Þjóðviljinn - 02.03.1988, Blaðsíða 14

nlÐNTÆKNISTOFNUN
ÍSLANDS
Útboð
Iðntæknistofnun íslands óskar eftir tilboðum í
sjálfvirkan búnað á pökkunarlínu í málningariðn-
aði.
Verkið nær til hönnunar, smíði, uppsetningar og
prófunar.
Útboðsgögn verða afhent hjá Iðntæknistofnun
íslands, Keldnaholti gegn 5000 kr. skilatrygg-
ingu, frá og með fimmtudeginum 3. mars 1988.
Verkefnið verður kynnt sérstaklega fimmtudag-
inn 10. mars 1988 kl. 16.00 á Iðntæknistofnun
íslands. Sýnt verður myndband af pökkunarlín-
unni og sagt frá því sem um er að ræða.
Tilboðum skal skilatil Iðntæknistofnunar (slands,
Keldnaholti eigi síðar en 14. apríl 1988 kl. 18.00.
Dvöl í Heinesens-húsi
Frá 1. júní 1988 getur listafólk sótt um að fá að
dveljast í húsi Williams Heinesen í Þórshöfn um
ákveðinn tíma. Þeir listamenn, sem vinna að
verk, sem er tengt William Heinesens, og hans
tíð eða fæðingarbæ hans, Þórshöfn, hafa forg-
angsrétt.
Jafnframt geta þeir, sem vinna að rannsóknum,
eða aðrir, sem hyggjast fjalla sérstaklega um
sögu og þróun Þórshafnar, fengið dvalarleyfi.
Umsóknir um dvalarleyfi í Heinesens-húsi skulu
berast bæjarstjórninni í Þórshöfn fyrir 1. apríl
1988.
Tórshavnar Býráð
Vaglið
Boks 32
110 Tórshavn
Auglýsið í Þjóðviljanum
Sími 681333
ALÞÝDUBANDALAGIÐ
Alþýðubandalagið
Hafnarfirði
30 ára
afmælishátíð
Elsta Alþýðubandalagsfélag í landinu, Alþýðubandalagið í Hafnarfirði,
heldur uþþ á 30 ára afmæli sitt, laugardaginn 5. mars n.k. á Garðaholti.
Veislustjóri verður Helgi Seljan fyrrv. alþm. Ávarp Geir Gunnarsson
alþm. Gamanmál og uppákomur. Hljómsveitin Ásar leikur fyrir dansi fram
eftir nóttu.
Húsið opnar kl. 19.00. Borðhald hefst kl. 20.00. Miðaverð 2.500 kr. Eftir
mat kr. 700.
Tryggið ykkur miða hið fyrsta hjá: Jóhönnu s:651347. Hólmfríði s:50342.
fnu s: 51531 eða Katrínu s:54799.
Félagar úr nágrannasveitarfélögunum meira en velkomnir.
Afmællsnefndln
Alþýðubandalagið Kóþavogi
Síðasta spilakvöldið
Þriðja og síðasta spilakvöldið að sinni verður mánudaginn 7. mars n.k. í
Þinghóli og hefst spilamennskan kl. 20.30.
Mætið stundvíslega. Allir velkomnir.
Nefndin
Alþýðubandalagið Kópavogi
Morgunkaffi ABK
Heimir Pálsson bæjarfulltrúi og Snorri Konráðsson fulltrúi í íþróttaráði
verða með heitt á könnunni [ Þinghóli, laugardaginn 5. mars milli kl. 10-12.
Allir velkomnir.
Stjórnin
Birgir Michaelson átti góðan fyrri hálfleik en slakaði of mikið á í þeim seinni
Karfa
KR-ingar rétt náðu að
halda fengnum hlut
Voru yfirfyrir leikhlé en gerðufullt afmistökum í þeim seinni
sem kom þeim nœrri í koll
Það var hörkuspenna í Haga-
skóla í gærkveldi þegar KR og
Valur áttust við í bikarkeppninni.
