Þjóðviljinn - 24.02.1988, Qupperneq 6
AlPÝÐUBANDALAGtÐ
Alþýðubandalagið Hafnarfirði
30 ára afmælishátíð
30 ára afmælishátíð Alþýðubandalagsins í Hafnarfirði verður haldin í Fé-
lagsheimilinu Garðaholti, laugardaginn 5. mars nk. (á afmælisdaginn að
sjálfsögðu) og hefst með borðhaldi kl. 20.00.
Dagskráin auglýst síðar, svo og miðasala en félagar eru beðnir að taka frá
tíma fyrir hátíðina. - Stjórnin.
Alþýðubandalagið Akranesi
Alþýðubandalagið Akureyri
Bæjarmálaráðsfundur
Fundur í bæjarmálaráðí mánudaginn 29. febrúar kl. 20.30. Dagskrá:
Fundargerðir bæjarstjórnar fyrir bæjarstjórnarfund 1. mars. Önnur mál.
Stjórnin.
Borgarmálaráð ABR
Málefni aldraðra
Fundur í borgarmálaráði ABR miðvikudaginn 24. febrúar kl. 17.00 verður
um málefni aldraðra í Reykjavík.
Fundurinn verður haldinn að Hverfisgötu 105. Borgarfulltrúarnir Guðrún og
Kristín reifa málin. Fulltrúar og áhugafólk er hvatt til að mæta á fundinn.
Stjórnin.
ABK
Morgunkaffi ABK
Heiðrún Sverrisdóttir bæjarfulltrúi og Elsa Þorkelsdóttir fulltrúi í fé-
lagsmálaráði og áfengisvarnanefnd verða með heitt á könnunni laugardag-
inn 27. febrúar kl. 10-12. Allir velkomnir.
Skoðunarferð í Smárahvamm
Kl. 12.30 sama dag býður bæjarmálaráð til skoðunarferðar í Smárahvamm
og Fífuhvamm. Farið verður frá Þinghóli. Félagar eru hvattir til að mæta í
ferðina. - Stjórnin.
Alþýðubandalagið Kópavogi
Félagsfundur
Félagsfundur ABK í Þinghóli mánudaginn 29. febrúarkl. 20.30. Fundarefni:
Heimir Pálsson kynnir Smárahvammsmál. Skipulagsmál oq önnur mál. -
Stjórnin.
Framhaldsaðalfundur
Framhaldsaðalfundur Alþýðubandalagsins á Akranesi verður haldinn í
Rein, mánudaginn 29. febrúar kl. 20.30
Á dagskrá: Málefni Reinar. Félagar mætum öll og verum stundvís. Heitt á
könnunni. Reinarkaffið svíkur engan.
Stjórnin
Ólafur Ragnar Steingrímur Margrét
Alþýðubandalagið Selfossi og nágrenni
Almennur stjórnmálafundur
Almennur stjórnmálafundur verður haldinn að Hótel Selfossi,
fimmtudaginn 25. febrúar kl. 20.30.
Frummælendur: Ólafur Ragnar Grímsson formaður Alþýðubandalagsins,
Steingrímur J. Sigfússon alþm. og Margrét Frímannsdóttir alþm. Fyrir-
spurnir og frjálsar umræður. Allir velkomnir. — Stjórnin.
Kynning
á skipulagi ráðhúsreits í
Reykjavík
Að tilmælum félagsmálaráðherra hefur borgar-
ráð Reykjavíkur samþykkt að fram fari viðbótar-
kynning á skipulagi ráðhúsreits í Reykjavík.
Kynning þessi verður hjá Byggingarþjónust-
unni, Hallveigarstíg 1, frá föstudeginum 26. fe-
brúar til föstudagsins 25. mars 1988 og verða
uppdrættir og önnur fylgigögn almenningi þar til
sýnis. Opið verður mánud. til föstud. frá kl. 10 til
18. Athugasemdum skal skila skriflega til Borgar-
skipulags Reykjavíkur, Borgartúni 3, eigi síðar en
kl. 16.15 föstudaginn 25. mars n.k.
Reykjavík, 23. febrúar 1988
Borgarstjórinn í Reykjavík
MINNING
Garðar Sigfússon
Fœddur 6. 4. 1924 - Dáinn 15. 2. 1988
í dag er til grafar borinn Garð-
ar Sigfússon bifreiðastjóri, vinur
minn og samstarfsmaður hjá
Strætisvögnum Kópavogs um
margra ára skeið. Garðar var að-
eins 63 ára þegar hann lést og
ætíð í fullu starfi. Kom því fregn-
in um andlát hans mjög á óvart þó
að kunnugir vissu að hann gekk
ekki lengur heill til skógar.
