Þjóðviljinn - 04.02.1988, Blaðsíða 2

r SPURNINGIN
Finnst þér að leyfa eigi
innflutning á eggjum og
kjúklingum?
Ásgeir Sigurðsson,
rafvirki.
Já, það mundi lækka verðið
mikið.
Einar Einarsson,
leigubíistjóri.
Ekki ef verðið verður lækkað
hér heima, en það er sjálfsagt
meðan verð er svona hátt. Ég hef
enga samúð með framleiðend-
um meðan þeir standa svona sví-
virðilega að verðhækkunum.
Þorleifur Marteinsson,
vélafræðingur.
Tvímælalaust á meðan verð er
svona hátt. Ég hef enga trú að
hætta aukist á sjúkdómum.
Elísabet Sigurðardóttir,
húsmóðir.
Því ekki það ef vörurnar verða
ódýrari.
Gerður Gylfadóttir,
húsmóðir.
Nei, ég held ekki. íslenskir
framleiðendur mundu missa all-
an markað.
______________SKÁK___________
Jóhann nærri sigri
En Korchnoi varðist af stakri snilld
Bréf það er þeir Friðrik Ólafs-
son og Jóhann Hjartarson rituðu
Glicoric aðaldómara hafði greini-
lega tilætluð áhrif. Eftir mikið
japl og jaml og fuður komst GIic-
oric loks að niðurstöðu sem
Korchnoi var greinilega ekki
ánægður með. Skákborðið var
fært nær miðju sviðsins þrátt
fyrir heiftarleg mótmæli Korch-
nois. Honum var vinsamlegast
bent á að hegðun hans væri trufl-
andi.
Því var loft lævi blandið við
upphaf skákarinnar og taugar
manna þandar til hins ýtrasta. Di-
mitry Gurevich, aðstoðarmaður
Korchnois, var mjög æstur og
hljóp hvað eftir annað inná um-
ráðasvæði dómaranna. En að
lokum komu þeir Jóhann og
Korchnoi sér að taflmennskunni.
Skákin í gær var geysilega
spennandi, ekki síst vegna þess
að Korchnoi lenti enn einu sinni í
feiknarlegu tímahraki og þurfti
að verja afar erfiða stöðu. Hann
sýndi þó hvers megnugur hann
er. Hvað eftir annað varðist hann
atlögum Jóhanns af mikilli fimi.
Þegar tímamörkunum var náð í
kringum fertugasta leik var stað-
an orðin dautt jafntefli og aðeins
tímaspurning hvenær Jóhann
sættist á skiptan hlut.
Jóhann getur að mörgu leyti
unað vel við skákina því að hann
hafði Korchnoi í mikilli pressu
allan tímann og sýndi svo ekki
verður um villst að hann hefur
náð sér á strik aftur eftir töpin
tvö.
7.skákin
Hvítt: Jóhann Hjartarson
Svart: Viktor Korchnoi
Móttekið drottningarbragð
l.d4 d5 2.c4 dxc4
(Korchnoi er ekki vanur að
tefla móttekið drottningarbragð.
Enn og aftur vill hann koma Jó-
hanni á óvart. Það er engu líkara
en að hann óttist heimarannsókn-
ir okkar manns einsog heitan
eldinn.).
3. Rf3 Rf6 8.exd4 Be7
4. e3 c5 9.Rc3 0-0
5. Bxc4 e6 10.Bg5 b5
6.0-0 a6 11.a4
7.Bd3 cxd4
(Réttilega reynir Jóhann að
þrýsta á stöðu svarts frá báðum
vængjum.)
11. ...bxa4 13.De2 Bb7
12. Rxa4 Rbd7 14.Hfdl a5
(Kemur a peðinu úr skotlínu
biskupsins.)
15.Re5 (tími:0,51)
(Eftir þennan leik var öllum
ljóst að Jóhann hafði hrifsað til
sín frumkvæðið.)
15. ...Hc8 (1,10) 16.De3 Rxe5
(Korchnoi lék þessu eftir langa
umhugsun. Hann sættir sig við
heldur lakara tafl, peði undir.)
17. dxe5 Rd5 20.Bb5 Bc6
18. De4 g6 21.Bxc6 Hxc6
19. Bh6 He8 22.Rc3
(Nú blasir peðstap við Korch-
noi en þar sem staðan hefur ein-
faldast talsvert hefur svartur
jafnteflismöguleika. Voru menní
blaðamannaherberginu ekki á
New Brunswick
Nouveau-Brur^^
Viktor Korchnoi og Jóhann Hjartarson að tafli í St.John.
eitt sáttir um það hvort Jóhann
ætti raunhæfa vinningsmögu-
leika.)
