Þjóðviljinn - 16.02.1988, Blaðsíða 15
Bíldudalur
Allt fleytifullt af rækju
Rœkjuver hf.: Elstu menn muna ekki aðra eins vertíð. 500
tonna kvóti að klárast. Menn vonast eftir2-300 tonna við-
bótarkvóta
Rækjuveiðarnar hafa gengið
alveg vonum framar frá því
þær byrjuðu 1. nóvember sl. og
eru bátarnir 10 sem veiðileyfi
hafa, búnir að fá um 460 tonn af
500 tonna kvóta frá 1. nóvember
sl. þegar vertíðin hófst,“ segir
Ólafur Egilsson, framkvæmda-
stjóri Rækjuvers hf. á Bíldudal
við Þjóðviljann.
Elstu menn á Bíldudal muna
ekki eftir annarri eins vertíð og
verið hefur að undanförnu og
sem dæmi um veiðarnar má nefna
að á sl. mánudag veiddust 27 tonn
og síðan hafa bátarnir legið í
höfn. Vikuskammturinn er 40
tonn og var ætlunin að klára hann
í dag, þau 13 tonn sem á hann
vantar.
Framan af vertíðinni fór rækj-
an að mestu í annan verðflokk og
voru að meðaltali um 230-250
stykki í hverju kílói, en fyrir það
eru borgaðar 53 krónur. I síðustu
viku hljóp heldur betur í rækju-
trollin og var rækjan þá óvenjust-
ór og meðaltalið í hverju kílói
voru 200 stykki, sem að sjálf-
sögðu fór í fyrsta flokk, á 58 krón-
ur.
Þessa dagana hafa verið tveir
fiskifræðingar frá Hafrannsókn
við rannsóknir í Arnarfirði, en
allt bendir til þess að heimilað
verði að veiða 200-300 tonn til
viðbótar þeim 500 sem áður var
búið að úthluta. Rækjan er seld á
Englands- og Evrópumarkað og
hefur farið jafnt og þétt í vetur og
iitlar sem engar birgðir hafa safn-
ast upp. Það er einna helst að illa
gangi að selja smárækjuna, sem
er innan um í bland. -grh
íslenska ullin
Blönduð
tHhekninga
Ekki eru mörg ár síðan íslenska
ullin var talin úrvals hráefni. Nú
er hins vegar svo komið, að við
flytjum inn ull í stórum stfl til þess
að blanda í íslensku ullina. Er sá
innflutningur jafn mikill eða
meiri en sem nemur allri
innveginni íslenskri uU. Mjög lítið
er nú framleitt úr íslensku ullinni
óblandaðri. Tvflita ullin er að
verulegu leyti flutt óunnin úr
landi.
Ólafur R. Dýrmundsson ráðu-
nautur segir að við notfærum
okkur ekki sérkenni íslensku ull-
arinnar. Nú væri svo komið að
erlendis frá væri leitað eftir út-
flutningi á íslensku sauðfé, til
þess að framleiða þar ull, sem við
vildum ekki nota, - mislitinn.
-mhg
Ráðunautafundurinn
Þrjár uppskerur
á tveimur ámm
Sannindi eru það, sem menn
vita sannast og réttast hverju
sinni, en sannindi verða seint
endanleg. Við erum alltaf að leita
meiri þekkingar og nýrra sann-
inda.
Svo mælti Hjörtur E. Þórarins-
son, formaður Búnaðarfélags ís-
lands og bóndi á Tjörn í Svarfað-
ardal við setningu ráðunauta-
fundarins, sem nú er nýafstaðinn.
Og það er einmitt hlutverk og til-
gangur slíkra funda að leita
„nýrra sanninda", ræða þau og
gaumgæfa. Og það var vissulega
gert á þessum fundi og þar kom
sitthvað athyglisvert fram. Ef að
einhverju mætti finna þá væri það
helst, að framsöguerindi hafi ver-
ið of mörg, sum e.t.v. óþarflega
löng og því minni tími gefist til
almennra skoðanaskipta.
Málefni sauðfjárræktarinnar
skipuðu mikið rúm á fundinum,
enda á hún nú mjög á brattann að
sækja. Á það var m.a. bent, að
sauðfjárafurðir kæmu á markað á
stuttum tíma en væru svo að selj-
ast á heilu ári og þaðan af lengur.
Að þessu leyti hefur kindakjöts-
framleiðslan sérstöðu miðað við
aðrar kjötframleiðslugreinar.
Hún krefst því mikils fjármagns
og eftir því sem fjármagnskostn-
aður er hærri þeim mun verr
stendur kindakjötsframlciðslan
að vígi í samkeppni við aðra kjöt-
framleiðslu. Láta mun nærri að
vaxta- og geymslugjald, sem á
kindakjötsframleiðslunni hvílir,
sé 19,2% af heildsöluverði eða
27% af grundvallarverði, sem
gerir 670,7 milj. kr.