KR-ingar leiddu fyrri hálfleik
með 13 stiga mun en voru nærri
búnir að glutra því forskoti í
síðari hálfleik. Með góðum Ioka-
spretti náðu þeir þó að halda sín-
um hlut þó tæpt væri 74-72.
Leikurinn var mjög jafn í fyrri
hálfleik þó að Valsmönnum
gengi illa að hitta ofan í körfu
heimamanna. Það var þó jafnt á
flestum tölum 8-8, 9-9,11-11,13-
13, 15-15, en þá náði Birgir Mic-
haelson að hrista upp í þessu með
fallegri þriggja stiga körfu. Eftir
það tóku KR-ingar sig á og náðu
að komast í gott forskot, 34-23.
Þeir hefðu þó getað komist í
meira forskot en nokkur mistök í
vöminni gerðu það að verkum að
Valsarar, sem voru mjög jafnir,
náðu að halda í við þá. Það var
ekki fyrr en undir lok hálfleiksins
að KR náði að auka forskotið enn
meir og komast í 13 stiga mun
52-39.
í síðari hálfleik byrjuðu vestur-
bæingarnir frekar illa. Þeir spil-
uðu hraðari en þeir gátu almenni-
lega ráðið við sem leiddi til þess
að Valsmenn gengu á lagið og
söxuðu á forskotið, 54-47. Þá
tóku heimamenn sig á og sigu
framúr Val í stigafjölda og kom-
ust í 15 stiga mun, 64-49. En aftur
byrjuðu þeir að slaka á og enn
gengu Valsmenn á lagið. KR
gerði hver mistökin á fætur öðr-
um, sendu boltann tvisvar beint í
hendur Völsurum og hittu helst
ekki ofan í körfuna. Munurinn
minnkaði enn meir og komst nið-
ur í 8 stig, 65-58. Símon Ólafsson
og Birgir í KR liðinu tóku sig til
og gerðu 4 stig fyrir lið sitt og var
staðan fljótlega 72-62. Valsarar
náðu þó góðum kafla og gerðu 6
stig í röð, 72-68, KR jók bilið 74-
68, en tíminn var of naumur fyrir
Valsarana þó þeir næðu að skora
4 stig í lokin. KR hélt boltanum í
lok leiksins og sigurinn var í höfn,
74-72.
KR liðið var mjög misjafnt í
leiknum. Símon hirti mörg frá-
köst og Guðni var mjög lipur eins
og venjulega. Ástþór átti góðan
leik, mjög skemmtilegur leik-
maður. Birgir var góður framan-
af en fór að slaka alíískyggilega á í
síðari hálfleik þar til þjálfari KR-
inga tók hann útaf.
Valsarar voru mjög jafnir og
nokkuð góðir. Tómas átti góða
stutta kafla. Hinir stóðu sig nokk-
uð vel þannig að erfitt er taka
einn einstakan útúr. Þeir börðust
allan leikinn og áttu engan slakan
kafla.
Hagaskóli 2. mars
Blkarkeppnin f körfu
KR-Valur 74-72 (52-39)
Stig KR: Birgir Michaelson 18, Guöni
Guðnason 16, Ástþór Ingason 15, Simon
Ólafsson 11, Jóhannes Kristjánsson 11,
Matthías Einarsson 2, Jón Sigurðsson 1.
Stig Vals: Torfi Magnússon 14, Þorvald-
ur Geirsson 14, Jóhann Bjarnason 13, Ein-
ar Ólafsson 13, Leifur Gústafsson 8, Tóm-
as Holton 6, Svali Björgvinsson 4.
Dómarar: Sigurður Valur Halldórsson og
Sigurður Valgeirsson dæmdu sæmilega
en gerðu nokkur mistök enda hraður og
erfiður leikur.
14 SÍÐA - ÞJÓÐVILJINN Miðvikudagur 2. mars 1988