Garðar Sigfússon var fæddur 6.
apríl 1924 að Stóruhvalsá í Hrúta-
firði. Hann var 8. f röðinni af 14
systkinum. Foreldrar hans voru
hjónin Kristín Gróa Guðmunds-
dóttir og Sigfús Sigfússon bóndi
að Stóruhvalsá. Ungur að árum
var Garðar látinn í fóstur til hjón-
anna Óíafíu Sæmundsdóttur og
Eiðs Jónssonar á Kjörseyri við
Hrútafjörð og ólst hann upp hjá
þeim hjónum að Kjörseyri og á
Brandagili. Ungur vandist hann
öllum störfum við landbúnað og
sjóróðra. Sautján ára gamall fór
hann svo með eldri bróður sínum
Steingrími til Patreksfjarðar og
stundaði hann sjómennsku það-
an og frá fleiri stöðum á Vest-
fjörðum um nokkurt skeið. Rúm-
lega tvítugur að aldri flutti hann
svo til Reykjavíkur eins og fleiri
ungir menn af landsbyggðinni á
þeim árum. Fyrstu tvö árin vann
hann við landbúnaðarstörf að
Bessastöðum en fór síðan að
stunda akstur leigubíla og strætis-
vagna og var mjög farsæll og vel
látinn í því starfi. Næst tók Garð-
ar við starfi lögregluþjóns hér í
Kópavogi og síðar var hann
starfsmaður við rafvirkjanir á há-
lendinu. Nýlega var hann svo tek-
inn við starfi húsvarðar í fjölbýlis-
húsi að Espigerði 2. Garðar Sig-
fússon var traustvekjandi maður í
allri framkomu, skýr í hugsun og
yfirvegaður í málflutningi. A
uppvaxtarárum Garðars var
þröngbýli mikið og fátækt í sveit-
um landsins. Framhaldsnám að
loknum barnaskóla var aðeins
fjarlægur draumur hjá ungu fólki
frá stórum fjölskyldum. Strax um
fermingaraldur fóru unglingarnir
í fullt starf við búskapinn eða
aðra vinnu hvar sem hana var að
fá.
Það fór því eftir upplagi og
áhuga hvers einstaklings hvernig
til tókst um öflun almennrar
menntunar sem nú stendur öllum
opin. Garðar Sigfússon settist
aldrei á skólabekk eftir að hann
laun námi í barnaskóla en hann
náði ótvírætt góðum árangri í
sínu sjálfsnámi. Það fékk hann
staðfest þegar hann sótti nám-
skeið lögreglumanna, en þar fékk
hann viðurkenningu fyrir með-
ferð sína á íslensku máli. Garðar
var söngmaður góður og unnandi
tónlistar. Hann tók lengi þátt í
starfi karlakóra í Reykjavík og í
Samkór Kópavogs.
Á aðfangadag jóla árið 1950
giftist Garðar Sigfússon eftirlif-
andi eiginkonu sinni Emilíu
Böðvarsóttur, en þau höfðu þá
búið saman í Reykjavík um
þriggja ára skeið. Emilía var, eins
og Garðar, fædd og uppalin við
Hrútafjörðinn. Hún er dóttir
hjónanna Ólafar Sigurjónsdóttur
og Böðvars Eyjólfssonar sem
bjuggu á Kjörseyri og síðar á Bæ í
Strandasýslu.
Árið 1953 fluttu þau Garðar og
Emilfa í Kópavog og keyptu litla
íbúð að Digranesvegi 26. Þau
hjónin eignuðust 6 börn sem öll
eru nú uppkomin og hafa stofnað
sín eigin heimili. Auk þess tóku
þau að sér vandalausa stúlku á
barnsaldri og ólu hana upp sem
sína dóttur. Hún hét Ragnheiður
Edda Hallsdóttir. Hún lést af af-
leiðingum slysfara árið 1974.
Börn þeirra Emilíu og Garðars
eru talin hér í aldursröð: Garðar
Kári vélstjóri við Laxárvirkjun,
Ragnheiður Ólafía búsett í Kópa-
vogi, Hreimur Heiðar bílamálari,
búsettur í Kópavogi og Kristín
Sigfríður sjúkraliði, búsett á Sel-
tjarnarnesi.
Garðar Sigfússon var vagn-
stjóri hjá Landleiðum hf. þegar
það fyrírtæki hóf morgunferðir
strætisvagna hér um hálsinn.
Hann varð því fyrstur manna til
að aka strætisvögnum hér í bæn-
um. Þegar Strætisvagnar Kópa-
vogs voru stofnaðir 1. mars 1957
var Garðar ráðinn þar vagnstjóri.
Á þeim vettvangi vorum við
nánir samstarfsmenn um 12 ára.
skeið. Frá þeim árum á ég honum
mikið að þakka eins og fleiri sam-
starfsmönnum mínum. Fyrstu
árin gengu vagnstjórar í öll störf
sem vinna þurfti hjá fyrirtækinu
og er mér minnisstætt hvað Garð-
ar var jafnan fús til að taka auka-
vaktir, jafnvel næturvaktir við að
hreinsa vagnana. Þá voru allir
starfsmennirnir samstilltir um að
láta fyrirtækið vinna sér fastan
sess í bæjarlífinu.
Á fyrstu mánuðum Stræti-
svagna Kópavogs lentum við
Garðar í erfiðu verkefni.