22. ...Dc8
(Enn hugsaði Korchnoi sig
lengi um. Hann byggir vörn sína á
staðsetningu biskupsins á h6.)
23. Rxd5 exd5
24. Dxd5 g5
25. e6!
(Ekki 25.Bxg5 Bxg5 26.e6 f6!
og svo framvegis.)
25. ...Dxe6 28.Hxg5+ Kf8
26. Bxg5 Dxd5 29.Hgxa5 Hb6
27. Hxd5 Bxg5
(Þótt Korchnoi sé tveimur peð-
um undir í augnablikinu nær
hann b peðinu til baka og staðan
verður æ jafnteflislegri. í tíma-
hraki Korchnois lagði Jóhann
ýmsar gildrur fyrir hann en allt
kom fyrir ekki.)
30. Hh5 Kg7 33.Hg5+ Kh8
31. g3 Hxb2 34.Hf6 H8b7
32. Ha6 Heb8 35.Hc6 Hb8
(Hvítur hótaði 36.Hc8 mát.)
36. HÍ5 H8b7 38.h5 h6
37. h4 Kg7 39.Hff6 Hb5!
(Betra en 39... .Hh8 en þá væri
svartur mjög illa beygður þó að
jafntefli væri ekki þar með úr sög-
unni.)
40. Hxh6 Hg5 43.Hxh5 Hxh5+
41. Kg2 Hbb5 44.Kg4
42. Kh3 Hxh5+
(Staðan er auðvitað dautt jafn-
tefli en það er góð regla í einvígj-
um að láta þann liðfærri þjást ör-
lítið. Korchnoi tefldi sjálfur ná-
kvæmlega eins stöðu áfram í einu
af einvígjum sínum við Anatólí
Karpov um heimsmeistaratitil-
inn.)
44. ...Ha5 48.Kh5 Ha7
45. f4 Hb5 49.Hb6 Hc7
46. Kh4 Hb7 50.Ha6 Hb7
47. g4 f6 51.f5 Hc7
HELGI ÓLAFSSON
SKRIFAR FRÁ
ST. JOHN
€3.
52. g5 fxg5 54.Hg6+ Kf8
53. Kxg5 Hb7 55.HÍ6+ jafntefli
Þegar blaðið fór í prentun í gær
var staðan í skák Sokolovs og
Spraggets feiknarlega tvísýn.
Kanadamaðurinn stýrði hvítu
mönnunum og var í stórsókn.
Skákeinvígið
„Truflar mig vísvitandi“
íslenska sendinefndin íSt. Johnsendir kvört-
unarbréf vegna dólgsláta Korchnois
, Jóhann Hjartarson og Friðrik
Ólafsson, formaður íslensku
sendinefndarinnar í St. John,
hafa sent mótshöldurum opinbert
kvörtunarbréf vegna framkomu
Viktors Korchnois. Jóhann full-
yrðir að Korchnoi trufli sig vísvit-
andi við skákborðið.
Þeir segja að Jóhann hafi ekki
getað einbeitt sér sem skyldi í
tveimur síðustu skákum fyrir vik-
ið; um þetta hafi yfirdómaranum,
Svetosar Gligoric, verið kunn-
ugt. Hann hafi hins vegar ekkert
gert í málinu þar sem engin opin-
ber kæra hafi komið fram. Því er
sett fram eftirfarandi krafa:
1) Skákmaður skal ekki ganga
um sviðið þegar andstæðingurinn
er að hugsa um svarleik sinn.
Þessi krafa er sett fram vegna
þess að sviðið hristist þegar
gengið er um það.
2) Skákmaður skal ekki ganga
fram og til baka í sjónlínu and-
stæðingsins.
3) Skákmaður skal ekki reykja
við borðið þegar andstæðingur-
inn á leik.
Ennfremur: Þar sem aðeins tvö
einvígi eru eftir þá styðjum við
eindregið þá uppástungu móts-
haldaranna að bæði einvígin skuli
flutt að miðju sviðsins og verði
tefld á borðum nr. 5 og 3. Við
erum tilbúnir að ákvarða þetta
atriði nánar með því móti að
dregið verði um staðsetningu.
Undir engum kringumstæðum
skal aðeins annað einvígið flutt
að miðju sviðsins.
Jóhann Hjart arson.
Friðrik Ólafsson, formaður ís-
lensku sendinefndarinnar.
2 SÍÐA — ÞJÓÐVILJINN Flmmtudagur 4. febrúar 1988