Þjóðviljinn - 16.02.1988, Blaðsíða 11

ERLENDAR FRÉTTIR
Austurríki
Rógur níð og hatursáróður
Kurt Waldheim er ekki á förum úr höll Habsborgara í Vín.
Kanslarinn íhugar hinsvegar að segja af sér
Kurt Waldheim, forseti
Austurríkis, flutti sjónvarps-
ávarp í gær og kvaðst öldungis
ekki vera á þeim buxunum að
segja af sér embætti þótt þeim
fjölgi stöðugt er telja slíkt hið
mesta þjóðráð. Hann notaði einn-
ig þetta tækifæri til þess að vísa á
bug rógi þeim og níði er sex sagn-
fræðingar hefðu nýskeð birt um
hann í skýrslu.
Waldheim sagðist ekki telja
það til heilla fyrir land og lýð að
láta undan þrýstingi annarlegra
afla, utanlands og innan. Afsögn
sín myndi ógna hagsmunum
austurríska ríkisins.
Skömmu eftir að forsetinn lauk
máli sínu sendi Sósíalistaflokkur
Franz Vranitskys kanslara frá sér
yfirlýsingu. Ræðan „hefði ekki
fært fram neina ferska hugsun né
tillögur um nýjar aðgerðir til
lausnar vandamálunum í kring-
um forsetann." Vranitsky hótaði
í fyrradag að segja af sér embætti
vegna þessa eilífðarvandamáls
sem gamli maðurinn í Habsborg-
arslotinu væri orðinn. Bar kansl-
arinn sig aumlega og sagði að
„Waldheimsstúss" æti upp 60
prósent af vinnutíma sínum. Við-
brögð forsetans við sagnfræðing-
askýrslunni hafa valdið úlfúð á
stjórnarheimilinu þar sem sósíal-
istar drottna í slagtogi með
íhaldssama þjóðarflokknum.
Liðssafnaður sá studdi Waldheim
í forsetakosningunum árið 1986
þótt vafasamt athæfi hans á
stríðsárunum væri þá þegar kom-
ið í hámæli.
í gær fórust forsetanum orð á
þessa lund: „Höfuð ríkisins á og
má ekki beygja sig fyrir rógi og
níði, hatursáróðri og fljótfærnis-
dómum. Trú vor á föðurlandið er
í húfi. Mér megið þið treysta."
Sagnfræðinganefndin var á sín-
um tíma skipuð að tillögu Wald-
heims sjálfs en sem fyrr segir voru
niðurstöður hennar honum ekki
allskostar að skapi. „Ég verð að
benda á að hlutar skýrslu þessar-
ar eru fjarri öllum sanni og í raun
tómar hugdettur og tilgátur. Þar
af leiðir að niðurstöður, dregnar
af jafn veikum forsendum, eru útí
hött.“ Þrátt fyrir staðhæfingar
sínar lét Waldheim þess ekki get-
ið hvaða hlutar skýrslunnar væru
hugarburður né gerði hann ein-
stök atriði hennar að umtalsefni.
f lok ræðu sinnar hvatti forset-
inn þjóð „sína“ til þess að vega
hann og meta út frá þeim störfum
er hann hefði innt af hendi frá því
stríðinu lauk. „Þið getið sjálf
dæmt um það hvort forseti ykkar
er þessi ungi liðsforingi, eða öllu
heldur skopmynd af liðsforingja í
þýska hernum, eða hvort forseti
ykkar er maðurinn sem helgaði
áratugi lífs síns baráttunni fyrir
réttlæti, umburðarlyndi og
frelsi.“
Fimm þúsund manns komu
saman í miðborg Vínar á sunnu-
daginn og kröfðust afsagnar for-
setans. Hann brá sér af bæ á
laugardaginn og hélt til Inns-
bruck. Þar var tekið á móti hon-
um með eggjakasti og fúkyrðum.
Samstilltur kór æpti „lygari,
lygari!“
Reuter/-ks.
Kurt Waldheim...hvort forseti ykkar er maðurinn sem helgaði áratugi lífs síns
baráttunni fyrir réttlæti, umburðarlyndi og frelsi."
