Þjóðviljinn - 02.02.1988, Blaðsíða 10
Vestur-Þýskaland/Suður-Afríka
ERLENDAR FRETTIR
Ekkert
vesturþýskt,
Framþoma Bœjarans Franz Jósefs Strauss í
Suður-Afríkuvelduróvissu
fyökkumannaleiðtoga um stefnu
samfaandsstjórnarinnar í Bonn gagnvart
aðskilnaðarstefnunni
Suðurafrískir blökkumenn halda á lofti mynd af Nelson Mandela, höfuðleiðtoga sínum. Strauss virti samtök hans, Afríska
þjóðarráðið, að vettugi og hleypti með því og annarri framkomu sinni í Suður-Afríku illu blóði í forystumenn þeldökkra.
Allmargcp leiðtoga blakkra í
Suður-Afríku lýstu því yfir
um helgina að þeir hygðust
hundsa fríðan flokk vesturþýskra
þingmanna sem væntanlegur er
þangað innan skamms. Astæðan
er framkoma hins erkiíhaldssama
Franz Jósefs Strauss, forsætis-
ráðherra Bæjaralands og leiðtoga
eins þriggja aðildarflokka sam-
bandsstjórnarinnar í Bonn, en
hann var sem kunnugt er á ferð
þar syðra í síðustu viku.
Maður er nefndur Gunther
Verheugen. Hann er félagi í Jafn-
aðarmannaflokknum og á um
þessar mundir sæti á Sambands-
þinginu í Bonn. Hann greindi
fréttamanni Reuters frá því í gær
að Jafnaðarmannaflokkurinn
myndi að öllum líkindum hætta
við að senda fulltrúa sinn í utan-
ríkismálanefnd þingsins til
Suður-Afríku með öðrum fulltrú-
um í nefndinni eftir að foringjar
Lýðræðislegu einingarfylkingar-
innar, kirkjuleiðtogar og verka-
lýðsforingjar tjáðu embættis-
mönnum vesturþýska sendiráðs-
ins í Pretóríu að þeir vildu hvorki
heyra né sjá þýska sendimenn í
bráð. Lýðræðislega einingarfylk-
ingin er langstærst þeirra baráttu-
samtaka blökkumanna gegn að-
skilnaðarstefnunni er hvíta
minnihlutastjórnin hefur ekki
séð ástæðu til að bannfæra.
í utanríkismálanefnd Sam-
bandsþingsins eiga sæti fulltrúar
allra vesturþýskra þingflokka og
hugðust þeir hleypa heimdragan-
um þann ó.febrúar og ferðast í
tvær vikur um Suður-Afríku,
Angólu og Zambíu.
Hátterni Strauss í tíu daga
heimsókn sinni er lauk á laugar-
dag hleypti mjög illu blóði í leið-
toga þeldökkra. Hann lýsti því
þrásinnis yfir að „miklar framfar-
ir“ hefðu orðið í Suður-Afríku og
kvað allar efnahagsþvinganir
gegn ráðamönnum í Pretóríu al-
gerlega útí hött. Það bætti ekki úr
skák að flandur Strauss var á veg-
um hins opinbera eða kanslara-
embættisins í Bonn. Verheugen
sagði það því í hæsta máta eðli-
legt að leiðtogar blökkumanna
beindu þeirri spurningu til vest-
urþýskra sendiráðsmanna í Pret-
óríu að þeir skýrðu út fyrir sér
hver væri stefna ríkisstjómarinn-
ar gagnvart aðskilnaðarstefn-
unni. Hvort væru orð Strauss eða
Hans-Dietrichs Genschers utan-
ríkisráðherra, sem ætíð hefur
sagst andsnúinn apartheid, dauð
og ómerk?
Strauss brá sér til Namibíu í
fylgd hvítra gestgjafa er hann
hafði viðdvöl þar syðra. Namibía
er gerviríki sem engum hefur
hingað til hugkvæmst að viður-
kenna sjáifstætt utan ráðamenn í
Pretóríu. Fyrr en Strauss gerir
það nú í raun.