í ljósi þessa má spyrja, eins og
Þórólfur Sveinsson gerði: Er
mögulegt að breyta framleiðslu-
háttum þannig að styttra líði frá
innleggi til sölu, er jafnvel hugs-
anlegt að geyma eitthvað af kjöt-
inu lifandi? Nokkur hluti ánna
yrði þá látinn bera seint að vori,
dilkunum beitt svo lengi á haustin
sem kostur er og slátrað síðan
vorið eftir, ársgömlum. Stefán
Scheving benti á að hægt væri að
láta hverja á bera þrisvar á
tveimur árum. Ólafur R. Dýr-
mundsson sagði það slæmt hvað
sauðfjárframleiðslan væri árs-
tíðabundin. Því væri hins vegar
hægt að breyta, eins og fram
hefði komið. Spurningin væri
bara um kostnaðinn.
Og þá er eðlilegt að spurt sé:
Verður fóðurkostnaðurinn meiri
við breytilegan burð svo að verð-
ið þurfi að vera hærra af þeim
sökum? Sé svo, eru þá kaupend-
ur reiðubúnir til þess að greiða
hærra verð fyrir kjötið standi
þeim það nýtt til boða svo að
segja árið um kring? Eða kallaði
þessi breyting kannski ekkert á
hærra verð? Ekki ætti vaxta- og
geymslugjaldið að verða slíkt ok
sem það er nú. Og mundi þetta
ekki gefa bóndanum færi á að
fækka fé sínu án þess að það
bakaði honum tekjutap? Þannig
mætti halda áfram að spyrja. Og
varla myndi gróðurverndin
gjalda þessarar ráðabreytni. Á
allt þetta þyrfti að reyna.
Það er sagt að hið eina jákvæða
við styrjaldir sé það, að þá fleygi
tækninni fram. Þótt ólíku sé sam-
an að jafna þá má e.t.v. segja, að
verði erfiðleikar sauðfjárræktar-
innar til þess, að leitað verði
nýrra og hagkvæmari leiða, þá
hafi þeir ekki til einskis orðið.
-mhg
Það voru sjálfsagt margir foreldrar sem vöknuðu upp við flengingu í gærmorg-
un á bolludag. Börnin kunna sannarlega að meta bolluhátíðina og greinilega
þeir eldri líka því bolluveislan í bakaríum og heimahúsum hófst víðast hvar um
sl. helgi. í dag er það svo saltkjötið og baunirnar.
Gaman, gaman
Öskudags-
fagnaður
í Kaupstað
Skátafélagið Segull í Selja-
hverfi og Kaupstaður í Mjódd
efna til öskudagshátíðar n.k.
miðvikudag. Ilátíðin hefst kl. 10
árdegis.
Afgreiðslufólk í snyrtivöru-
deild Kaupstaðar býður þeim
krökkum sem vilja upp á ókeypis
förðun. Sanitas býður ókeypis
gosdrykki. Kötturinn verður
sleginn úr tunnunni og efnt verð-
ur til furðufatasamkeppni, þar
sem þrír bestu búningarnir verða
verðlaunaðir. Þá verður og
tunnukóngur/tunnudrottning
krýnd. Þess vegna er um að gera
að finna til búninga og mæta við
Kaupstað fyrir kl. 10.00 á ösku-
daginn. mhg
Breyttur afgreiðslutími
Frá og með 15. febrúar 1988 breytist afgreiðslutími póst- og símstöðva á
höfuðborgarsvæðinu. Opið verðurfrá kl. 8.30-16.30 mánudaga, þriðjudaga,
miðvikudaga og föstudagaog frá kl. 8.30-18.00 fimmtudaga.
R-1 Pósthússtræti 5
R-4 Kleppsvegi 152
R-5 Rauðarárstíg 27
R-7 Neshaga 16
R-8 Ármúla 25
R-9 Arnarbakka 2
R-10 Hraunbæ 102c
R-11 Lóuhólum 2-6
Póst-
Póst-
Póst-
Póst-
Póst-
og símstöðin Kópavogi
og símstöðin Garðabæ
og símstöðin Hafnarfirði
og símstöðin Seltjarnarnesi
og símstöðin Mosfellsbæ
Póstútibúið R-3, Kringlunni, er opið mánudaga til föstudaga frá kl. 8.30-18.00.
Póstútibúið R-6, Umferðarmiðstöðinni, er opið mánudaga til föstudaga frá kl. 8.30-19.30
og laugardaga frá kl. 8.30-15.00. ,, , . ■. , .
Umdæmisstjori