Þjóðviljinn - 17.02.1988, Blaðsíða 2

fSPURNINGIN"
Fylgist þú með olympíu-
leikunum í Galgary?
Gunnar Hallsson
kerfisfræðingur:
Nei, ég hef sko engan áhuga á
þessu skíðabrölti og finnst helvíti
hart að fréttir skuli þurfa að víkja
fyrir því.
Benedikt Steingrímsson
skrifstofumaður:
Já, nokkuð, svona endrum og
eins.
Steinunn Sigurðardóttir
nemi:
Nei, eiginlega ekki, bara ef sjón-
varpið er opið og ég hef ekkert
annað að gera.
Snær Frostason
leikskólanemi:
Nei, og láttu mig vera... MAMMA-
AAA!!!
Ingibjörg Hestnes,
starfar sem tækniteiknari:
Já, og af miklum áhuga. Öll fjöl-
skyldan situr spennt þegar
leikarnir eru í sjónvarpinu.
Unnið af Eyþóri og Tinnu
í starfskynningu.
____________________________FRÉTTIR___________________________
Skemmtigarðurinn/'Hveragerði
Neitar að greiöa laun
Skelmirinn Sigurður Kárason þráast við. Starfsmenn eiga útistandandi um
1200.000 króna laun síðan í haust. Félagsgjöld og lífeyrisgreiðslur útistandandi
íþrjúár. Miðstjórn ASÍ krefst úrbóta
Enn lætur Sigurður Kárason,
sá sem rak Skemmtigarðinn í
Hveragerði, ekki af oflæti sínu.
Um 20 starfsmenn fyrirtækisins
eiga enn útistandandi hjá Sigurði
á tólftahundrað þúsund króna
laun, en Skemmtigarðurinn var
innsiglaður í nóvember s.l. vegna
vangreidds söluskatts. Að sögn
Þórðar Ólafssonar, formanns
verkalýðsfélagsins Boðans í
Hveragerði, eru laun starfs-
manna nú í innheimtu hjá lög-
fræðingi.
Þórður sagði að þar með væru
ekki upp talin afreksverk þessa
merkisbera frjáls framtaks. -Líf-
eyrissjóðsgreiðslur, sjúkrasjóðs-
og félagsgjöld eru ógreidd frá því
að starfsemin hófst fyrir um
þremur árum. Það er búið að
reyna samninga við Sigurð, en
það stenst aldrei neitt sem samið
er um, sagði Þórður, - og ýms
teikn eru á lofti um að reyna eigi
að opna búlluna á nýjan leik áður
en staðið hefur verið í skilum við
starfsmenn.
„Miðstjórn Alþýðusambands-
ins krefst þess að rekstraraðili
Skemmtigarðsins í Hveragerði
geri að fullu upp reikninga við
það launafólk, sem á inni vinnu-
laun frá fyrri tíð. Miðstjórn lýsir
eindregnum stuðningi við að-
gerðir Verkalýðsfélagsins Boð-
ans og hvetur fólk til að taka ekki
störf hjá fyrirtækinu á meðan
launagreiðslur eru óuppgerðar,"
segir í ályktun miðstjórnar félags-
ins frá 11. þessa mánaðar.
Nafn Sigurðar varð kunnugt í
fréttum í tengslum við okurvaxta-
málið, en Sigurður var einn stær-
sti skuldunautur Hermanns
nokkurs Björgvinssonar.
-rk
Grænlenskir rækjutogarar sjást æ oftar í íslenskum höfnum. Síðustu daga hafa þrír slíkir verið í Hafnarfjarðarhöfn
Mynd-E.ÓI.
Lágmarkslaun
Kaupmáttur dregst saman
Meðfylgjandi línurit birtist í
nýjasta Fréttabréfi kjararann-
sóknarnefndar. Þar má sjá þróun
kaupmáttar lágmarkslauna
verkafólks.
Á síðasta ársfjórðungi 1987 var
hann 96,9 eða um 3% lægri en
hann var að meðaltali 1980 (100
stig). Hæst komst kaupmáttur
lágmarkslauna samkvæmt þess-
um upplýsingum kjararannsókn-
arnefndar á fyrsta ársfjórðungi
1982 eða í 112,6 stig. Hann var þá
meir en 16% hærri en á síðasta
ársfjórðungi í fyrra.
Kaupmáttur lágmarkslauna
hefur lækkað mikið að undan-
förnu því að þau hafa ekki hækk-
að síðan 1. október. Nú eru lág-
markslaun hjá mörgum verka-
lýðsfélögum innan Alþýðusam-
bandsins 29.975 krónur á mán-
uði.
Kaupmöttur lögmarkslauna verkafólks
Grœnlenskir togarar
18 leggja
upp afla
hérlendis
Mikil þjónusta og
vinna
- Umferð grænlensku rækju-
togaranna er sífellt að aukast því
þeir nota ísland sem sína þjón-
ustuhöfn, skipta hér um áhafnir,
taka vistir og láta gera við smærri
bilanir, sagði Þorvaldur Jónsson
skipamiðlari í samtali við Þjóð-
viljann.
18 slíkir togarar hafa nú reglu-
lega viðkomu í íslenskum
höfnum; á ísafirði, í Hafnarfirði
og Reykjavík. Einkum hefur um-
ferð þeirra um Hafnarfjarðar-
höfn aukist að undanförnu en þar
var skipað upp úr þremur græn-
lenskum togurum um helgina.
Langstærsti hluti afla togar-
anna er fryst rækja en einnig
landa þeir á stundum heilfrystri
lúðu. Eimskip og Sambandið sjá
síðan um að flytja afurðirnar á
erlenda markaði.
Að sögn Þorvaldar Jónssonar,
sem hefur með skipamiðlun fyrir
Grænlendinga að gera í Hafnar-
firði og Reykjavík, sjá þeir sér
hag í því að fá þjónustuna hér, því
ódýrara er að sigla hingað en til
vesturstrandar Grænlands frá
miðunum sem eru úti fyrir
austurströndinni. .
Norðurlönd
fslenskt bankamet
Norrænn samanburður sýnir
að á íslandi eru fæstir íbúar um
hvert bankaútibú. Munar þó ekki
miklu á íslendingum, Dönum og
Finnum.
Á íslandi voru í fyrra 1402 íbú-
ar um hvert bankaútibú (alls
130), í Finnlandi 1412, í Dan-
mörku 1420, í Noregi 2249 og í
Svíþjóð 2391.
Þetta kemur fram í nýútkomnu
riti frá samtökum norrænna
bankamanna (NBU).
2 SÍÐA — ÞJÓÐVILJINN Miövikudagur 17. febrúar 1988