Hafi einhverjum blandast hug-
ur um viðhorf Bæjarans til hvíta
minnihlutans og stjórnar hans
eftir þá vísítasíu gufaði allur efi
útúr hugskoti viðkomandi eftir
að gesturinn neitaði að koma að
máli við fulltrúa Afríska þjóðar-
ráðsins. Ráðið er langöflugast
samtaka svartra í Suður-Afríku
enda bannað og félagar ofsóttir af
stjóm hvítra.
Strauss og Gencher hafa
löngum eldað grátt silfur saman
enda telja þeir sig báðir kjörna til
þess að fara með embætti utan-
ríkisráðherra. Genscher fékk
vart dulið gremju sína vegna
framferðis fjanda síns á laugar-
daginn og varaði „menn“ við því
að reyna að grafa undan fordæm-
ingarstefnu sambandsstjórnar-
innar gagnvart aðskilnaðarstefn-
unni í Suður-Afríku.
„Stjórn vor vill eiga viðræður
við alla málsaðila í Suður-Afríku,
jafnt fulltrúa hvítra, blendingja
sem svartra. Þetta gildir vitaskuld
einnig um Afríska þjóðarráðið.
Þetta er stefna vesturþýsku
stjórnarinnar í utanríkismálum.“
Reuter/-ks.
Kólombía
Ráðstafanir gegn eiturbarónum
Stjórnarandstœðingar láta í Ijós efasemdir um tilgagng og ágæti nýmœla stjórnvalda
Kólombískir ráðamenn og emb-
ættismenn kynntu um helgina
nýjar reglur og boðuðu hertar að-
gerðir í því augnamiði að fá brot-
ið eiturlyfjaframleiðslu og versl-
un á bak aftur í landi sinu.
Sögðust þeir kæra sig kollótta
þótt útsendarar eiturbarónanna
sætu um líf sitt. Stjórnarandstæð-
ingar, jafnt tU hægri sem vinstri,
sögðust hinsvegar gjalda varhuga
við nýmælunum.
Alþýða manna í þessu Karab-
íska ríki virðist svartsýn á skjóta
lausn baráttunnar við hina vold-
ugu og moldríku fíkniefnasala.
Andstæðingar stjórnar Virgilios
Barcos til hægri kveða ráðstafan-
irnar lítilfjörlegar og segja betur
mega ef duga skuli í styrjöldinni
við eiturliðið. Fyrrum forseti úr
þeirra röðum, Carlos Lleras
Restrepo, gaf út yfirlýsingu í
fyrradag um þetta mál:„Við
verðum að brjóta dópmafíuna á
bak aftur..við eigum í stríði.“
Vinstrimenn staðhæfa hinsveg-
ar að efling hers, lögreglu og
dómsvalds muni fyrst og fremst
verða notuð til að halda sér niðri
og sem endranær verði eiturbar-
ónarnir að mestu látnir óáreittir.
Fíkniefnagreifarnir í Kólomb-
íu eru í hópi auðugustu manna
heims og víla ekkert fyrir sér ef
þeir telja hagsmunum sínum ógn-
að. Á umliðnum árum hafa þeir
látið myrða 21 dómara, 147 lög-
reglumenn, dómsmálaráðherra
og ritstjóra dagblaðs.
Barco forseti nefnir ráðstafanir
sínar einu nafni „Yfirlýsingu um
vörn lýðræðisins.“ Auk fjölgunar
í her og lögreglu og aukins vald-
sviðs dómara í fíkniefnamálum
eru glæpir nú skilgreindir á rýmri
hátt en áður og refsingar þyngd-
ar. Hinsvegar er ekki kveðið á
um að eiturlyfjasala megi eða
beri að framselja til Bandaríkj-
anna en það er hið eina sem þeir
óttast verulega. Þar eru dómarar
ekki jafn auðkeyptir og oft vill
verða í Kólombíu. Hvorki meira
né minna en 80 af hundraði fíkni-
efna sem seld eru á götum og
strætum bandarískra borga koma
frá Kólombíu.