Bretland
Bílaframleiösla í lamasessi
Ford braut odd afoflœti sínu og óskaði eftir viðrceðum
Leiðtogar verkamanna við
verksmiðjur breska Fords og
fyrirmenn þess fyrirtækis hafa í
hyggju að fítja uppá viðræðum á
ný um lausn verkfalls er lamað
hefur alla starfsemi þessa mikil-
virkasta bifreiðaframleiðanda
breska Ijónsins.
Nú eru liðnir tíu dagar frá því
fyrri viðræður aðila fóru út um
þúfur og vika frá því vinnustöðv-
unin hófst. Það kváðu hafa verið
fyrirmennirnir er brutu odd af
oflæti sínu og æsktu spjalls.
Eitt af dagblöðum Lundúna-
borgar lét að því liggja á dögun-
um að fyrir lægju drög að
leyndarsamningi um kaup og
kjör og vinnuaðstæður 32,500
verkamanna Fords. Fyrrnefndir
fyrirmenn þrættu fyrir þetta.
Alllengi hafa viðræður verka-
lýðsforingja og Fords um
launamál staðið í járnum og
hvorki gengið né rekið. Verka-
menn veigruðu sér við því lengi
vel að stöðva vinnu í Fordverk-
smiðjunum 22 á Bretlandi en þar
kom að þeim var ekki lengur
stætt á öðru. Kornið sem fyllti
mælinn var ósvikin þrælaáætlun
af japönskum toga er Ford kynnti
fyrir skemmstu. Áætlun um
aukið vinnuálag, betri framleiðni
og enn meiri afköst verkamanna. •
A mánudag fyrir viku lamaðist
Ford allur á Bretlandseyjum.
Sökum verkfalls þessa mun
Ford í Vestur-Evrópu tapa
myndarlegri upphæð á degi
hverjum eða um 40 miljónum
punda að sögn þeirra er gerst
þekkja til. Á fimmtudaginn til-
kynnti Ford í Genk í austanverðri
Belgíu að hann hefði sagt 7,200
verkamönnum upp störfum til
viðbótar þeim 2,500 er reknir
höfðu verið tveim dögum áður.
Ástæðan mun vera skortur á bíl-
ahlutum frá Bretlandi.
í gær ákváðu um 6 þúsund
verkamenn Land Rover verk-
smiðjanna bresku að leggja niður
vinnu á miðnætti á sunnudaginn
kemur. Rétt áður höfðu þeir for-
smáð tilboð forstjóra sinna um 14
prósent launahækkun á tveim
árum. Talsmaður jeppafram-
leiðandans sagði ekkert að marka
þessa verkfallsboðun, verka-
menn væru bara að styrkja stöðu
sína við samningaborðið! En
hvað um það, komi til verkfalls
hjá Land Rover verður það í
fyrsta sinn frá því árið 1981.
Reuter/-ks.
Finnland
Koivisto í höfn
M
auno Koivisto var í gær
endurkjörinn forseti Finn-
lands af kjörráði. Hann mun því
gegna embætti í sex ár til viðbótar
að minnsta kosti.
Finnar kusu fulltrúa í kjör-
ráðið í forsetakosningunum á
dögunum. Þar eð Koivisto fékk
þá ekki hreinan meirihluta at-
kvæða fremur en aðrir frambjóð-
enda kom til kasta kjörráðsins.
í því sitja 301 fulltrúi og voru
þeir kosnir af listum forsetafram-
bjóðenda. í gær komu þeir síðan
saman í þinghúsinu í Helsinki og
greiddu atkvæði í tvígang. í hið
fyrra sinni fékkst ekki úr málum
skorið og var því reynt á nýjan
leik. Og viti menn! Koivisto
hreppti 189 atkvæði og endur-
skapta forsetatign. Frambjóð-
andi Miðflokksins, Paavo Va-
eyrinen, fékk 68, sósíalistinn Kal-
evi Kivisto 26 og íhaldssinninn og
forsætisráðherann Harri Holkeri
18 atkvæði.