Kaupdeila vagnstjóra stóð yfir
hjá Strætisvögnum Reykjavíkur
og Landleiðum hf. Þá þurftu
vagnstjórar hjá Strætisvögnum
Kópavogs einnig að semja um sín
laun við okkar nýja fyrirtæki sem
þá var í mikilli óvissu um sinn
starfsgrundvöll. Þá var Garðar
fulltrúi vagnstjóranna í samning-
unum ásamt Jóni Guðmundssyni
vagnstjóra. Þá hafnaði ég, sem
forstöðumaður fyrirtækisins, at-
vinnurekendamegin við samn-
ingaborðið og var heldur illa
undir það hlutverk búinn. Deilan
var nokkuð hörð og stóðu þeir
félagarnir fast á kröfum sinna
umbjóðenda svo sem þeim bar að
gera. Ég hafði hinsvegar það
hlutverk að sanna tilverurétt
fyrirtækisins og halda um það
góðri samstöðu. Deilan leystist
farsællega rétt áður en til verk-
falls átti að koma og ég held að
við höfum allir fagnað því jafn
mikið. Ég mun ætíð muna þann
drengskap sem þeir félagar sýndu
mér í þessari deilu.
Ekkja Garðars Sigfússonar
Emilía Böðvarsdóttir hefur
mikið misst við sviplegt fráfall
eiginmanns síns. Ég vona að í
djúpri sorg sinni geti hún einnig
litið á björtu hliðar tilverunnar.
Hún er umvafin samúð og um-
hyggju 6 barna sinna og 18 barna-
barna. Slíkan auð eiga ekki allir
til að dreifa sárum söknuði.
Ég sendi Emilíu, öldruðum
föður hennar og allri hennar
stóru fjölskyldu innilegar samúð-
arkveðjur.
Ólafur Jónsson
Listasafnið
Ekki í byggingamefnd
Eftirfarandi athugasemd barst
Þjóðviljanum í gær frá húsa-
meistara ríkisins, Garðari Hall-
dórssyni:
Þar sem nokkurs misskilnings'
gætir í frásögn blaðsins af stöðu
undirritaðs, þar sem ég virðist
vaka eins og þríhöfða þurs yfir
þeirri úttekt, sem fram fer á bygg-
ingarkostnaði Listasafns íslands,
þá óska ég eftir að koma eftirfar-
andi atriðum á framfæri:
1. Undirritaður hefur ekki átt
sæti í byggingarnefnd Lista-
safns íslands, en setið fundi
byggingarnefndar, sem ráð-
gjafi (arkitekt hússins), þegar
þess hefur verið óskað.
2. Undirritaður hefur ekki unnið
þær kostnaðaráætlanir (fjár-
mögnunaráætlanir), sem for-
maður byggingarnefndar vísar
til að gerðar hafi verið á árun-
um 1986 og 1987. Þær áætlanir
voru gerðar af framkvæmda-
deild Innkaupastofnunar ríkis-
ins. Þær áætlanir tóku mið af
stöðu verksamninga, þ.e.
hvernig uppgjör við verktaka
stóð á hverjum tíma, en einnig
var í sérhverri áætlun lagt mat
á ólokna verkþætti, sem ekki
voru þá þegar
samningsbundnir. Undirritað-
ur sem arkitekt svo og aðrir
hönnuðir, hver á sínu sérsviði,
gerðu fyrir framkvæmda-
deildina áætlanir um þá verk-
þætti, sem ekki voru þá þegar
samningsbundnir. Slíkar áætl-
anir byggðu á forsendum, sem
lagðar voru fyrir byggingar-
nefnd á hverjum tíma.
3. Samstarfsnefnd um opinberar
framkvæmdir hefur falið fram-
kvæmdadeild Innkaupastofn-
unar ríkisins og embætti húsa-
meistara ríkisins „að fara sam-
eiginlega yfir allt fjárhags-
dæmi byggingar Listasafns Is-
lands við Fríkirkjuveg og finna
á því skýringar hvað valdi því,
að framkvæmdir hafa farið
fram úr kostnaðaráætlun." Er
nú unnið að þessari athugun.
Til þess að vanda þessa yfir-
ferð svo sem framast er unnt
fékk ég sérstakan sjálfstæðan
ráðgjafa, sérfræðing á sviði
byggingareftirlits og uppgjörs
á byggingaframkvæmdum, til
þess að vinna fyrir hönd emb-
ættis húsameistara ríkisins að
nákvæmri og faglegri niður-
stöðu þessa verkefnis í sam-
vinnu við framkvæmdadeild
ríkisins.
Undirritaður væntir þess að
niðurstaða fáist hið fyrsta í þessu
máli, enda orðið mjög svo brýnt,
að byggingarnefnd Listasafnsins
fái þau gögn í hendur að hún geti
skilmerkilega gert grein fyrir
byggingarkostnaði framkvæmd-
anna í heild.
Reykjavík 23.02. 1988
Garðar Halldórsson
húsameistari ríkisins
6 SÍÐA - ÞJÓÐVILJINN Miðvikudagur 24. febrúar 1988