Reuter/-ks.
Daniel Ortega.
Nicaragua
Ortega fengsæll í Evrópuför
Ríkisstjórnirfjögurra Vestur-Evrópulanda hyggjaststyðja
friðaráœtlunfimm Mið-Ameríkuríkja með ráðum og dáð
Daníel Ortega, forseti Nicar-
agua, kom heim í gær eftir vel
heppnaða för um fjögur ríki
Vestur-Evrópu en ráðamenn
þeirra hétu allir að styðja friðará-
ætlun flmm forseta Mið-
Ameríkuríkju með ráðum og
dáð.
í fyrradag bættist sænska ríkis-
stjórnin í hóp þeirra norsku, ítöl-
sku og spænsku sem allar hafa
heitið því að vinna ötullega að
framgangi friðaráætlunarinnar
frá því ágúst og styðja hverskyns
friðmæli í álfunni.
Ingvar Carlsson hét Ortega
fulltingi Svía á stuttum fundi í
fyrradag. Forseti Nicaragua
þakkaði fyrir sig og kvað stuðn-
ing ríkjanna fjögurra ákaflega
mikils virði.
„Næsta skrefið verður fundur
utanríkisráðherra ríkja Mið-
Ameríku þar sem þeir munu
kosta kapps um að finna leiðir til
að fylgjast með því að allir haldi
gefin heit.“
Auk þess að afla friðaráætlun-
inni stuðnings málsmetandi
manna notaði Ortega Evrópu-
ferðina til þess að veitast að Ron-
aldi Reagan Bandaríkjaforseta
sem nú leggur nótt við dag að
tryggja Kontraliðunum fjár-
stuðning þingsins svo þeir geti
haldið uppteknum hætti við
hryðjuverk í og við Nicaragua. Á
morgun og á föstudaginn munu
fulltrúa og öldungadeildarþing-
menn bandarískir greiða atkvæði
um þá ósk Reagans að málaliðar
sínir fái 36 miljónir dala af al-
mannafé. Talið er tvísýnt um úr-
slit.
Reuter/-ks.
El Salvador
Vinstrimenn
bjartsýnir
Tveir FMLN liðar
segja úrslitaátaka að
vœnta í ár
Tveir vinstrisinnaðir skærulið-
ar í El Salvador lýstu því yfir í gær
að í ár yrðu háðar „úrslitaorrust-
ur“ milli sinna manna og her-
manna stjórnar Napóleons Du-
artes. Ein slík væri hugsanlega
væntanleg í marsmánuði þegar
bæja-og sveitastjórnakosningar
eiga að fara fram og myndi hún
hefjast með allsherjar umferðar-
banni.
Fréttamenn Reuters og Visn-
ews áttu í gær viðræður við skær-
uliðana tvo í bænum San Juan de
la Cruz. Þeir kváðu félaga Þjóð-
legrar frelsisfylkingar Farabundo
Marti (FMLN) vera fullvissa um
að þeir myndu vinna góða pólit-
íska og hernaðarlega sigra í ár
sökum þess að hagur alþýðu
manna í landinu hefði versnað að
mun uppá síðkastið. Og hefðu
menn þó ætíð búið við fátækt.
Skæruliðarnir kváðu kosning-
arnar í vor ekki bjóða almenningi
neinn valkost gegn örbirgðinni.
Aðeins væri um sjónarspil að
ræða til þess ætlað að slá ryki í
augu umheimsins. Því hefði
FMLN ákveðið að vinna gegn því
að fólk tæki þátt í þeim, meðal
annars með því að setja umferð-
arbann á vegi í strjálbýli. Fylking-
in beitti sér átta sinnum fyrir slík-
um aðgerðum í fyrra með þeim
afleiðingum að öll umferð fór úr
skorðum á stórum hluta landsins
og varð auk þess fyrir verulegum
truflunum í bæjum og borgum,
þar á meðal í höfuðborginni San
Salvador. Reuter/-ks.
14 SÍÐA - ÞJÓÐVILJINN Þrlójudagur 2. febrúar 1988