði verði svo
annað hvort þegar í upphafi eða á
síðari stigum hluti af stærri kjarn-
orkuvopnalausum eða friðlýstum
svæðum. Sömuleiðis tryggi íslending-
ar sjálfir og í samvinnu við aðra eftir-
lit og aðstöðu á alþjóðlegum vett-
MiðstjórnAB
Hertaust land
og hlutlaust
Miðstjórnarfundurinn ítrekar landsfundarsamþykkt um
utanríkisstefnu
vangi til að fylgja því eftir að friðlýs-
ing og hlutleysi landsins sé virt.
Landsfundur Alþýðubandalagsins
telur að allar aðstæður í heiminum
nú, bæði innanlands og utan, mæli
sérstaklega með því að íslendingar
taki utanríkismál sín og afstöðu til
afvopnunar- og friðarmála til
gagngerrar endurskoðunar, þar með
talið dvöl erlends hers í landinu og
aðild að hernaðarbandalagi.
Þíðu gætir í samskiptum stórvelda,
og horfur eru á því að þau taki fljót-
lega fyrsta skrefið til afnáms kjarn-
orfcuvígbúnaðar. Þetta er fagnaða-
refni fyrir t'slenska þjóð sem afdrátt-
arlaust hefur látið í ljós andstöðu sína
við kjarnorkuvopn, m.a. m eð stuðn-
ingi sínum við kröfuna um kjarnorku-
vopnalaust svæði á Norðurlöndum.
Sú afstaða felur í raun í sér fullkomna
andstöðu við NATO og kjarnorku-
vígbúnaðarstefnu þess. Nú er því lag
fyrir íslendinga á að taka frumkvæði
er leitt gæti til minnkandi spennu og
betri og friðvænlegri sambúðar þjóð-
anna í okkar heimshluta. Eftirfarandi
aðgerðir gætu orðið áfangar
stjórnvalda á þeirri leið og jafnframt
fært íslensku þjóðina nær þeim mark-
miðum sem Alþýðubandalagið berst
fyrir, herlaust og friðlýst land:
• Unnið verði að uppsögn her-
stöð vasamningsins.
• Endurskoðun á öllum samskiptum
við herinn og endurskipulagning
þeirra mála í stjórnkerfinu. Afnumið
verði alræðisvald utanríkisráðherra í
meðferð þessara mála og lýðræðisleg
umfjöllun og ákvarðanataka tryggð
meðal annars með beinni þátttöku
Alþingis.
• Dregið verði úr umsvifum hersins
og fækkað í herliðinu jafnt og þétt.
Allur tækjabúnaður sem nota mætti
til árásaraðgerða verði fluttur burt.
Herskip eða önnur farartæki komi
ekki inn í landhelgi íslands nema
tiyggt sé og yfirlýst að þau beri ekki
kjarnorkuvopn innanborðs.
• Herinn verði algerlega einangr-
aður efnahagslega og menningarlega.
Stefnt skal að því að verktakar og
aðrir sem þjónusta herinn dragi úr
starfsemi sinni í áföngum þannig að
slík samskipti við hann verði engin
innan tiltekins tímabils og sú einangr-
un haldist meðan herinn dvelst í
landinu.
• Samfara einangrun hersins verði
hrint í framkvæmd öflugri áætlun um
uppbyggingu atvinnulífs á Suðurnesj-
um og annars staðar þar sem menn
hafa haft atvinnu af þjónustu við her-
inn. Tryggt verði að allt það starfsfólk
’sem áður vann við störf er tengdust
hemum fái þjóðnýt störf við hæfi.
• Hafinn verði undirbúningur að úr-
sögn íslands úr Atlantshafsbanda-
laginu.
• Friðlýsing landsins og virk þátt-
taka í undirbúningi og stofnun kjarn-
orkuvopnalauss svæðis á Norður-
löndum eða stærri svæðum.
• Boðið verði til alþjóðlegrar ráð-
stefnu á íslandi til að skipuleggja og
undirbúa samningaviðræður um af-
vopnun í Norðurhöfum. Sérstaklega
þarf að berjast gegn áformum um
stórfellda aukningu kjarnorkuvopna í
höfunum og þeirri hættu að þeim
fjölgi enn í framhaldi af samningum
stórveldanna um fækkun eldflauga
með kjarnorkusprengjur á landi.
• Mótun sjálfstæðrar óháðrar utan-
ríkisstefnu sem gmndvallist á virkri
friðarviðleitni og þjóðlegri reisn.
Einnig á auknum framlögum til þró-
unarsamvinnu og samstöðu með þró-
unarríkjum og stuðningi við frelsis-
hreyftngar og sjálfstæðisbaráttu al-
þýðu hvarvetna gegn arðráni og kúg-
un.
Landsfundur Alþýðubandalagsins
undirstrikar að baráttan fyrir afvopn-
un og friði er eitt mikilvægasta verk-
efni Qokksins og markmiðið um her-
laust og hlutlaust land er órjúfanlegur
hluti af stefnu Alþýðubandalagsins í
þjóðfrelsis- og friðarmálum.“
Þrlðjudagur 2. febrúar 1988 ÞJÓÐVILJINN - SÍÐA 7