Reuter/-ks.
Mauno Koivisto situr um kyrrt í forset-
astóli næstu sex árin.
PLO
Hóta hefndum
Leiðtogar Frelsissamtaka Pai-
estínumanna, PLO, sóru í gær
að ná sér niðri á ísraelsmönnum
fyrir morð þriggja háttsettra fé-
laga samtakanna á Kýpur um
helgina. Mennirnir létust sam-
stundis þegar fjarstýrð sprengja
sprakk undir bifreið þeirra
steinsnar frá hafnarbænum Lim-
ossol.
Skrifstofa PLO í Níkósíu, höf-
uðborg eyríkisins, gaf frá sér yfir-
lýsingu um atburðinn í gær þar
sem segir að einn hinna myrtu
hafi verið félagi í herráði palest-
ínsku byltingarinnar. Hinir tveir
hefðu verið í nefnd sem hefur
með málefni hersetinnar ættjarð-
ar að gera og hefðu þeir einkum
haft Gazasvæðið og vesturbakka
Jórdanár á sinni könnu. Nöfn
mannanna væru Marwan Ibra-
him Kayyali, Mohammed Basim
Mustafa Sultan Al-Tamimi og
Mohammed Hassan Al-Buhais.
í yfirlýsingunni er staðhæft að
leyniþjónusta ísraels, Mossad,
hafi myrt mennina enda hagnist
engir á dauða þeirra nema ráða-
menn í Jerúsalem. En þeir skyldu
ekki halda að þessa yrði látið
óhefnt. „Palenstínska þjóðin
hyggst lesa ísraelska óvininum
pistilinn á þann hátt að það líður
honum ekki úr minni í bráð.“
Reuter/-ks.
Þriðjudagur 16. febrúar 1988 ÞJÓÐVILJINN — SÍÐA 15
Ítalía
Frestur er
áillu
bestur
Goria gerir enn eina
tilraun
Fyrir þrábeiðni Francescos
Cossigas, forseta lýðveldisins ít-
alíu, féllst Giovanni Goria á að
gegna embætti forsætisráðherra
enn um sinn eða þangað til fjárlög
yrðu afgreidd frá þingi. Þar með
var þriggja daga stjórnarkreppa
á enda en Goria hafði fengið sig
fullsaddan á ósigri á ósigur ofan í
atkvæðagreiðslu um efnisþætti
fjárlagafrumvarpsins, gengið á
fund forseta og sagt af sér.
Forsætisráðherrann efndi til
stutts ríkisstjórnarfundar í gær en
á morgun hyggst hann fara fram á
traustsyfirlýsingu þingheims. Fái
hann slíka lýsingu tekur fjár-
lagastreðið við á nýjan leik. Sam-
kvæmt ítalskri venju hefði því átt
að vera lokið fyrir sex vikum síð-
an og fimmflokkastjórnin ætti að
sönnu að hafa nægan meirihluta
þingmanna fyrir framgangi fjár-
laganna. En stöðugar glettur fá-
einna samflokksmanna Gorias
hafa eytt málatilbúnaði hans dag
eftir dag, málslið fyrir málslið, á
umliðnum vikum. Þeir hafa lagst
á sveif með hverjum þeim sem
hreyft hefur andmælum hverju
sinni og lagt sig í líma við að pirra
og þreyta forsætisráðherrann.
Ástæðan er grimmileg valda-
barátta í röðum Kristilega dem-
ókrataflokksins. Þing flokksins
verður háð nú á útmánuðum og
gefur formaðurinn Ciriaco de
Mita kost á sér til endurkjörs.
Hann er ýmist dáður eða smáður
af flokksbræðrum sínum og styð-
ur Goria með ráðum og dáð. Það
er hið eina, að sögn Reuters, sem
andstæðingar hans finna forsæt-
isráðherranum til foráttu en það
nægir. Því hafa þeir einsett sér að
kála fjárlagafrumvarpinu sem
vafalaust tekur ríkisstjórnina
með sér niður í undirdjúpin.
Reuter/-ks.